Pag-upload sa mga Giya ug mga Palisiya

Mga Baroganan alang sa mga Litrato, mga Dokumento ug mga Pagrekord sa Audio

Ang FamilySearch nga mga Litrato, mga Dokumento ug mga Nakarekord nga Audio kinahanglang magtugot sa mga indibidwal sa pagpaambit sa sulod niini nga impormasyon mahitungod sa mga katigulangan aron makatabang sa pamilya nga makaila ug maghigugmaay sa usag usa. Ang mosunod nga kinatibuk-ang mga baroganan kinahanglang gamiton:

Tukma. Ang sulod kinahanglang mosuporta sa tukma nga mga sumbanan sa kaligdong ug hiyas.

May kalabotan. Ang sulod kinahanglang mosuporta sa katuyoan sa family history.

Makapabalik sa kasingkasing. Ang sulod kinahanglang mosuporta sa mga indibidwal nga makaila ug mahigugma sa ilang mga katigulangan.

Dili pangkomersyal. Ang sulod kinahanglang dili mag-advertise o mag-promote og mga produkto. Kinahanglang dili kini makalapas sa mga katungod sa intellectual property.

Mga Giya sa Palisiya sa Pag-screen sa Litrato, Dokumento ug Pagrekord sa Audio

Ang sulod MAHIMONG DILI maglangkob og mga litrato, mga pagrepresentar, o mga paghulagway sa

1.  Pagkahubo o kalaw-ay. Ang mga sinina nga makita sa mga litrato kinahanglang sakto nga pagkasirado ug pagkabutones.

2.  Sagrado o ubang relihiyoso nga sulod.

a.  Sinina
b. Mga ritwal
c. Patriyarkal nga panalangin

3.  Lalaki nga magsanina og pambabaye o babaye nga magsanina og panlalaki.

4.  Mga link sa gawas nga mga website (pananglitan walay mga URL).

5.  Law-ay o bastos nga mga pulong sa bisan unsang matang.

6.  Mga litrato sa lawas nga walay ulo o nawong.

7.  Mga litrato sa mga tawo nga naghalok sa baba: mga indibidwal nga naghalok sa usag usa sa mga ngabil o hapit na maghalok sa usag usa sa mga ngabil, bisan unsa pa ang gender, edad, o relasyon.

8.  Produkto o website nga mga pag-endorso. Mga logo ug mga pulong diha sa sinina o sa mga billboard, trak, ug uban pa susihon og maayo sa tagsa-tagsa nga paagi.

9.  Ilegal nga mga buhat, mga produkto, o mga serbisyo. Kini naglakip sa mga drugas.

10.  Pagkabulgar, law-ay nga mga lihok o law-ay nga mga pinulongan.

11.  Mga ekspresyon sa pagdumot o diskriminasyon.

12.  Kapintas ug pagputol sa parte sa lawas.

a.  Mga litrato sa gubat, pagpangayam, ug pagpangisda susihon og maayo sa tagsa-tagsa nga paagi.
b.  Mga litrato nga dunay mga pagtusok ug mga patik susihon og maayo sa tagsa-tagsa nga paagi.

13.  Ang pagpasiugda sa rasismo.

14.  Ang pag-promote sa kasamtangang mga produkto, mga hinungdan, o mga charity.

15.  Pangkomersyal nga sulod. Ang mga eksepsiyon lang kon:

a.  Ikaw adunay legal nga mga katungod sa sulod.
b.  Ang copyright milapas na sa tagal.

Ang mga Litrato, mga Dokumento ug mga Pagrekord sa Audio mahimong dili i-edit sa paagi nga kini mahimong dili motukma, dili tinuod, o makalipat. Usab, ang bisan unsang grupo sa mga litrato nga naglangkob og bisan usa ka indibidwal nga nakalapas sa bisan unsang mga lagda niini nga dokumento dili tugotan.

Ang mga imahe, mga ginama, o mga file nga bag-o o kaniadto gi-upload o gihimo sa FamilySearch nga nakalapas sa mga palisiya sa pagsumite mahimong higpitan.