Pagsuporta sa Bag-o nga mga Miyembro diha sa Dalan sa Pakigsaad
"Ang atong sagrado nga katungdanan mao ang pagdawat ug pag-abi-abi sa bag-o ug sa mibalik nga mga miyembro. Samtang ang Ginoo nagpadali sa Iyang buhat, kita kinahanglan nga mohigugma, moamuma, ug moserbisyo niadtong kinsa modawat sa Iyang ebanghelyo."—Elder Quentin L. Cook, “Ang Ginoo Nagpadali sa Iyang Buhat”
4 ka Lakang alang sa Bag-o nga mga Miyembro Human sa Bunyag
Ang pagbuhat niining upat ka lakang sa unang semana human sa bunyag moestablisar sa agianan sa paghiusa sa mga pamilya alang sa kahangtoran pinaagi sa mga ordinansa ug mga pakigsaad sa templo.
1
Ang bag-ong miyembro kinahanglang makompirmahan nga usa ka miyembro sa Simbahan.
2
Ang bag-ong miyembro kinahanglang makadawat og rekomend sa templo alang sa puli nga mga bunyag. Kon lalaki, kinahanglan siyang maordinahan una ngadto sa Aaronic nga Pagkapari.
3
Ang bag-ong miyembro kinahanglang imbitaron sa pagsimba diha sa balay sa Ginoo uban ang mga higala sa ward, kon itugot sa mga sirkumstansiya.
4
Ang mga lider mogamit sa Abag sa Ngalan sa Pamilya aron sa pagtabang sa mga miyembro sa pagdala og ngalan sa pamilya* ngadto sa balay sa Ginoo.
*Pagsugod sa usa ka nailhan, namatay na nga sakop sa pamilya aron sa pagwala sa panginahanglan alang sa pagsiksik o dugang nga teknolohiya.
Mga Pamaagi sa Pagpadayon sa Pagpangalagad
Ang mga lider mopaila sa bag-ong miyembro ngadto sa usa ka konsultant sa templo ug family history.
Ang mga konsultant sa templo ug family history moabag sa bag-ong miyembro sa pagdugang sa unsay ilang nahibaloan ngadto sa FamilySearch, nga mosangpot ngadto sa bag-ong mga oportunidad sa templo diha sa Andam na nga mga Ordinansa.
Abagi ang bag-ong miyembro nga magpadayon nga kanunayng moadto sa balay sa Ginoo, kon posible, aron mosimba sa Dios ug mopahigayon og mga ordinansa alang sa ilang mga katigulangan.
Abag sa Ngalan sa Pamilya alang sa Bag-o nga mga Miyembro
Gamita kining yano nga himan nga mogiya sa pag-andam ug pagprinta sa mga kard sa ngalan sa pamilya alang sa mga bunyag ug mga kompirmasyon sa templo.
Pagsugod NaPagpangalagad ngadto sa Bag-ong Nabunyagan nga mga Miyembro
Himamata ang usa ka bag-ong nabunyagan nga pamilya nga moadto sa templo aron sa pagbuhat og mga bunyag alang sa ilang namatay nga mga sakop sa pamilya.
Tan-awa Karon