O Lo'u Valaauga: Faufautua o le Malumalu ma Talafaasolopito o AigaO Le A Lo'u Taulaiga?
I le avea ai ma se faufautua o malumalu ma talafaasolopito o aiga a le uarota, e te fesoasoani i tagata taitoatasi ma aiga ia omai ia Keriso a o latou auai i galuega o talafaasolopito o aiga ma le malumalu (Tusitaulima Aoao 25.2.4).
O laasaga o loʻo i lalo o le a fesoasoani ia te oe e amata ai.
"O le aoaoga faavae O Le Ekalesia a Iesu Keriso o le Au Paia o Aso e Gata Ai e totonugalemu i le aiga. O le malumalu e taua mo la tatou aoaoga faavae i le aiga. O sauniga o loo mauaina iina, e mafai ai e i tatou ona toefoi atu o ni aiga faavavau i le afioaga o lo tatou Tama Faalelagi."
Peresitene Dallin H. Oaks, O Le Talalelei a Iesu Keriso e Totonugalemu-i-le-Aiga
Ia Taulai Muamua i Taimi Uma i le Faaola
A o e valaaulia tagata o le aupaia e tapuai i le maota o le Alii ma faia sauniga mo tuaa, amata i le Faaola. Faasoa pe faapefea e feagaiga o le malumalu ma sauniga ona noatia i tatou i le Faaola, fesoasoani i a i tatou e lagona le taitaiga ma le mafanafana, ma faamalosia i tatou i Lona puipuiga ma le mana.
“Ma i le tisipenisione o le atoaga o taimi, atonu e mafai ona faapotopoto faatasi e Ia mea uma ia Keriso, o i latou uma lava o i le lagi, atoa ma i latou o i le lalolagi; o ia te Ia lava.”
Efeso 1:10
Faaaoga Sauniga ua Saunia
Fesoasoani i tagata o le aupaia e faaaoga le Sauniga ua Saunia—o le auala pito sili ona faigofie mo tagata o le aupaia e aumai isi i le Faaola, e ala i le sailia ma le manuia igoa o aiga-tauaiga o i latou e manaomia sauniga faaola o le malumalu. Aoao Atili
Faaopoopo Mea Ua E Iloa
Faamalosiau atu i tagata uma o le aupaia e na o le faaopoopo lava o mea latou te iloa i le gafa o la latou aiga—igoa, ata, mea na tutupu i le olaga, tala, ma isi manatuaga o ē e pelē e mafai ona faapotopoto atu i le Faaola.
O taitai o loo fesoasoani i tagata o le Ekalesia ma autalavou fou e tapena mo le latou aafiaga o le uluai papatisoga ma le faamauga e mafai ona faaaoga leFesoasoani i Igoa o Aiga.
Punaoa e Mafai Ona Sii Mai
PDFO Pepa Faalauiloa mo Sauniga ua Saunia
O lenei faamatalaga e mafai on sii mai, e iai ni faamatalaga e uiga i Sauniga ua Saunia ma se sootaga mo lea aafiaga.
Sii Mai Pepa FaasalalauLesonaTuufaatasia o Aiga mo le Faavavau
O lenei otootoga o le lesona e mafai ona fesoasoani ia te oe e aoao atu ai faamanuiaga e oo mai e ala i auaunaga i le malumalu ma talafaasolopito o aiga.
Alu I le LesonaAoaoga ma Punaoa
Aoao atili e uiga i lou valaauga ma punaoa o loo avanoa e fesoasoani ai ia te oe.
Faamanuiaga Folafolaina
I le avea ai ma se faufautua, e mafai ona e fesoasoani i tagata ia maua faamanuiaga o le mauaina o o latou tuaa ma le faatinoina o sauniga o le malumalu mo i latou.