Ko Hono Tokoniʻi ʻo e Kāingalotu Foʻoú ʻi he Hala ʻo e Fuakavá
“Ko hotau fatongia toputapú ke tali mo talitali lelei ʻa e kāingalotu foʻoú mo foki maí. ʻI hono fakavaveʻi ʻe he ʻEikí ʻEne ngāué, ʻoku totonu ke tau ʻofa, lehilehiʻi, mo tokoniʻi ʻa kinautolu ʻoku nau tali ʻEne ongoongoleleí.”—ʻEletā Kuenitini L. Kuki, “ʻOku Fakavaveʻi ʻe he ʻEikí ʻEne Ngāué”
Ngaahi Sitepu ʻe 4 ki he Kau Mēmipa Foʻoú Hili e Papitaisó
ʻOku fokotuʻu ʻe hono fakahoko ʻo e ngaahi sitepu ʻe fā ko ʻení ʻi he uike ʻuluaki hili ʻa e papitaisó ʻa e hala fononga ki hono fakatahatahaʻi ʻo e ngaahi fāmilí ki ʻitānití fakafou ʻi he ngaahi ouau mo e ngaahi fuakava ʻo e temipalé.
1
ʻOku totonu ke hilifakinima e mēmipa foʻoú ko ha mēmipa ʻo e Siasí.
2
ʻOku totonu ke maʻu ʻe he mēmipa foʻoú ha lekomeni temipale ki he ngaahi papitaiso fakafofongá. Kapau ko ha tangata, ʻoku totonu ke tomuʻa fakanofo ki he Lakanga Taulaʻeiki Faka-ʻĒloné.
3
ʻOku fakaʻaongaʻi ʻe he kau takí e Tokoni ʻi he Hingoa Fakafāmilí ke tokoni ki he kau mēmipá ke ʻave ha hingoa faka-fāmili ki he fale ʻo e ʻEikí.
4
ʻOku totonu ke fakaafeʻi e mēmipa foʻoú ke moihū ʻi he fale ʻo e ʻEikí mo e ngaahi kaungāmeʻa he uōtí, ʻo ka fakangofua ʻe he ngaahi tūkungá.
*Kamata ʻi ha mēmipa ʻo e fāmilí kuo pekia ka ʻokú ke ʻiloʻí, ke toʻo e fiemaʻu ke fekumí pe ko ha toe meʻa ke tānaki mai ʻi he tekinolosiá.
Ngaahi Founga ke Hokohoko Atu e Ngāue Fakaetauhí
ʻOku fakafeʻiloaki ʻe he kau takí ʻa e mēmipa foʻoú ki ha faifaleʻi ʻo e temipalé mo e hisitōlia fakafāmilí.
ʻOku tokoni ʻa e kau faifaleʻi ʻo e temipalé mo e hisitōlia fakafāmilí ki he mēmipa foʻoú ʻi hono tānaki atu ʻa e meʻa ʻoku nau ʻiló ki he FamilySearch, ʻa ia ʻe tataki ai ki ha ngaahi faingamālie foʻou ʻi he temipalé ʻi he Ngaahi Ouau kuo Māú.
Tokoni ki he mēmipa foʻoú ke hokohoko atu e ʻalu maʻu pē ki he fale ʻo e ʻEikí, ʻi he feituʻu ʻoku malava aí, ke moihū ki he ʻOtuá mo fakahoko ha ngaahi ouau maʻa ʻenau ngaahi kuí.
Tokoni ʻi he Hingoa Fakafāmilí maʻá e Kau Mēmipa Foʻoú
Ngāue ʻaki e meʻangāue faingofua ʻokú ne tataki ʻa hono teuteu mo paaki ʻo e ngaahi kaati hingoa fāmilí ki he ngaahi papitaiso mo e hilifakinima ʻi he temipalé.
Kamata LevaKo e Ngāue Fakaetauhi ki he Kau Mēmipa ne Papitaiso Foʻoú
Feʻiloaki mo ha fāmili naʻe papitaiso foʻou ʻoku nau ʻalu ki he temipalé ke fakahoko e papitaiso maʻá e kau mēmipa honau fāmilí kuo pekiá.
Mamata He Taimí Ni