Faʻahinga ʻo e Ngaahi Feituʻu FamilySearch
Ngaahi Senitā FamilySearch
ʻOku ʻomi ʻe he ngaahi senitā FamilySearch ha ngaahi meʻangāue mo ha ngaahi maʻuʻanga tokoni ki hoʻo fekumi ki hoʻo tohi hohokó mo e hisitōlia fakafāmilí. ʻOku nau ʻomi ha ngaahi tokoni fakataautaha, lava ʻo hū ki he ngaahi komipiutá mo e ngaahi uepisaiti hisitōlia fakafāmili, pea mo e ngaahi ʻīmisi ʻo e ngaahi lekooti fakahisitōlia ʻoku malava ke ʻikai maʻu ʻi ha feituʻu kehe.
Ngaahi Laipeli Fengāueʻakí
ʻOku ʻomi ʻe he ngaahi laipeli fengāueʻaki ʻa e FamilySearch ha ngaahi maʻuʻanga tokoni ʻo hangē ko e ngaahi meʻa ʻoku maʻu ʻi he senitā FamilySearch, hangē ko e lava ʻo maʻu ʻa e ngaahi tānakiʻanga tohi hohoko fakaʻilekitulōnika ʻo e FamilySearch. Ko e ngaahi laipeli fengāueʻakí ʻe malava pē ko ha laipeli ako māʻolunga ange pe ʻatā ki he kakaí, ʻākaivi, misiume, senitā fakafonua, pe sosaieti fakatohi hohoko pe fakahisitōlia.
Ko e Laipeli FamilySearch
ʻOku tuʻu ʻa e Laipeli FamilySearch ʻi Sōleki Siti, ʻIutā, ko e taha ʻo e ngaahi fale fekumi fakatohi hohoko lahi taha ʻi he māmaní. Makehe mei hono kau ngāue taukei ʻi he fekumí, ʻoku malava ke te maʻu taʻetotongi ai ha ngaahi lekooti, tohi, maikolofilimi, mo e ngaahi maʻuʻanga tokoni fakaʻilekitulōnika ki he tohi hohokó. ʻOku ʻatā ʻa e laipelí ki he kakai kotoa pē ʻo ʻikai ha totongi, pea ʻoku maʻu foki ha niʻihi ʻo hono ngaahi maʻuʻanga tokoní ʻi he ʻinitanetí.
Hū ki he FamilySearchFakamatala Lahi ʻi he Ngaahi Fale ʻo e Siasí
Te ke lava ʻo maʻu ʻa e fakamatala lahi ʻo e senitā FamilySearch ʻi hoʻo komipiutá pē ʻi ha faʻahinga falelotu pē ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Download pē mo install ʻa e fakalahi ʻo e Fakamatala Premium ʻa e Senitā FamilySearch ʻi heGoogle ChromepeMozilla Firefox.