Pagtanyag og Dugang pa nga Sulod nga Libre

Mahimong usa ka Kaabin sa FamilySearch

Ang mga kaabin nagtanyag og akses ngadto sa digital nga mga koleksiyon sa genealogy sa FamilySearch nga maakses lamang pinaagi sa usa ka sentro sa FamilySearch. Ang mga kaabin pwedeng usa ka publiko o taas nga edukasyon nga librarya, arkibo, museyo, sentro sa kultura, o katilingban sa genealogy o kasaysayan.

Gatosan sa mga kaabin sa FamilySearch nagtabang nga mapalapad ang mga serbisyo sa FamilySearch ngadto sa minilyon ka tawo sa tibuok kalibotan. Bisan ang FamilySearch nagdumala sa Librarya sa Family History sa Siyudad sa Salt Lake, Utah, ug sobra sa 5,400 ka sentro sa FamilySearch sa tibuok kalibotan, giila niini ang bililhon nga panginahanglan sa mga affiliate nga librarya sa pagtabang og daghang patron nga mohimo og personal nga mga koneksiyon sa family history.

Ang dugang nga mga benepisyo sa usa ka kaabin nga librarya mao nga sila kasagaran bukas sa publiko alang sa mas daghang oras kaysa kadaghanan sa mga sentro sa FamilySearch, nagtanyag og mga rekord sa kasaysayan diha sa librarya nga koleksiyon sa kasaysayan ug genealogy, adunay akses sa dugang nga mga rekord pinaagi sa interlibrary loan system sa librarya, nagtanyag og tabang sa pagsiksik, ug dunay mga kapanguhaan alang sa media conversion.

Walay bayad aron mahimong usa ka kaabin.

Ang pagkahimong usa ka affiliate mohatag kanimo ug sa imong mga patron og akses ngado sa sobra 2 ka bilyon nga gi-digital nga mga rekord, lakip sa gibanabana nga 400 ka milyon nga mga imahe nga sa kasamtangan dili available ngadto sa publiko gawas sa usa ka affiliate o sa usa ka sentro sa FamilySearch.

Ang ubang mga tigtipig sa rekord mobutang og mga restriksiyon kon unsa ka lapad ang mahimong pag-apod-apod sa FamilySearch sa ilang mga rekord.

Ang FamilySearch makigtambayayong sa mga tigtipig sa rekord aron mahatag ang labing dako nga akses sa mga rekord sa kasaysayan alang sa kadaghanang posible nga mga tawo. Kon ang tibuok nga publiko nga akses dili makab-ot alang sa piho nga rekord nga mga koleksiyon, ang FamilySearch makigtambayayong aron mahatag ang libre nga pag-akses niadtong mga rekord pinaagi sa pisikal nga mga lokasyon niini ug mahimo usab nga mangita sa online nga pag-akses alang sa piho nga mga grupo.