O le Maliega o Anotusi e Auina Atu a le FamilySearch

O le FamilySearch Faavaomalo (“FamilySearch”, “matou”, “tatou”, po o se faaupuga taitutusa) o se faalapotopotoga e le faapisinisi. O faatinoga faatulafono ma matafaioi o le FamilySearch e fesootai ma le lolomiina ma isi faaaogaina o soo se faamatalaga po’o ni anomea sa e tuuina atu i le FamilySearch.org (o lenei “Saite”) ua matuā faatapulaaina e lenei Aiaiga o le Faaaogainaa le Saite (o le “Tuutuuga o le Faaaogaina”) ma e ala i lenei Maliega o Anotusi e Auina Atu a le FamilySearch (lenei “Maliega”). O lenei Maliega ua toe ta’ua ai ma/pe faaopoopoina le Tuutuuga o le Faaaogaina; ae le suia ai le Tuutuuga o le Faaaogaina. O Tuutuuga o le Faaaogaina ma lenei Maliega ua tuufaatasia faatasi e peiseai ua faamatala manino mai e le tasi le isi. E ala i le auina atu, saofaga, po o le tuuina i luga o soo se faamatalaga po o anomea i soo se vaega o lenei Saite, ua e malie ai i Tuutuuga o le Faaaogaina ma tuutuuga ma tulaga o lenei Maliega.

1. O oe e te Nafa mo Au Faamatalaga e te Tuuina Atu. O le filifiliga e utaina i luga faamatalaga, anotusi, faamatalaga o gafa, ata, tusiga, pepa o faamatalaga, mea na pueina, faatalatalanoaga, manatu faaalia, po o isi anomea (taofaiga ma taitoatasi, “Saofaga o Anotusi”) i lenei Saite o lau lea matafaioi. O Saofaga o Anotusi uma sa e utaina i luga i lenei Saite o le a faaalia ma avanoa mo isi e saili ai, matamata, faalogo, pe faaaoga foi e tusa ma Tuutuuga o le Faaaogaina ma lenei Maliega. Aua le auina atu ni vaega e te le manao e maua e isi.

2. Aiā Tatau mo le Auina Atu. E ala i le auina atu o Saofaga o Anotusi i lenei Saite, ua e faamaonia ai ua ia te oe le aiā tatau e auina atu ai nisi vaega e pei o Saofaga o Anotusi, ma o le auina atu ma le faaaogaina ua tusa ai ma Tuutuuga o le Faaaogaina ma lenei Maliega o le a le aafia ai le aiā tatau a le isi tagata, aiā tatau lautele, aiaiga faakonakarate, pule tau fatuga, po o isi aia tatau. I le faamaoniaina o au aiā tatau e auina atu ai Saofaga o Anotusi, ua e taliaina faaletulafono matafaioi mo lo tatou (ma isi a tatou paaga laiseneina) faaaogaina o au Saofaga o Anotusi.

3. Pule tau fatuga. Matou te nofouta i le pule tau fatuga ma isi aiā tatau o meatotino a le intellectual. Ia nofouta i anotusi e aofia ai ma ata, tala, ma aafiaga patino, tusa lava pe auina atu i se vaega o lenei Saite lea e talafeagai ia te oe, e tumau lava le avea ma meatotino a lē na fatuina poʻo lē na auina atu. E le tatau ona e toe gaosiaina e aunoa ma se faatagaga a lē e anaina. O atapu’e o tagata soifua taitoatasi, se’i vagana ai lau lava fanau iti, e le tatau ona tuuina i luga e aunoa ma la latou maliega. Pe a fatuina le pueina o se / leo, o le mea totino ua pu’eina e tatau ona patino ia te oe lava, pe afai foi o se fatuga a se isi (mo se faataitaiga o se solo po o se tusiga), e tatau ona faaaogaina mai se faatagana a le e anaina.

4. Laisene ma Aiā Tatau ua Tuuina mai ia i Tatou. I le auina atu o Saofaga o Anotusi i lenei Saite, ua e tuuina atu le faatagaga i le FamilySearch e le tapulaa, totogi atoa, leai se totogi, lalolagi atoa, lē suia, laiseneina, laisene tumau e faaaoga ai soo se vaega poo vaega uma o le Saofaga o Anotusi ua e auina atu pe ua e tuuina atu i lenei Saite, mo soo se faamoemoe po o faamoemoega uma, i soo se uiga po o amioga uma, ma i soo se ituaiga po o ala o faasalalauga ua tatou, i la tatou faitalia, lea ua manatu ua talafeagai mo le faalauteleina o la tatou misiona e faalauiloa talafaasolopito o aiga po o sailiiliga o gafa. I le avea ai o se vaega o lenei laisene, ua e tuuina mai ia i matou se faatagana faatapulaa e kopi, faasalalau faalauaitele, feaveai, faasalalau, faaalia faalauaitele, tufatufaina, laiseneina, fatu galuega patino mai (aofia ai, lē faatapulaaina, i le tuufaatasia o se vaega po o vaega uma o au Saofaga o Anotusi ma faatasi ai ma isi tagata fai saofaga pe e ala foi i le toe faavasegaina o au Saofaga o Anotusi), ma pe o le faaaoga (ma faatagaina isi e faaaoga) au Saofaga o Anotusi i le salafa o le lalolagi, i soo se auala ua matou manatu ua talafeagai (faaeletonika pe o nisi, e aofia ai i luga o le initoneti).

5. Sa’o o Faamatalaga na Tuuina Atu. Ua e malie e tuuina mai mea moni, sa’o, ma faamatalaga atoa ia i matou. Afai o soo se faamatalaga e te auina atu e, i la matou lava faitalia, sese pe taufaasese, e ia i matou le aia tatau, ae le o le matafaioi, e faia ai soo se faatinoga faaleleia poo o puipuiga ua matou manatu e talafeagai ma la matou faitalia, e aofia ai le faatapulaaina o avanoa maua, tapeeseina, ma/po o le faasa’oina o soo se vaega o au Saofaga o Anotusi.

6. O le Ma’ale’ale i Isi Tagata Faaaoga. Matou te talosaga atu ina ia filifili lelei i au Saofaga o Anotusi e auina atu. Ua ia i matou le aia tatau e aveese ai soo se Saofaga o Anotusi ua matou talitonu, i la matou lava faitalia ua, (a) le talafeagai, (e) e ono afaina pe faamaasiasiina ai isi tagata soifua, (i) e masoā, matagā, le ogatusa, taufaamata’u, pe faalumaluma, po o (o) le ono solia ai o lenei Maliega, le Tuutuuga o le Faaaogaina, po o le Taiala ma Aiaiga o le Utaina i Luga. Matou te ono faia foi ni faatinoga, e aofia ai le faatapulaaina o avanoa e maua ai, mo le solia o lenei Maliega ma faailoa ia i latou o e e faamalosia le tulafono o soo se gaoioiga ua vaaia, i la matou lava aia tatau, e solia ai tulafono talafeagai.

7. Otometi ona Iloiloina. Ua ia i matou le aia tatau, e aunoa ma se matafaioi, e mataituina ma suia au Saofaga o Anotusi. Matou te faaaogaina le vaega o le faavasegaga otometi e taofia ai Saofaga o Anotusi ia e foliga mai i la matou faamasinoga tonu ua faatatau i se tagata soifua po ua solia ai Tuutuuga o le Faaaogaina po o lenei Maliega. E ui e le o sa matou matafaioi lea faatinoga, ua ia i matou le aia tatau e suia ai au Saofaga o Anotusi mo so o se mafuaaga po o le leai foi.

8. Teuina o Saofaga. Matou te naunau e faaaoga taumafaiga talafeagai e puipuia ai le sa’o o au Saofaga o Anotusi ma taofia ai mea sese po o vaega e le o aofia ai i le anotusi o lenei Saite. Matou te tuuina atu le avanoa e auina mai ai Saofaga o Anotusi e tusa ai ma Tuutuuga o le Faaaogaina ma lenei Maliega. O lea auaunaga ma lenei Saite ua saunia “E PEI ONA I AI”, ma e le o sa matou matafaioi po o se tiutetauave le tali atu i mea sese po o vaega e le o aofia ai i soo se vaega o le anotusi e te ono maua i lenei Saite, po o ni mea leiloloa, faaleagaina, po o le faaletonu o Saofaga o Anotusi sa e tuuina mai. E mafai ona e aveese soo sau Saofaga o Anotusi mai lenei Saite, ae matou te le manaomia le aveeseina o sootaga po o faamaoniga o Saofaga o Anotusi ua aveesea. E faaopoopo atu i ai, ua e faailoaina ma ua e malie o le taimi lava matou te laiseneina ai au Saofaga o Anotusi i isi, matou te le mafai, ma e le o sa matou matafaioi le taofia o isi ua laiseneina i le faaaogaina o ia Saofaga o Anotusi. E le o ia i matou le matafaioi e tali atu ai mo ni vaega faapitoa po o ni taunuuga o mea na faaleagaina mai lou auina atu o Saofaga o Anotusi po o lo matou le taliaina o lau Saofaga o Anotusi. Faamolemole tagai i Tuutuuga o le Faaaogaina o le mo nisi faamatalaga.

9. Tulafono o le Puipuiga o Faamatalaga. Afai o loo e nofo i fafo atu o le Iunaite Setete o Amerika, ua e faatagaina le faagasologa i le Iunaite Setete o Amerika o soo se faamatalaga patino ua e auina atu. Ua e malie foi e te tausisi i tulafono talafeagai uma e faatatau i le feaveaiina o faamatalaga patino i pe mai i le Iunaite Sitete o Amerika ma le atunuu o loo e aumau ai.

10. Tulafono Faapitoa o le Amio. Faamolemole faitau ma le faaeteete le vaega o le Tulafono o le Amio o loo i le Tuutuuga o le Faaaogaina, lea, o loo ogatasi ma isi vaega uma o Aiaiga o le Faaaogaina, e faatatau i lenei Maliega.

Toe Faafouina 2023-09-01