Илүү их контент үнэгүй санал болго

FamilySearch-ийн харьяа болох

Хамтран гүйцэтгэгч нь FamilySearch-ийн дижитал ургийн бичгийн цуглуулгуудад хандалт хийх боломжийг өгдөг бөгөөд бусад тохиолдолд зөвхөн FamilySearch төвөөр дамжуулна. Хамтран гүйцэтгэгч нь олон нийтийн эсвэл дээд боловсролын номын сан, архив, музей, соёлын төв эсвэл ургийн бичгийн болон түүхийн нийгэмлэг байж болно.

Дэлхий даяар сая сая хүнд FamilySearch-ийн үйлчилгээг хүргэхийн тулд хэдэн зуун FamilySearch-ийн хамтран гүйцэтгэгч тусалж байна. FamilySearch нь Юта мужийн Солт Лэйк Сити дахь гэр бүлийн түүхийн номын сан, дэлхий даяарх 5400 гаруй FamilySearch төвийг удирддаг хэдий ч илүү олон хүнд гэр бүлийнхээ түүхтэй холбогдох боломжийг олгоход хамтрагч номын сан нь туйлын их хэрэгтэй гэж үзэж байна.

Хамтрагч номын сангийн нэмэлт давуу талууд гэвэл номын сан ихэнх FamilySearch төвөөс илүү урт цагаар олон нийтэд үйлчилдэг; номын сангийн түүхэн болон удмын бичгийн цуглуулгад багтсан түүхэн баримтууд ашиглахыг санал болгодог; номын сангийн мэдээлэл солилцох системээр дамжуулан нэмэлт баримтад хандах; судалгааны тусламж авах; медиа хөрвүүлэх эх сурвалжийг авах боломжтой.

Хамтран гүйцэтгэгч байх нь ямар ч үнэ төлбөргүй.

Хамтран ажиллахад танд болон танай ажилтнуудад FamilySearch-ийн төвөөс эсвэл хамтран гүйцэтгэгчээс гадуур олон нийтэд одоогоор дэлгэгдээгүй ойролцоогоор 400 сая гаруй зураг дүрсийг оруулаад 2 тэрбум гаруй дижитал болгосон баримт бичиг рүү нэвтрэх эрхийг өгдөг.

Зарим баримт бичиг эзэмшигч хүн FamilySearch-ийг өөрсдийн баримт бичгийг хэр өргөн хүрээнд дэлгэрүүлэх тал дээр хязгаарлалт тавьдаг.

FamilySearch нь аль болох олон хүнд түүхэн баримтуудыг хүргэхийн тулд баримт бичиг эзэмшигчидтэй хамтран ажилладаг. Хэрэв тусгай баримтын цуглуулгыг нийтэд бүрэн авах боломжгүй бол FamilySearch өөрийн байршлаар дамжуулан эдгээр баримт бичигт үнэ төлбөргүй нэвтрэх боломжийг олгохоор ажилладаг ба түүнчлэн тусгай бүлэгт зориулан онлайнаар нэвтрэх боломжийг эрэлхийлдэг.