E matou te faaosofia tagata i soo se nofoaga e fesootai ma o latou aiga—i soo se augatupulaga.

FamilySearch Office, Lehi, Utah, USA

Leai Se Totogi i Tagata Uma

Ua tuuina atu e Le Ekalesia a Iesu Keriso o le Au Paia o Aso e Gata Ai le Familysearch e aunoa ma se totogi i tagata uma, e tusa lava po o a tu ma aga, aganuu, po o tapuaiga. Ua fesoasoani punaoa o le FamilySearch i le faitau miliona o tagata i le salafa o le lalolagi ia iloa ma fesootai atu i tagata o aiga.

Nisi mea e uiga i fesootaiga a le Ekalesia

Auala matou te puipuia ai au faamatalaga patino

O La Matou Galuega

E matou te fesoasoani i tagata ina ia mauaina o latou talafaasolopito o aiga e ala i la matou uepisaite, polokalama o telefoni feavea’i, ma e ala i fesootaiga patino ma tagata ua matou fesoasoani i le sili atu ma le 5,000 ofisa tutotonu o talafaasolopito o aiga i lotoifale.

Saili se nofoaga autu i le lotoifale

Saili fesoasoaniga i luga o upega tafailagi

1/10

O La Tatou Talafaasolopito

Sa matou amata o se sosaiete toaitiiti o tagata e galulue e saili o latou tuaa. Ao faatuputupulaia tulaga tau tekinolosi na faatupulaia foi le sosaiete i se faalaptopotoga tele. O le ala lenei na tupu ai.

Faavaeina o le FamilySearch1894

O le Sosaiete Faalegafa o Iuta, lenei ua FamilySearch, sa faavaeina ina ia fesoasoani i tagata auai o le Ekalesia e saili o latou gafa o aiga.

E Fesoasoani Sailiiliga i Gagana e Tele1924

O se mea sa amataina i le lotoifale e na’o ni nai gagana sa lagolagoina mai le 100 tausaga talu ai ua fuga mai i se uepisaite o loo i ai tagata faaaoga mai le 238 o atunuu.

Ua amata pueina ata mataninii1938

O le pueina o pepa o faamatalaga sa amata i totonu o le ekalesia ma faamaumauga a le malo. Sa faaaogaina ata mataninii seia oo atu i le 2002, ina ua 100% le pueina faaeletonika.

Uluai Nofoaga Autu o Talafaasolopito o Aiga i le Lotoifale1964

Ua tatala le uluai nofoaga autu o talafaasolopito o aiga i le lotoifale. E saunia e le FamilySearch fesoasoaniga patino o sailiiliga e sili atu ma le 5,000 o nofoaga i le lalolagi atoa.

Ua Tuu Sa’oina Atu i Luga o le Uepisaite1999

O le uepisaite a le FamilySearch sa faatuina ma vave lava ona avea ma uepisaite o talafaasolopito o aiga e sili ona tautaua i luga o le initoneti i le tusa ma le 7 miliona asiasiga i le aso e tasi. I le 2020, o le aofai lautele o tagata asiasi i le aso e 400,000.

Uluai Faamaumauga e Mafai ona Sailia2002

O le tusiga igoa i le 1880, o loo lisiina ai tagata nonofo i le Iunaite Setete i le 1880, ua avea ma uluai faamaumauga tuufaatasia mo le lautele e suesue ai i luga o le FamilySearch.org.

Uluai Konofesi a le RootsTech2011

Ua amataina aloaia le RootsTech i le Aai o Sate Leki. I le gasologa o tausaga ua avea nei ma konofesi silli ona telē o gafa ma talafaasolopito o aiga.

1 Piliona o Faasinoupu o Faamaumauga2013

Ua laualuga le FamilySearch.org i le 1 piliona o faamaumauga ua uma ona faasinoupuina e faafetaia ai le faitau selau afe o tagata faasinoupu volenitia. O le lima o tausaga mulimuli ane, ua matou laasia le 2 piliona.

1 Piliona o Faamaumauga Faaletalafaasolopito2014

Ua lolomiina e le FamilySearch.org lana ata lona 1 piliona o se faamaumauga faaletalafaasolopito. O tagata valaaulia i le itulau e faaaogaina faamaumauga e aoao i auiliiliga o o latou talaaga faleaiga.

Fegalegaleaiga i le Lalolago Atoa

Ua tuuto atu le FamilySearch i le faasaoina o faamaumauga taua o aiga ma faia ina ia avanoa e aunoa ma se totogi i luga o upega tafailagi, fuafua i tulafono faalelotoifale. O la matou galuega e aofia ai le lalolagi atoa ma faaaofia ai fegalegaleaiga e sili atu ma le 10,000 o faalapotopotoga i le sili atu ma le 100 atunuu. E saili le FamilySearch e usitaia tulafono i le lotoifale i taimi uma.