The Piano Guys

Өмнөд Ютагийн төгөлдөр хуурын дэлгүүрт санамсаргүй тохиолдлоор бүтсэн цагаас THE PIANO GUYS хамтлаг нь үл зогсох хөгжмийн хүч болтол нэр хүндтэй болжээ. Тэдний гол гишүүд нь Жон Шмидт (төгөлдөр хуурч, дууны зохиолч), Стивэн Шарп Нэлсон (виолончелист, дууны зохиолч) бөгөөд эрч хүчтэй үзүүлбэр, бүтээлч нэгдэл нь дэлхий даяарх үзэгчдийн анхаарлыг татаж байна.  The Piano Guys нь анхандаа Пол Андерсоны (продюсер, виде�� оператор) үүсгэн байгуулсан YouTube хамтлаг байсан бөгөөд хөгжмийн продюсер, хөгжмийн зохиолч Ал ван дер Бектэй хамтран YouTube-ийг байлдан дагуулж, өнөөдрийн байдлаар тэднийг YouTube-д 2 тэрбум гаруй удаа үзсэн байна. 

2023 онд The Piano Guys сүүлийн хоёр жилийн турш бичсэн сэтгэл хөдөлгөсөн кавер дуунуудын эмхэтгэл болох “Unstoppable” нэртэй 13 дахь цомгоо танилцууллаа. 2011 онд албан ёсоор дебют хийснээс хойш The Piano Guys 13 цомог гаргаснаас, Billboard’s Top Classical Albums жагсаалтад 6 удаа тэргүүн байр эзэлжээ. Тэдний хөгжмийг дэлхий даяар 2 тэрбум гаруй удаа нэвтрүүлсэн бол YouTube суваг дахь видеонуудыг нь 2 тэрбум гаруй удаа үзсэн байна. Тэдний зөвхөн Spotify дуу нь сар бүр ойролцоогоор 2 сая орчим сонсогчтой байна. Жон, Стивэн хоёр дэлхий даяарх аялан тоглолтын бүх хуваарийг зарж дууссан бөгөөд The Piano Guys гэх энэхүү өвөрмөц хамтлаг The New York Times, Fast Company, BuzzFeed, Mashable зэрэг хэвлэлүүдээр хүлээн зөвшөөрөгдөж, CBS Sunday Morning, TODAY Show, Good Morning America, The Tonight Show нэвтрүүлэгт оролцжээ. 

“Ютагийн дунд насны аавуудын классик төрлийн, гадаа байгальд тоглосон хөгжмийн бичлэг амжилт олно гэж эхнээсээ хэн бодох билээ дээ?” гэж Стивэн Шарп Нэлсон хэлсэн. “Бидний дуртай зүйл бол боломжийн хязгаарт байх арга замыг олох явдал юм. Бид та нарын хэзээ ч хамтад нь төсөөлөөгүй-гэхдээ байж болох зүйлсийг нэгтгэх дуртай. Энэ нь эхнээсээ л бидний сэтгэлгээний үндэс байсан” гэв.