Uta i Luga Taiala ma Aiaiga Faavae

Mataupu Faavae mo Ata Pu’e, Pepa o Faamatalaga ma le Pu’eina o Leo

O Ata o le FamilySearch, Pepa o Faamatalaga ma le Pu’eina o Leo e tatau ona mafai ai e tagata taitoatasi ona faasoa anotusi o tuaa e fesoasoani ai i le aiga ia iloa ma alofa le tasi i le isi. O mataupu faavae aoao nei e tatau ona faaaoga:

Talafeagai. O anotusi e tatau ona lagolagoina tulaga faatonuina talafeagai o laei ma le mama.

Talafeuga. O anotusi e tatau ona lagolagoina se faamoemoega o talafaasolopito o aiga.

Liua-loto. O anotusi e tatau ona lagolagoina tagata taitoatasi e o mai ia iloa ma alolofa i o latou tuaa.

E le faapisinisi. O anotusi e le tatau ona faasalalau pe faalauiloa atu ai ni oloa. E le tatau ona latou solia ai aiā tatau o meatotino.

Taiala o Aiaiga Faavae o le Siakiina Ata Pu’e, Pepa o Faamatalaga ma le Pu’eina o Leo

O anotusi E LE TATAU ona i ai ni ata, faataitaiga, po o faamatalaga o

1.  Telenoa po o le le tauagafau. O lavalava e faaalia i ata e tatau ona tasipi ma faamau lelei.

2.  Anotusi paia po o isi anotusi faalelotu.

     a. Laei
     e. Sauniga
     i. Faamanuiaga faapeteriaka

3.  Laei i ofu o leisi itupa.

4.  Sootaga i uepisaite e i fafo atu (faataitaiga e leai ni URL).

5.  O soo se ituaiga o upu lē mafaufau pe masoā.

6.  Ata o tino e leai se ulu po o foliga.

7.  Ata o tagata o loo feasogi i le gutu: feasogi i le leisi tagata i laugutu po o le a feasogi i leisi tagata i laugutu, e tusa lava po o le a le itupa, matua, po o le sootaga.

8.  Faamaoniga o se oloa po o se uepisaite. O faailoga ma faaupuga i luga o lavalava po o laupapa faailo tetele, loli, ma isi mea, o le a iloiloina taitasi.

9.  O amioga, oloa, po o auaunaga e sa i le tulafono. O nei mea e aofia ai fualaau faasaina.

10.  O mea masoā, taga masoā po o gagana masoā.

11.  Foliga o le ita ma le faailoga tagata .

12.  Sauaga ma faamanu’aga.

a.  O ata pu’e o le taua, tuligamanu, ma fagotaga o le a iloiloina taitasi.
b.  O ata pu’e e i ai tatuiga ma pe’a o le a iloiloina taitasi.

13.  O le faalauiloaina o le faailoga lanu.

14.  O le faalauiloaina o le gaosiga, faamoemoega, po o auaunaga alofa o loo i ai nei.

15.  Anotusi o fefaatauaiga. Na pau lava tuusaunoaga pe afai:

a.  Ua i ai ni ou aiā faaletulafono i le anotusi.
b.  Ua uma le aoga o le puletaofia.

O Ata Pu’e, Pepa o Faamatalaga, ma le Pu’eina o Leo e le mafai ona faasa’oina i se faiga ina ia le talafeagai, sese, pe taufaasese ai. Ma leisi, o soo se pu’eina o ata o se vaega e i ai se tagata e tusa lava pe toatasi, e solia soo se taiala o loo i lenei pepa o faamatalaga, ua le faatagaina.

O ata, mea faitino e gaosi e tagata, po o faila fou po o faila na utaina i luga talu ai pe na fatuina i luga o le FamilySearch e solia aiaiga faavae o le auina atu e mafai ona taofia.