Umi FamilySearch Mandu’akuéra Tembiporu Imba’eguasuvéva
Ko’ã tembiporu nepytyvõta rejapo hag̃ua peteĩ jehejapyre ñemono´õmby umi ogaygua foto, ñemombe’u, documento ha archivo audio-kuéragui, ipyahu ha yma guaréva.
Ehesa’ỹijo Téma Etiketakuéra Pu’aka
Peteĩ Mandu’akuéra ñemono´õ ikatu okakuaa pya’eterei. Peteĩ tape hasy’ỹva nepytyvõtava remohenda ha reguerovy’a umi nde rogaygua mba’e hepyvéva ha’ehína reiporu téma etiketakuéra.
Easigna peteĩ etikéta ndegustaháicha heta mandu’a iñambuévape g̃uarã hasy´ỹve hag̃ua rejuhu umíva. Eimo’ãmi umíva tape mbykyveha umi téma ha tópico rejesarekóva rehe g̃uarã.
Reikuaaukámaparaka’e peteĩ Álbum?
Umi álbum ha’e petĩ tape iporãitereíva oñembojoaju ha ojeikuaauka hag̃ua Mandu’akuéra umi mba´e rehegua ha´évaicha umi tapicha térã evento. Umi tapicha reikuaaukávape oguerovy’akuaa ne mandu’akuéra peteĩteĩ térã peteĩ diapositiva jehechauka ramo.
Embyaty Mandu’akuéra tapicha, ogaygua, evento térã oimeraẽ ambue categoria rupi. Ha’e peteĩ tape iporãitereíva rejapyhy hag̃ua peteĩ ypykue térã ogaygua rekove rehegua ñemombe’u renyhẽngue. Umi álbum ikatu oguereko opaichagua mandu’a—umi foto, ñemombe’u, documento ha archivo audio-pegua—ha ikatu oñemohenda reipotaháicha.
Umi Tape Mykyveha Ne Mandu’akuéra Reguerohoryvévape
Markadorkuéra ha’e umi enlace porogueraháva umi mandu’a ha álbum rehose jeyhápe ag̃ave. Markadorkuéra oñeñongatu Galería-pe.
Eho jey hasy’ỹveháicha umi mandu’akuéra oñemomba´eguasuvévape ha jepeve umi álbum oñemoĩvévape ambuekuéra rupive. Ha’e peteĩ tape ndahasyietéva rejuhu jey hag̃ua umi foto ha ñemombe’u imba’eguasuvéva ndéve g̃uarã.
Ejapo Tapichakuéra Tojejuhukuaaite umi Tapicha Etikéta reheve
Jeetiketa ha’e mba´éichapa rehechakuaa umi tapicha oĩva peteĩ mandu’ápe. Upéva oikotevẽ peteĩ aravo’ínte, ha katu ojeetiketa rire hasy’ỹvéta nde rogayguakuérape ndejuhu hag̃ua ko’ág̃a ha ára oúvape Ogaygua Yvyramátape.
Epoko peteĩ foto-re, ỹramo ehai pe téra “Mávapa oĩ ko mandu’ápe” remoĩ hag̃ua peteĩ etikéta. Reetikéta jave peteĩ tapichápe, emoĩ pe mandu’a upe perfil-pe.
Eñongatupa Oñondive Galería reheve
Ehupi, emohenda ha ehupyty opaite umi nde rogaygua mba’ehepyvéva Galería-pe. Eimo’ãmi upéva centro ramo Mandu’akuéra oñecontrolapaha.
Emohenda ha ehecha ne mandu’akuéra umi álbum-pe. Ikatu reguerova mandu’akuéra nde archivo-pe, ha ejapo markadorkuéra oimeraẽ umi mandu’a ijojaha´ỹvape g̃uarã rejuhuse jeýva hasy’ỹháicha.
