Ko Hono Teuteuʻi e Fānaú mo e Toʻu Tupú ki he Ngaahi Aʻusia Fakafiefia ʻi he Temipalé
“ʻI heʻemau vakai ki hono fakahoko ʻe he toʻu tupú e hisitōlia fakafāmilí, naʻa mau vakai kiate kinautolu ʻoku nau aʻusia ʻa e fiefia ʻi he taimi pē ko iá mo e loto-falala lahi ange. … ʻOku ʻomi ʻe he hisitōlia fakafāmilí ha tākiekina faifakamoʻui mo ha fakapapau ko e tokotaha takitaha ʻoku mahuʻinga ʻi he ʻao ʻo ʻetau Tamai Hēvaní.”—Palesiteni Dallin H. Oaks 2018 RootsTech Family Discovery Day [ʻAho ʻIloʻi ʻo e Fāmilí ʻa e RootsTech 2018]
Ko Hono Fakamālohia ha Fakavaʻe ʻoku Fakatefito ʻia Kalaisí
Founga ke tokoni ai e kau takí mo e ngaahi mātuʻá ki he fānau ʻoku hoko honau taʻu 12 ke teuteu ki he ngaahi ouau mo e ngaahi fuakava fakatemipalé
ʻOku lava ʻa e mātuʻá mo e kau taki ʻo e Palaimelí ʻo toutou akoʻi e ngaahi tefitoʻi moʻoni ʻoku maʻu ʻi he Haʻu ʻo, Muimui ʻIate Aú ʻa ia ʻoku fēnapasi mo e mateuteu ki he temipalé (Fakamatala Fakalahi A; Fakamatala Fakalahi E).
ʻOku tokoni e ngaahi mātuʻá ki heʻenau fānaú ʻaki hono ngāue ʻaki e Ngaahi Ouau kuo Māú ke maʻu ha hingoa fakafāmili pea mo tānaki atu ʻa e meʻa ʻoku nau ʻiló ki he FamilySearch.org.
ʻOku kau ʻa e ngaahi mātuʻá mo e kau takí ʻi he fakataha Mateuteu ki he Temipalé mo e Lakanga Taulaʻeikí mo e fānaú.
Tokoni ʻi he Hingoa Fakafāmilí maʻá e Toʻu Tupú
Vakai ki he founga ʻe vave ai hono ʻave ʻe he toʻu tupú ʻenau ngaahi kaati hingoa fakafāmilí ki he temipalé lolotonga e fakaʻehiʻehi mei he ngaahi pole ʻo e ngaahi hingoa ngāué mo e lea fufuú.
Kamata Leva