Pundoka ang mga Pamilya ngadto sa Manluluwas pinaagi sa Tabang sa Ngalan sa Pamilya

Mga Kanunayng Ipangutana

1. Unsa ang kinahanglan nako aron makagamit sa Tabang sa Ngalan sa Pamilya?
   Sa dili pa makigkita sa miyembro, dapita ang miyembro sa paghunahuna sa namatay na nga mga apohan, ginikanan, kapikas, igsoon, o anak, labing maayo sa sama og sekso. Sila kinahanglan nga andam sa paghatag og ngalan, petsa sa pagkatawo o pagkamatay, ug lugar nga natawhan o namatyan aron mahimong kwalipikado ang ngalan para sa templo. Samtang importante kaayo nga makakuha og tukma nga impormasyon, madawat ra ang pagbutang og mga pagbanabana, sama sa tuig lang ug ang ngalan sa nasod.
   
   Kon ang miyembro wala makahunahuna sa apelyido, ang Tabang sa Ngalan sa Pamilya mohatag og opsiyon nga awtomatik nga mangita og anaa na nga mga ngalan sa FamilySearch.
2. Unsa ang katuyoan sa Tabang sa Ngalan sa Pamilya?
   Ang Tabang sa Ngalan sa Pamilya usa ka awtomatik, gipayano nga kasinatian nga mogiya sa mga lider aron sa pagtabang sa miyembro nga sayon makaandam sa mga ngalan alang sa kasinatian sa bunyaganan sa templo.
3. Nganong kinahanglan ko nga mogamit sa Tabang sa Ngalan sa Pamilya?
   Ang Tabang sa Ngalan sa Pamilya motabang sa usa ka miyembro aron makakuha og ngalan alang sa templo sulod sa pipila ka minuto nga wala magkinahanglan sa komplikado nga pagsiksik sa family history. Ang mga miyembro makatutok sa pagbati sa espiritu diha sa templo, pagpalambo sa ilang hugot nga pagtuo, ug sa pagserbisyo sa ilang patay na nga pamilya. Sa kaulahian, samtang sila molambo diha sa ebanghelyo, sila mas makat-on pa mahitungod sa family history ug mopadayon sa usa ka sumbanan sa pagsimba sa templo.
4. Kinsa ang makaakses sa Tabang sa Ngalan sa Pamilya?
   • Ang mga sakop sa bishopric, mga presidente sa branch, mga klerk sa ward, ug mga ehekutibong secretary makagamit niini diha sa Leader and Clerk Resources (LCR), diha sa seksiyon diin ang mga rekomend sa puli nga bunyag giisyu.
   • Ang mga sakop sa konseho sa ward, ang ilang mga sakop sa kapangulohan, ug mga konsultant sa family history maka-access usab niini diha sa LCR. Sa ibabaw sa navigation nga menu, pilia ang Templo, ug dayon pilia ang Motabang sa mga Miyembro sa Pagprinta og Ngalan sa Pamilya.
   • Ang mga sakop sa pamilya, tigpangalagad nga mga kaigsoonan, ug mga higala makatabang usab sa miyembro sa pag-access niini nga kasinatian gikan saTabang sa Ngalan sa Pamilya alang sa mga Tigtabang.
5. Unsaon nako pag-andam sa dili pa mogamit sa Tabang sa Ngalan sa Pamilya?
   Sa dili pa makigkita sa miyembro, dapita ang miyembro sa paghunahuna sa namatay na nga mga apohan, ginikanan, kapikas, igsoon, o anak, labing maayo sa sama og sekso. Sila kinahanglan nga andam sa paghatag og ngalan, petsa sa pagkatawo o pagkamatay, ug lugar nga natawhan o namatyan aron mahimong kwalipikado ang ngalan para sa templo. Samtang mas maayo nga adunay saktong impormasyon, madawat ra ang pagbutang sa mga pagbanabana, sama sa tuig ug ngalan sa nasod lamang.
   
   Kon ang miyembro walay ngalan sa pamilya nga nahunahunaan, ang Tabang sa Ngalan sa Pamilya dayon ang mohatag og opsiyon nga awtomatik nga mangita sa anaa na nga ngalan sa FamilySearch.
6. Unsay mahitabo kon ang miyembro walay account sa FamilySearch?
   Kon ikaw magsugod gikan sa Leader and Clerk Resources (LCR), ang FamilySearch awtomatik nga mohimo og account alang sa miyembro o moakses sa ilang anaa nang daan nga account sa FamilySearch. Ang Tabang sa Ngalan sa Pamilya naghatag usab og mga instruksiyon aron pagtabang sa miyembro sa pagdugang og username ug password aron sa pag-akses sa bag-ong gihimo nga account.
7. Unsay mahitabo sa impormasyon nga gibutang diha sa Tabang sa Ngalan sa Pamilya?
   Ang mga ngalan sa pamilya ug mga relasyon ma-save diha sa tree sa miyembro sa FamilySearch. Ang mga miyembro makaakses sa impormasyon sa Family Tree diha sa FamilySearch.
8. Ang pagsumiter ba sa mga ngalan pinaagi sa Tabang sa Ngalan sa Pamilya makita diha sa Family History Activity Report (FHAR)?
   Oo, kon motabang ka sa usa ka miyembro sa pagprinta sa mga ngalan gamit ang Tabang sa Ngalan sa Pamilya, kana nga miyembro maihap isip usa ka tigsumiter diha sa Family History Activity Report (FHAR). Kini nga report mogawas matag bulan, sa tunga-tunga sa bulan. Ang bag-ong mga tigsumiter dili dayon makita sa report kondili sa sunod bulan nga report.

Dugang nga mga Kapanguhaan