Ngaahi Fōtunga Mahuʻinga ʻo e Ngaahi Manatu ki he FamilySearch
‘E tokoni atu ʻa e ngaahi naunau ko ʻení ke faʻu ʻaki ha ngaahi tānakiʻanga tukufakaholo ʻo e ngaahi tā foʻou mo motuʻa ʻo e ngaahi tā fakafāmilí, ngaahi talanoá, ngaahi tohi ngāué, mo ha ngaahi faile ongo ʻataʻatā pē.
Vakai‘i ʻa e Mafai ʻo e Ngaahi Fakaʻilonga ʻo e Tefitó
‘E lava ʻo tupulaki vave hono fakatahatahaʻi ʻo e Ngaahi Manatu Melié. Ko ha founga faingofua ke tokoni‘i koe ke ke fakafaʻahinga mo fiefia ʻi ho‘o ngaahi koloa fakafāmilí ko hono fakaʻaonga‘i ʻo e ngaahi fakaʻilonga tefitó.
Vaheʻi ha fakaʻilonga angamaheni ki he ngaahi manatu kehekehe ke faingofua ʻa hono ʻilo kinautolú. Fakakaukau ki ai ko ha halatuʻusi ki he ngaahi taumuʻa mo e kaveinga ʻoku mahuʻinga kiate koé.
Kuó ke Vahevahe Atu Nai Ha ʻAlapamá?
Ko e ngaahi ʻalapamá ko ha founga lelei ke fakatahatahaʻi mo vahevahe atu ʻa e Ngaahi Manatu fekauʻaki mo e ngaahi meʻa ʻo hangē ko e kakai pe ngaahi meʻa naʻe hoko. ʻE lava ke ngāue ʻaki tahataha ʻa hoʻo ngaahi manatú ʻe he kakai naʻá ke vahevahe atu mo kinautolú pe ʻi ha fakaʻaliʻali ʻo e taá.
Fakakulupu ʻa e Ngaahi Manatú ʻo fakafoʻituitui, fāmili, me‘a naʻe hoko pe ha fa‘ahinga kehe. Ko ha founga lelei ia ke ma‘u ai ʻa e kakato ʻo e talanoa fekauʻaki mo ha kui pe moʻui ʻa ha mēmipa ʻo e fāmilí. ʻE lava ke kau ki he ngaahi ʻalapamá ʻa e kotoa ʻo e ngaahi fakafaʻahinga ʻo e manatú — ha ngaahi tā, talanoa, ngaahi tohi ngāue, mo e ngaahi faile ʻoku kau ki ai ʻa e ongó — pea ‘e lava ke fokotuʻutuʻu ia ʻo fakatatau ki hoʻo manakó.
Ko e ngaahi halatuʻusi ki Hoʻo Ngaahi Manatu ʻokú ke Manako Taha Aí
Ko e ngaahi fakaʻilonga tohí ko ha ngaahi fehokotaki ia ki he ngaahi manatu mo e ngaahi ‘alapama te ke fie maʻu ke toe vakai ki ai ʻi ha taimi ʻa mui ange. ‘Oku tauhi ʻa e ngaahi faka‘ilonga tohí ʻi he Tauhiʻanga Taá.
Foki faingofua ki he ngaahi manatu mahuʻinga pea naʻa mo e ngaahi ʻalapama naʻe tanaki atu ‘e he niʻihi kehé. Ko ha founga faingofua ke toe maʻu ai ha ngaahi tā mo ha ngaahi talanoa ʻa ia ʻoku mahuʻinga kiate koe.
Fakaʻatā ke Lava ʻo ʻIlo ʻa e Kakaí ʻaki ʻa e Ngaahi Fakaʻilonga ʻo ha Taha
Ko e fakaʻilongá ʻa e founga ke ke ʻiloʻi ai ʻa e kakai kuo maʻu ʻi ha manatu melie. Ko ha kiʻi miniti pē ʻe taha ʻe fakamoleki ki aí, kā ʻi he taimi pē ʻe fakailongaʻi aí, ‘e faingofua ange ki he fāmilí ke nau fekumi ʻi he taimí ni mo e kahaʻú ‘i he ʻAkau Fakafāmilí.
Lomi‘i ʻi ha la‘i tā, pe taipeʻi ʻa e hingoa “Ko hai ʻoku ʻi he manatu ko ‘eni” ke tānaki atu ha fakaʻilonga. ‘I he taimi ʻokú ke faka‘ilongaʻi ai ha taha, ʻokú ke tānaki ʻa e manatú ki he fakamatala fakafo‘ituitui ko iá.
Tauhi fakataha kotoa ia mo e Gallery
Tuku hake, fokotu‘utuʻu, pea hū ki he kotoa ‘o hoʻo ngaahi koloa fakafāmilí ‘i he Gallery. Fakakaukau ki ai ko e senitā pule ki he ngaahi Manatu Melié.
Fokotu‘utuʻu pea vakai ki hoʻo ngaahi manatu melié ʻi ha ngaahi ʻalapama. ‘E lava ke ke hiki ʻa e ngaahi manatú ki hoʻo ʻakaiví, pea fa‘u ha ngaahi fakaʻilonga tohi ki ha ngaahi manatu makehe koeʻuhi ke faingofua hano toe ʻiloʻi ia.
