Ulabaleta ki na Lewe ni Ulutaga levu
FamilySearch
Dolava na Akaude

iVakarau ni kena vanua Vakayagataki FamilySearch

Vakavoutaki ena 2023-09-01

Eso na vanua ena gadreva na veisau ena vuku ni gagadre vakalawa

Ni da vakayagataka na mataveilawa (“mata”) oqo, o sa vakadonuya na ivakarau sa koto ena (“Veidinadinati oqo”). Kevaka o sega ni duavata kei na dua na ivakarau ni Veidinadinati oqo, kakua ni vakayagataka na mata oqo. E neitou na dodonu me veisau na Veidinadinati oqo ena gauna cava ga, yalovinaka qai dikeva na veisau ena Veidinadinati oqo ena veigauna o vakayagataka kina na mata oqo. Ena nomu tomana tikoga na nomu vakayagataka tikoga na mata oqo ni oti na kena kabiri na veisau ena Veidinadinati oqo e kena ibalebale ni ko sa ciqoma na veisau oya.

"Licenses and Restrictions” se nai Laiseni kei na Vakatatabu

Na mata oqo, ka sa vakatabui me baleta na tuvakawa kei na dikevi ni kawa, e cicivaka na “FamilySearch International”, e dua na kabani sega ni rawatubu e “Utah” ka tiko na kena valenivolavola e “Salt Lake City”, “Utah”, Amerika (ena loma ni itukutuku oqo “FamilySearch”, “eda”, “keda”, noda”, se dua tale na vosa tautauvata), e dua na isoqosoqo sega ni rawatubu ka semati vata kei na Lotu i Jisu Karisito ni Yalododonu Edaidai (“Lotu”). Na veika kece e kune ena mata oqo (oka kina na iyaloyalo, volavola, aikoni, ivakaraitaki, kato ni itukutuku, itukutuku vakaraitaki, ivoli, veiqaravi, kei na itukutuku) e taukena se vakalaisenitaki vakadodonu mai vei keda.   

Vakavo kevaka e sega ni vakadonui, sa rawa ni o raica, lavetaka, ka tabaka na veika kece mai na mata oqo mo vakayagataka ena nomu inaki yadua ga ka sega ni rawailavo mai kina, se mo vakayagataka ena nomu itavi bole vakadautuvatuva vakamatanivola ena Parokaramu ni “FamilySearch Indexing” ka kovuti ena “FamilySearch Indexing Program Terms and Conditions” se na “FamilySearch Indexing Software License Agreement”.

Mo kakua ni kabira e dua na lewe ni mata oqo ena dua tale na mataveilawa se ena dua na isema monalivaliva ke sega na neitou veivakadonui Mo kakua ni vakauta se veivotayaka na lewe ni mata oqo ki na so tale na mata. Mo kakua ni vakayagataka na mata oqo se itukutuku eso mai na mata oqo (oka kina na yacadra kei na nodra itikotiko o ira era a soli itukutuku mai) me volitaki se kacivaki kina na ivoli se veiqaravi saumi, me ra vakayarayarataki mai kina nomu dauvolivoli, se dua tale na inaki vakabisinisi.

E rawa ni ra vakayagataka na kenadau ni tuvakawa na mata oqo, na noda “App” ena talevoni veikauyaki, se na iyaya ni vale ni tuvakawa me ra vakelia kina na itukutuku ka vakarautaka na ivolatukutuku vua e dua me vakayagataka me baleta e dua ena dua na inaki sega ni vakabisinisi. Ia, na kenadau ni tuvakawa me kakua ni veivakayarayarataki se tuvaka vakabisinisi, kacivaki koya, se veisaumi ena mata oqo se ena dua na noda iyauqaqa.

Me kena ikuri, e rawa ni vakayagataki na veika e maroroi tu ena mata qo mai vei ira na daunitukutuku me baleta nai tukutuku vakavanua vakavo kevaka e vakaraitaki tu me kua. Na ivakavakayagataki kece tale ni itukutuku se iyaragi e kunei ena mata oqo, oka kina na nodra vakayagataka na isoqosoqo se veitabana vakalawa, e sega ni vakatarai kevaka e sega na kena ivola veivakadonui taumada mai vei keitou. (Raica na “Permission to Use Copyrights and Trademarks” se na Veivakadonui me Vakayagataki na iYaya Taqomaki Vakalawa kei na iVakatakilakila Tudei” e ra).

Me ilutua ni veika kece sa tukuni toka e cake, e neitou duadua ga na lewa kei na dodonu me veivakuwai, se yalana na vakayagataki ni mata oqo, oka kina na kena tabaki tale kei na kena ivakavakayagataki tale eso ni dua na iyaya e tu ena mata oqo. E sega ni neitou itavi, me keitou lewa se cava na ibalebale ni “vakayagataki vakadodonu” vei ira na tamata era gadreva me ra vakayagataka na iyaya mai na mata oqo. Oqori e nodra itavi vakatabakidua na tamata era vakayagataka na mata oqo. Me kena ikuri, e sega ni gadrevi me keitou solia na ikuri ni vosacavu, se me vakadeitaki ni iyaya ena mata oqo era sa vagalalataki me baleta na kena ivakavakayagataki duatani tale eso. Na itavi oqori e nona vakatabakidua talega na tamata yadua era vakayagataka na mata oqo. Ia, e tikoga vei keitou na dodonu me keitou tarova na voroki ni lawa ni noda iyaya ka vakadewataka na “vakayagataki vakadodonu” me vaka na neitou kila na lawa.

Na mata oqo e sega ni kena inaki me vakayagataki e Rusia, o koya e sega kina ni dodonu me vakayagataki e lomai Rusia.

“Permissions to Use Copyrights and Trademarks” se Veivakadonui me Vakayagataki na iYaya Taqomaki Vakalawa kei na iVakatakilakila Tudei

Me kerei na veivakadonui me vakayagataki na noda iyaya taukeni se nodra o ira era semati mai se ivakatakilakila taukeni, yalovinaka muria na isema oqo:

                     “Request Permission” se Kerekere ni Veivakadonui

Me kilai: Na gauna me qai ciqomi kina na kena isau e rauta ni 45 na siga. Na kerekere me baleta e dua na iwiliwili levu ni iyaya ena rawa ni balavu cake.

“Other Requests” se Kerekere Tale Eso

E rawa tale ga ni vakau na kerekere ena dua vei ira na mataveilawa oqo.

“Registration Obligations” se iTavi ena gauna ni Volayaca

Niko vakasamataki na kena vakayagataki na mata oqo, o vakaraitaka tiko ni (a) o sa wilika ka vakadonuya na kena ivakarau ni Veidinadinati oqo, kei na (b) e dodonu vakalawa mo volayaca (kevaka e gadrevi) mo vakayagataka na mata oqo kei na so tale na mata era isema vata kei na “FamilySearch”. Kevaka o vakacuruma na kemu itukutuku vakatamata yadua ki na mata, o sa duavata mo vakarautaka na itukutuku dina, dodonu, vakadonui, ka taucoko me baleti iko (oka kina ena gauna ni volayaca) ka mo maroroya me vakadonui ka dodonu vinaka tiko na kemu itukutuku, kevaka ena yaco na veisau. Kevaka o ni solia na itukutuku lasu, sega ni donu vinaka, sega ni veiganiti, se itukutuku se iyaloyalo cala vakalawa, sa rawa ni keitou vakarubeca tu vakawawa se muduka na nomu akaude kei na nomu vakayagataka na mata oqo. Ena gauna ni volayaca, ena kerei mo ni bulia e dua na yaca ni curu kei na vosanicuru me rawa ni curumi kina na iwase eso ni mata oqo se so tale na mata veiwekani ni “FamilySearch”. Sa nomu itavi na kena maroroi me kua ni dua e kila na yacamu ni curu kei na vosanicuru. Sa nomuni na icolacola na veika kece e yaco ena vakayagataki ni nomu yaca ni curu kei na vosanicuru. Kevaka me dua e vakayagataka na nomu yaca ni curu kei na vosanicuru, ena dua na ivakarau me voroki kina na ivakarau ni Veidinadinati oqo, o na tarogi ena vuku ni nona ivalavala ka na rawa ni vakarubeci tu vakailawa se muduki na vakayagataki ni nomu yaca ni curu.

“Licenses and Rights Granted to Us” se na Laiseni kei na Dodonu sa Soli vei Keitou

Me veisa ni nomu vakayagataka na mata oqo kei na/se neitou maroroya tu na itukutuku cava ga mo vakauta mai, o sa solia vei keitou na veivakadonui sega ni yalani, saumi oti, sega ni vakaicavacava, roboti vuravura taucoko, sega ni bokoci rawa, rawa ni wasei na kena laiseni, kei na laiseni veisolitaki me keitou vakayagataka e dua se itukutuku taucoko, lewena, kei na iyaya tale eso (vakailawalawa “Contributed Content” se Lewena Cauraki Mai) o vakauta se vakarautaka mai ki na mata oqo (oka kina, sega ni vakaiyalayala, na itukutuku ni tuvakawa, iyaloyalo, volavola, itukutukuvolai, iyaya, katokatoni, veivosaki, itukutuku soli, kei na itukutuku monalivaliva baleti ira era sa mate se dua tale na ka) me baleta e dua se na inaki kecega, ena dua se iwalewale kecega, ena dua se tabana kecega vakaitukutuku, keitou, ena neitou vakatulewa vakataki keitou nanuma ni veiganiti me baleta na tosoi tiko ni neitou veiqaravi me keitou vakatetea na tuvakawa kei na kena dikevi. Me tiki ni laiseni oqo, ko sa solia vei keitou na veivakadonui me lavetaki, vakaraitaka raraba, vakauta vakalivaliva, kaburaka, vakaraitaka e matanalevu, veivotayaka, ka vakayagataka (ka vakatara vei ira tale eso me ra vakayagataka) na Lewena Cauraki mai na vuravura taucoko, ena iwalewale cava ga keitou nanuma ni ganita (vakalivaliva se kevaka e sega, oka kina ena initaneti). O na kila talega ka duavata me vaka ni okati ena laiseni oqo, sa tu vei keitou na dodonu me keitou bulia (ka vakatara vei ira tale eso me ra bulia) ka vakayagataka na cakacaka vakatotomuri mai na Lewena Cauraki ena kena cokoti vata taucoko se dua na kena iwase vata kei na nodra eso tale era cau mai se ena nomu vakavouya na Lewe ni nomuni Cau.

“Collaboration with Others” se Na Veimaliwai vata kei ira tale eso

O sa duavata ni dua na inaki taumada ni mata oqo me rawa kina ni ra veivosaki o ira era vakayagataka na mata oqo kei na veimata tale eso kevaka era vinakata me ra vakarabailevutaka na nodra kato ni itukutuku ni kawa kei na nodra kila ka. Mo vakadinadinataka ni rawa me keitou vakayagataka na Lewena Cauraki, oka kina na kedra itukutuku vakatamata yadua na tamata se bula, o vakauta mai me ia kina na veitalanoa kei na veiwasei kei ira tale eso kei na mataisoqosoqo (oka kina na isoqosoqo vakabisinisi ni dikevikawa) me rawa kina, kena ivakaraitaki, me buli e dua na ituvatuva ni matavuvale kena inaki me valevutaki na vakaitavi ena tuvakawa ka maroroi na itukutuku e vuravura raraba. O vakadinadinataka ni nodra veisoli vakasama e vica na tamata kei na mataisoqosoqo eda na rawata kina eso na ikuri ni itukutuku e rawa ni vakarautaki vei ira era vakayagataka na mata oqo—ka na rawa kina vei ira era dau vakayagataka me ra vakarabailevutaka nodra ituvatuva ni kawa. Na noda “Privacy Notice” se Notisi ni Tataqomaki e vakarautaka na kena matailalai tale eso me baleta na neitou vakayagataka na nomuni Lewena Cauraki.

O sa vakadonuya mo vakacuruma vakadodonu na itukutuku ena kena vinaka duadua ni nomu kila. Me vakadeitaki tikoga na kena ivakarau tudei ena irairai tudei ni dikevikawa ena mata oqo (me vaka na ivolakabi ni kawa, irairai ni landscape, na ivolalobi ni dausarasara, kei na irairai tale eso kei na ivolakabi), o sa vakadonuya mo dusia na tamata ena kedra mataqali era sucu mai kina ka vakacurumi ira ena nodra itutu tudei vakatagane se yalewa ena ivolakabi oqo kei na irairai tale eso ( me vaka, na tama se tina). Ena dua na vakamau vakatagane se vakayalewa vata, oi rau ruarua na veiwatini erau na vakamataqali vata ga. E rawa mo vakacuruma e dua na itukutuku me baleta na ivakatakilakila ni tagane se yalewa ena iwasewase ni nomuni nanuma. Yalovinaka raica na iwasewase ni “Code of Conduct”  se na iVakarau kena iTovo ena veika e rawa ni yaco ni vakacurumi cala na itukutuku.

Na mataveilawa oqo e oka kina e dua na iwasewase ni veivosaki ka na rawa kina me vakaraitaka na tamata na lomana ka solia nona Lewena Cauraki baleta e dua na tamata sa mate kei na veika matailalai baleti koya. E neitou na dodonu me keitou vakayagataka tale na itukutuku ni veivosaki kei na Lewena Cauraki vakakina na kena tabaki vei ira tale eso ena kena sagai me vukei me wali na leqa raraba e yaco mai se me ra vuli kina eso. Keitou sa kerea me digitaki vakamatau na itukutuku o ni vakacuruma ena nomuni veivosaki ena initaneti kei na Lewena Cauraki eso, ka veitaratara ga ena i-meli se ena iwalewale tale eso ni soli tiko na itukutuku ni sala ni veitaratara yadua se itukutuku bibi. O sa vakadinadinataka ni veika kece o vakauta ena ivakarau ni veivosaki ena rawa ni raica na tamata kece e rawa ni curu ki na mata oqo. Na ivakarau ni veivosaki e kena inaki me vukea na veivosaki, me raica na vakadodonutaki ni cala, ka dusimaka na vakadidike tale eso vata kei ira era vinakata. Na ivakarau ni veivosaki me kakua ni (a) vakayagataki ena veika e sega ni baleta na ulutaga e veivosakitaki tiko, (b) oka kina na ivakamacala ka rawa ni vakacacana se vakamadualaka e dua na tamata e bula tiko, se (c) ivosavosa se lewe ni itukutuku e veivakacudrui, sega ni kilikili, sega ni veiganiti, veivakarerei, se rogorogo ca ka veivakalolomataki. Era na rawa ni duidui na ivakarau ni rai ena veika dina me baleta e dua na tamata sa mate, na duidui vakaoqori e dodonu me vakamatatataki yavutaki mai na veika dina kei na ivurevure cavuti kevaka e rawa, me kakua ni tau na vosa e sabalia, veivakacacani, se sega kina na veinanumi. Me kakua ni vakayagataki na ivakarau ni veivosaki me soli kina na isema ki na mataveilawa eso mai taudaku ka sega ni veiganiti na lewena (dina ga ni na veiganiti na isema ki na itukutuku veiwekani ka taleitaki me baleti ira era sa mate) se me veitalanoataki kina na bisinisi se soli na veiqaravi ni vakadidike. E dina ga ni keitou sega ni vakacolati kina, e neitou na dodonu, ena neitou vakatulewa ga vakataki keitou, me keitou bokoca se vakadodonutaka na Lewena Cauraki e vakarautaki ena ivakarau ni veivosaki kei na ivakarau tale eso e tautauvata kaya, ka vakuwai ira era dau vakayagataka mai na nodra yacova yani na ivakarau oya, ke mani dua na vuna se sega. Yalovinaka raica na iwasewase ni “Code of Conduct”  se na iVakarau kena iTovo ena veika e rawa ni yaco ni vakayagataki vakaveitalia na ivakarau ni veivosaki kei na ivakarau tale eso e tautauvata kaya. 

“Software” se na Parokaramu ni Komipiuta

Kevaka e rawa mo lavetaka se katona na vosa mai na parokaramu ni komipiuta ena mata oqo, ena rawa walega ni o vakayagataka na parokaramu ni komipiuta oya me vaka na veidinadinati ni laiseni erau salavata mai kei na parokaramu ni komipiuta. Sa nomu itavi saraga na nomu vakamuria vinaka na lewa ni veivoli vaka-Amerika e kovuta e dua na parokaramu ni komupiuta e vakarautaki ena mata oqo.

“Right to Submit” se Dodonu me Vakau

Na iTukutuku kece e vakacurumi o vakauta mai ki na mata oqo, ena vakarorogo ki na Veidinadinati oqo vakakina ki na “FamilySearch Content Submission Agreement” se na Veidinadinati ni Vakau Lewe ni iTukutuku ki na “FamilySearch”. O matataka ka vakadeitaka ni ko na sega ni vakauta e dua na ka ena mata oqo e voroka na nodra dodonu vakalawa ko ira na tamata tale eso (oka kina, ia sega ni yala ga kina, dodonu ni taukeni, dodonu ni paraivesi, dodonu ni kena tabaki, dodonu vakonitaraki, kei na dodonu tale eso ni kena taukeni). Ena veigauna kece o vakauta mai kina na Lewena Cauraki ki na mata oqo, o sa vakadeitaka tiko ni tiko vei iko na dodonu vakalawa mo vakauta mai na Lewena Cauraki vei keitou ka o sa solia mai vei keitou kei ira era vakalaiseni mai vei keitou na dodonu kei na laiseni e soli ena Veidinadinati oqo kei na Veidinadinati ni Vakau Lewe ni iTukutuku ki na “FamilySearch”. O sa ciqoma na itavi vakalawa ni neitou vakayagataka na vei-Lewena Cauraki kece o vakauta mai. Sa nomu itavi vakatabakidua na Lewena Cauraki kece o vakauta mai, kabira, se o cau mai kina ena mata oqo se dua tale na mata e sema ki na “FamilySearch”.

“Submitting Names for Religious Ordinances” se Vakauta na Yaca baleta na Cakacaka Vakalotu

Sa dodonu mo vakauta ga na yacadra na tamata mai na laini ni nomu matavuvale me baleta na cakacaka vakalotu vakaveisosomitaki ena valetabu, ka mo kakua ni vakauta na yacadra o ni sega ni veiwekani me vakataki ira na tamata kilai levu se tamata rogo, se na yaca e sokumuni mai na veika sega ni vakadonui, me vakataki ira a vakamatei ena nodra Labati na Jiu.

“Code of Conduct” se Na iVakarau kena iTovo

O sa vakadonuya mo na sega ni vakauta se kabira, o iko vakataki iko, se vakalewe ni dua na ilawalawa, na itukutuku ki na mata oqo (se ena gauna o volayaca kina, vakau vaka-dikevikawa, mai na ivakarau ni veivosaki, se mai na dua tale na ivakarau e rawa ni soli mai kina e dua na Lewena Cauraki) ka rawa ni veivakamavoataki se veivakacudrui vei ira tale eso. O sa vakadonuya talega mo kua ni vakamatavulotaki iko me vaka ni o dua tale na tamata ena inaki cava ga, oka kina mo vunitaki iko kina se me beitaki tale e dua ena veika o cakava. Ko sa vakadonuya mo kakua ni vakelia, kumuna, se vakayagataka e dua na itukutuku mai na mata oqo ena ivakarau ka rawa ni vakamavoataka, vakarogorogocataka, vakaninia, se wasea nomu nanuma ka veivakaduiduitaki me baleta e dua na tamata se kabani. Ko sa vakadonuya talega ni, vakavo sara ni o sa ciqoma na neitou ivola veivakadonui, o na sega ni vakayagataka e dua na parokaramu ni komipiuta, tekenolaji, se iyaya mo lavetaka kina e dua na uma  itukutuku levu, mo lavetaka se vakayagataka na lewena, se mo tamusuka e dua na itukutuku se iyaragi mai na mata oqo. O sa vakadonuya ni o na sega ni basuka e dua na lewa, se lawa, ni ivakavakayagataki keitou sa virikotora. O sa vakadonuya ni o na sega ni tabaka tale, tokaruataka, lavetaka, vakavodoka, vakauta, vakaraitaka, matanataka, vakaraitaka e matanalevu, volitaka, se vakayagataka e dua na iwase ni mata oqo se na kena iyaragi ena dua na inaki e sega ni baleti iko se me rawati kina na ilavo. O sa vakadonuya ni o na sega ni vakaitavi ena dua na veiqaravi  me baleta na mata oqo, na lewena, se o ira era dau vakayagataka ka na rawa ni basika kina na basulawa se rawa ni vakavu leqa. Vakauasivi, ni o sa vakadonuya mo kua ni tabaka tale, kaburaka, tabaka ena monalivaliva, vakauta vakalivaliva, veivotayaka, seresereka, talaraka, vakatotomuria, vakasukasuka, caka iukuuku mai kina, se vakavouya na mata oqo, na kena veiqaravi, vosavuni ivurevure, se lewena ni se bera na neitou ivola veivakadonui. O sa vakadonuya talega mo kakua ni cakava e dua na ka e rawa ni tarova na vakadrodroi ni itukutuku ki na mata oqo se mai na mata oqo, yavalata na veiqaravi se na cakacaka ni mata oqo. O sa kila ni ivalavala veivakamavoataki se veivakacudrui, se na iwalewale cava tale ni kena voroki na Veidinadinati oqo, e rawa ni vakavuna me bokoci ni nomu dodonu mo vakayagataka na mata oqo (okati kina na nomu dodonu mo vakayagataka na mata oqo, se dua tale na mata veiwekani ni “FamilySearch” se na ivurevure ena talevoni veikauyaki (“mobile Apps”), kei na iyaragi cava ga e kau mai kina) ka o na coko ena kena lawa.

“Care of Submissions” se Qaravi ni iTukutuku Vakauti

Sa neitou inaki me keitou sasaga me maroroi ka dokai na nomuni Lewena Cauraki, ka levei na cala se na kena boko na itukutuku ena mata oqo. Ia, o sa duavata ni keitou na sega ni tarogi se beitaki ni cala se lutu eso na ka mai na lewe ni tukutuku cava ga ena kune ena mata oqo, sega talega ena vuku ni veika e yali, vakacacani, se sega ni vakayagataki rawa ni Lewena Cauraki o vakauta se kabira mai.

 “Linking” se Semati

Me rawarawa kina na nomuni veiqaravi, e tiko ena mata oqo na isema ki na mataveilawa era cicivaka tiko eso tale. Na mataveilawa tale eso vaqori keitou sega ni maroroya se lewa, ka sega ni rawa ni keitou vosa me baleta na lewena. E dina ga ni keitou sasaga ena yalodina me keitou sema ga ki na mata vinaka ka veiganiti, eso ena tu kina eso na ka sega ni veiganiti se rawa ni tarogi. Kevaka o raica na iyaya vakaoqo ena nomu vakayagataka e dua na mataveilawa o curuma mai na dua na isema ena mata oqo, yalovinaka tukutuku sara mai vakatotolo vei keitou.

Eda vakabauta ni o ira era biu itukutuku ena Initaneti era sa namaka ni na wasei raraba tu. O koya, keitou vakabauta ni veisema ki na so tale na mata e tara vakalawa ka salavata kei na nodra nanamaki era dau vakayagataka na Initaneti. Ia, kevaka e vakatabui na curu ki na dua na mataveilawa, e dodonu me tukutuku mai vakatotolo vei keitou o koya e cicivaka tiko na mata oya.

“Data Privacy and Protection” se Maroroi kei na Taqomaki ni iTukutuku

Ena nomu vakayagataka na mata oqo ka vakauta mai na kemu itukutuku vei keitou, o sa solia na nomu veivakadonui ena kena cakacakataki e Amerika, se ena dua tale na vanua, na itukutuku cava ga ni tamata yadua o vakauta mai me vaka na Notisi ni Taukeni. O sa vakadonuya talega mo muria na lawa kece sara e baleta na vakau itukutuku ni tamata yadua vakalivaliva mai Amerika kei na vanua se matanitu o vaka itikotiko kina.

“Jurisdiction and Applicable Law” se Vanua e Vauca kei na Lawa e Veiganiti

Ena liutaki na Veidinadinati mai na lawa ni yasana ko “Utah” mai Amerika, me vaka sa vakayagataki ena Veidinadinati eda sa cakava ka me qaravi duadua ga ena loma ni yasana, ena sega ni yaga kina e dua na ivakavuvuli ni veisaqasaqa vakalawa. Ke dua na ka o kauta mai me vaqaqacotaka na Veidinadinati oqo, se dua tale na ka e semati ki na mata oqo, sa dodonu me na vakacurumi mai na mataveilewai ni yasana se matanitu ena yasayasa vaka-“Salt Lake”, e “Utah”, ka o sa vakadonuya ka talairawarawa ki na nodra vakataulewa na mataveilewai vaqo me baleta na kena wali vakalawa na ivalavala oqo. O sa vakadonuya oqo, se evei ga na vanua o tiko kina se mani dredre cava ga o sotava. Kevaka e dua na tiki ni Veidinadinati oqo e sega ni donu vakalawa, sega ni vakabau, se sega ni rawa ni vaqaqacotaki taucoko se so na tikina, ena sega ni vakaleqa na kena vo, vakavo kevaka keitou nanuma ni tikina sega ni vakabau se sega ni rawa ni vaqaqacotaki, oya e tiki bibi sara ni Veidinadinati oqo, ena gauna oqori ena neitou vakatulewa ga vakataki keitou, keitou na veisautaka kina na Veidinadinati oqo.

“Limitations of Liability” se Vakaiyalayala ni Colacola

E sega ni dua na noda itavi vakalawa ena vakacaca duatani se vakacaca e vu mai na mosisiri ena nomu vakayagataka se nomu sega ni rawa ni vakayagataka, na mata oqo se na iyaya era tu ena mata oqo se dua na mata semati vata, okati kina, ia sega ni yalani ga kina, na tubu e yali, vakataotaki ni bisinisi, kei na yali ni parokaramu se so tale na itukutuku vaka monalivaliva ena ivakarau ni kena vakayagataki na kemu itukutuku. Ena sega ni dua na gauna ena sivia kina na ilavo o sauma, kevaka a dua, na neitou itavi vakalawa vei iko me baleta na vakacaca, na lusi kei na vua ni mosisiri, me baleta na curumi ni mata oqo se dua tale na mata veisemati.

"Disclaimers”  se Dauveivakacalai

NA MATA OQO KEI NA IYAYA ENA MATA OQO KEI NA MATA KECEGA E SEMATI KINA ERA VAKARAUTAKI “ENA KENA ITUTU SARAGA OQO” KA SEGA NI VAKADEITAKI E DUA NA VEIQARAVI CAVA GA, VAKAVOSA SE VAKANANANUTAKI. ENA KENA IYALAYALA CECERE DUADUA E VAKATARAI ME VAKA NA KENA LAWA, KEITOU VAKALESUYA NA VEIQARAVI VAKADEITAKI KECE SARA, VAKAVOSA SE VAKANANANUTAKI, OKATI KINA, IA SEGA NI YALANI KINA, VEIQARAVI VAKADEITAKI NI ITUTU KEI NA VEIQARAVI VAKANANANUTAKI ENA KENA RAWA NI VOLITAKI KEI NA ITUVAKI VINAKA BALETA E DUA NA INAKI. KEITOU SEGA NI VAKADEITAKA NI NA SEGA NI VAKATAOTAKI NA IVAKARAU KECE ENA MATA OQO SE SEGA NA KENA CALA, NI NA VAKADODONUTAKI NA LEQA, SE NI SEGA NA VAIRUSI SE NA VEIKA VEIVAKAMAVOATAKI TALE ESO ENA MATA OQO SE NA SUEVA E TIKO KINA.

“Trademarks” se iVakatakilakila Taukeni

Sa koto e ra e dua na ituvatuva vakaiyalayala ni ivakatakilakila taukeni na ivakatakilakila ni veiqaravi:

FamilySearch

FamilySearch GEDCOM

International Geneaological Index

RootsTech

The Church of Jesus Christ of Latter-day Saints

Na ivakatakilakila eso oqo ni “FamilySearch” se na “Intellectual Reserve, Inc.” ka ra sa volai tu e Amerika kei na matanitu tale eso. Me baleta na ikuri ni ivakamacala ni noda kei na nodra ivakatakilakila taukeni na keda isema kei na kena ivakatakilakila ni veiqaravi kei na kena vakayagataki vakadodonu, yalovinaka mo ni raica na “Guidelines for Use of FamilySearch Trademarks” se Na iDusidusi ni iVakavakayagataki ni iVakatakilakila Taukeni ni Lotu.

“Questions” se Vakatataro 

Na veivuke tale e so me baleta tale na itukutuku me baleta na neitou vakayagataki na iyaya taqomaki vakalawa kei na iVakatakilakila tudei, qai veitaratara ki na Valenivolavola ni “Intellectual Property” ni Lotu ena:

Talevoni:1-801-240-3959 se 1-800-453-3860, ext. 2-3959
Fax: 1-801-240-1187
I-Meli: cor-intellectualproperty@FamilySearch.org

Vakavoui ena 2023-09-01