Ko e Poupou ʻa e Siasí
ki he FamilySearch
Ko Hono Fakafehokotaki ʻo e Ngaahi Toʻu Tangatá
ʻE lava ke tokonia kitautolu ʻe he ngaahi ongo ʻo e fetuʻutaki fakafāmilí ke tau ikunaʻi e ngaahi faingataʻa ʻo e moʻuí. ʻOku fakapaʻanga ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e FamilySearch ke tokoni ki he kakaí ke nau maʻu ha ivi mei honau ngaahi vā fetuʻutaki fakafāmilí—ʻi he kuohilí, lolotongá, mo e kahaʻú. Te ke lava ʻo ako lahi ange fekauʻaki mo e ngaahi akonaki ʻa e Siasí ʻoku felāveʻi mo e ngaahi fāmilí ʻi he ComeUntoChrist.org.
Ko e Hā ʻEne ʻUhinga kiate Koé
‘Oku fakaʻaonga‘i ʻa e fakamatala fakafo‘ituitui mo fakafāmili ʻokú ke tānaki atu ki he FamilySearch ke tokoniʻi koe ke ke ‘iloʻi, tauhi, mo vahevahe ‘a e talanoa ki hoʻo fāmilí. ‘Oku ʻikai ke teitei fakatau atu ia ki he ngaahi kautaha kehé. ‘Oku tauhi fakafoʻituitui kiate koe ‘a e fakamatala fekauʻaki mo e fāmili kei moʻuí, lolotonga ia ‘oku fevahevaheʻaki ‘a e ngaahi fakaikiiki hoʻo tohi hohoko ki hoʻo ngaahi kui kuo pekiá mo e kau fekumi kehe ‘i he kolo ʻo e fuʻu ‘Akau Fakafāmilí.
Ko hono Fakatupulaki e Moʻui ʻa e Tokotaha Kotoa Pē
ʻE lava ke hoko ʻa e hisitōlia fakafāmilí ko ha maʻuʻanga ueʻi fakalaumālie, fiefia, faifakamoʻui, fakakaukau mahino, loto-ʻofa mo e melino. ʻOku mau ʻamanaki ʻe lava ke aʻusia ʻe he kakai kotoa ʻo e māmaní e ngaahi ongo ko ʻení ʻi heʻenau moʻuí ʻi heʻenau hokohoko atu pe fokotuʻu ha ngaahi talatukufakaholo fakafāmili ʻokú ne fakamanatua ʻenau ngaahi kuí.