Nagdasig kami sa mga tawo bisan asa sa pakigkonektar sa ilang pamilya—latas sa mga henerasyon.

Buhatan sa FamilySearch, Lehi, Utah, USA

Libre ngadto sa Tanan

Ang Simbahan ni Jesukristo sa mga Santos sa Ulahing mga Adlaw naghatag sa FamilySearch nga walay bayad ngadto sa tanan, dili igsapayan sa tradisyon, kultura, o giapilan nga relihiyon. Ang mga kapanguhaan sa FamilySearch nagtabang sa minilyon ka mga tawo sa tibuok kalibotan nga makadiskobre sa ilang kabilin ug makakonektar ngadto sa mga sakop sa pamilya.

Dugang pa mahitungod sa koneksiyon sa Simbahan

Giunsa namo sa pagpanalipod ang imong pagkapribado

Unsay Among Gibuhat

Nagtabang kami sa mga tawo nga makadiskobre sa ilang family history pinaagi sa among website, mga app sa mobile, ug personal nga tabang diha sa sobra 5,000 ka lokal nga mga sentro sa family history.

Mangita og lokal nga sentro

Pangayo og tabang sa online

1/10

Among Kasaysayan

Nagsugod kami isip usa ka gamay nga kapunongan sa mga tawo nga nagtrabaho sa pagpangita sa ilang mga katigulangan. Samtang milambo ang teknolohiya ang kapunongan milambo ngadto sa usa ka mas dako nga organisasyon. Ania kon sa unsang paagi nahitabo kining tanan.

Pag-establisar sa Familysearch1894

Giestablisar ang Genealogical Society of Utah, karon ang FamilySearch, aron sa pagtabang sa mga miyembro sa Simbahan sa pagsubay sa ilang mga family tree.

Tabang sa Pagsiksik anaa sa Daghang Pinulongan1924

Ang unsay gisugdan nga lokal nga nagsuporta og pipila lang ka pinulongan dul-an sa 100 ka tuig kaniadto milambo na ngadto sa usa ka website nga adunay mga tiggamit gikan sa 238 ka nasod.

Pagsugod sa Microfilming1938

Ang pag-film sa papel nga mga dokumento nagsugod sa mga arkibo sa simbahan ug gobyerno. Gigamit ang microfilm hangtod 2002, sa dihang ang pag-capture nahimong 100% nga digital.

Unang Lokal nga Sentro sa Family History1964

Giablihan ang unang lokal nga sentro sa family history. Ang mga sentro sa FamilySearch kasamtangang naghatag og personal nga tabang sa pagsiksik sa kapin 5,000 ka lokasyon sa tibuok kalibotan.

Website Nag-live1999

Gisugdan ang FamilySearch nga website ug dali nga nahimong ang labing ilado nga website sa family history sa internet nga adunay 7 ka milyon ka hit [gidaghanon sa mga file gi-download sa website] kada adlaw. Niadtong 2020, 400,000 ang among kasarangan nga mga bisita kada adlaw.

Unang Mapangita nga mga Rekord2002

Ang 1880 nga census, nga naglista sa mga residente sa Estados Unidos niadtong 1880, nahimong ang unang mapangita sa publiko nga koleksiyon sa rekord sa FamilySearch.org.

Unang Komperensiya sa RootsTech2011

Ang RootsTech unang gipahigayon sa Siyudad sa Salt Lake. Sa paglabay sa katuigan nahimo kining ang kinadak-an nga komperensiya sa genealogy ug family history sa kalibotan.

1 ka Bilyon nga Na-index nga mga Rekord2013

Ang FamilySearch.org miabot og 1 ka bilyon ka rekord nga na-indeks salamat sa gatosan ka liboan nga mga boluntaryo sa pag-indeks. Lima ka tuig ang milabay milapas kami sa 2 ka bilyon.

1 Bilyon ka Makasaysayanon nga mga Rekord2014

Gimantala sa FamilySearch.org ang ika-1 bilyon nga imahe sa usa ka makasaysayon nga rekord. Ang mga bisita sa site mogamit sa mga rekord aron makahibalo sa mga detalye sa ilang istorya sa pamilya.

Tibuok Kalibotan nga Pagtambayayong

Ang FamilySearch gipahinungod sa pagpreserbar sa importante nga mga rekord sa pamilya ug sa paghimo niini nga gawasnong ma-access sa online, ubos sa lokal nga mga balaod. Tibuok kalibotan ang among buhat ug naglambigit og mga pagtambayayong sa sobra sa 10,000 ka organisasyon sa sobra sa 100 ka nasod. Ang FamilySearch naninguha sa pagtuman sa lokal nga mga balaod sa tanang higayon.