Mag-alok ng Mas Maraming Content nang Libre

Maging FamilySearch Affiliate

Ang mga affiliate ay nagbibigay ng access sa mga digital genealogical collection ng FamilySearch na maaari lamang ma-access sa isang FamilySearch center. Ang mga affiliate ay maaaring isang pampublikong library o library ng isang kolehiyo, archive, museo, cultural center, o genealogical o historical society.

Daan-daang affiliate ng FamilySearch ang tumutulong na magamit ng milyun-milyong tao sa buong mundo ang mga serbisyo ng FamilySearch. Bagamat pinamamahalaan ng FamilySearch ang Family History Library sa Salt Lake City, Utah, at mahigit 5,400 FamilySearch center sa buong mundo, kinikilala nito na talagang kailangan ang mga affiliate library para matulungan ang mas maraming patron na personal na matuklasan ang kasaysayan ng kanilang pamilya.

Kabilang sa karagdagang mga benepisyo ng isang affiliate library ay ang pagiging bukas sa publiko nang mas matagal kaysa sa karamihan ng mga FamilySearch center, paggamit ng mga talaan ng kasaysayan sa mga historical at genealogical collection ng library, access sa karagdagang mga talaan sa pamamagitan ng inter-library loan system ng library, tulong sa pagsasaliksik, at media conversion mga resource.

Walang bayad ang pagiging affiliate.

Ang pagiging affiliate ay nagbibigay sa iyo at sa iyong mga patron ng access sa mahigit 2 bilyong digitized records, kabilang na ang humigit kumulang sa 400 milyong larawan na kasalukuyang hindi pa available para ma-access ng publiko sa labas ng isang affiliate o FamilySearch center.

Ang ilang nangangalaga ng mga talaan ay nagtakda ng mga restriksiyon sa kung gaano kalawak maaaring ipamahagi ng FamilySearch ang kanilang mga talaan.

Ang FamilySearch ay nakikipagtulungan sa mga nangangalaga ng mga talaan para ma-access ng maraming tao ang mga talaan ng kasaysayan. Kung hindi makakuha ng full public access para sa partikular na mga record collection, ang FamilySearch ay nagsisikap na makapagbigay ng libreng access sa mga talaang iyon sa pamamagitan ng pisikal na lokasyon nito at maaaring humiling ng online access para sa partikular na mga grupo.