Ko Hoku Uiuiʻí: Faifaleʻi ki he Temipalé mo e Hisitōlia FakafāmilíKo e hā e Meʻa Ke u Tokanga Taha Ki Aí?
ʻI hoʻo hoko ko ha faifaleʻi ki he temipalé mo e hisitōlia fakafāmilí ʻi he uōtí, ʻokú ke tokoni ki he fakafoʻituituí mo e ngaahi fāmilí ke haʻu kia Kalaisi ʻaki ʻenau kau ki he ngāue fakatemipalé mo e hisitōlia fakafāmilí (Tohi Tuʻutuʻuni Fakakātoa 25.2.4).
ʻE tokoni atu ʻa e ngaahi sitepu ʻi laló ke ke kamata.
“ʻOku nofotaha e tokāteline ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he fāmilí. Ko e meʻa mahuʻinga ki heʻetau tokāteline ʻi he fāmilí ko e temipalé. ʻOku tau malava ʻi he ngaahi ouau ʻoku tau maʻu ʻi aí ke tau toe foki ko ha ngaahi fāmili taʻengata ki he ʻao ʻo ʻetau Tamai Hēvaní.”
Palesiteni Tāleni H. ʻOakesi, ʻOku Fakatefito ʻa e Ongoongolelei ʻo Sīsū Kalaisí ʻi he Fāmilí
ʻUluaki Tokanga Taha Maʻu Pē ki he Fakamoʻuí
ʻI hoʻo fakaafeʻi e kāingalotú ke nau moihū ʻi he fale ʻo e ʻEikí mo fakahoko ha ngaahi ouau maʻá e ngaahi kuí, kamata mo e Fakamoʻuí. Vahevahe ki he founga ʻoku fakafehokotaki ai kitautolu ʻe he ngaahi fuakava mo e ngaahi ouau fakatemipalé ki he Fakamoʻuí, tokoniʻi kitautolu ke tau ongoʻi ha fakahinohino mo ha fakafiemālie, mo fakamālohia kitautolu ʻaki ʻEne maluʻí mo e mālohí.
Koeʻuhi ʻi he kakato ʻo e ngaahi kuongá naʻá ne tuʻutuʻuni, ke ne fakakātoa fakataha ʻa e meʻa kotoa pē ʻia Kalaisi, ʻa e meʻa ʻoku ʻi he langí, mo ia ʻoku ʻi māmaní; ʻio, ʻiate ia.
ʻEfesō 1:10
Fakaʻaongaʻi e Ngaahi Ouau kuo Māú
Tokoniʻi ʻa e kau mēmipá ke nau fakaʻaongaʻi ʻa e Ngaahi Ouau kuo Māú—ko e founga faingofua taha ia ki he kāingalotu kotoa pē ke nau tānaki e niʻihi kehé ki he Fakamoʻuí ʻaki ʻenau lava ʻo fekumi ki he ngaahi hingoa fakafāmili ʻo kinautolu te nau fiemaʻu e ngaahi ouau fakamoʻui ʻo e temipalé. Ako Lahi Ange
Tānaki e Meʻa ʻOkú Ke ʻIló
Fakalotolahiʻi ʻa e kāingalotu kotoa pē ke nau tānaki pē ʻa e meʻa ʻoku nau ʻiloʻí, ki heʻenau fuʻu ʻakau fakafāmilí—ngaahi hingoa, ʻū tā, ngaahi makamaile, ngaahi talanoa, mo ha ngaahi manatu melie ki he ngaahi ʻofaʻangá, ʻa ia ʻoku ʻoku malava ke tānaki ki he Fakamoʻuí.
Ko e kau taki ʻoku nau tokoniʻi ʻa e kau mēmipa mo e toʻu tupu foʻoú ke nau teuteu ki heʻenau fuofua papitaiso mo e hilifakinima ʻi he temipalé, ʻe malava ke nau fakaʻaongaʻi ʻa eTokoni ki he Hingoa Fakafāmilí.
Ngaahi Maʻuʻanga Tokoni ʻoku Lava ke Download
PDFPepa Tufa ʻo e Ngaahi Ouau kuo Māú
ʻOku ʻi he pepa ko ʻeni ʻoku lava ke download, ʻa e fakamatala fekauʻaki mo e Ngaahi Ouau kuo Māú mo ha fehokotakiʻanga ki he aʻusiá.
Download e Laʻipepá [Flyer]LēsoniKo Hono Fakatahaʻi ʻo e Ngaahi Fāmilí ki he Taʻengatá
ʻE lava e fokotuʻutuʻu ʻo e lēsoni ko ʻení ʻo tokoniʻi koe ki hono akoʻi ʻa e ngaahi tāpuaki ʻoku ʻomi ʻe he ngāue ʻi he temipalé mo e hisitōlia fakafāmilí.
ʻAlu Ki he LēsoníAkó mo e Ngaahi Maʻuʻanga Tokoní
Ako ʻo lahi ange fekauʻaki mo hoʻo uiuiʻí mo e ngaahi maʻuʻanga tokoni ʻoku ʻatā ke tokoni kia koé.
Ngaahi Tāpuaki Kuo Talaʻofa Maí
ʻI hoʻo hoko ko ha tokotaha faleʻí, te ke lava ʻo tokoni ke aʻusia ʻe he kāingalotú ʻa e ngaahi tāpuaki ʻo hono ʻiloʻi ʻenau ngaahi kuí pea mo hono fakahoko ʻo e ngaahi ouau fakatemipale maʻanautolú.