Fakakaukauloto ki Hoku Tukufakaholó:
Vakai Kiate Koe ʻi he Moʻui Hoʻo Ngaahi Kuí
Faitaaʻi koe pea manga atu ki hoʻo hisitōlia fakafāmilí! Hoko ko ha paionia, tui e ngaahi vala tukufakaholó, pe ako lahi e ngaahi tūkunga kehekehe mei hoʻo tukufakaholó.
Ko ha founga fakalata ke fakafehokotaki ai mo ho kuohilí
Vakai ki he feituʻu ne kamata mei ai ho talanoá
Kamataʻi ha ngaahi fepōtalanoaʻaki ʻuhingamālie mo fakakata mo hoʻo fānaú pe makapuná. ʻI heʻenau vakai kiate kinautolu ʻi he moʻui ʻenau ngaahi kuí ʻoku nau ongoʻi fakataautaha ai ki he kuohilí—pea ʻomi e ngaahi toʻu tangatá ke nau vāofi ange.
ʻAi ke Fakalata ʻa e Hisitōlia Fakafāmilí
ʻAi e ngaahi efiafi fakafāmilí, ngaahi ngāue fakaakó, pe efiafi mālōlō peé ki ha ngaahi taimi ʻo e ʻiló. Pe ʻokú ke kata ʻi ha tā fakaoli pe ako ha meʻa foʻou, ko ha founga fakafiefia ia ke fekumi ki hoʻo tukufakahokó.
Fiefia ʻi Ho Anga Fakafonuá
Aʻusia ʻa e fakaʻofoʻofa hoʻo ngaahi tukufakahoko fakafāmilí ʻaki hoʻo kau atu ki ha ngaahi tūkunga anga fakafonua ʻi he funga ʻo e māmaní. Ko ha founga fakafiefia ia ke fakalāngilangiʻi e feituʻu ʻokú ke haʻu mei aí—pea vahevahe ia mo e kakai ʻokú ke ʻofa aí.
Vakaiʻi ha Ngaahi Founga Lahi Ange ke Ke Fiefia ʻi he Talanoa Ho Fāmilí
Vakaiʻi ha ngaahi ʻekitivitī kehe kuo fokotuʻu ke tokoni atu ke ke aʻusia e ngaahi mana ʻo e hisitōlia fakafāmilí.
