Ituaiga o Nofoaga o le FamilySearch
Nofoaga Autu o le FamilySearch
E saunia e nofoaga autu o le FamilySearch ia meafaigaluega ma punaoa mo le suesueina o lou gafa ma talafaasolopito o aiga. Latou te ofoina atu le fesoasoani faaletagata, mauaina o komepiuta ma uepisaite sili o talafaasolopito o aiga, ma ata o faamaumauga faasolopito ia atonu e le maua i isi nofoaga.
O Potutusi Fesootai
O potutusi fesootai a le FamilySearch e ofoina atu punaoa e pei o na o loo maua i le nofoaga autu o le FamilySearch, e pei o le mauaina o faaputuga tele o gafa faakomepiuta i le FamilySearch. O potutusi fesootai e mafai ona avea ma potutusi mo tagata lautele po o aoga maualuga, faamaumauga, fale mataaga, nofoaga autu faaleaganuu, po o sosaiete tau gafa ma talafaasolopito.
O Le Potutusi a le FamilySearch
O le Potutusi a le FamilySearch, o loo i totonu o le Aai o Sate Leki, Iuta, o se tasi o Potutusi o suesuega tau gafa aupito tele i le lalolagi. E faaopoopo atu i se aufaigaluega suesue aoaoina, e ofoina atu ai se avanoa maua fua e mauaina ai se faaputuga tele o faamaumauga o gafa, tusi, ata mataninii, ma punaoa faafuainumera. E tatala le potutusi i tagata lautele e leai se totogi, ma o nisi o ana punaoa e maua foi i le initoneti.
Mauaina o le FamilySearch Anotusi Sili i Falelotu o le Ekalesia
E mafai ona e mauaina le anotusi sili o le nofoaga autu o le FamilySearch i lau lava komepiuta i soo se faletatalo a le Ekalesia a Iesu Keriso o le Au Paia o Aso e Gata Ai. Ia sii mai i lalo ma faapipii le faalautelega o le Anotusi Sili i le Nofoaga Autu o le FamilySearch i leGoogle Chromepo o leMozilla Firefox.