Faapotopoto Aiga i le Faaola faatasi ma le Fesoasoani mo Igoa o le Aiga

O Fesili e Fesiligia Soo

1. O le a le mea o o’u manaomia e faaaogaina ai le Fesoasoani mo Igoa o le Aiga?
   A o lei fono ma le tagata, valaaulia le tagata e mafaufau i se tama/tina matua ua maliu, se matua, toalua, tei, po o se tamaitiiti, e manaomia o le itupa e tasi. E ao ona latou saunia e tuuina mai le igoa, aso fanau po o le aso na maliu ai, ma le nofoaga na fanau pe maliu ai foi ina ia faaagavaaina ai le igoa mo le malumalu. E ui e sili ona lelei le i ai o faamatalaga sa‘o, ae e taliaina le ta i totonu o faatusatusaga, e pei o le na o le tausaga ma le igoa o se atunuu.
   
   Afai e le o i ai se igoa o se tagata o le ekalesia i lona mafaufau, o lona uiga o le Fesoasoani mo Igoa o le Aiga o le a maua ai se filifiliga e otometi lava ona maua ai igoa o loo maua i le FamilySearch.
2. O le a le faamoemoega o le Lagolago mo igoa Faaleaiga?
   O le Lagolago mo Igoa Faaleaiga o se aafiaga, faigofie otometi e taialaina ai taitai e fesoasoani i se tagata ia faigofie ona saunia igoa mo se aafiaga i le papatisoga i le malumalu.
3. E tatau i se a ona ou faaaogaina le Lagolago mo Igoa Faaleaiga?
   O le Lagolago mo Igoa Faaleaiga e fesoasoani i se tagata e aumai se igoa mo le malumalu i ni na o nai minute e aunoa ma le manaomia o se sailiga faigata o talafaasolopito o aiga. E mafai e tagata ona taulai atu i le lagonaina o le agaga o le malumalu, faateleina lo latou faatuatua, ma auauna atu i o latou aiga ua maliliu. Mulimuli ane, a o latou tuputupu a’e i le talalelei, e mafai ona latou aoao atili e uiga i le talafaasolopito o aiga ma faaauau ai pea se mamanu o le tapuai i le malumalu.
4. O ai e mafai ona alu i le Lagolago mo Igoa Faaleaiga?
   • E mafai e uso o le au epikopo, peresitene o paranesi, failautusi o uarota, ma failautusi faapitoa ona mauaina i le Punaoa mo Taitai ma Failautusi (PTF), i le vaega o loo tuuina atu ai pepa faataga mo papatisoga sui.
   • O tagata o le aufono a le uarota, o sui o latou au peresitene, faufautua o malumalu ma talafaasolopito o aiga e mafai foi ona latou o i le PTF I luga o le taiala o vaega autu, filifili le Malumalu, ona filifili lea o le Fesoasoani i Tagata e Lolomi Igoa o Aiga.
   • Tagata o aiga, auaunaga a uso ma tuafafine, ma uo e mafai foi na fesoasoani i tagata ia maua lenei aafiaga mai leLagolago mo Igoa Faaleaiga mo Tagata Fesoasoani .
5. E faapefea ona ou saunia a’o lei faaaogaina le Lagolago mo Igoa Faaleaiga?
   A o lei fono ma le tagata, valaaulia le tagata e mafaufau i se tama/tina matua ua maliu, se matua, toalua, tei, po o se tamaitiiti, e manaomia o le itupa e tasi. E ao ona latou saunia e tuuina mai le igoa, aso fanau po o le aso na maliu ai, ma le nofoaga na fanau pe maliu ai foi ina ia faaagavaaina ai le igoa mo le malumalu. E ui ina sili ona i ai faamatalaga sa’olelei, ae e talia foi le ta i totonu o faamatalaga taufaatusatusa, e pei o se tausaga ma le igoa o le atunuu.
   
   Afai e le o manatua e se tagata se igoa faaleaiga, ona tuuina atu lea e le Lagolago mo Igoa Faaleaiga se filifiliga e otometi ai ona maua igoa o loo i ai i le FamilySearch.
6. O le a le mea e tupu pe afai e leai se faitotoa a le tagata i le FamilySearch?
   Afai e te amata mai le Punaoa mo Taitai ma Failautusi (PTF), o le a otometi lava ona fatuina e le FamilySearch se faitotoa mo le tagata pe maua foi a latou faitotoa ua i ai i le FamilySearch. O le Lagolago mo Igoa Faaleaiga e maua mai ai foi faatonuga e fesoasoani ai i le tagata e faaopoopo se igoa faaaoga ma se uputatala e mafai ai ona alu i se faitotoa fou faatoa fatuina.
7. O le a le mea e tupu i faamatalaga e ta i totonu o le Lagolago mo Igoa Faaleaiga?
   O igoa faaleaiga ma sootaga o le a sefeina i le gafa o le tagata i le FamilySearch. E mafai e tagata ona maua faamatalaga i le Gafa o le Aiga i le FamilySearch.
8. Mata e faaali mai i luga o le Lipoti o Gaoioiga a Talafaasolopito o Aiga(FHAR), ia igoa e auina mai e ala i le Lagolago mo Igoa Faaleaiga?
   Ioe, a e fesoasoani i se tagata e lolomi igoa e faaaoga ai le Lagolago mo Igoa Faaleaiga, o le a faitaulia lena tagata o sē na auina atua i luga o le Lipoti o Gaoioiga a Talafaasolopito o Aiga (FHAR). O lea lipoti e fatuina faalemasina, i le ogatotonu o le masina. E le faaalia mai ai loa lava i luga o le lipoti ē fou e auina maia ae o le lipoti o le isi masina.

Punaoa Faaopoopo