Mga Giya alang sa Paggamit sa mga Tatak sa FamilySearch

Ang tatak sa FamilySearch ug sa mga kaabin niini (sa katingbanan, “FamilySearch”) mahimong maglakip sa bisan unsa nga pulong, hugpong sa mga pulong, simbolo, desinyo, o kombinasyon niini nga nag-ila sa FamilySearch isip ang tinubdan sa usa ka aytem o serbisyo. Ang tatak sa FamilySearch mahimo usab nga mao ang talagsaon nga hitsura sa usa ka aytem, lakip na ang gidak-on niini, porma, kolor, kahamison, estilo sa putos, ug mga grapika.

Ang mosunod mao ang dili pa kompleto nga lista sa mga tatak sa FamilySearch ug mga timaan sa serbisyo:

• FamilySearch

• FamilySearch GEDCOM

• International Genealogical Index

• RootsTech

Mga tatak ug mga timaan kini sa serbisyo sa FamilySearch ug nakarehistro sa Estados Unidos sa Amerika ug sa ubang mga nasod.

Kinatibuk-ang mga Giya

Ang mga tatak mao, ug kinahanglan gamiton isip, mga pulong nga naghulagway sa usa ka piho nga produkto o serbisyo. Niini nga pamaagi, ang mga tatak kinahanglang dili gamiton isip mga punglihok (verb) o pungdaghan (plural), o pangkaugalingon. Ang tukma nga pangkasagaran nga termino kinahanglan usab nga ilakip sa matag taktak sa unang higayon nga kini makita diha sa usa ka buhat (pananglitan, website sa FamilySearch). Human niana, ang pangkasagaran nga termino kinahanglan nga makita kanunay uban sa tatak.

Kon mogamit sa mga tatak sa FamilySearch diha sa publikasyon, ayaw gamita ang mga simbolo nga ™, ℠, o ®. Hinuon, gamita ang usa ka tukma nga pahibalo sa pagpaila sa tatak sama sa “ ang FamilySearch usa ka tatak sa FamilSearch/Intellectual Reserve, Inc., ug mahimo kining narehistro na sa Estados Unidos sa Amerika ug sa ubang mga nasod.”

Dili nimo angay gamiton ang mga tatak sa FamilySearch o mga timaan sa serbisyo sa paagi nga magsugyot o magpasabot nga ikaw o ang imong produkto o serbisyo gi-endorso o kaabin sa FamilySearch. Busa, ang mga tatak sa FamilySearch kinahanglang dili gamiton diha sa ngalan sa usa ka organisasyon o produkto, o kalihokan. Ang mao nga paggamit makapalibog sa uban pinaagi sa paghatag kanila og sayop nga impresyon sa pag-esponsor o pag-endorso sa FamilySearch. Sama pananglit, ang mosunod dili usa ka tukma nga paggamit sa FamilySearch gawas lang kon ang FamilySearch mohatag kaninyo og klaro nga sinulat nga pagtugot:

• “Sertipikado sa FamilySearch” nga nakabutang sa usa ka produkto o serbisyo aron mahatag og impresyon nag ang FamilySearch nag-endorso o nagtugot niana nga produkto o serbisyo.

Dugang nga Impormasyon

Natural lang, kini nga mga giya dili makatag-an sa matag posible nga matang sa makiangayon nga paggamit. Kon ganahan mo og piho nga giya sa usa ka sugyot nga paggamit, palihog kontaka ang Opisina sa FamilySearch’s Intellectual Property:

Telepono: 1-801-240-3959 or 1-800-453-3860, ext. 2-3959
Email: cor-intellectualproperty@FamilySearch.org

Gi-update pagka 2023-09-01