Ang Pag-sponsor sa Simbahan

Ang mga pagbati sa koneksiyon sa pamilya makatabang kanato nga mabuntog ang mga kalisod sa kinabuhi. Ang Simbahan ni Jesukristo sa mga Santos sa Ulahing mga Adlaw naggasto sa FamilySearch aron sa pagtabang sa mga tawo nga makakuha og kusog gikan sa ilang mga relasyon sa pamilya—kaniadto, karon, ug sa umaabot. Makakat-on kamo og dugang mahitungod sa mga pagtulun-an sa Simbahan nga may kalabotan sa mga pamilya diha saComeUntoChrist.org.

Ang personal ug pamilya nga impormasyon nga imong idugang ngadto sa FamilySearch gamiton aron sa pagtabang kanimo sa pagdiskobre, pagpreserba, ug pagpaambit sa imong istorya sa pamilya. Dili gayod kini ibaligaya ngadto sa laing mga kompanya. Ang impormasyon kabahin sa buhi pa nga pamilya gipabilin nga pribado nganha kanimo, samtang ang mga detalye sa genealogy sa imong patay na nga mga katigulangan gipakigbahin ngadto sa ubang mga maniniksik diha sa komunidad sa Family Tree.

Ang family history mahimong usa ka tinubdan sa inspirasyon, hingpit nga kalipay, pagkaayo, katin-awan, pagsabot sa pagbati sa uban [empathy], ug kalinaw. Naglaom kami nga tanan sa katawhan sa kalibotan makasinati niini nga mga pagbati sa ilang mga kinabuhi samtang magpadayon sila o maghimo og mga tradisyon sa pamilya nga magsaulog sa ilang mga katigulangan.