Kasabotan sa Pagsumiter og Sulod [Content] sa FamilySearch

FamilySearch International (“FamilySearch”, “kami”, “kanamo” o susama nga mga termino) usa ka organisasyon nga dili pangnegosyo. Ang kaakohan ug mga obligasyon sa FamilySearch nga may kalabotan sa pagmantala ug uban pa nga paggamit sa bisan unsa nga impormasyon o mga materyal nga gitampo nimo sa FamilySearch.org (kini nga “Site”) gilimitahan sa istrikto nga paagi sa Mga Termino sa Paggamit (ang “Mga Termino sa Paggamit”) niini nga Site ug niining Kasabotan sa Pagsumiter og Sulod [Content] sa FamilySearch (kini nga “Kasabotan”). Kini nga Kasabotan nagpahayag pag-usab ug/o nagdugang sa Mga Termino sa Paggamit; dili kini mopuli sa Mga Termino sa Paggamit. Ang Mga Termino sa Paggamit ug kini nga Kasabotan konektado gayod sa usag usa nga daw usa ra ka dokumento, nga bisan unsay gipahayag sa usa ka dokumento magamit usab sa laing dokumento. Pinaagi sa pagsumiter, pagtampo, o pag-post og bisan unsa nga impormasyon o mga materyal nganha sa bisan asa nga bahin niini nga Site, ikaw miuyon sa Mga Termino sa Paggamit ug sa tanan nga termino ug mga kondisyon niini nga Kasabotan.

1. Ikaw ang Responsable sa Imong Gitampo nga mga Datos. Ang desisiyon sa pag-upload sa impormasyon, sulod, mga datos sa kagikan [genealogy], mga imahe, mga sinulat, mga dokumento, mga pagrekord, mga hilisgotan, mga komentaryo, o uban pang mga materyal (sa dinaghan ug sa indibidwal nga paagi, “Gitampo nga Sulod”) ngadto niini nga Site imong responsibilidad. Ang tanang Gitampo nga Sulod nga imong gi-upload ngadto niini nga Site mahimong makita ug maanaa aron ma-search sa uban, ma-view, madungog, ug kondili magamit sumala sa Mga Termino sa Paggamit ug niini nga Kasabotan. Ayaw pagtampo og bisan unsa nga dili nimo gusto nga makita sa uban.

2. Katungod sa Pagsumiter. Pinaagi sa pagsumiter sa Gitampo nga Sulod ngadto niini nga Site, ikaw momatuod nga ikaw adunay legal nga katungod sa pagtampo nianang Gitampo nga Sulod ug nga ang pagsumiter ug paggamit niini sumala sa Mga Termino sa Paggamit ug niini nga Kasabotan dili makalapas sa bisan unsa sa ikatulong grupo [third party] nga mga katungod sa pagkapribado, mga katungod sa pagmantala, mga katungod sa kontrata, mga copyright, o ubang mga katungod sa pagpanag-iya. Pinaagi sa pagmatuod sa imong legal nga katungod sa pagsumiter sa Gitampo nga Sulod, gidawat nimo ang legal nga responsibilidad sa paggamit namo (ug sa among kaubanan nga gihatagan og lisensiya) sa imong Gitampo nga Sulod.

3. Copyright [Katungod sa Pagkopya]. Sensitibo kami sa copyright ug lain pang mga intellectual property right sa uban. Hibaloi nga ang sulod, lakip na ang mga litrato, mga istorya, ug personal nga mga kasinatian, bisan kon gisumiter na ngadto sa usa ka bahin niini nga Site nga may kalabotan nimo, magpabilin nga gipanag-iya sa naghimo o nagsumiter. Ikaw kinahanglan nga dili magpakopya niini kon walay pagtugot sa tag-iya. Ang mga litrato sa buhi nga mga indibidwal, gawas sa kaugalingon nimong menor de edad nga mga anak, dili gayod mahimong i-post kon walay pagtugot nila. Kon maghimo og pagrekord sa audio / tingog, ang personal nga sulod nga girekord kinahanglan nga imong kaugalingon, o kon hinimo sa uban (pananglitan usa ka balak o artikulo), mahimong gamiton kon may pagtugot sa tag-iya.

4. Mga Lisensiya ug mga Katungod nga Gihatag ngari Kanamo. To the fullest extent permitted by the applicable law, ikaw mihatag sa FamilySearch, pinaagi sa pagsumiter sa Gitampo nga Sulod ngadto niini nga Site, og usa ka walay restriksiyon, hingpit na nga nabayaran, walay kwarta nga madawat sa umaabot tungod sa paggamit niini, tibuok kalibotan, dili mabakwi, makahatag og lisensiya sa uban, ug lisensiya nga kanunayng magamit sa bisan unsa ug sa tanang Gitampo nga Sulod nga imong gisumiter o kondili gihatag niini nga Site, alang sa bisan unsa ug sa tanang katuyoan, diha sa bisan unsa ug tanang matang, ug diha sa bisan unsa ug tanang porma sa media nga alang namo, sa among bugtong nga paghukom, gihunahuna nga tukma alang sa pagpadayon sa among misyon nga mapalambo ang family history ug genealogical research. Isip kabahin niini nga lisensiya, and to the fullest extent permitted by the applicable law, ikaw mihatag kanamo og walay limitasyon nga pagtugot sa pagkopya, pagpakita sa publiko, pagpadala, pagsibya, pagpahigayon sa publiko, pag-apud-apod, paghatag og lisensiya sa uban, paghimo og sinundog nga mga buhat (lakip na, walay limitasyon, pinaagi sa paghiusa sa tanan o sa usa ka bahin sa imong Gitampo nga Sulod ngadto sa ubang mga tigtampo o kondili pinaagi sa pag-usab sa imong Gitampo nga Sulod ), ug kondili sa paggamit (ug pagtugot sa uban sa paggamit) sa imong Gitampo nga Sulod sa tibuok kalibotan, sa bisan unsa nga paagi nga among gihunahuna nga tukma (sa elektronik o sa lain nga paagi, lakip na diha sa Internet).

5. Katukma sa Gitampo nga mga Datos. Ikaw miuyon sa paghatag og tinuod, tukma, ug kompleto nga impormasyon ngari kanamo. Kon ang bisan unsa nga impormasyon nga imong gihatag, nga sa among bugtong ug tinuoray nga paghukom, bakak o makahatag og sayop nga ideya, kami adunay katungod, apan dili obligasyon, sa paghimo og bisan unsa nga aksiyon sa pagkorihir o pagpugong nga gihunahuna namo nga tukma diha sa among bugtong nga paghukom, lakip na ang pagdili sa pag-access, pag-delete, ug/o pag-edit sa bisan unsa sa imong Gitampo nga Sulod.

6. Pagkasensitibo ngadto sa Ubang mga Tiggamit. Kami mohangyo kanimo nga magmapilion sa pagsumiter sa imong Gitampo nga Sulod. Kami naggahin og katungod sa pagtangtang sa bisan unsa nga Gitampo nga Sulod nga sa among pagtuo, sa among bugtong ug tinuoray nga paghukom, (a) walay kapuslanan, (b) mahimong makadaot o makahatag og kaulawan ni bisan kinsa nga buhi nga tawo, (c) makapasilo, malaw-ay, dili angay, mahulgaon, o may pagpang-abuso, o (d) kondili makalapas niini nga Kasabotan, sa Mga Termino sa Paggamit, o sa I-upload nga mga Lagda ug mga Palisiya. Mohimo usab kami og bisan unsa nga aksiyon, lakip na ang pagdili sa pag-access tungod sa mga paglapas niini nga Kasabotan ug mopahibalo sa nagpatuman sa balaod sa bisan unsa nga kalihokan nga makita, sa among bugtong nga paghukom, nga nakalapas sa magamit nga balaod.

7. Awtomatikong Pagsusi. Kami naggahin og katungod nga walay obligasyon, sa pagmonitor ug pag-edit sa imong Gitampo nga Sulod. Naggamit kami og mga himan sa awtomatikong pagsala [filtering] aron mapugngan ang Gitampo nga Sulod nga sa among labing maayong paghukom makita nga may kalabotan sa usa ka buhi nga tawo o diin makalapas sa Mga Termino sa Paggamit ug niini nga Kasabotan. Bisan dili kami obligado nga mohimo sa ingon, kami naggahin og katungodsa pag-edit sa imong Gitampo nga Sulod alang sa bisan unsa o walay rason.

8. Pag-atiman sa mga Gisumiter. Gituyo namo ang paggamit og makatarunganon nga mga paningkamot aron mapreserbar ang integridad sa imong Gitampo nga Sulod ug aron malikayan ang mga sayop o mga pagtangtang diha sa sulod [content] niini nga Site. Naghatag kami og oportunidad nga isumiter ang Gitampo nga Sulod ubos sa Mga Termino sa Paggamit ug niini nga Kasabotan. Kana nga serbisyo ug kini nga Site gihatagan og “MAO RA KANA KON UNSAY ANAA DIHA [AS IS]”, ug dili kami ang responsable ni manubag sa mga sayop o mga pagtangtang sa bisan unsa nga sulod nga imong makita dinhi niini nga Site, ni sa bisan unsa nga pagkawala, kadaot, o pagkaguba sa Gitampo nga Sulod nga imong gisumiter. Mahimo nimong bakwion ang bisan unsa sa imong Gitampo nga Sulod gikan niini nga Site, apan dili kinahanglan nga among tangtangon ang mga link o mga pakisayran sa gibakwi nga Gitampo nga Sulod. Dugang pa, ikaw nahibalo ug miuyon nga sa higayon nga kami mohatag og lisensiya sa uban nga gamiton ang imong Gitampo nga Sulod, kami dili makahimo, ug kami walay obligasyon, nga ipahunong nianang gihatagan og lisensiya ang paggamit nianang Gitampo nga Sulod. Kami dili manubag sa bisan unsa nga linain o gisangpotan nga mga kadaot nga miresulta sa imong pagsumiter sa Gitampo nga Sulod o sa among pagbalibad sa pagdawat sa imong Gitampo nga Sulod. Palihog tan-awa ang Mga Termino sa Paggamit alang sa dugang nga impormasyon.

9. Mga Balaod sa Pagpanalipod sa mga Datos. Kon ikaw nagpuyo sa gawas sa Estados Unidos sa Amerika, ikaw mitugot nga iproseso didto sa Estados Unidos sa Amerika ang bisan unsa nga personal nga mga datos nga imong gisumiter. Ikaw miuyon usab nga motuman sa tanan nga magamit nga mga balaod kalabot sa pagpadala sa personal nga impormasyon ngadto o gikan sa Estados Unidos sa Amerika ug sa nasod nga imong gipuy-an.

10. Sumbanan sa Pamatasan. Palihog basaha og maayo ang seksyon sa Sumbanan sa Pamatasan sa Mga Termino sa Paggamit, diin, uban sa tanang seksyon sa Mga Termino sa Paggamit, magamit niini nga Kasabotan.

Gi-update 2023-09-01