See atu i Anotusi Autu
FamilySearch
Fatu le Faitotoa

Tuutuuga a le FamilySearch mo le Faaaogaina

Toe Faafouina 2023-09-01

E i ai eseesega i le lotoifale e manaomia faaletulafono

O le faaaogaina o lenei saite, ua e malie i tuutuuga ua tuuina atu i lalo (o lenei “Maliega”). Afai e te le malie i soo se tuutuuga o lenei Maliega, aua e te faaaogaina le saite lenei. Ua ia i matou le aia tatau e suia ai lenei Maliega i soo se taimi, o le mea la lea faamolemole ia siaki mo ni suiga i lenei Maliega i taimi taitasi e te faaaogaina ai lenei saite. O lou faaaogaina pea o le saite lenei pe a uma ona tuuina i ai ia suiga i lenei Maliega o lona uiga ua e taliaina na suiga.

Laisene ma Tapulaa

O le saite lenei, ua tuuto atu i talafaasolopito o aiga ma le sailia o gafa, e faagaoioia e le Familysearch Faavaomalo, o se faalapotopotoga a Iuta e le maua ai se polofiti ma ona ofisa autu i le Aai o Sate Leki, Iuta, I.S.A. (tusa ai ma lenei “FamilySearch”, “matou”, “tatou”, “o lo tatou” po o se faaupuga faapena), o se faalapotopotoga e le maua se polofiti o loo fegalegaleai ma Le Ekalesia a Iesu Keriso o le Au Paia o Aso e Gata Ai (“Ekalesia”). O anomea uma o loo maua i lenei saite (e aofia ai ata, tesi, aikona, faailoaga, utuofaamatalaga, faasalalauga, mea gaosi, auaunaga, ma faamatalaga), e umia pe laiseneina e i matou.   

Sei vagana ua faailoa atu, e mafai ona e maimoaina, sii mai, ma lolomiina anomea mai lenei saite mo le faaaogaina mo oe lava, e le faaaogaina i mea faapisinisi po o lou faaaogaina o se tagata volenitia faasino igoa e tusa ai ma le Polokalama Faasino Igoa a le FamilySearch ma e ogatusa ma Faaupuga ma Tuutuuga o le Polokalama Faasino Igoa a le FamilySearch po o le Maliega o le Laisene o le Polokalama Faasino Igoa a le FamilySearch.

E le mafai ona e tuuina i luga ni mea mai le saite lenei po o se i si upegatafailagi po o se upega fesootai i le komepiuta e aunoa ma la matou faatagaga. E le mafai ona e auina atu pe faasoa atu anotusi mai le saite lenei i nisi saite. E le mafai ona e faaaogaina le saite lenei po o faamatalaga e maua i lenei saite (e aofia ai ma igoa ma tuatusi o i latou na tuuina i totonu faamatalaga) e faatau atu pe faalauiloa gaosiga po o auaunaga, e tafale ai tagata, po o soo se isi lava faamoemoega faapisinisi.

O tagata popoto faapitoa i tulaga tau gafa e mafai ona faaaogaina lenei saite, o a tatou polokalama feavea’i, po o punaoa a nofoaga tutotonu o talafaasolopito o aiga e sue ai faamatalaga mo ma tuuina atu ai pepa o faamaumauga i se tagata mo lona lava faaaogaina, ae le mo tulaga faapisinisi. Ae ui i lea, e le mafai e tagata popoto faapitoa i tulaga tau gafa ona tafale pe faatulagaina ni pisinisi, faalauiloa atu i latou lava, pe taliaina ni totogi i lenei saite po o a tatou meatotino.

I le faaopoopo atu i ai, o anomea mai lenei saite e mafai ona toe gaosia mai e tagata o faasalalauga mo le faaaogaina i talafou lautele masani sei vagana ua faailoa mai. O nisi faaaogaina o faamatalaga po o anomea e maua i lenei saite, e aofia ai ma le faaaogaina e faalapotoptoga po o se vaega faaletulafono, e le faatagaina e aunoa ma se muai maliega tusitusia. (Tagai “Permission to Use Copyrights and Trademarks” i lalo.)

E ui lava i na mea uma, ua ia i matou le aia tutasi ma le aia tatau e teena ai, aveese pe faatapulaa ai le faaaogaina o lenei saite, e aofia ai le toe gaosia ma soo se isi faaaogaina o soo se anomea e maua i lenei saite. E le o so matou tiutetauave, ae ui lea, mo le fuafuaina po o le a le “faaaogaina tatau” o lona uiga mo tagata e moomoo e faaaoga nei anomea mai le saite lenei. O le a tumau pea le avea o se tiutetauave atoa o tagata taitoatasi e faaaogaina lenei saite. E le gata i lea, e le o manaomia matou te tuuina atu ni faamatalaga faaopoopo, pe faamaonia atu faapea o anomea i le saite lenei ua faatagaina mo soo se isi faaaogaina. O lena foi tiutetauave ua faapea foi ona tumau maoti ia i latou taitoatasi e faaaogaina lenei saite. Ae ui i lea, e ia i matou pea le aia tatau e puipuia ai le faaaoga sese o a tatou anomea ma ia faaliliuina le “faaaoga tatau” e pei ona matou malamalama ai i le tulafono.

O lenei saite e le o faamoemoe mo le faaaogaina i le Malo Rusia ma, o lea la, o le a le mafai ona faaaoga i totonu o le Malo Rusia.

Faatagaga e Faaaoga le Pule Tau Fatuga ma Faailoga o Fefaatauaiga

Ina ia talosagaina se faatagaga mo le faaaogaina o anomea e i ai le puletaofia po o faailoga o fefaatauaiga, faamolemole mulimuli i le sootaga lea:

Talosaga mo se Faatagaga

Manatua: Pe tusa ma le 45 aso ona maua  lea o se tali. O talosaga e aofia ai le tele naua o anomea e ono umi atu.

O Isi Talosaga

O isi ituaiga o talosaga e mafai ona auina atu i se tasi o saite ia.

Matafaioi a le Resitala

I le mafaufau ai mo le faaaogaina o lenei saite, o lou i ai ua ta’u mai ai (a) ua e faitau ma malie i tuutuuga o lenei maliega ma (e) ua mafai ona e resitala faaletulafono (pe a manaomia) e faaaoga le saite lenei ma soo se saite e fesootai ma le FamilySearch. Afai e te auina mai faamatalaga patino i le saite lea, ua e malie e tuuina mai faamatalaga moni, sa’o, o i ai i le taimi nei e uiga ia te oe (e aofia ai i le taimi o le faagasologa o le resitala) ma ia tausisia le ogatusa i le taimi nei ma le sa’o o lenei faamatalaga e uiga ia te oe, pe a suia foi. Afai e te tuuina mai ni faamatalaga po o ata sese, e le sa’o, le talafeagai, pe taufaaleaga, e mafai ona matou taofia mo se taimi pe faamuta lau faitotoa ma le faaaogaina o le saite lenei. I le taimi a o faagasolo le resitala, o le a fesili atu e fatu se igoa e saini ai i totonu ma se uputatala e te faaaoga ai ni vaega patino o lenei saite po o isi saite e fesootai ma le FamilySearch. Ua ia te oe le tiutetauave mo le tausisia o le le faalauaiteleina o lou igoa saini ma le uputatala. Ua ia te oe le tiutetauave mo gaoioiga uma e tulai mai i le faaaogaina o lenei igoa saini ma le uputatala. Afai e faaaoga e se tasi lou igoa saini ma lau uputatala i se auala e solia ai tuutuuga o lenei Maliega, o loo ia te oe lava le tiutetauave mo lana faatinoga, ma o le faaaogaina o lau igoa saini e mafai ona taofia pe faamutaina.

O Laisene ma Aia Tatau Ua Tuuina Mai ia i Matou

I se fesuiaiga mo lou faaaogaina o lenei saite ma/po o lo matou teuina o soo se faamatalaga e te auina mai, ua e tuuina mai ia i matou se laisene e le faatapulaaina, ua uma ona totogi atoa, e le maua ai se polofiti, lalolagi atoa, e le masuia, mafai ona tuu atu se laisene lagolago i se tasi, ma faifaipea e faaaoga ai soo se faamatalaga ma faamatalaga uma, anotusi ma isi anomea (tuufaatasi, “Anotusi Saofagā”) e te auina mai pe tuuina atu i lenei saite (e aofia ai, e le aunoa ma se tapulaa, faamatalaga tau gafa, ata, tusiga, pepa o faamatalaga, anomea, tala pue, talanoaga, faamatalaga, ma faamatalaga e faatatau i tagata ua maliliu po o soo se mea lava) mo soo se ma faamoemoega uma, i soo se ma tulaga uma, ma soo se ma ituaiga uma o faasalalauga o le a matou, i la matou lava faautautaga tutasi, ua manatu e talafeagai mo le faalauteleina o la matou misiona e faalauiloa le talafaasolopito o aiga ma le sailiga o gafa. O se vaega o lenei laisene, ua e tuuina mai ia i matou le faatagaga e fai ai kopi, faalauiloa lautele, tuuina atu, faasalalau, faatino, tufatufa, ma pe faaaogaina (ma faataga isi e faaaoga) lau Anotusi Saofagā i le lalolagi atoa, i soo se auala matou te manatu ua alagatatau (faaeletonika pe atonu, e aofia ai i luga o le upega tafailagi). Ua e malamalama foi ma malie faapea o soo se vaega o lenei laisene, ua ia i matou le aia tatau e fausia ai (ma faatagaina isi e fausia) ma faaaoga galuega na fausia mai lau Anotusi Saofagā e ala i le tuufaatasia uma po o se vaega foi ma mea mai isi aufai sao po o le toe faaleleia o lau Anotusi Saofagā.

Faapaaga ma Isi

Ua e faailoa mai o le faamoemoega autu o lenei saite o le mafai lea ona faapaaga ma isi tagata faaaoga o le saite lenei ma isi saite o e mananao e faalautele a latou utuofaamatalaga tau gafa ma le malamalama. Ua e faailoa mai o le a mafai ona matou faasoaina Anotusi Saofagā, e aofia ai faamatalaga patino o i latou taitoatasi o soifua, ua e tuuina mai mo le mafuaaga o le talanoa ma faasoa ma isi tagata taitoatasi ma faalapotopotoga (e aofia ai faalapotopotoga totogi o galuega sue gafa) i le tulaga, mo se faataitaiga, e fausia se siata [pedigree] faigofie i le lalolagi atoa mo le faamoemoega o le faateleina o le auai i talafaasolopito o aiga ma puipui talafaamaumau i le lalolagi atoa. Ua e faailoa mai o le faapaaga i le va o tagata e toatele ma se faalapotopotoga e faatagaina ai i matou e maua ni faamatalaga faaopoopo ia mafai ai ona matou tuuina atu i isi i le saite lenei–ma o le a faatagaina ai tagata faaaoga e faatele atu a latou lava laina o augatuaa. O la matou Faaaliga Tumaotie maua ai isi auiliiliga e faatatau i lo matou faaaogaina o lau Anotusi Saofagā.

Ua e malie ia sa’o ona tuu i totonu faamatalaga i le mea sili ua e iloa. I le faatumauina o le sa’o pea i vaaiga masani o tulaga tau gafa e maua i lenei saite (faapei o se siata o lou aiga, vaaiga faata’otoga, siata ili, ma isi vaaiga ma siata), ua e malie e faailoa ia tagata i o latou itupa moni ma tuuina i totonu i latou i o latou tulaga masani o le tane po o le tamaitai i luga o nei siata ma vaaiga (faataitaiga., tamā po o le tina). I se faaipoipoga o le itupa e tasi, o i la’ua uma o le itupa e tasi. E mafai ona e taina i totonu soo se faamatalaga e tusa ai ma le faasinomaga o le itupa i manatu faaalia. Faamolemole tagai i le vaega o Amio Faatonuina mo se tulaga auivi o taunuuga e ono tulai mai mo faamatalaga e le tatau e tuu i totonu.

O le saite lenei o loo aofia ai se vaega e mafai ai e tagata taitoatasi ona tuu i ai manatu faaalia pe avatu ai le Anotusi Saofagā e faatatau i se tagata patino ua maliu ma tuuina mai ai faamatalaga e tusa ma lena tagata. Ua ia i matou le aia tatau e toe faaaoga ai faamatalaga o le talanoaga ma isi Anotusi Saofagā na tuuina mai ma faalauiloa atu i isi i se taumafaiga e fesoasoani ai e foia ni mea na faaletonu e tulai mai pe fesoasoani e aoaoina isi. Matou te talosagaina oe ia e tagai totoa i faamatalaga e te faaopoopo atu i au talanoaga i luga o upega tafailagi ma isi Anotusi Saofagā, fesootai e ala i le imeli po o isi auala e maua ai faamatalaga mo fesootaiga po o isi faamatalaga maaleale. Ua e faailoa mai o soo se mea lava e te auina mai e ala i le vaega o talanoaga o le a mafai ona vaai i ai soo se tasi e mafai ona faaaogaina le saite lenei. O le vaega o talanoaga ua faamoemoe e fesoasoani ai i taumafaiga faapaaga, e faamaopoopo ai le faasa’oga o mea e sese, e faatautaia ai suesuega faaopoopo ma isi tagata e mananao ai. O le vaega o talanoaga e le mafai (a) ona faaaoga mo mafuaaga e le talafeagai ma le autu sa talanoaina, (e) ona aofia ai faamatalaga e ono afaina ai pe faamaina ai soo se tagata o soifua pea, pe (i) aofia ai foi se gagana po o se anotusi e faatiga ai, le mafaufau, le talafeagai, taufaamata’u, po o le faatautala. O ni eseesega e tusa ma mea moni e faatatau i le ua maliu atonu o le a aliae mai, ma o na eseesega e tatau ona faatulaga i ni faaupuga manino e fausia i luga o mea moni ma faapogai na aumai ai i mea e mafai ai e aunoa ma lou faaaogaina vave o se gagana po o ni manatu faaalia faatiga pe agaleaga. O le vaega o le talanoaga e le mafai ona faaaogaina e tuu atu ai se sooga i upegatafailagi i fafo atu faatasi ai ma se anotusi e le talafeagai (tusa lava pe talafeagai ia sooga i faamatalaga e faiā ma logolelei e uiga i tagata ua maliliu) pe ina ia mafai ai foi ona tafale se pisinisi po o isi tautua mo sailiga. E ui lava e leai sa matou matafaioi e faia ai, ae ua ia i matou le aia tatau, i la matou lava faautautaga tutasi, e tapeese ai pe suia Anotusi Saofagā na tuuina mai i le vaega o talanoaga ma isi vaega faapena ma lē talia ai le faaaogaina e tagata o na vaega mo soo se mafuaaga po o le leai foi o se mafuaaga. Faamolemole tagai i le vaega o Amio Faatonuina mo se auivi o taunuuga e ono tulai mai ona o le faaaogaina le tatau o le vaega o talanoaga ma isi vaega faapena. 

Polokalama

Afai e mafai ona e sii maia le polokalama i le saite lenei, e mafai ona e faaaogaina tau lava o le polokalama pei ona tuuina atu e le maliega o le laisene lea ua tuu atu faatasi ma le polokalama. Ua ia te oe le matafaioi tutasi e tausisi ai i soo se pule faafetauaiga o le Iunaite Setete o Amerika e ono faatatau i soo se polokalama e tuuina atu i lenei saite.

Aiā Tatau e Auina Atu Ai

Soo se Anotusi Saofagā e te auina mai i lenei saite ua i ai i lenei Maliega ma i le -Maliega o Anotusi Saofagā a le FamilySearch. O loo fai oe ma sui ma se poloaiga o le a le auina atu soo se mea e faaleaogaina ai le aia tatau i le saite lenei (e aofia ai, ae le na o le pau lea, pule tau fautga, aia tumaoti, aia faalauaitele, aia faakonekarate po o isi aia e umia). Soo se taimi lava e te auina atu ai Anotusi Saofagā i lenei saite, ua e ioe ua ia te oe le aia tatau faaletulafono e auina mai ai lena Anotusi Saofagā ia i matou ma toina mai ia i matou ma a matou paaga ia aia tatau ma laisene ua faatulagaina i lenei Maliega ma i le Maliega o Anotusi Saofagā a le FamilySearch. Ua e taliaina le tiutetauave faaletulafono mo lo matou faaaogaina o soo se Anotusi Saofagā e te auina mai. Ua ia te oe le tiutetauave tutasi mo Anotusi Saofagā uma e te auina mai, tuu i luga, pe saofaga mai i le saite lenei po o se isi foi saite a le Familysearch e fegalegaleai ma le saite lea.

Auina atu o Igoa mo Sauniga Faalelotu

E ao ona e auina atu tau lava o igoa mai lou lava aiga mo sauniga sui i le malumalu, e le tatau foi ona e auina atu igoa e te le aiga i ai faapei o tagata iloga pe lauiloa, po o igoa ia e te ao maia i galuega faatino i le sailiga o igoa e lei faamaoniaina, e faapei o tagata na afaina fua i le Fasiotiga Tele o Tagata Iutaia.

Tulafono o le Amio

Ua e ioe o le a e le, pe avea o se vaega po o soo se taumafaiga tuufaatasi, auina atu faamatalaga pe tuu i luga o lenei saite (po o le taimi foi o le resitala, o se tulaga tau gafa e auina atu, e ala i se vaega o talanoaga, pe auala atu foi i se isi lava vaega o le a mafai e soo se Anotusi Saofagā ona tuuina mai) lea e mafai ona faataumaoia, pe faatiga ai i isi tagata faaaoga. Ua e malie foi e te le faafoligaina oe o se isi tagata faaaoga mo soo se faamoemoega, e aofia ai le nana o lou faasinomaga pe tuua’ia se tasi mo au mea e fai. Ua e malie e te le aumaia, aoina, pe faaaoga nei faamatalaga mai lenei saite ma le faamoemoe e faaleaga, faaleaoga, faama, pe lotovale i soo se tasi po o se vaega. Ua e malie foi e faapea, sei vagana ua e mauaina sa matou mua’i faatagaga, o le a le faaaogaina lava soo se polokalama, tekinolosi, po o se masini e faatino ai le sii mai o ni mau faamatalaga, pe e te aumaia ni faamatalaga mai se uepisaite ma faasalalau i luga o se isi uepisaite, pe e te selesele mai foi ni faamatalaga po o anomea mai le saite lenei. Ua e malie e te le ’alofia soo se pulega po o tulafono o le faaaogaaga ua matou saunia.  Ua e malie e te le gaosia, toe fai, kopi, sii mai, auina atu, faaalia, faatino, faalauiloaina i tagata lautele, faatau atu, pe faaaoga soo se vaega o lenei saite po o ona anomea mo soo se faaaogaina i nisi itu po o mea faapisinisi. Ua e malie e te le auai i soo se gaoioiga e tusa ai ma lenei saite, o ona anotusi, po o ona tagata faaaoga ia e mafai ona tulai mai ai se solitulafono po o se tulaga e manaomia ai ona totogi se sala i se isi. E le gata i lea, ua e malie e te le toe faalauaiteleina, faasalalau, auina atu, tufatufa, autala, solofa, faaa’oa’o, toe foi e auiliili, fatufatu mai ai ni galuega faatatupu, pe toe fauina lenei saite, o ana auaunaga, o tulafono faapogai, po o anotusi e aunoa ma la matou maliega tusitusia muamua. Ua e malie foi e te le faia lava se mea e ono faasalaveia ai le sologa lelei o faamatalaga e avatu i totonu ma aumai i fafo o lenei saite, pe faaaafia ai le auaunaga po o le faatinoga a lenei saite. Ua e malamalama o le taunuuga o faatinoga taufaaleaga pe faatiga, po o se isi lava mea e solia ai lenei Maliega, e mafai ona aofia ai le faamuta o lau aia e faaaoga ai le saite lenei (atoa ai ma lau aia e faaaoga ai soo se mea i lenei saite, ma isi saite e fegalegaleai ma le FamilySearch po o polokalama feavea’i, ma soo se isi lava anomea e faatatau i ai) ma se moliaga faaletulafono e faasaga ia te oe.

Faaeteetega o Mea e Auina Atu

Ua matou faamoemoe e faaaoga taumafaiga talafeauga e tausisia ai le faamaoni o au Anotusi Saofagā ma taumamao mai sese po o mea e misi i le anotusi o lenei saite. Ae ui i lea, ua e malie o le a le ia i matou le tiutetauave pe nafa ma mea sese po o mea e misi mai soo se anotusi atonu e te maua i luga o lenei saite, po o mea e leiloloa, faaleagaina, pe faaletonu o le Anotusi Saofagā e te auina mai pe tuu i luga.

Sootaga

Mo le faafaigofie ia te oe, o lenei saite e mafai ona aofia ai sooga i upega tafailagi o loo faagaoioia e isi. O nei saite e i ai se tagata lona tolu e le o tausia pe puleaina e matou, matou te le nafa ma a latou anotusi. E ui ua matou faia se taumafaiga e fesootai atu ai na o saite e talafeagai, ma logolelei, o nisi atonu o i ai ni anomea e le talafeagai pe ono teenaina. Afai e te maua ni anomea faapea ao e faaaogaina le upega tafailagi na e alu i ai e ala i le sooga ma le saite lea, faamolemole ia vave ona faafesootai i matou.

Matou te talitonu o i latou o loo tuuina mai na faamatalaga i le initoneti ua faamoemoe o le a faalauteleina ma avanoa lautele. O le mea lea, matou te talitonu o le fesootai i isi saite e faatagaina faaletulafono ma e ogatasi ma faamoemoega o i latou e faaaogaina le Initoneti. Ae ui i lea, o lou alu i sea ituaiga upega tafailagi e tatau ona faasaina, e ao i le o faigaluega i lena saite ona logo vave i matou.

Tumaoti ma le Puipuiga o Faamatalaga

O lou faaaogaina o lenei saite ma le auina mai o au faamatalaga patino ia i matou, ua e ioe ai i le galueaiina i le Iunaite Setete o Amerika, po o isi nofoaga, soo se faamatalaga patino e te auina mai e tusa ai ma a matou Faasilasilaga Tumaoti. Ua e malie foi e faia mea uma e tusa ai ma tulafono uma e faatatau i ai e tusa ma le auina atu o au faamatalaga patino i pe mai le Iunaite Setete o Amerika ma le atunuu o loo e aumau ai.

Pule ma le Tulafono e Tatau I Ai

O lenei Maliega e ao ona puleaina e tulafono a le Setete o Iuta, Iunaite Setete o Amerika, e pei ona i ai i maliega na faia ma ia faatinoina atoa i totonu o le setete, e aunoa ma le aafia ai o soo se mataupu faavae o feteenaiga o le tulafono. Soo se faiga e te aumaia e faamalosia ai lenei Maliega po o soo se mataupu e faatatau i lenei saite e ao ona aumaia i le faamasinoga a le setete po o le malo o loo i totonu o le Itumalo o Sate Leki, Iuta, ma ua e finagalo malie i ai ma auina atu i le faaafoega a le faamasinoga mo faamoemoega o le aumaia i le faamasinoga o soo se faatinoga faapea. Ua e malie i nei mea tusa lava po o fea le mea o e i ai, po o soo se mea e le talafeagai ma oe. Afai e i ai soo se vaega o lenei Maliega e le faatulafonoina, le aoga, pe le faamalosia i lona atoaga po o se vaega, e le tatau ona aafia ai ia vaega o loo totoe ai, sei vagana ua matou fuafuaina faapea o le vaega e le o aoga pe le o faamalosia o se tuutuuga e tatau ai o lenei Maliega, i lea la tulaga, matou te mafaia i la matou lava faautautaga tutasi ona suia le Maliega.

Tapulaa o le Tiutetauave o ni Mea e Faaleagaina

E le nafa i matou ma soo se mea e faaleagaina po o se taunuuga faataumaoia e afua mai i lou faaaogaina, po o lou le mafai ona faaaoga, o lenei saite po o anomea i le saite lenei po o soo se saite o loo fesootai mai i ai, e aofia ai, ae le faatapulaaina ai, le leiloloa o polofiti, faalavelaveina o faapisinisi ma le leiloloa o polokalama po o isi faamatalaga i le polokalama e taulimaina ai au faamatalaga. E leai so matou tiutetauave atoatoa ia te oe mo mea uma e faaleagaina, leiloloa, ma ni mafuaaga o ni faatinoga e silia ma le aofaiga na e totogiina, pe afai e i ai, mo le faaaogaina o lenei saite po o soo se isi saite e fesootai i ai.

Faamatalaga e Teenaina Ai

O LENEI SAITE MA ANOMEA O I LENEI SAITE MA SOO SE SAITE E FESOOTAI I AI UA TUUINA ATU “E PEI ONA I AI” MA E LEAI NI FAAMAUTINOAGA O SOO SE ITUAIGA, PE FAAILOA ATU PE LEAI. I LE MEA E GATA AI LE FAATAGAGA E TUSA AI MA TULAFONO E FAATATAU I AI, MATOU TE TEENAINA AI FAAMAUTINOAGA UMA, E FAAILOA ATU PE FAATATAU I AI, E AOFIA AI, AE LE FAATAPULAAINA, IA FAAMAUTINOAGA O LE FAALANIGA MA FAAMAUTINOAGA E FAATATAU I AI O LE FEFAATAUAIGA MA LE MALOSI MO SE FAAMOEMOEGA FAAPITOA. MATOU TE LE FAAMAUTUINA ATU FAAPEA O GALUEGA A LENEI SAITE O LE A LE FAALAVELAVEINA PE LEAI SE SESE, PE FAAPEA O MEA E FAALETONU O LE A FAASA’OINA, PE FAAPEA FOI O LENEI SAITE PO O LE TAUTUA AUTU E SAOLOTO MAI NI VAIRASI PO O NISI MEA FAATAUMAOIA.

Faailoga o Faafetauaiga

O mea o mulimuli mai o se lisi e le o atoa o faailoga o a tatou fefaatauaiga ma faailoga o le auaunaga:

FamilySearch

FamilySearch GEDCOM

International Genealogical Index

RootsTech

The Church of Jesus Christ of Latter-day Saints

O faailoga nei o faailo o le FamilySearch po o le Intellectual Reserve, Inc., ma ua resitala i le Iunaite Setete ma isi atunuu. Mo nisi faamatalaga faaopoopo e faatatau i faailoga faafetauaiga ma auaunaga ma lo latou faaaogaga tatau, faamolemole tagai i le Guidelines for Use of Church Trademarks

Fesili 

Mo nisi fesoasoaniga po o faamatalaga e faatatau i faailoga o fefaatauaiga ma anomea ua puletaofia, e mafai ona e faafesootaia le Ofisa o le Church Intellectual Property i le:

Phone:1-801-240-3959 po o le 1-800-453-3860, ext. 2-3959
Fax:1-801-240-1187
E-Mail: cor-intellectualproperty@FamilySearch.org

Toe Faafouina 2023-09-01