Ngaahi Makatuʻunga ki hono Fakaʻaongaʻi ʻo e FamilySearch

ʻOku ʻi ai ha ngaahi kehekehe  fakalotofonua ʻe fiema‘u ki ai ha ngāue fakalao

‘I hono fakaʻaonga‘i e saiti ko ʻení, ‘okú ke loto-fiemālie ai ki he ngaahi makatuʻunga ‘oku fokotuʻu atu ‘i laló (“Aleapaú ni”). Kapau ʻoku ʻikai ke ke loto ki ha taha ʻo e ngaahi makatuʻunga ʻi he aleapaú ni, ʻoua te ke ngāue ʻaki ʻa e saití ni. ʻOku mau tauhi ʻa e totonu ke liliu ʻa e ngaahi aleapaú ni ʻi ha faʻahinga taimi pē, ko ia kātaki ʻo vakaiʻi ha ngaahi liliu ʻo e Aleapaú ni ʻi he taimi ʻokú ke ngāue ʻaki ai ʻa e saití ni. ʻI hoʻo hokohoko atu ke ngāue ʻaki ʻa e saití ni hili hono fakahū ʻa e ngaahi liliu ki he Aleapaú ni, ʻoku ʻuhinga ia ʻokú ke tali ʻa e ngaahi liliu ko iá.

Ngaahi Laisení mo e Ngaahi Fakangatangatá

Ko e saití ni, ʻa ia ʻoku fakataumuʻa ia ki he hisitōlia fakafāmilí mo e fakatotolo fakatohihohokó, ʻoku maʻu ia mo fakalele ‘e he FamilySearch International, ko ha kautaha ʻi ʻIutā ʻoku ʻikai fakatupu paʻanga, pea mo hono ngaahi ʻōfisi tefitó ʻi Sōleki Siti, ‘Iutā, U.S.A. (mei heni ʻo fai atu ʻoku fetongi ia ʻe he “FamilySearch”, “mau”, “kimautolu”, “ʻemau” pe ko ha lea tatau mo ia), ko ha kautaha ʻoku ʻikai fakatupu paʻanga ‘oku fengāueʻaki mo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (“Siasí”). Ko e ngaahi meʻa kotoa pē ʻoku maʻu ʻi he saití ni (kau ai ʻa e ngaahi ʻata, tohi, ngaahi fakaʻilonga, ngaahi fakaʻaliʻali, ngaahi fakamatala fakaʻilekitulōnika, mītia, koloa, ngāue mo e ngaahi fakamatalá), ʻoku maʻu pe laiseni ia ʻe kimautolu.   

Tukukehe ka toki fakahā atu, ʻe lava ke ke vakai‘i, download, mo paaki mei he uepisaití ni ki haʻo ngāue ‘aki fakafoʻituitui kae ‘ikai fakakomēsiale (kau ai hano fakaʻaonga‘i ki ho uiuiʻi ‘i he Siasí), pe ko hoʻo fakaʻaonga‘i ki haʻo ngāue tokoni ki he fakahokohoko fakamotuʻaleá ʻo fakafehokotaki ʻa e Polokalama Fakahokohoko Fakamotuʻalea ʻa e FamilySearch ki he Ngaahi Makatuʻunga mo e Tuʻutuʻuni ʻa e Polokalama Fakahokohoko Fakamotuʻalea ʻa e FamilySearch pe ko e Laiseni Aleapau ʻa e Polokalama Fakahokohoko Fakamotuʻalea ʻa e FamilySearch.

He ‘ikai lava ke ke fakahū ha meʻa mei he saiti ko ‘ení ki ha uepisaiti kehe pe netiueka fakakomipiuta, taʻe maʻu ha ngofua meiate kimautolu. He ʻikai lava ke ʻave (transmit) pe tufaki ‘a e fakamatala mei he saiti ko ʻení ki ha ngaahi saiti kehe. ‘E ʻikai lava ke ke fakaʻaonga‘i ʻa e saití ni pe ko ha fakamatala ʻoku ma‘u ʻi he saití ni (kau ai e ngaahi hingoa mo e tu‘asila ʻo kinautolu ne nau fakahū ‘a e fakamatalá) ke fakatau atu pe tuʻuaki ha koloa pe ngāue, ke kole paʻanga ʻaki ki ha kakai ʻoku ngāue ki ai, pe ko ha toe taumuʻa fakakomēsiale kehe.

ʻE lava ke faka‘aongaʻi ‘e he kau tohi hohoko fakapalōfesinalé e saití ni, ʻemau ngaahi polokalama ʻi he telefoni toʻotoʻó, pe ngaahi maʻu‘anga tokoni ʻa e senitā FamilySearch ke fekumi ki ha fakamatala mo ʻave ‘a e ngaahi fakamatala fakapepa ki ha niʻihi ‘oku nau ngāue ki ai ke ngāue ‘aki fakataautaha mo ʻikai fakakomēsiale ʻe he niʻihi ko iá. Ka neongo iá, he ʻikai lava ʻe he kau tohihohoko fakapalofesinalé ke kole paʻanga pe fokotu‘utuʻu pisinisi, tuʻuaki kinautolu, pe tali ha totongi ‘i he saití ni pe ko ʻemau koloá.

‘Ikai ngata aí, ko e ngaahi naunau mei he saiti ko ʻení, ʻe lava ke hiki tatau ‘e he kau ngāue ʻa e mītiá ke faka‘aongaʻi ‘i he ngaahi fakatahaʻanga faiongoongo angamahení tukukehe ka toki fakahā atu. ‘Oku ʻikai ngofua hano toe faka‘aongaʻi kehe ‘o e fakamatala pe ngaahi naunau ʻoku ma‘u ʻi he saití ni, ʻo kau ai hano toe faka‘aongaʻi ‘e ha ngaahi kautaha pe ngaahi pisinisi fakalao, taʻemaʻu ha tohi fakangofua meiate kimautolu.  (Vakai, “Fakangofua ke Faka‘aongaʻi ‘a e Fakaʻilonga Fefakatau‘aki mo e Totonu Maʻu Mafai Pulusi” ‘i lalo.)

Neongo ‘a e ngaahi meʻa ‘i ʻolungá,  ‘oku mau maʻu ʻa e totonu ke ta‘etali, fakataʻeʻaongaʻi pe fakangatangata ʻa hono ngāue ‘aki ʻo e saití ni, kau ai ‘a hono toe faʻu mo hano toe fakaʻaonga‘i kehe ʻo ha ngaahi naunau ‘oku lava ke maʻu ‘i he saiti ko ‘ení. Ka neongo iá, ‘oku ʻikai ko haʻamau fatongia ke fakapapau‘i pe ko e hā e ʻuhinga ʻo e “ngāue totonu ʻaki” ki he niʻihi ʻoku loto ke fakaʻaonga‘i e ngaahi naunau mei he saití ni. ‘Oku hoko pē ia ko e fatongia kakato ʻo e niʻihi fakafoʻituitui ʻoku nau ngāue ʻaki ʻa e saití ni. ‘Ikai ko ia pē, ka ʻoku ‘ikai fie maʻu ke mau ʻave ‘a e ngaahi maʻu‘anga tokoni kehé, pe fakapapauʻi ‘oku fakaʻatā ‘a e ngaahi naunau ʻo e saiti ko ‘ení ki hano toe fakaʻaonga‘i kehe. Ko e fatongia peheé foki ʻoku kei nofo kotoa pē ia mo e niʻihi fakafoʻituitui ʻoku nau fakaʻaonga‘i ʻa e saití ni.  Ko ia ai, ‘oku mau tauhi ‘a e totonu ke taʻofi hono maumauʻi ʻemau ngaahi naunaú pea mo fakaʻuhinga‘i ʻa e “ngāue totonu ʻakí” ‘i heʻemau mahinoʻi ʻa e laó.

Ko e saiti ko ‘ení ʻoku ‘ikai fakataumuʻa ia ke faka‘aongaʻi ‘i he Russian Federation, ko ia ai, ‘oku ʻikai totonu ke ke ngāueʻaki ʻi loto ‘i he Russian Federation.

Ngofua ke Fakaʻaongaʻi ʻa e Maʻu Mafai Pulusí mo e Fakaʻilongá

Kātaki ʻo muimui ki he fehokotakiʻanga ko ʻení ke kole ha ngofua ke fakaʻaongaʻi ʻemau ngaahi nāunau maʻu mafai pulusí pe ngaahi fakaʻilongá:

Kole ha Ngofua

Fakatokanga‘i ange: Ko e fakafuofua ki he vahaʻataimi ke ma‘u ai ha talí ko e ʻaho ʻe 45. ‘E kiʻi fuoloa ange ‘a e ngaahi kole ʻoku kau ai ʻa e naunau ʻoku fuʻu lahí.

Ngaahi Kole Kehé

ʻE lava ke fakahū ha ngaahi kole kehe ki ha taha ‘o e ngaahi saiti ko ‘ení.

• FamilySearch: ʻE lava ʻo puleʻi ʻa e ngaahi fehuʻi pe likuesi felāveʻi mo e FamilySearch ʻo fakafou ʻi he FamilySearch Support pe FamilySearch Help and Learning.
• Laipeli Hisitōlia ʻo e Siasí:ʻOku totonu ke fou ʻa e ngaahi fehuʻi fekauʻaki mo e ngaahi naunau ʻoku maʻu mei he Laipeli Hisitōlia ʻo e Siasí ʻi he Church History Library Catalog.
• Puleʻi ʻo e ʻAkauní: ʻE lava ʻo tali ʻa e ngaahi fehuʻi felāveʻi mo hono puleʻi ʻo e ʻakauní ʻi he Account Help. 

Ngaahi Fatongia ki he Lesisitá

‘I he fakakaukau ke ngāue ʻaki ‘a e saití ni, ‘okú ke fakafofongaʻi ai (a) kuó ke lau pea tali e ngaahi tuʻutu‘uni ʻo e Aleapaú ni, pea (e) ʻokú ke lava fakalao ke lesisita (ʻo ka fiemaʻu) ke faka‘aongaʻi ‘a e saití ni pea mo ha faʻahinga saiti kehe ʻoku fengāueʻaki mo e FamilySearch. Kapau te ke fakahū ha fakamatala fakataautaha ki he saiti ko ʻení, ʻokú ke loto-fiemālie ke ‘oatu ʻa e fakamatala mo‘oni, totonu, mo fakamuimuitaha fekau‘aki mo koe (kau ai e ngāue lolotonga ʻo e lesisitá) peá ke kei pukepuke mo tauhi ʻa e fakamatala lolotonga mo totonu ko ʻeni fekau‘aki mo koé, kapau ʻe toe liliu. Kapau te ke ‘omai ha fakamatala loi, ʻikai totonu, ʻikai feʻunga, pe fakamatala pe fakatātā lau‘ikoviʻi, te mau lava ke taʻofi pe tamateʻi ho‘o ʻakauní mo hono faka‘aongaʻi ‘o e saiti ko ʻení. Lolotonga e lesisitá, ‘e kole atu ke faʻu ha hingoa hū ki he polokalamá mo e lea fufū ke ke hū ki ha konga ‘o e meʻá ni pe ko e ngaahi saiti kehe ‘oku fengāueʻaki mo e FamilySearch. ‘Okú ke fatongia ʻaki hono tauhi ‘o ʻikai fakahāhāholo ho‘o hingoa hū ki he polokalamá mo e lea fufuú. ‘Okú ke fatongia ʻaki e ngaahi ‘ekitivitī kotoa pē ʻoku hoko ʻoku faka‘aongaʻi ki ai e hingoa hū ki he polokalamá mo e lea fufū ko ʻení. Kapau ko ha taha kehe ‘okú ne fakaʻaonga‘i ʻa ho‘o hingoa hū ki he polokalamá mo e lea fufuú ʻi ha founga te ne holoki ‘a e ngaahi tuʻutu‘uni ʻo e Aleapaú ni, te ke ha‘isia ki heʻene ngaahi tō‘ongá, pea ʻe lava ke taʻofi pe tamateʻi hoʻo hingoa hū ki he polokalamá.

Ngaahi Laiseni mo e Ngaahi Totonu ʻOku Foaki Kiate Kimautolú

ʻOku fetongi ‘aki hoʻo fakaʻaonga‘i ʻa e saiti ko ‘ení mo e/pe ko hono tānaki ha faʻahinga fakamatala te ke fakahū mai, ʻa hoʻo foaki mai ha laiseni ʻikai fakangatangata, totongi kakato, ʻikai maʻu ha totongi paʻanga, fakaemāmani lahi, ʻikai liliu, ngofua laiseni vaʻavaʻa mo e laiseni tu‘uloa ke faka‘aongaʻi ha fa‘ahinga pe kātoa e fakamatalá mo ha ngaahi fakamatala kehe (“Fakamatala Tokoni”, fakalūkufua) naʻá ke fakahū pe naʻe ‘oange ki he saití ni ʻi ha faʻahinga founga (kau ai ʻa e taʻefakangatangata ʻa e fakamatala fakatohihohoko, ngaahi ‘īmisi, ngaahi tohi, ngaahi fakamatala, ngaahi naunau, ngaahi hikitepi, ngaahi fealeaʻaki, mo e fakamatala fekau‘aki mo e kakai pekiá pe ha toe meʻa kehe) ki ha fa‘ahinga mo e ngaahi taumu‘a kotoa pē, pea ‘i ha faʻahinga pe ngaahi founga kotoa ʻo e mītiá, ʻoku mau maʻú, ‘oku mau fakakaukau ʻoku taau ki hono toe fakalahi ange ‘etau misiona ngāué ke poupouʻi ‘a e fakatotolo fakatohihohokó mo e hisitōlia fakafāmilí. Ko e konga ‘o e laiseni ko ʻení, ʻokú ke ‘omi kiate kimautolu ʻa e ngofua ke hiki ha tatau, faka‘aliʻali ki he kakaí, ‘ave (transmit), fakamafola, fakahoko, tufa, pe faka‘aongaʻi kehe (pea fakangofua ke faka‘aongaʻi ‘e he niʻihi kehé) ho‘o Fakamatala Tokoní ʻi he funga ‘o e māmaní, ʻi ha founga ‘oku mau fakakaukau ʻoku totonu (faka‘ilekitulōnika pe ʻikai, kau ai e ‘Initanetí). ʻOku toe mahino foki kiate koe peá ke tali loto-lelei ko ha konga ia ʻo e laiseni ko ʻení, ʻoku mau ma‘u e totonu ke faʻu (mo fakangofua e niʻihi kehé ke faʻu) pea ngāue ʻaki ha ngāue foʻou mei ho‘o Fakamatala Tokoní ʻaki hano fakatahaʻi kotoa pe ko hano fakatahaʻi pē ha konga mo e ngaahi tokoni kehé, pe ka ʻikai ʻe toe liliu siʻi hoʻo Fakamatala Tokoní.

Fengāueʻaki mo e Niʻihi Kehé

‘Okú ke fakahaaʻi ko ha tefito‘i taumuʻa ‘o e saiti ko ʻení ke lava ‘o fengāueʻaki ʻa e tokotaha ngāue ʻaki ʻo e saiti ko ʻení mo e saiti kehe ʻoku nau loto ke fakalahi ʻenau ‘iló mo e ngaahi fakamatala fakatohihohokó. ‘Oku ke fakahaaʻi ‘oku tau lava ke fakaʻaonga‘i e Fakamatala Tokoní, kau ai ha ngaahi fakamatala fakataautaha ʻo ha niʻihi fakafoʻituitui ʻoku kei moʻui, ʻa ia ʻokú ke fakahū ʻo  fakataumuʻa ki he fengāueʻaki fakataha mo vahevahe mo ha niʻihi fakafo‘ituitui pe ko ha ngaahi kautaha kehe (kau ai ha ngaahi kautaha fakatohihohoko fakakomēsiale) koeʻuhi hangē ko ‘ení, ke faʻu ha mape tohihohoko fakaemāmani lahi ki he ngaahi taumu‘a ki hono fakatupulaki e kau atu ki he hisitōlia fakafāmilí mo hono fakatolonga ʻo e ngaahi lekōtí ‘i he funga ʻo e māmaní. ‘Okú ke fakahaaʻi ko e fengāueʻaki ‘i he vahaʻa ‘o ha niʻihi fakafo‘ituitui mo e ngaahi kautaha kehekehé ʻokú ne ʻomai ha toe fakamatala ʻe lava ke tau ‘oatu ki he niʻihi ‘oku nau fakaʻaonga‘i ʻa e saití ni—ʻo lava ai ʻa kinautolu ‘oku nau fakaʻaonga‘í ke fakalahi ʻa e laine ki heʻenau ngaahi kuí. ʻOku ʻomi ʻe heʻemau Fakatokanga ʻo e Totonu Fakatāutaháha ngaahi fakaikiiki lahi ange fekauʻaki mo ‘emau fakaʻaonga‘i ʻa ho‘o Fakamatala Tokoní.

ʻOkú ke loto-fiemālie ke fakahū totonu ‘a e fakamatalá ki he lelei taha ʻa ho‘o ʻiló. Koe‘uhí ke tauhi ke tatau ʻa e fakakaukau fakatohihohoko tukufakaholo ʻoku ma‘u atu ʻi he saití ni (hangē ko e saati hohoko fakafāmilí, vakai ʻi he tuʻunga landscape, saati ī, pea pehē ki ha ngaahi fakakaukau mo ha ngaahi saati kehe), ʻokú ke loto-fiemālie ke fakahaaʻi ‘a e kakaí ʻi honau tu‘unga tangata pe fefine ʻi honau fāʻeleʻí, pea fakahū kinautolu ʻi honau tu‘unga tukufakaholo ko e tangata pe fefine ʻi he ngaahi saati mo e founga vakai ko ʻení (hangē ko e tamai pe fa‘ē). ʻI he mali ʻa e tangata mo e tangata pe fefine mo e fefiné, ‘e hoko ʻa e ongome‘a malí ʻo tuʻunga tatau fakatouʻosi. ʻE lava ke ke fakahū ha fa‘ahinga fakamatala fekauʻaki mo e tu‘unga tangatá pe fefiné ʻi he ngaahi fakamatalá. Kātaki ‘o vakai ki he konga ʻo e ʻUlungaanga ke Fakaʻaongaʻí ki ha fokotuʻutu‘u ʻo e ngaahi nunu‘a ki he ngaahi fakahū fakamatala ʻoku ʻikai fe‘ungá.

‘Oku kau ʻi he saiti ko ‘ení ha konga ki he fealea‘akí ʻa ia ʻe lava ai ʻe ha niʻihi fakafo‘ituitui ʻo fai ha fakamatala pea ʻomi ha Fakamatala Tokoni fekau‘aki mo ha taha fakafoʻituitui kuo pekia mo ‘omai e fakaikiiki fekauʻaki mo e tokotaha ko iá. ‘Oku mau maʻu ʻa e totonu ke toe fakaʻaongaʻi ‘a e fakamatala fealeaʻaki pea mo e Fakamatala Tokoni kehe kuo ʻosi ʻomaí pea mo pulusi ia ki he ni‘ihi kehé ʻi he feinga ke tokoni ‘i hono fakaleleiʻi e ngaahi me‘a kuo fakahuú pe ko e tokoni ki hono akoʻi ha ni‘ihi kehe. ʻOku mau kole atu ke ke fili fakapotopoto e fakamatala ke fakakau ‘i hoʻo ngaahi fealea‘aki ʻi he ‘initanetí kae pehē ki he Fakamatala Tokoní, fetu‘utaki ʻi he ‘īmeilí pe ko ha toe founga ʻa ia ʻe lava ke ʻave ai ha fakamatala fetuʻutaki fakatāutahá pe ha toe fakamatala fakafo‘ituitui pe pelepelengesi ʻoku ʻomai. ‘Okú ke fakahaaʻi ‘e lava ʻe ha taha pē ʻoku lava ‘o hū ki he saití ni ke vakai ki ha ngaahi meʻa ‘e fakahū mai ʻi he konga ki he fealeaʻakí. ‘Oku fakataumuʻa ‘a e konga fealea‘akí ke tokoni ki he feinga fengāueʻakí, ke ne fakafekau‘aki hono fakatonutonu e ngaahi fehalaākí, pea tokoni ʻi ha fekumi makehe mo kinautolu ʻoku fie kau maí. ʻE ʻikai lava ke faka‘aongaʻi e konga ki he fealeaʻakí (a) ki ha ngaahi ‘uhinga ʻoku ʻikai ke felāveʻi mo e kaveinga ʻoku aleaʻí, (e) ke fakakau ai ha fakamatala ʻe ala uesia pe fakamaaʻi ha taha ‘oku kei moʻui, pe (f) fakakau ai ha lea pe fakamatala fakatupu loto-mamahi, ʻikai feʻunga, ʻikai taau, fakamanamana pe ngaohikovia. ‘Oku lava ke hoko ha ngaahi tō kehekehe fekauʻaki mo e ngaahi mo‘oniʻi me‘a ʻoku kau ki ha taha kuo pekia, pea ko e ngaahi tō kehekehe ko ʻení ʻoku totonu ke fokotu‘u mai ʻi ha ngaahi lea mahino ‘o makatuʻunga ‘i he moʻoni pea moe ngaahi maʻu‘anga tokoní ʻo ka malava, ʻo ʻikai ngāue ʻaki ha lea pe fakamatala fakatu‘upakē, fakaʻitaʻi, pe ʻikai angaʻofa. He ‘ikai lava ke fakaʻaonga‘i ʻa e konga ki he fealeaʻakí ke ʻoatu ai ha ngaahi fehokotakiʻanga ki he ngaahi uepisaiti mei tu‘a ʻoku ʻikai fe‘ungá (neongo ʻe ngali taau ʻa e ngaahi link ki he fakamatala fekau‘akí mo lelei kau ki he niʻihi kuo pekiá) pe ke kole paʻanga ʻaki ki ha pisinisi pe fakahoko ha ngaahi ngāue fakatotolo. Neongo ‘oku ʻikai ke mau fatongia ʻaki ia, ka ‘oku mau maʻu ʻa e totonú, ʻi homau tefitoʻi fatongiá, ke tamate‘i pe fakatonutonu ʻa e Fakamatala Tokoni ʻoku ʻomi ʻi he konga ki he fealea‘akí mo ha konga ʻoku faitatau mo iá pea mo fakaʻikai‘i ʻa e hū ha taha ki he polokalama peheé koeʻuhí ko ha faʻahinga ʻuhinga pe ‘ikai ha ʻuhinga. Kātaki ‘o vakai ki he konga ʻo e Tuʻunga Fakaeʻulungaangá ki ha fokotuʻutu‘u ʻo e ngaahi nunu‘a ʻo e ngāuehala ‘aki ʻa e konga ‘o e fealeaʻakí mo ha konga ʻoku faitatau mo ia. 

Software

Kapau te ke lava ke download ‘a e software ʻi he saití ni, te ke lava ke faka‘aongaʻi pē ʻa e software ko iá ʻo fakatatau mo e laiseni aleapau ‘oku ʻoatu fakataha mo e software. ‘Okú ke fatongia ʻaki ʻa e muimui ki he ngaahi tuʻutuʻuni ki he fehūʻaki koloa ‘a e ʻIunaiteti Siteiti ‘o ʻAmeliká ʻa ia ‘e ala fakaʻaongaʻi ki ha faʻahinga software ‘i he saiti ko ʻení.

Totonu ke Fakahū

Ko ha fa‘ahinga Fakamatala Tokoni pē kuó ke fakahū ki he saiti ko ʻení, ʻoku ʻi he malumalu ia ʻo e Aleapaú ni pea mo e Aleapau ki Hono Fakahū ʻo e Fakamatalá ʻi he FamilySearch ʻOkú ke fakafofonga‘i mo fakapapauʻi he ‘ikai te ke fakahū mai ha meʻa ki he saiti ko ‘ení ʻokú ne maumau‘i ʻa e ngaahi totonu ha niʻihi kehe (kau ai, ka ‘oku ʻikai fakangatangata pē ki he, totonu ma‘u mafai pulusí, totonu fakatāutahá, totonu ki hono pākí, totonu fakaengāue, pe ngaahi totonu fakapisinisi kehe pē). ‘I he taimi ʻokú ke fakahū mai ai e Fakamatala Tokoní ki he saiti ko ‘ení, ʻokú ke fakapapau‘i ʻokú ke ma‘u e totonu fakalao ke fakahū mai e Fakamatala Tokoní kiate kimautolu pea ʻokú ke foaki mai kiate kimautolu pea mo ʻemau vaʻa ki he ngaahi totonu mo e ngaahi laiseni kuo fokotuʻu atu ‘i he Aleapaú ni pea ʻi he Aleapau ki Hono Fakahū ʻo e Fakamatalá ʻi he FamilySearch. ʻOkú ke tali ‘a e fatongia fakalao ke mau ngāue ʻaki ha faʻahinga Fakamatala Tokoni ʻokú ke fakahū mai. ‘Okú ke fatongia ʻaki ʻa e ngaahi Fakamatala Tokoni kotoa pē ʻokú ke fakahū, post, pe ko ha tokoni kehe ki he saiti ko ʻení pe ki ha taha ʻo e ngaahi saiti ʻoku fengāueʻaki mo e FamilySearch.

Fakahū ʻo e Ngaahi Hingoa ki he Ngaahi Ouau Fakalotú

‘Oku totonu ke ke fakahū pē ʻa e ngaahi hingoa ‘o ha niʻihi fakafo‘ituitui ʻi he laine ho fāmilí ki he ngaahi ouau fakafofonga fakalotú pea ʻoku ʻikai totonu ke ke fakahū e ngaahi hingoa ‘o ha kakai ʻoku ʻikai ha felāveʻi ʻo hangē ko ha kakai ‘iloa pe kakai ongoongoa, pe ko e ngaahi hingoa ko ia mei he ngaahi polōseki toʻo hingoa ʻoku ʻikai fakangofuá, hangē ko e, Kau Siu ne pekia ʻi he Holocaust.

Tuʻunga Fakaeʻulungaangá

‘Okú ke loto-fiemālie he ʻikai te ke fakahū pe fokotuʻu fakafoʻituitui, pe kau ʻi ha ngāue fakatokolahi, ʻi hono fakahū ha fakamatala ki he saiti ko ʻení (tatau ai pē ‘i he lesisita ko ha fakahū tohi hohoko, ʻo fakafou ʻi ha fealea‘aki, pe fakafou ʻi ha toe founga kehe ʻa ia ʻe lava ke maʻu ai e Fakamatala Tokoní) ʻe ngali fakatuʻutāmaki pe fakatupu loto-mamahi ki he ni‘ihi kehe ʻoku nau faka‘aongaʻí.  ʻOkú ke loto foki ke ʻoua naʻá ke hū mai ʻi ha polokalama ha tokotaha fakaʻaongaʻi ʻe taha ʻi ha faʻahinga taumuʻa, kau ai hono fūfuuʻi pe ko hai koe pe tukuakiʻi ha taha kehe ki hoʻo ngaahi ngāué. ʻOkú ke tali ke ʻoua ʻe tukulotoʻi, tānaki, pe faka‘aongaʻi ha faʻahinga fakamatala mei he saiti ko ‘ení ʻi ha founga te ne lava ʻo uesia, fakaongoongokovi‘i, fakamamahiʻi pe filifilimānako ki ha tokotaha pe kautaha. ʻOku ke toe tui foki, kapau he ʻikai ke ke maʻu ha tohi fakangofua kimuʻa, he ʻikai ke ke fakaʻaongaʻi ha software, tekinolosia, pe meʻangaue ke download ha ngaahi meʻa lalahi, pe ngāueʻaki ha faʻahinga fakamatala pe naunau mei he saití ni. ʻOkú ke loto lelei ke ʻoua naʻá ke talangataʻa ki he ngaahi puleʻí pe ngaahi lao kuo mau fakaʻaongaʻí. ʻOkú ke loto ke ʻoua naʻá ke hiki tatau, download, fakaʻaliʻali, fakaʻatā ki he kakaí, fakatau atu, pe fakaʻaongaʻi ha konga ʻo e saití ni pe ko hono ngaahi nāunaú ki ha faʻahinga ngāue ʻoku ʻikai fakatāutaha pe fakakomēsiale. ʻOkú ke loto fiemalie ke ʻoua naʻa ke kau ʻi ha faʻahinga ʻekitivitī fekauʻaki mo e saiti ko ʻení, hono kanotohí, pe ko hono kau fakaʻaongaʻí ʻa ia ʻe lava ke hoko ai ha fai hia pe moʻua fakapuleʻanga pe mo’ua ‘i ha hopo sivile pe fakataautaha. ʻIkai ngata aí, ʻokú ke loto ke ʻoua naʻa toe pulusi, fakamafola, fokotuʻu, ʻave, tufaki, veteki, fakahohaʻasi, faʻifaʻitaki, pea toe ʻanalaiso, faʻu ha ngaahi ngāue fakatatau ki ha ngāue kehe pe toe fokotuʻutuʻu e saiti ko ʻení, hono ngaahi ngāue, source code, pe fakamatala taʻe maʻu ha tohi fakangofua. ʻOkú ke loto-fiemālie foki ke ʻoua naʻa fakahoko ha me‘a te ne taʻofi ʻa e feʻaveʻaki ʻa e fakamatalá ʻi he saití ni pe uesia ʻa e ngāue pe tuʻunga ngāue ‘a e saiti ko ʻení. ʻOku mahino kiate koe ko e ola ʻo ha ngaahi ngāue fakatuʻutāmaki pe taʻefeʻunga, pe ko hano maumauʻi makehe ʻo e Aleapau ko ʻení, ʻe lava ke kau ai hano toʻo hoʻo totonu ke ngāue ʻaki ʻa e saití ni (kau ai hoʻo totonu ke ngāue ʻaki ʻa e saití ni, ha toe saiti pe ngaahi polokalama kehe ʻa e FamilySearch ʻi he telefoni toʻotoʻó , mo ha faʻahinga naunau pē) pea fakahoko mo ha no faka’ilo fakalao koe.

Tauhi ‘a e Ngaahi Fakamatala kuo Fakahū Maí

‘Oku mau loto ke fakaʻaonga‘i ha ngaahi ngāue lelei ke tauhi ‘a e tefitoʻi moʻoni ʻa hoʻo Fakamatala Tokoní pea ke fakaʻehi‘ehi mei ha ngaahi fehalaaki pe mei hano toʻo ha meʻa na‘e ‘i loto ʻi he saiti ko ‘ení. Ka neongo iá, ʻokú ke loto-fiemālie he ʻikai ke mau haʻisia pe mo‘ua ki ha ngaahi fehalaaki pe ko hono toʻo ha faʻahinga fakamatala te ke ala maʻu ‘i he saití ni, pe ko ha mole, maumau, pe uesia ‘o ha Fakamatala Tokoni te ke fakahū pe fokotuʻu.

Fakafehokotakí

Koeʻuhí ke faingofua kiate koe, ʻe lava ke maʻu ʻi he saití ni ha ngaahi fehokotakiʻanga ki ha ngaahi uepisaiti ʻoku fakalele ʻe ha niʻihi kehe. Ko e ngaahi saiti kehe peheé ʻoku ʻikai ke mau tauhi pe puleʻi ia, pea ʻoku ʻikai ke mau haʻisia ki he ngaahi meʻa ʻoku hā aí. Neongo kuo mau fai ha feinga ke fehokotaki pē mo e ngaahi saiti ʻoku hā lelei mo tāú, ka ʻe lava pē ke maʻu ʻe ha ngaahi saiti ʻe niʻihi ha ngaahi naunau ʻoku taʻefeʻunga pe kovi. Kapau te ke ma‘u ha faʻahinga me‘a pehē lolotonga hoʻo ngāue ʻaki ha uepisaiti naʻá ke hū ki ai ʻo fakafou ʻi ha link mei he saití ni, kātaki ʻo fakahā mai kiate kimautolu he vave tahá.

‘Oku mau tui ko kinautolu ‘oku nau fakaʻatā ʻa e fakamatalá ʻi he ‘Initanetí, ʻoku nau ʻamanaki ‘e maʻu ia ‘e he kakai kotoa pē. Ko ia ai, ‘oku mau tui ko e fakafehokotaki ki he ngaahi saiti kehé ko e founga totonu fakalao ia ʻoku fakangofuá pea ʻoku fenāpasi mo e ngaahi fiemaʻu ‘a kinautolu ʻoku nau fakaʻaongaʻi e ʻInitanetí. Ka neongo iá, kapau ʻe fakangatangata ʻa e hū ki ha uepisaiti, ʻoku totonu ke fakahā mai kiate kimautolu ʻe he tokotaha ʻoku haʻana ʻa e saiti ko iá.

Maluʻi mo e Totonu ʻo e Fakamatala Fakatāutahá

ʻI hoʻo fakaʻaongaʻi ʻa e saiti ko ʻení mo fakahū mai hoʻo fakamatala fakatāutahá kiate kimautolú, ʻokú ke loto ai ki he ngāue ʻoku fakahoko ʻi he ʻIunaiteti Siteiti ʻo ʻAmeliká, pe ʻi ha ngaahi feituʻu kehe pē, ki ha faʻahinga fakamatala fakatāutaha ʻokú ke fakahū ʻo fakatatau mo ʻetau Fanongonongo Totonu Fakatāutahá. ʻOkú ke toe loto-fiemālie foki ke talangofua ki he ngaahi lao kotoa pē fekau‘aki mo hono feʻaveʻaki ʻo e fakamatala fakataautaha ʻi he ‘Iunaiteti Siteiti ʻo ‘Ameliká pea mo e fonua ʻokú ke nofo aí.

Mafai mo e Lao Ke Ngāue ʻakí

Kuo pau ke puleʻi ʻa e Aleapaú ni ʻe he ngaahi lao ʻa e Siteiti ʻo ʻIutaá, ʻo e ʻIunaiteti Siteiti ʻo ʻAmeliká, ʻo hangē ko ia ʻoku ngāue ʻaki ki he ngaahi aleapau ʻoku faí pea ke fakahoko kakato ʻi he siteiti ko iá, ʻo ʻikai ngāue ʻaki ki ai ha faʻahinga tuʻutuʻuni ʻo e fepakipaki ʻi he laó (conflict of laws). Ko ha fakaʻilo te ke fai ke fakamālohiʻi ʻaki ʻa e Aleapaú ni pe faʻahinga meʻa pē kau ki he saití ni, kuo pau ke fai ia ʻi he ngaahi fakamaauʻanga fakasiteiti pe fakafonua ʻoku tuʻu ʻi he Vahefonua Sōlekí ʻi ʻIutā, pea ʻokú ke loto mo tali lelei ki he mafai fakataautaha ʻo e fakamaauʻanga ko iá, koeʻuhí ko e ngaahi taumuʻa ʻo hono fakatonutonu ʻo ha fakaʻilo pehē. ʻOkú ke loto ki ai tatau ai pē pe ko e fē feituʻu ʻokú ke ʻi aí pe ko ha faʻahinga taʻefiemālie kiate koe. Kapau ʻoku ʻikai fakalao, ʻikai ʻaonga pe ʻikai lava ke fakamālohiʻi kakato pe ko ha konga ʻo e tuʻutuʻuni ʻo e Aleapaú ni, kuo pau ke ʻoua naʻa uesia ai ʻa e ngaahi tuʻutuʻuni ʻoku toé, tukukehe kapau te mau pehē ko e kupu ko ia ʻoku ʻikai ʻaongá pe ʻikai lava ke fakamālohiʻí ko ha tefitoʻi makatuʻunga ia ʻo e Aleapaú ni, pea ka pehē, te mau lava pē ʻi heʻemau loto ki ai ke liliu ʻa e Aleapaú ni.

Fakangatangata ʻo e Moʻuá

ʻOku ʻikai ke mau moʻua ki ha ngaahi maumau makehe pe ko e olá tupu mei hoʻo ngāue ʻaki pe taʻelava ʻo ngāue ʻaki ʻa e saití ni pe ngaahi naunau ʻi he saití ni pe ko ha saiti kuo fakafehokotaki ki ai, ʻo kau ai kae ʻikai fakangatangata, ki ha mole ʻo ha ngaahi tupu, uesia fakapisinisi mo e mole ʻo ha ngaahi polokalama pe ha ngaahi fakamatala kehe ʻi hoʻo mīsini fakahoko fakamatalá. Kuo pau ʻe ʻikai laka hake ʻa homau moʻua fakakātoa kiate koe ki he ngaahi maumau, ngaahi mole mo e ngaahi tuʻunga fakaʻiló, ʻi he lahi ʻo e paʻanga kuó ke totongí, kapau naʻe ʻi ai, ki hoʻo hū (accessing) ki he saití ni pe ki ha saiti kuo fehokotaki mo ia.

Ngaahi Fakaʻataá

KO E SAITÍ NI MO E NGAAHI MEʻA ʻI HE SAITÍ NI MO HA SAITI ʻOKU FEHOKOTAKI MO IA, ʻOKU ʻOATU IA ʻI HE “TUʻUNGA PĒ ʻOKU ʻI AÍ” PEA ʻIKAI KAU AI HA NGAAHI FAKAPAPAU (WARRANTIES) ʻO HA FAʻAHINGA PĒ, PE ʻOKU FAKAHAAʻI MAHINO PE FAKAʻUHINGA PĒ KI AI. KI HE TAUPOTU TAHA ʻE ALA LAVÁ ʻO FAKATATAU MO E LAO ʻOKU KAUNGA KI AÍ, ʻOKU MAU FAKAʻATAʻATĀ AI KIMAUTOLU MEI HE NGAAHI FAKAPAPAU (WARRANTIES) KOTOA PĒ ʻOKU FAKAHAAʻI MAHINO PE FAKAʻUHINGA PĒ KI AI, ʻO KAU AI KAE ʻIKAI FAKANGATANGATA KI HE, NGAAHI FAKAPAPAU ʻO E HINGOÁ MO E NGAAHI FAKAPAPAU ʻO E MALAVA KE FAKATAU ATÚ MO ʻENE FEʻUNGA KI HA TAUMUʻA PAU.  ʻOKU ʻIKAI KE MAU FAKAPAPAU ʻE ʻIKAI MOTUHIA PE ʻIKAI FEHALAAKI ʻA E NGAAHI NGĀUE (FUNCTIONS) ʻI HE SAITÍ NI, PE ʻE FAKALELEIʻI ʻA E NGAAHI FEHALAĀKÍ, PE ʻOKU HAO ʻA E SAITÍ NI PE TAHA ʻOKÚ NE ʻOATU IÁ (SERVER), MEI HE NGAAHI VAILASÍ (VIRUS), PE NGAAHI MEʻA FAKATUʻUTĀMAKI KEHÉ.

Ngaahi Fakaʻilonga Fefakatauʻakí

Ko e lisi ko ʻení ko ha konga pē ia ʻo ʻemau ngaahi faka‘ilonga(trademarks) mo e ngaahi faka‘ilonga fengāueʻakí mo e ngāue tokoni:

FamilySearch

FamilySearch GEDCOM

International Genealogical Index

RootsTech

The Church of Jesus Christ of Latter-day Saints

Ko e ngaahi fakaʻilonga ko ʻení ko ha ngaahi fakaʻilonga ia ʻo e FamilySearch pe Intellectual Reserve, Inc. pea ʻoku lesisita kinautolu ʻi he ʻIunaiteti Siteití mo ha ngaahi fonua kehe. Ki ha fakamatala lahi ange fekau‘aki mo ʻemau ngaahi fakaʻilongá mo e ngaahi fakaʻilonga ‘o e ngāue tokoní pea mo honau ngāue totonu ʻakí, kātaki ‘o vakai ki he Ngaahi Fakahinohino ki hono Fakaʻaonga‘i ʻo e Ngaahi Fakaʻilonga ʻo e FamilySearch. 

Ngaahi Fehuʻí 

Ke maʻu ha tokoni pe fakamatala lahi ange fekauʻaki mo ʻemau ngaahi fakaʻilongá mo e ngaahi nāunau maʻu mafai pulusí, ʻe lava ke ke fetuʻutaki ki he ʻŌfisi Intellectual Property ʻi he:

Telefoni:1-801-240-3959 pe 1-800-453-3860, ext. 2-3959

Fekisimilí: 1-801-240-1187

ʻĪmeilí: cor-intellectualproperty@FamilySearch.org

Liliu Fakamuimuitahá: 2023-09-01