The Piano Guys

Talu mei heʻenau fakatahataha taʻeʻamanekina ʻi ha falekoloa piano ʻi ʻIutā Tonga, naʻe fokotuʻu ai ʻe he THE PIANO GUYS kinautolu ko ha kulupu mohu talēniti mo ongoongoa ʻi he malaʻe ʻo e mūsiká. Ko e mēmipa tefito ʻi honau kulupú ko Soni Simiti (tā piano, faʻu hiva) mo Sitīveni Saapa Nalesoni (tā selo, faʻu hiva), ʻa ia ko ʻena ngaahi fakaʻaliʻalí mo e mohu founga ʻo ʻena tā fakatahá, kuó ne tohoakiʻi e tokanga ha kakai tokolahi ʻi he funga ʻo e māmaní.  Naʻe ʻuluaki fokotuʻu ha kulupu YouTube ʻe Paula ʻEnitasoni (tokotaha fokotuʻutuʻu [producer], faitā vitioó [videographer]) mo ha tokotaha fokotuʻutuʻu mo faʻu hiva longomoʻui, ko ʻAla veni tā Piiki , naʻe toʻoa ʻe he The Piano Guys e loto ʻo e tokolahi ʻi he YouTube, kuo laka hake ʻi he 2 Pilioná hono mamataʻí ʻi he YouTube ʻi he taimí ni. 

ʻI he 2023, naʻe tukuange mai ʻe he The Piano Guys ʻena ʻalapama hono 13, “Unstoppable,” ko hano fakatahatahaʻi ʻo ha ngaahi hiva fakafiefia mo ongo fakaeloto ne toe hiki, ʻi he taʻu ʻe 2 kuohilí. Talu mei heʻena kamata fakaʻofisiale ʻi he 2011, kuo tukuange mai ai ʻe he The Piano Guys ha ʻalapama ʻe 13, kau ai ha hiki ʻe ono ne aʻu ʻo fika 1 ʻi he saati Billboardʻs Top Classical Albums. Kuo laka hake ʻi he tuʻo 2 pilioná hono fanongoa ʻena mūsiká ʻi he funga ʻo e māmaní, lolotonga iá kuo aʻu hono mamataʻi ʻena ʻū vitiō YouTube ki he tuʻo 2 pilioná. Ko hono tā ʻena ʻū hivá ʻi he Spotify kuo aʻu ki he kau fanongo ʻe meimei 2 miliona ʻi he māhina. Kuo fakatau atu ʻe Soni mo Sitīveni ha ngaahi feituʻu koniseti ʻi he funga ʻo e māmaní, pea kuo ʻiloa e makehe ʻo e The Piano Guys ʻi ha ngaahi pulusinga hangē ko e The New York Times, Fast Company, Buzzfeed, mo e Mashable, pea hā ʻi he CBS Sunday Morning, TODAY Show, Good Morning America, mo e The Tonight Show. 

Naʻe fehuʻi ange ʻe Sitīveni Saapa Nalesoni, “Ko hai naʻá ne teitei fakakaukau ʻi he kamatá, ʻe fakalakalaka fakaemāmani lahi ha ongo tamai taʻu fāngofulu tupu lahi mei ʻIutā ʻokú na hulu vitiō ʻi natula ʻa ʻena ʻū fasí?” “Ko e meʻa ʻokú ma manako taha aí ko ʻema kumi ha founga ʻokú ma ofi ai ki he tuʻunga ʻoku meimei taʻemalava hano fakahokó. ʻOkú ma saiʻia ke fakatahaʻi ha ngaahi meʻa he ʻikai te mou teitei ʻamanaki te mou maʻu fakataha—ka ʻoku vāofi feʻunga ke ʻuhingamālie. Ko ʻema tūkunga fakakaukau ia talu mei he kamataʻangá.”