Ngaahi Ouau kuo Māú:
Maʻu ha Ngaahi Hingoa ke ʻAve ki he Temipalé
Tānaki fakataha ho ngaahi kuí kia Kalaisi ʻi he ngaahi fuakava toputapu fakatemipalé.
Ko e hā ʻa e Ngaahi Ouau kuo Māú?
ʻOku fakapapauʻi ʻe he Ngaahi Ouau Kuo Māú ʻoku ʻi ai haʻo hingoa ke ʻave ki he temipalé—ʻi he taimi kotoa pē. ʻI hono lomiʻí, ʻoku fekumi leva ʻi ho fuʻu ʻakau fakafāmilí mo e ngaahi maʻuʻanga fakamatala kehe ke maʻu atu he taimi pē ko iá ha ngaahi hingoa ke ke lava ʻo nofotaha ʻi he meʻa mahuʻingá: ke ofi ange kia Kalaisi ʻi he ngāue fakatemipalé.
Te u fakaʻaongaʻi fēfē ʻa e Ouau Kuo Māú?
Fili e tangata pe fefine.
Lomiʻi ʻi he ouau ʻokú ke fie fakahokó.
Paaki ʻa e kātí ʻi ʻapi pe ʻi he temipalé.
Maʻu he taimí ni ha ngaahi hingoa kuo maau ki he temipalé.
ʻOku ngāue fēfē ʻa e Ngaahi Ouau Kuo Māú?
ʻI ha ngaahi lomiʻi, ʻoku fekumi leva ʻa e Ngaahi Ouau Kuo Māú ki:
- Ho ʻakau fakafāmili ki he kāinga kuo pekia ʻoku nau fiemaʻu ke fai maʻanautolu ʻa e ngāue fakatemipalé.
- Ngaahi hingoa kuo vahevahe ʻe he kau mēmipa ho uōtí mo e fāmili ʻi he siteikí.
- Ngaahi hingoa kuo vahevahe ʻe he kau mēmipa ʻo e Siasí ʻi he māmaní.
Ko e hā ʻoku totonu ai ke u fakaʻaongaʻi ʻa e Ngaahi Ouau Kuo Māú?
ʻOku tokoni ʻa e Ngaahi Ouau Kuo Māú ki he kau pataloni ʻi he tuʻunga kehekehe ke ʻiloʻi e ngaahi hingoa kuo maau ki he temipalé ʻa ia kuo ʻosi fakapapauʻi mo vakaiʻi ʻoku ʻikai tuʻo ua ke fakapapauʻi ʻoku maau e ngāue ke fai ki aí. Tatau ai pē pe ʻokú ke fakakaukau kuo ʻosi fai e ngāue fakatemipalé ʻi ho fāmilí pe ʻikai, ʻe kumi ʻe he Ngaahi Ouau Kuo Māú ha taha ʻi ho fāmilí, kaungāʻapí, pe ʻi he māmaní ʻoku fiemaʻu ke fakakakato ha ngāue ki ai.
“Neongo ʻoku maʻu ʻe he ngāue fakatemipalé mo e hisitōlia fakafāmilí ʻa e mālohi ke faitāpuekina ʻa kinautolu ʻi he maama ʻo e ngaahi laumālié, ka ʻokú ne maʻu ʻa e mālohi tatau pē ke faitāpuekina ʻa e kakai moʻuí. ʻOku ʻi ai hono ivi tākiekina ke fakamaʻa ʻa kinautolu ʻoku ngāue ki aí.”
Lāsolo M. Nalesoni
Palesiteni mo e Palōfita ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Ngaahi Fehuʻi ʻOku Lahi Hono ʻEké
Ngaahi Maʻuʻanga Tokoni ʻOku Ala Maʻú
Maʻá e Kau Taki Fakauōtí, Fakakoló, mo e Fakasiteikí
ʻIloʻi ʻa e ngaahi maʻuʻanga tokoní mo e fakahinohino fakalūkufua ki he tuʻunga fakataki ʻo e uooti, kolo, mo e siteiki. Tokoni ki he kāingalotu ʻo e siasí ke nau kau ʻi he hisitōlia fakafāmilí mo e ngaahi ouau fakatemipalé.
Ako Lahi Ange ›Maʻá e Kau Faifaleʻi ʻo e Temipalé mo e Hisitōlia Fakafāmilí
Tokoni ke aʻusia ʻe he kāingalotú ʻa e ngaahi tāpuaki ʻo hono ʻilo ʻenau ngaahi kuí mo hono fakahoko ʻo e ngaahi ouau fakatemipalé maʻanautolú.
Ako Lahi Ange ›Tokoni mo e Ako Lahi Ange
Ako lahi ange fekauʻaki mo e Ngaahi Ouau Kuo Māú pea maʻu e ngaahi tali ki he ngaahi fehuʻi lahi ange.
Ako Lahi Ange ›Ngaahi Ouau kuo Māú
Ko e Ngaahi Ouau Kuo Māú ʻa e founga faingofua taha ki he kau mēmipá kotoa ke tānaki fakataha ʻa e niʻihi kehé ki he Fakamoʻuí ʻaki hono maʻu ha ngaahi hingoa fakafāmili ʻo kinautolu te nau fiemaʻu e ngaahi ouau fakamoʻui ʻo e temipalé.