Faaaliga o le Lē Faalauaiteleina a le FamilySearch

FamilySearch International, o se faalapotopotoga e le maua ai se polofiti a Iuta ma ona ofisa autu i le Aai o Sate Leki, I.S.A.  (“FamilySearch”), ua faapaiaina i le sailiiliga o talafaasolopito o aiga ma gafa. Pe a faasino i le “matou,” “o i matou,” po o “lo matou” o lona uiga o le FamilySearch. I lenei Faaaliga, matou te tuuina atu ai ia te oe faamatalaga e uiga i le auala matou te faagaoioia ai au faamatalaga patino.

O le fatuina o se faitotoa i luga o le initoneti i la matou Upega Tafa’ilagi ma polokalama (“Upega Tafa’ilagi”) po o le auina atu o faamatalaga i le FamilySearch e mafai ai ona e faaaogaina ia auaunaga ma le Upega Tafa’ilagi matou te ofoina atu, e aofia ai le fausiaina o se gafa o le aiga; e fesootai ma tagata o le aiga; ma le faaaogaina ma le faasoaina atu o ata o aiga, faamaumauga faaeletonika, talafaasolopito tuugutu ua faamaumauina, ma isi mea e manatua na auina mai e oe po o ou aiga, pe na maua mai punavai lautele ma talafaasolopito i le lalolagi atoa.

E faaaloalo le FamilySearch i le tulaga patino o tagata taitoatasi o e faaaogaina la matou Upega Tafa’ilagi. I lenei Faasilasilaga o le Le Faalauaiteleina, matou te faailoa ai faamatalaga patino matou te aoina mai, o la matou faavae mo le faagaoioia o faamatalaga patino, ma a matou tuutuuga o le faagaoioia o faamatalaga e tusa ai ma au aia tatau ma tulafono e faatatau i ai. Matou te fautuaina oe e faitau ma le faaeteete lenei Faasilasilaga o le Le Faalauaiteleina a o lei auina mai ia i matou faamatalaga patino. Talu ai o le tilivaina atu o la matou Upega Tafa’ilagi e faalagolago lea i le faagaoioia o au faamatalaga patino e tusa ai ma Tuutuuga o le Faaaogaina o le FamilySearch ma le Maliega o le Auina Atu o Anotusi,  faamolemole faitau ma le toto’a foi nei pepa o faamatalaga.

1. O ai e faatautaia ou faamatalaga patino?

Pe a e faasoaina atu au faamatalaga patino i luga o la matou Upega Tafa’ilagi pe auai i fegalegaleaiga po o fesootaiga ma i matou, matou te faagaoioia au faamatalaga patino o le pule faafoe o faamatalaga.

O le FamilySearch e fesootai, ma lagolagoina e Le Ekalesia a Iesu Keriso o le Au Paia o Aso e Gata Ai ( le “Ekalesia”) o se auaunaga lautele. O le fatuina o se faitotoa i luga o le initoneti i la matou Upega Tafa’ilagi e le faapea ai ua e faamaonia pe ua e fesootai ma le Ekalesia.

2. O a faamatalaga patino matou te aoina?

Matou te aoina faamatalaga patino (a) e te auina mai; (e) e auina mai e isi tagata e faaaogaina; (i) matou te faamaumauina; ma (i) matou te mauaina mai i pati lona tolu.

a. Faamatalaga e te Auina Atu. E te auina mai ia i matou faamatalaga patino, ma e mafai ona matou aoina mai faamatalaga patino na e auina mai, pe a e fatuina se faitotoa i la matou Upega Tafa’ilagi, talosagaina anomea a le FamilySearch, talosagaina le faaaogaina o auaunaga o le FamilySearch po o le Upega Tafa’ilagi, auina atu pe uta i luga au faamatalaga patino i meafaigaluega o le FamilySearch po o le Upega Tafa’ilagi (ft, fausiaina o lau gafa o le aiga), pe auai i isi fegalegaleaiga po o fesootaiga ma le FamilySearch. Pe a e fegalegaleai ma le FamilySearch ma fatu se faitotoa, e masani lava ona matou faagaoioia lou igoa, aso fanau, numera o le telefoni feaveai, tuatusi imeli, nofoaga (ft, atunuu), ma le itupa. E mafai foi ona e auina atu faamatalaga o le faitotoa ma le lesitalaga mo le faagaoioia, e pei o lou igoa faaaoga, igoa faaali, uputatala, tuatusi imeli, ma faatulagaga ma mea e manaomia.

Pe a e faaaogaina a matou auaunaga, e mafai foi ona e filifili e auina atu ni faamatalaga faaopoopo e auai ai i lau lava faama’ite i isi gaoioiga o gafa o le FamilySearch, e aofia ai le auina atu o faamatalaga patino o gafa (ft, auivi o le olaga, mea na tutupu i le olaga, isi igoa, sootaga faaleaiga, mea moni o le olaga, manatuaga, faamatalaga o le talaaga o le olaga), ata, mea e manatua, faamaumauga, ma faamatalaga o talafaasolopito e uiga ia te oe ma ou aiga. E te filifili po o a faamatalaga patino e auina atu, ma, i nisi o tulaga, e mafai ona e filifili e auina atu faamatalaga e mafai ona manatu i ai e maaleale, e pei o le tulaga faaleaganuu faaleatunuu, ituaiga, atunuu, talaaga faalelotu, tagatanuu, faamatalaga faafomai, po o le tulaga o le malaga mai. Ae peitai, e le tatau ona e auina atu pe faasoa atu soo se faamatalaga maaleale e uiga i tagata e ese mai ia te oe pe afai o loo ola pea na tagata.

e. Faamatalaga e Auina Atu e Isi Tagata Faaaoga. A o tatou faamatala atili atu i lalo o le “O ai tatou te faasoaina atu i ai faamatalaga patino?,” o le tulaga o le FamilySearch e faatagaina ai isi tagata faaaoga o le Upega Tafa’ilagi, e pei o ou tauaiga, e auina atu au faamatalaga patino e le maaleale o se vaega o se gafa o le aiga po o isi meafaigaluega ma vaega faatapulaa. O le tomai e faasoa atu ai faamatalaga autu e uiga i tagata o le aiga e taua i le faia o sailiiliga o gafa ma le fesootai atu o tagata suesue i o latou gafa. Pe a auina atu e se tagata faaaoga ia faamatalaga patino o se tagata o loo soifua pea (“Faamatalaga o le Ola”) i se gafa o le aiga, o lena Faamatalaga o le Ola e na o le tagata lava ia e vaaia muamua lava. I nisi o tulaga faatapulaa, atonu e mafai foi e le tagata faaaoga ona faasoa atu ia faamatalaga i vaega faatapulaa o le Upega Tafa’ilagi faatasi ai ma se aofaiga faatapulaa o tagata faaaoga i se faatulagaga o vaega e tapunia, lea e na o le valaaulia lava e mafai ona maua ai. E nafa tagata faaaoga taitasi ma a latou lava faagaoioiga o soo se Faamatalaga o le Ola latou te auina atu pe faasoa atu i luga o le Upega Tafa’ilagi, ma e na o faamoemoega patino lava ia e faamaumau ai ma sailiili ai o latou talafaasolopito o aiga, e pei ona manaomia ai e le Maliega o le Auina Atu o Anotusi ma Tuutuuga o le Faaaogaina. 

i. Faamatalaga Tatou te Faamaumauina ma Kuki. A e asiasi i soo se vaega o a matou punaoa, e mafai e a matou tautua autu (e faaaoga ai faila faamaumau po o polokalama faamama) ona aoina faamatalaga e auina mai e lau uepi palausa i soo se taimi e te asiasi ai i se Upega Tafa’ilagi. O lea faamatalaga e ono aofia ai ae e le faatapulaaina i le tuatusi o lau Tagavai i le Initoneti (IP Adress), ituaiga o palausa, polokalama e faagaoioi ai, gagana moomia, soo se itulau uepi sa e asiasi i ai muamua ae e te lei oo mai i le matou saite, o le aso ma le taimi o talosaga a tagata taitasi e asiasi mai, faamatalaga e te sailia i a matou punaoa, ma isi faamatalaga e aoina e kuki (cookies) po o isi tekinolosi faapena. Faamolemole tagai i le meafaigaluega o le Cookie Preferences (“Cookie Preferences”) o loo faapipiiina i a matou polokalama feaveai taitasi ma le vae o a tatou Upega Tafa’ilagi e aoao atili ai. O le Cookie Preferences e mafai ai ona e filifili ituaiga kuki tatou te faaaogaina. Peitai, afai e te le taliaina kuki, atonu o le a e le mafai ona faaaogaina nisi vaega po o galuega tauave o a matou saite po o polokalama, e pei ona otooto atu i le Cookie Preferences. Faamolemole ia nofouta foi e le mafai ona e taofia ni kuki patino e manaomia mo le aoga autu o le Upega Tafa’ilagi. O le faaaogaina o la matou Upega Tafa’ilagi, ua e malie ai i le faaaogaina o kuki e pei ona faamatalaina i le Cookie Preferences. E mafai ona e aluese mai kuki patino o loo faaaogaina i la matou Upega Tafa’ilagi e ala i le kilikiina o le sootaga o le Cookie Preferences i le pito i lalo o lenei itulau.

o. Faamatalaga a le Vaega Tolu. Afai o oe o se tagata o le Ekalesia, ma e te talosagaina ina ia fesootai lau faitotoa o le FamilySearch ma lau faitotoa i le initoneti a le Ekalesia, e mafai ona matou mauaina au faamatalaga patino (ft,, faamatalaga o pepa faamaumau o le Ekalesia ma faamatalaga o le faitotoa a le Ekalesia) mai se faalapotopotoga talafeagai a le Ekalesia.

I le tulaga e faatagaina ai e tulafono e faatatau i ai, e mafai foi ona matou mauaina faamatalaga patino o gafa ma talafaasolopito e uiga ia te oe mai faila o teuina po o isi punavai o loo maua i nofoaga faitele.

3. E faapefea ona matou faagasoloa au faamatalaga patino?

I le tele lava o tulaga matou te faagaoioia ai au faamatalaga patino i le faaaogaina o auala otometi (faagasologa otometi), e ui lava i nisi tulaga e mafai ona matou faagaoioia au faamatalaga patino e aunoa ma le faaaogaina o auala otometi (faagaoioia e le tagata lava ia), po o se tuufaatasiga o auala otometi ma auala e faagaoioia ai (faagasologa fefiloi).

O le faagasologa o le faagaoioiga matou te faatinoina i au faamatalaga patino e mafai ona aofia ai mea nei: aoina mai, faamaumauina, faavasegaina, faatulagaina, teuina, fetuunai pe suia, iloiloina, aumaia, feutagaiga, faaaogaina, fesiitai (auina atu, faaaogaina, faalauaiteleina), e aofia ai fesiitaiga e sopoia tuaoi e pei ona faamalamalamaina i lenei Faaaliga, faaogatusaina po o le tuufaatasia, faagaoioia o faamatalaga faavae, faatapulaaina, tapeeseina, po o le faatama’iaina o au faamatalaga patino.

4. O a faamoemoega matou te faagaoioia ai faamatalaga patino?

Matou te faagaoioia au faamatalaga patino e fesootai ma le Upega Tafa’ilagi ma auaunaga o loo ofoina mai e le FamilySearch mo faamoemoega nei:

• Sailiiliga o Gafa/Talafaasolopito o Aiga: Ina ia tuuina atu aoaoga, punaoa, ma meafaigaluega e fesoasoani ia te oe ma ou aiga e sue ai ou tuaa ma gafa, fausia lou gafa o le aiga, faatautaia sailiiliga o talafaasolopito o aiga, ma fesootai ma tagata o lou aiga.
• Faasaoina o Faamaumauga o Talafaasolopito: Ina ia faamata’inumera ma teuina ia pepa o faamatalaga o talafaasolopito, ata, measina, ma faamaumauga lautele mo augatupulaga i le lumanai.
• Faamaumau Talafaasolopito o Aiga: Ina ia faamaumauina faamatalaga taua o talafaasolopito o aiga, talaaga, ma aganuu ia e ono leiloloa (ft., talafaasolopito tuugutu).
• Fesootaiga ma le Galulue Faatasi: Ina ia mafai ona e fesootai ma galulue faatasi ma isi tagata faaaoga pe a faia sailiiliga o talafaasolopito o aiga, e pei o la tatou vaega o talanoaga.
• Pulega o le Upega Tafa’ilagi:
  • Ina ia faamaonia le mafai ona e faaaogaina lau faitotoa o le FamilySearch ma isi polokalama ma auaunaga a le FamilySearch;
  • Ina ia fesootai atu ia te oe, tali au fesili, ma tuuina atu ia te oe faamatalaga e faatatau i faafitauli tau masini, puipuiga, po o isi faafitauli tau i le faagaoioiga.
  • Ina ia fausia ma faaleleia la tatou Upega Tafa’ilagi, meafaigaluega, ma auaunaga, e aofia ai le siakiina o le iloiloga o lau gaoioiga i le Upega Tafa’ilagi a le FamilySearch.
  • Ina ia faailoa atu ia te oe ia polokalama ma auaunaga fou a le FamilySearch, valaaulia lou auai, ma faailoa atu ia te oe ni tauaiga e onomea i lou gafa.
  • Ina ia iloa mea sese,  taufaavalea, po o gaoioiga faasolitulafono, ma faamalosia a tatou Tuutuuga o le Faaaogaina.

5. O le a la matou faavae faaletulafono mo le faagaoioia o au faamatalaga patino?

Matou te taumafai ia mautinoa ua ia i matou se faavae talafeagai ma faaletulafono mo le faagaoioia o faamatalaga patino uma matou te aoina mai. E ono eseese la tatou faavae faaletulafono mo le faagaoioia e faalagolago i le vaega o le Upega Tafa’ilagi; o faamoemoega tatou te faagaoioia ai au faamatalaga patino, e aofia ai faamoemoega o loo faamatalaina i luga i le “O a faamoemoega tatou te faagaoioia ai faamatalaga patino;” ma tulaga manaomia faaletulafono i le lotoifale i lau pulega.

O la matou faavae faaletulafono autu lava mo le faagaoioia o faamatalaga patino a tagata faaaoga o le maliega lea, lea matou te maua mai ia te oe pe a e fatuina se faitotoa i luga o la matou Upega Tafa’ilagi, pe a e siiina mai faamatalaga patino i la matou Upega Tafa’ilagi, pe a e faatumuina isi fomu lea e te auina atu ai ou faamatalaga patino i le FamilySearch.

E mafai foi ona matou faagaoioia ia faamatalaga patino e faasaoina ai o matou manaoga tatau o se faalapotopotoga e le maua ai se polofiti mo suesuega o gafa, e aofia ai nofoaga e tatau ai e tuuina atu ai se tulaga mo oe e faatautaia ai ma faamaumau ai sailiiliga o gafa ma mo suegatusi, suesuega o faamatalaga, foiaina o faafitauli o le polokalama, faamatalaga faaletulafono, ma matafaioi faatonutonuga. I tulaga taitasi, o le a matou faapaleniina ai o matou manaoga tatau e faasaga i au aia tatau ma le saolotoga ma o le a na o faamatalaga e manaomia e faataunuu ai faamoemoega ua faamatalaina i luga.

I nisi o vaega faatapulaa o la matou Upega Tafa’ilagi, matou te tuuina atu ai se tulaga e tapunia lea e faatagaina ai tagata faaaoga e faasoa atu Faamatalaga o le Ola i se vaega toaitiiti o isi tagata faaaoga ua valaaulia, pe a manaomia e faatautaia ai sailiiliga o gafa. I nei eria, e faagaoioia ai e le FamilySearch ia anotusi e fatuina e le tagata faaaoga o loo i ai Faamatalaga o le Ola e fai ma sui o tagata e faaaogaina, e tusa ai ma faatonuga a le tagata faaaoga. Matou te le faagaoioia pe faaaogaina ia Faamatalaga o le Ola mo o matou lava faamoemoega pe fuafua foi le faavae faaletulafono mo le faagaoioia. E nafa tagata faaaoga taitasi ma a latou lava faagaoioiga o soo se Faamatalaga Ola latou te auina atu pe faasoa atu i luga o le Upega Tafa’ilagi. O le a logoina oe pe a e auina atu faamatalaga i se tasi o nei eria (ft.,, o laau e anaina e le tagata faaaoga po o le vaega) ma faamanatu atu o oe e nafa ma soo se Faamatalaga Ola e te auina atu. 

E faalagolago i tulaga manaomia i le lotoifale i lau pulega, afai e te faagaoioia ia Faamatalaga Ola e fesootai ma se gaoioiga patino po o se gaoioiga a le aiga atonu e te le o i ai i tulaga manaomia o le tulafono o le le faalauaiteleina. Ae peitai, i soo se tulaga lava, e tatau ona i ai sau aia po o le faatagaga e faasoa atu ai soo se Faamatalaga Ola i isi tagata faaaoga e tusa ai ma le Maliega o le Auina Atu o Anotusi ma Tuutuuga o le Faaaogaina.  

6. O ai matou te faasoa i ai faamatalaga patino?

E mafai ona e taofia i matou mai le faasoaina atu o ou faamatalaga patino pe faatapulaa foi ia faamatalaga matou te faasoa atu e ala i le fesuia’ia o faamuamua moomia i lou atatosi, pe ala i le faafesootai mai o i matou e faaaoga ai faamatalaga o loo tuu atu i lalo. Matou te faasoa atu ou faamatalaga patino i isi pati po o vaega i tulaga nei:

a. Pati lona tolu e Aumaia Faamatalaga. E mafai ona matou tuuina atu faamatalaga patino, e aofia ai nisi po o vaega uma ua faailoaina i lenei Faaaliga, i ni vaega lona tolu e faatino ai galuega mo i matou o ni masini e faaaoga ai faamatalaga po o soā-faagasolosolo (mo se faataitaiga, faagaoioia o tupe totogi, galuega faaleleia, puipuiga, auiliiliga o faamatalaga, taligamalo, auaunaga fuatia, feau i ala o faasalalauga faaagafesootai e faaaoga ai faamatalaga feavea’i, sailiiliga, ma isi mea faapena). I ni tulaga faapea, e tusa ai ma lenei Faasilasilaga ma tulafono e faatatau i ai, matou te manaomia i se tulaga faakonekarate i latou e aumaia faamatalaga ia puipuia faamatalaga patino mai nisi faagaoioiga (e aofia ai faamoemoega mo fefaataua’iga) ma mai fesiitaiga. Mo se lisi o tagata lona tolu e mafai ona aoina mai nisi o au faamatalaga patino e faaaoga ai kuki, faamolemole tagai i le Cookie Preferences. 

e. Itutino o le Ekalesia. I nisi tulaga faatapulaa, e mafai ona matou faasoaina atu ni faamatalaga patino faatapulaa, e pei o le iloiloga ma faamatalaga e uiga i lau gaoioiga i le Upega Tafa’ilagi a le FamilySearch, faatasi ai ma faalapotopotoga e lagolagoina le Ekalesia e atiina ae ma faaleleia a matou auaunaga. I tulaga faapena, o le a aveesea ia faamatalaga patino i soo se mea e mafai ai. E mafai foi e le FamilySearch ona faaaoga nisi o punaoa fefaasoaai a le Ekalesia (ft., polokalama faakomepiuta) e pulea ai faamatalaga patino, ae o faamatalaga patino o le FamilySearch o le a na o le aufaigaluega o le FamilySearch e i ai se manaoga tatau e iloa ai e faalautele faamoemoega o le FamilySearch e tusa ai ma lenei Faasilasilaga. Afai o oe o se tagata o le Ekalesia ma e te faafesootaia ma le lotomalie faamatalaga o lou pepa faamaumau i lau faitotoa o le FamilySearch, ua e ioe e mafai e le FamilySearch ona faasoa atu faamatalaga patino e te auina atu i faalapotopotoga talafeagai a le Ekalesia mo le faamoemoega o le faamaumauina o sauniga ma galuega o le malumalu.

i. Tagata e Faaaogaina le Upega Tafa’ilagi. Ina ia puipuia lelei lou tulaga patino, ua matou mamanuina le Upega Tafa’ilagi ina ia na o le valaaulia lava e faatagaina ai tagata faaaoga e faasoa atu Faamatalaga Ola i isi tagata e faaaogaina le Upega Tafa’ilagi i ni vaega patino faatapulaaina o le Upega Tafa’ilagi, lea e na o le valaaulia lava e mafai ona maua ai. I nei eria faatapulaaina, e mafai ona e filifili e fai nisi o faamatalaga o gafa e te tuuina atu i luga o le Upega Tafa’ilagi e mafai ona maua e isi tagata faaaoga o le FamilySearch (mo se faataitaiga, faamatalaga e te utaina i luga i lou gafa o le aiga). A aunoa ma lau talosaga po o le faatinoga, o le a le mafai e le FamilySearch ona maua Faamatalaga  Ola lea e te tuuina atu e mafai ona maua e soo se tasi e ese mai ia te oe, le tagata e auina atu. E tatau ona e filifili e faaavanoa (ft., pe a e auai i se vaega ma faasoa atu faamatalaga patino i totonu o lena vaega). Ae peitai, e le tatau ona e faapipiiina ni manatuaga o loo i ai Faamatalaga Ola i se tagata ua maliu i se laau lautele. E taumafai le FamilySearch e faatapulaa tulaga e mafai ona e faasoaina atu ai Faamatalaga Ola ina ia mafai ai ona e usitaia tulafono e faatatau i ai ma puipuia ai le le faalauaiteleina o ou aiga.

E pei ona faailoa mai i luga, e nafa tagata faaaoga taitasi ma a latou lava faagaoioiga o soo se Faamatalaga Ola latou te auina atu pe faasoa atu i luga o le Upega Tafa’ilagi. Pe a e filifili e faasoa atu ia Faamatalaga Ola i isi tagata faaaoga, ua e faamautu atu o oe e nafa ma na faamatalaga; ua ia te oe le aia po o le faatagaga e faasoa atu ai ia faamatalaga i isi tagata faaaoga e tusa ai ma le Maliega o le Auina Atu o Anotusi o le FamilySearch ma Tuutuuga o le Faaaogaina; e te faasoaina atu ia faamatalaga mo na o faamoemoega o sailiiliga patino ma gafa; ma o na fefaasoaai e ogatusa ma tulafono e faatatau i ai.  

E mafai ona e fetuunai le iloagofie o faamatalaga patino i isi tagata faaaoga o le FamilySearch po o tagata lautele i soo se taimi e ala i le suia o aufaatulagaga o le le faalauaiteleina pe faafesootai i matou e faaaoga ai faamatalaga o loo tuuina mai i lalo. O manatuaga uma o loo i ai Faamatalaga Ola e tatau ona seti i le “le faalauaiteleina.” 

Ae peitai, e mafai e le FamilySearch ona faamautinoa o faamatalaga patino e maua mai punavai lautele ma talafaasolopito pe a faatagaina e tulafono faatatau i le lotoifale.

o. O Mea e Moomia Faaletulafono. E mafai ona matou maua ma faailoa atu ou faamatalaga patino, tusiga faalauaitele, talatalanoaga i luga o le initoneti, faamatalaga a le tagata lava ia, anotusi, po o isi anotala e auina mai i se pati lona tolu pe afai e i ai so matou talitonuga ma le faatuatua lelei o le faia o lena mea e manaomia e se poloaiga po o se faatonuga faalefaamasinoga po o le pulega, pe ua manaomia foi e le tulafono. E le gata i lea, e mafai ona matou faailoa atu ou faamatalaga patino ma isi faamatalaga: pe a manaomia ai e le tulafono pe, ina ia faaaoga ai foi e puipuia ai aia tatau faaletulafono; e puipuia ai faasaga i matafaioi faaletulafono; e puipuia ai aia tatau, meatotino, po o le saogalemu o le punaoa o soo se toatasi po o tagata lautele; ia tausisia ai ma puipuia le saogalemu ma le amiosa’o o a matou auaunaga po o fuafuaga faataatitia; e puipuia ai i matou lava ma a matou auaunaga mai le taufaasese, faia faatautala, po o le faaaogaina e aunoa ma se faatagaga; e suesue ai ma papuipuia i matou lava mai tagi po o tuuaiga a pati lona tolu; pe fesoasoani ai foi i vaega o loo faamalosia tulafono faalemalo.

7. O fea matou te teuina ai faamatalaga patino?

E mafai ona matou teuina au faamatalaga patino i fafo atu o lou atunuu o loo e nofo ai, e aofia ai i le Iunaite Setete, i luga o tautua autu, i le polokalama a le cloud, po o lotoa o le FamilySearch ma ona faalapotopotoga e lagolagoina. Ina ia mautinoa le lava o le puipuiga o faamatalaga patino ua fesiitai atu i isi pulega, matou te faamaeaina maliega o le fesiitaiga o faamatalaga ma le faagaoioia i le va o le FamilySearch ma a matou auaunaga, faalapotopotoga fesootai, ma faila o teuina pe a manaomia faaletulafono. O nei maliega o fesiitaiga e aofia ai Tuutuuga Masani o Feagaiga ua faamaonia e le Komisi i Europa e usitaia ai tulafono a le EU po o isi vaega e pei ona manaomia ai e le tulafono e faatatau i ai (lea e mafai ona e agavaa e iloilo ai pe afai e te faafesootaia i matou e faaaoga ai faamatalaga i le faaiuga o lenei Faasilasilaga).

8. E faapefea ona matou malupuipuia faamatalaga patino?

Matou te faaaogaina ni fuataga faametotia ma faalefaalapotopotoga e puipuia ai faamatalaga patino matou te mauaina mai le leiloloa, faaaogaseseina, ma mai suiga e le faatagaina ma puipuia lona le faalauaiteleina. Matou te iloiloina e le aunoa a matou faiga faavae o le puipuiga ma iloilo tekinolosi fou talafeagai ma metotia o le puipuiga. Matou te faaaogaina foi tekinolosi faaliliu ua maua i le taimi nei e faaliliu ai le auina atu o faamatalaga i a matou itulau o loo i totonu. Peitai, talu ai e le mafai ona matou faamaonia le puipuiga malu atoatoa o nei tekinolosi faaliliu, faamolemole ia faaeteete pe a auina mai faamatalaga patino i le initoneti.

9. O le a le umi matou te teuina ai faamatalaga patino?

Matou te teuina faamatalaga patino e ao mai, e aofia ai faamatalaga e aoina e ala mai i le Upega Tafa’ilagi ma isi folasaga, mo se vaitau talafeagai e faataunuu ai faamoemoega o mea e faagaoioia o loo ta’ua i luga. Ona matou teuina lea mo vaitaimi e manaomia e le tulafono. Pe a le toe manaomia le teuina o faila, matou te tapeeseina faamatalaga patino mai a matou faamaumauga i totonu o le vaitaimi e manaomia ai e le tulafono e faatatau i ai, sei vagana ai faamatalaga faatapulaa o talaaga otooto o talafaasolopito ma faamatalaga patino o loo teuina o se vaega o faamaumauga tumau o gafa po o talafaasolopito.

10. E faapefea ona e maua ma faasa’o au faamatalaga patino?

Matou te taumafai e tausisia le sa’o lelei o faamatalaga patino ma faalagolago ia te oe e faamautinoa ua atoatoa ma sa’o lelei ou faamatalaga patino ma soo se Faamatalaga Ola e te auina mai. E mafai ona e talosaga ia e maua ou faamatalaga patino ma faamaonia, faasa’o, pe toe faafou,  ma tapulaa le faasoaina atu o ou faamatalaga patino e ala i lau lesitala patino i le Upega Tafa’ilagi-patino, e ala i lou talaaga otooto, pe ala i lau Faitotoa o le FamilySearch, pe a tatau ai. Ina ia iloiloina nei filifiliga, faamolemole asiasi i le faatulagaga o lau Faitotoa o le FamilySearch iinei.

E faalagolago i le puleaga o loo e nofo ai, o le puipuiga o tagata e faaaogaina le auaunaga po o tulafono o le le faalauaiteleina e mafai ona tuuina atu ia te oe ni aia tatau faaopoopo e faatatau i le faaaogaina o ou faamatalaga patino. E mafai ona e faafesootaia i matou e faaaoga ai aia tatau faaopoopo faaletulafono e faaaoga ai faamatalaga o loo tuuina atu i lalo. O ia aia tatau e mafai ona aofia ai:

• o le aia tatau e logoina ai, e aofia ai le mauaina o se kopi o faamatalaga patino o loo matou umia e uiga ia te oe;
• o le aia tatau e faaaoga ai ma tapeese ai faamatalaga patino;
• o le aia tatau e faasa’o ai faamatalaga patino;
• o le aia tatau o le feaveai o faamatalaga; ma
• o le aia tatau e aluese ai mai le toe faagaoioia po o le tapu ai le faagaoioia.

O le tele tonu o nei aia tatau e ono eseese lava i le puleaga. Faamolemole faafesootai i matou i soo se fesili pe faaaoga nei aia tatau.

E ono mafai foi ona e maua le aia tatau e fai ai se faitioga i se pule o le vaavaaiga, e faalagolago lava i le mea o loo e nofo ai.

Afai o loo faagaoioia pe faasoa mai e se isi tagata faaaoga ou faamatalaga patino, faamolemole faafesootai lena tagata faaaoga e fai atu ia i latou e tape pe faasa’o soo se faamatalaga patino na latou auina mai pe faasoa mai e uiga ia te oe. E nafa tagata faaaoga taitasi ma a latou lava faagaoioiga o soo se Faamatalaga Ola latou te auina atu pe faasoa atu i luga o le Upega Tafa’ilagi e uiga i isi tagata. E mafai foi ona e fesootai sa’o mai ia i matou e faaaoga ai faamatalaga faafesootai o loo tuuina atu i lalo ma e mafai ona matou fesoasoani i le faasa’oina po o le tapeeseina o ou faamatalaga patino pe a talosagaina.

Afai e te fetaiai ma ni faafitauli i le fesuia’ia, tapeeseina, po o le faafouina o ou faamatalaga patino, e mafai ona e faafesootaia i matou e pei ona fautuaina ai i le faaiuga o lenei Faaaliga.

11. Aso e faamamalu ai ma suiga.

E amata faamamaluina lenei Faaaliga i le aso 14 Ianuari, 2025, ma e mafai ona faia suiga mai lea taimi i lea taimi.

12. Faafesootai mai matou.

O faafesili e faatatau i lenei Faaaliga po o le puipuiga o faamatalaga patino o loo matou faagaoioia e mafai ona auina mai i la matou Upega Tafa’ilagi, fesi, po o le meli:

Upega Tafa’ilagi: FamilySearch.org/dataprivacy
Fesi:                       1-801-240-1187
Meli:                      FamilySearch Data Privacy Office
                               50 E. North Temple Street
                               Salt Lake City, UT 84150-0005
                               USA

Afai e te nofo i totonu o le European Economic Area, e mafai ona e faafesootaia le sui o le FamilySearch GDPR Art. 27 e ala i le meli po o le imeli:

Meli: IITR Cert GmbH
Eschenrieder Str. 62 c, D-82194
Gröbenzell, Germany
Imeli:privacy@FamilySearch.org