ʻI hoʻo hoko ko ha taki ʻo e Siasí, ʻokú ke tokoniʻi ʻa e fakafoʻituituí mo e ngaahi fāmilí ke nau maʻu ʻa e melino mo e mālohi ʻia Sīsū Kalaisi, ʻi heʻenau moihū ʻi he temipalé mo ngāue ki heʻenau ngaahi kuí.
Kamata maʻu pē mo e Fakamoʻuí
ʻI hoʻo fakaafeʻi e kāingalotú ke nau moihū ʻi he fale ʻo e ʻEikí mo fakahoko ha ngaahi ouau maʻá e ngaahi kuí, kamata mo e Fakamoʻuí. Vahevahe ki he founga ʻoku fakafehokotaki ai kitautolu ʻe he ngaahi fuakava mo e ngaahi ouau fakatemipalé ki he Fakamoʻuí, tokoniʻi kitautolu ke tau ongoʻi ha fakahinohino mo ha fakafiemālie, mo fakamālohia kitautolu ʻaki ʻEne maluʻí mo e mālohí. Ako Lahi Ange
Koeʻuhi ʻi he kakato ʻo e ngaahi kuongá naʻá ne tuʻutuʻuni, ke ne fakakātoa fakataha ʻa e meʻa kotoa pē ʻia Kalaisi, ʻa e meʻa ʻoku ʻi he langí, mo ia ʻoku ʻi māmaní; ʻio, ʻiate ia.
ʻEfesō 1:10
Kamata mo e Fakamoʻuí ʻi he Ngaahi Ouau kuo Māú
Tokoniʻi ʻa e kau mēmipá ke nau fakaʻaongaʻi ʻa e Ngaahi Ouau kuo Māú—ko e founga faingofua taha ia ki he kāingalotu kotoa pē ke nau tānaki e niʻihi kehé ki he Fakamoʻuí ʻaki ʻenau lava ʻo fekumi ki ha ngaahi hingoa fakafāmili ʻo kinautolu te nau fiemaʻu e ngaahi ouau fakamoʻui ʻo e temipalé. Ako Lahi Ange
Kamata mo e Fakamoʻuí ʻi he Ngaahi Ouau kuo Māú
Kamata mo e Fakamoʻuí ʻaki hoʻo tānaki atu e meʻa ʻokú ke ʻiló
Fakalotolahiʻi ʻa e kāingalotu kotoa pē ke nau tānaki pē ʻa e meʻa ʻoku nau ʻiloʻí, ki heʻenau fuʻu ʻakau fakafāmilí—ngaahi hingoa, ʻū tā, ngaahi makamaile, ngaahi talanoa, mo ha ngaahi manatu melie ki he ngaahi ʻofaʻangá, ʻa ia ʻoku ʻoku malava ke tānaki ki he Fakamoʻuí.
Ko e kau taki ʻoku nau tokoniʻi ʻa e kau mēmipa mo e toʻu tupu foʻoú ke nau teuteu ki heʻenau fuofua papitaiso mo e hilifakinima ʻi he temipalé, ʻe malava ke nau fakaʻaongaʻi ʻa eTokoni ki he Hingoa Fakafāmilí.
Ngaahi Maʻuʻanga Tokoni ʻoku Lava ke Download
VitiōVitiō ʻo e Ngaahi Tāpuaki Kuo Talaʻofa Maí
Kuo talaʻofa mai ʻe he kau ʻAposetolo ʻo onopōní, ʻo kau ai ʻa ʻEletā Tēvita A. Petinā, Kuenitini L. Kuki, Niila L. ʻEnitaseni, mo Teili G. Lenilani, ha ngaahi tāpuaki mālohi lahi kiate kinautolu ʻoku nau kau ʻi he ngāue ʻo e hisitōlia fakafāmilí mo e temipalé.
Ako Lahi Ange
“Ko e ngaahi temipalé ko ha konga mahuʻinga ia ki hono Fakafoki Mai ʻo e kakato ʻo e Ongoongolelei ʻo Sīsū Kalaisí. ʻOku fakafonu ʻe he ngaahi ouau ʻo e temipalé ʻa ʻetau ngaahi moʻuí ʻaki ha mālohi mo ha ivi ʻoku ʻikai toe maʻu ʻi ha founga kehe.”
Palesiteni Lāsolo M. Nalesoni, COVID-19 mo e Ngaahi Temipalé
1 ʻo e 3