Veidinadinati ni Lewe ni Vakatutu ni FamilySearch

Na FamilySearch e Vuravura (“FamilySearch”, “o keitou”, “keda”, se dua na vosa e tautauvata e dua na mataisoqosoqo sega ni rawatubu. Na ilesilesi vakalawa kei na veiqaravi ni FamilySearch e cokotivata kei na tabaivola kei na ivakavakayagataki tale eso ni dua na itukutuku se ivola oni cau mai kina ena FamilySearch.org (na “Mataveilawa” oqo) e yalani vakatabakidua mai na iVakarau ni Kena Vakayagataki na Mataveilawa oqo (na “iVakarau ni Kena Vakayagataki”) kei na Veidinadinati ni Lewe ni Vakatutu ni FamilySearch oqo (na “Veidinadinati” oqo). Na Veidinadinati oqo e tokaruataka/se tokona na iVakarau ni Kena Vakayagataki; e sega ni sosomitaka na iVakarau ni Kena Vakayagataki. Na iVakarau ni Kena Vakayagataki kei na Veidinadinati oqo rau sa semati vata me vaka ga rau sa tautauvata vakavosa, ena kena sa tu vei rau yadua. Ena kena vakacurumi, soli, se vakau e dua na itukutuku se ivola kina dua na tiki ni Mataveilawa oqo, o sa vakadonuya kina na iVakarau ni Kena Vakayagataki kei na lewa kei na ivakarau kece ni Veidinadinati oqo.

1. O Lewa Ga na Nomu iTukutuku O Vakacuruma. Na vakatulewa me tabaki ena monalivaliva na itukutuku, lewena, itukutuku ni kawa, iyaloyalo, volavola, ivolatukutuku, ikatokatoni, veivosaki, ivakamacala, se na ivola tale eso (cokoti vata kei na tamata yadua, se “Tukutuku Wasei”) kina Mataveilawa oqo sa nomu lewa ga. Na Tukutuku Wasei kece o vakavodoka ki na Mataveilawa oqo ena rawa me vakaraitaki vei ira eso mera vakasaqaqara, raica, rogoca, ka vakayagataka ena iVakarau ni Kena Vakayagataki kei na Veidinadinati oqo. Mo kakua ni cau mai ena dua na ka o sega ni vinakata mera raica o ira na tamata.

2. Dodonu me Vakau. Nio vakacuruma na Tukutuku Wasei kina Mataveilawa oqo, o sa vakadeitaka ni sa tu vei iko na dodonu vakalawa mo cau ena iTukutuku Wasei vaka oqo ka yaco na kena vakacurumi kei na kena vakayagataki sa virikotori tu ena iVakarau ni Kena Vakayagataki kei na Veidinadinati oqo ena sega ni voroka na nodra dodonu ko ira na tamata tale e so, dodonu me kena kacivaki raraba, dodonu ni konitaraki, dodonu ni kena lavetaki, se dodonu tale eso ni kena taukeni. Nio sa vakadeitaka na nomu dodonu vakalawa me vakacurumi na Tukutuku Wasei, o sa ciqoma ni sa nomu na lewa vakalawa me keimami (kei ira a tauri laiseni vei keimami’) vakayagataka na nomuni Tukutuku Wasei.

3. Dodonu ni Lavelavetaki. Eda sa na qaqarauni kina dodonu ni lavelavetaki kei na nodra dodonu tale eso ni taukeni ni iyauqaqa. Mo qarauna na lewena, oka kina na itaba, italanoa, kei na veika e sotavi, kevaka sara mada ga a vakau ki na dua na tiki ni Mataveilawa oqo e sa veiganiti vei iko, sa nona tikoga o koya a bulia se vakacuruma mai. E sega ni dodonu mo na lavetaka tale ke sega ni vakadonuya o kena itaukei. Na kedra itaba na tamata yadua era bula tiko, vakavo ga o ira na luvemu gone lailai, e sega ni dodonu me vakau kevaka era sega ni vakadonui. Ni sa caka e dua na katoni e dua na itukutuku / se rorogo, na lewena e nomu sa katoni me nomu ga, se na kena caka ni dua tale (me vakataka e dua na serekali se na itukutuku), me vakayagataki ena veivakadonui nei koya e taukena.

4. Laiseni kei na Dodonu e Soli Vei Keitou. Ena kena vakauti na Tukutuku Wasei ni Lewena kina Mataveilawa oqo, o sa solia tiko kina vei FamilySearch e dua na laiseni sega ni yalani, saumi vakataucoko, galala ena ivakacavacava, e vuravura raraba, sega ni bokoci rawa, veivakalaisenitaki, ka sega ni mudu me na vakayagataka e dua kei na Tukutuku Wasei kece o vakauta mai se na nomu vakarautaka kina Mataveilawa oqo, ena dua kei na inaki kece sara, ena dua se iwalewale kece sara, kei na dua kei na ivakarau kece ni itukutuku raraba, ena neitou lewa ga, sa veiganiti me toso kina na neitou ilesilesi ni kena tokoni cake na tuva kawa kei na vakadidike ni tuva kawatamata. Me tiki ni laiseni oqo, o sa solia tiko vei keitou na veivakadonui tawayalani me lavetaki, vakaraitaka vakararaba, vakauta, kaburaka, vakayagataka vakararaba, veisoliyaka, soli laiseni kina, bulia kina na cakacaka veisemati (oka kina, ena kena sega ni yalani, ni cokotivata kece se dua na tiki ni nomu Tukutuku Wasei vata kei na cau tale eso se ena kena moici na nomu Tukutuku Wasei), se na kena vakayagataki (ka vakatarai ira tale eso me ra vakayagataka) na nomu Tukutuku Wasei ki vuravura taucoko, ena sala cava ga e ganiti keitou (vakalivaliva se dua tale, oka kina ena Initaneti).

5. Dodonu Vinaka ni Tukutuku Wasei. O sa vakadonuya mo vakarautaka na itukutuku e dina, dodonu, ka taucoko vei keitou. Kevaka e dua na itukutuku o vakarautaka, ena neitou lewa ga vakatabakidua, e lasu se veivakacalai, sa neitou dodonu, sega ni ilesilesi, me tau e dua na lewa ni veivakavinakataki se itatarovi sa ganiti kina ena neitou lewa ga vakatabakidua, oka kina na kena vakatabui me vakayagataki, bokoci, se veisautaki e dua na nomu Tukutuku Wase.

6. Yadrayadravaki Vei Ira Eso Tale na Dauvakayagataka. Keimami sa kerei kemuni moni digidigi vakamatau ena nomuni vakauta mai na nomuni Tukutuku Wasei. E neitou na dodonu me keitou vagalalataka e dua na Tukutuku Wasei keitou vakabauta, e neitou lewa ga vakatabakidua, na (a) sega ni veiganiti, (b) e veivakaleqai se vakamaduataka e dua na tamata e bula tiko, (c) e veivakacacani, vakasisila, sega ni veiganiti, vakarerevaki, se veivakalolomataki, se (d) voroka na Veidinadinati oqo, na iVakarau ni Kena Vakayagataki, se na Vakacurumi na iDusidusi kei na Lawatu. Sa rawa talega me keitou taura eso na vakatulewa, oka kina na kena vakatabui na kena vakayagataki ena vuku ni voroki na Veidinadinati oqo ka ripotetaki ki na tabana ni lawa me baleta eso na cakacaka e rairai ena neitou lewa ga vakatabakidua, ni ra sa voroka na veilawa eso era sa virikotori tu.

7. Tukutuku Taveloni. Sa neitou dodonu, sega ni ilesilesi, me keitou dikeva ka veisautaka na nomuni Tukutuku Wasei. Keitou na vakayagataka na iyaya vakamisini ni vakadidike me tarovi na Tukutuku Wasei e neitou nanuma ni baleta e dua na tamata e bula tiko se sa voroka na iVakarau ni Kena Vakayagataki se Veidinadinati oqo. E dina ga ni sega ni neitou ilesilesi me keitou na cakava, sa neitou na dodonu me keitou veisautaka na Tukutuku Wasei ena kena inaki dina.

8. Qarauni Vakavinaka na iTukutuku Vakacurumi. Sa neitou inaki me vakayagataki na sasaga veiganiti eso me maroroi na dodonu ni nomuni Tukutuku Wasei ka tarovi na cala eso se vagalalataki eso na lewe ni Mataveilawa oqo. Keitou na vakarautaka na madigi me vakau na Tukutuku Wasei e salavata ki na iVakarau ni Kena Vakayagataki kei na Veidinadinati oqo. Na veiqaravi vakaoqo kei na Mataveilawa oqo era sa vakarautaki tu ena “ITUVAKI O YA”, ka sega kina na neitou lewa se beitaki ena vuku ni cala se yali ni dua na lewena o na rawa ni raica ena Mataveilawa oqo, se dua na ka e yali, vakacacani, se vakailowataki ni Tukutuku Wasei o vakauta mai. Sa rawa mo taura lesu e dua na nomu Tukutuku Wasei mai na Mataveilawa oqo, ia ena sega ni gadrevi me keitou vagalalataka e dua na isema se itukutuku ki na Tukutuku Wasei sa tauri lesu. Me kena ikuri, o sa vakadinadinataka ka duavata ni gauna ga keitou sa veivakalaisenitaki tale ena nomu Tukutuku Wasei kivei ira eso, ena rairai sega ni neitou na ilesilesi, mera na tarovi kina o ira keitou sa vakalaisenitaki ira mera vakayagataka na Tukutuku Wasei vakaoqo. Keitou na sega ni beitaki ena vuku ni dua na vakacaca digitaki se kena revurevu ni oti nomu vakauta mai na Tukutuku Wasei se neitou sega ni ciqoma na nomuni Tukutuku Wasei. Yalovinaka raica na iVakarau ni Kena Vakayagataki me baleta na ikuri ni itukutuku.

9. Lawa Veitaqomaki ni iTukutuku. Kevaka o tiko ena taudaku kei Amerika, o sa duavata kina kena vakarautaki mai Amerika e dua na itukutuku ni tamata yadudua o sa vakauta mai. O sa duavata talega mo vakamuria na lawa kece sa virikotori tu me baleta na vakadewataki ni itukutuku vakatamata yadua e vakau yani se vakau mai Amerika kei na matanitu o vakaitikotiko kina.

10. Na Lawa ni Cakacaka. Yalovinaka wilika sara vakavinaka na iwasewase ni Lawa ni Cakacaka ni iVakarau ni Kena Vakayagataki, vata kei na veiwase kece eso ni iVakarau ni Kena Vakayagataki, sa vakayagataki tiko ena Veidinadinataki oqo.

Vakavoui ena 2023-09-01