Upload e Ngaahi Tuʻutuʻuní mo e Fakahinohinó

Ngaahi Tefitoʻi Moʻoni ki he ʻŪ Laʻitaá, Ngaahi Fakamatala Fakapepá mo e Ngaahi Lea kuo Lekōtí

ʻOku totonu ke fakaʻatā ʻe he ʻŪ Laʻitā, Ngaahi Fakamatala Fakapepa mo e Ngaahi Lea kuo Lekooti ʻi he FamilySearch ʻa e niʻihi fakafoʻituituí ke nau vahevahe ʻa e fakamatala ki he ngaahi kuí ʻokú ne tokoniʻi ai e fāmilí ke nau hoko ʻo feʻilongaki mo feʻofaʻaki.  ʻOku totonu ke fakaʻaongaʻi e ngaahi tefitoʻi moʻoni ko ʻení:

Taau.  ʻOku totonu ke poupouʻi ʻe he fakamatalá ʻa e ngaahi tuʻunga moʻui totonu ʻo e teunga tāú mo e angamaʻá.

Felāveʻi. ʻOku totonu ke poupouʻi ʻe he fakamatalá ha taumuʻa ʻo e hisitōlia fakafāmilí.

Liliu e lotó. ʻOku totonu ke poupouʻi ʻe he fakamatalá ʻa e omi ʻa e niʻihi fakafoʻituituí ke ʻilo mo ʻofa ʻi heʻenau ngaahi kuí.

ʻIkai fakakomēsiale. ʻOku ʻikai totonu ke tuʻuaki atu pe fakatupulaki ʻe he fakamatalá ha ngaahi koloa. ʻOku ʻikai totonu ke nau kaunoa ʻi he ngaahi totonu ki he koloa fakaʻatamaí.

Ngaahi Fakahinohino ki he Tuʻutuʻuni ki hono Siviʻi ʻo e Laʻitaá, Fakamatala Fakapepá mo e Lea kuo Lekōtí

ʻE lava pē KE ʻIKAI kau ʻi he fakamatalá ha ngaahi ʻīmisi, fakatātā, pe fakamatala ʻo e

1.  Telefuá pe teunga taʻetāú.  ʻOku totonu ke sipaʻi mo fakamaʻu lelei ʻa e teunga ʻoku hā ʻi he ngaahi laʻitaá.

2.  Fakamatala toputapu pe kaunga ki he meʻa fakalotu kehé.

     a. Vala
     e. Ngaahi ouaú
     f. Tāpuaki fakapēteliaké

3.  Tui e vala ʻoku fehangahangai mo e tuʻunga tangata pe fefiné

4.  Ngaahi fakafehokotakiʻanga ki he ngaahi uepisaiti ʻi tuʻá (i.e. ʻikai ha ngaahi URL). 

5.  Lea taʻefeʻunga pe ngaahi lea kovi ʻi ha faʻahinga tūkunga pē.

6.  Ngaahi ʻata ʻo e sinó ʻo ʻikai kau ai ha ʻulu pe fofonga.

7.  Ngaahi ʻīmisi ʻo e kakai ʻoku ʻuma ʻi he ngutú: niʻihi fakafoʻituitui ʻoku feʻumaʻaki ʻi honau loungutú pe teuteu ke feʻumaʻaki ʻi he loungutú, ʻo tatau ai pē pe ko e hā e tuʻunga tangata pe fefiné, taʻú, pe vā fetuʻutakí. 

8.  Ngaahi fakaongoongolelei ki he koloá pe uepisaití. ʻE vakavakaiʻi fakafoʻituitui ʻa e ngaahi fakaʻilonga mo e fakalea ʻi he valá pe ʻi he ngaahi papa tuʻuakí, lolí, mo e ngaahi meʻa peheé.

9.  Ngaahi ngāue, koloa, pe ngaahi tokoni taʻefakalaó. ʻOku kau heni ʻa e ngaahi faitoʻo konatapú.

10.  Anga taʻe-feʻunga, ngaahi toʻonga kapekape pe lea kapekapé.

11.  Fakahaaʻi ʻo e tāufehiʻá pe filifilimānakó.

12.  Fetāʻakí mo e fakalaveá.

a.  ʻE vakavakaiʻi fakafoʻituitui e ngaahi laʻitā ʻo e taú, tulimanú, mo e taumātaʻú.
b.  ʻE vakavakaiʻi fakafoʻituitui e ngaahi laʻitā ʻoku ʻasi e fakaavangi ha konga ʻo e sinó mo e ngaahi tātataú.

13.  Ko hono poupouʻi ʻo e laulanú.

14.  Ko hono poupouʻi ʻo e ngaahi fokotuʻutuʻu, ngāue, pe kautaha tokoni ʻofa lolotongá.

15.  Fakamatala fakakomēsialé.  Ko e ngaahi fakaʻatā makehé pē kapau:

a.  ʻOkú ke maʻu ʻa e ngaahi totonu fakalao ki he fakamatalá.
b.  Kuo ʻosi ʻa e taimi ʻaonga ʻo e maʻu mafaí.

ʻE ʻikai lava ke liliu ʻa e ngaahi laʻitaá, fakamatala fakapepá mo e lea kuo lekōtí ʻi ha faʻahinga founga pē te ne ʻai kinautolu ke hala, loi, pe takihalaʻi. Pehē foki, ʻoku ʻikai fakangofua ha laʻitā fakakulupu ʻoku ʻi ai ha tokotaha pē ʻe taha ʻokú ne maumauʻi ha taha pē ʻo e ngaahi tuʻutuʻuni ʻi he fakamatalá ni.

ʻE lava pē ke fakangatangata e ngaahi ʻīmisi, koloa, pe faile ne upload foʻou pe upload ʻi he kuohilí ki he FamilySearch pe faʻu ʻi ai ʻa ia ʻokú ne maumauʻi e ngaahi fakahinohino ki hono fakahū atu iá.