Pangkalibotang Pahibalo sa Pribasiya – FamilySearch

Gi-update niadtong Marso 24, 2026

Ang FamilySearch International, usa ka Utah nonprofit corporation nga adunay nag-unang mga opisina sa Salt Lake City, U.S.A.(“FamilySearch”), gipahinungod sa kasaysayan sa pamilya ug panukiduki sa genealogy. Kung nagtumong sa “kanamo,” “kami,” o “amo,” ang among gipasabot mao ang FamilySearch. Niini nga Pahibalo sa Pribasiya, gihatagan ka namo og impormasyon kon unsaon namo pagproseso ang imong personal nga datos.

Ang paghimo og online account sa among website ug mga aplikasyon (“Website”) o kon dili ang pagsumiter og datos ngadto sa FamilySearch nagtugot kanimo sa pag-access sa mga serbisyo ug Website nga among gitanyag, lakip ang paghimo og family tree; pagkonektar sa mga miyembro sa pamilya; ug pag-access ug pagpaambit sa mga litrato sa pamilya, digital nga mga rekord, narekord nga oral nga mga kasaysayan, ug uban pang mga memorabilia nga gisumiter nimo o sa imong mga paryente, o nga nakuha gikan sa publiko ug kasaysayan nga mga tinubdan sa tibuok kalibotan.

Gitahod sa FamilySearch ang pribasiya sa mga indibidwal nga naggamit sa among Website. Niini nga Pahibalo sa Pribasiya, among giila ang personal nga datos nga among gikolekta, ang among gibasehan sa pagproseso sa personal nga datos, ug ang among mga termino sa pagproseso sa datos subay sa imong mga katungod ug magamit nga balaod. Giawhag ka namo nga basahon og maayo kining Pahibalo sa Pribasiya sa dili pa magsumiter og personal nga datos kanamo. Tungod kay ang paghatod sa among Website nagdepende sa pagproseso sa imong personal nga datos subay sa FamilySearch Terms of Use ug sa Content Submission Agreement, palihog basaha usab og maayo kining mga dokumento. Aron makahimo og account, kinahanglan kang mouyon niini nga mga termino ug niining Pahibalo sa Pribasiya. Kon pilion nimo nga dili mouyon, dili ka makahimo og account o maka-access sa tanang feature sa Website.

1. Kinsay nagkontrol sa imong personal nga datos?

Kung ipaambit nimo ang imong personal nga datos sa among Website o moapil sa mga interaksyon o komunikasyon uban kanamo, among iproseso ang imong personal nga datos isip data controller.

Ang FamilySearch konektado sa ug gisuportahan sa The Church of Jesus Christ of Latter-day Saints (ang “Simbahan”) isip usa ka serbisyo publiko. Ang paghimo og online account sa among Website wala nagpasabot nga nag-endorso ka o kon dili konektado sa Simbahan.

2. Unsa nga personal nga datos ang among gikolekta?

Mangolekta kami og personal nga datos nga (a) imong isumiter; (b) isumiter sa ubang tiggamit; (c) among irekord; ug (d) among makuha gikan sa mga third party.

Datos nga Imong Gisumiter. Nagsumiter ka og personal nga datos kanamo, ug mahimo kaming mangolekta og personal nga datos nga gisumiter nimo, kon maghimo ka og account sa among Website, mangayo og mga materyales sa FamilySearch, mangayo og access sa mga serbisyo sa FamilySearch o sa Website, magsumiter o mag-upload sa imong personal nga datos sa mga himan sa FamilySearch o sa Website (e.g., paghimo sa imong family tree), o moapil sa uban pang mga interaksyon o komunikasyon uban sa FamilySearch. Kung makig-interact ka sa FamilySearch ug maghimo og account, kasagaran namong iproseso ang imong ngalan, adlawng natawhan, numero sa mobile, email address, lokasyon (e.g., nasod), ug sekso. Mahimo ka usab nga magsumiter og datos sa account ug rehistrasyon aron iproseso, sama sa imong username, display name, password, email address, ug mga setting ug mga gusto.
Kung mogamit ka sa among mga serbisyo, mahimo ka usab nga mopili sa pagsumiter og dugang nga personal nga impormasyon aron moapil sa imong kaugalingong inisyatiba sa uban pang genealogical nga mga kalihokan sa FamilySearch, lakip ang pagsumiter og personal nga genealogical nga datos (e.g., life sketch, mga panghitabo sa kinabuhi, mga alternatibong ngalan, mga relasyon sa pamilya, mga kamatuoran sa kinabuhi, mga memorya, og biograpikal nga impormasyon), mga litrato, memorabilia, mga rekord, ug kasaysayan nga impormasyon bahin kanimo ug sa imong mga paryente. Ikaw ang mopili kon unsa nga personal nga datos ang isumiter, ug, sa pipila ka mga kaso, mahimo kang mopili sa pagsumiter og impormasyon nga mahimong isipon nga sensitibo, sama sa etniko nga gigikanan, rasa, nasudnong gigikanan, relihiyosong background, pagkalungsoranon, medikal nga impormasyon, o status sa imigrasyon. Apan, dili ka angay nga magsumiter o magpaambit sa bisan unsa nga sensitibo nga datos bahin sa mga indibidwal gawas sa imong kaugalingon kon ang maong mga indibidwal buhi pa.
Datos nga Gisumiter sa Ubang Tiggamit. Ingon sa among gipasabot sa dugang detalye ubos sa “Kang kinsa namo ipaambit ang personal nga datos,” ang plataporma sa FamilySearch nagtugot sa ubang mga tiggamit sa Website, sama sa imong mga paryente, nga isumiter ang imong dili sensitibo nga personal nga datos isip bahin sa usa ka family tree o sa uban pang limitado nga mga himan ug mga feature. Ang abilidad sa pagpaambit sa batakang impormasyon bahin sa mga miyembro sa pamilya importante aron makahimo og panukiduki sa genealogy ug sa pagkonektar sa mga tigdukiduki sa ilang mga family tree. Kung ang usa ka tiggamit magsumiter sa personal nga datos sa usa ka tawo nga buhi pa (“Living Data”) sa usa ka family tree, kana nga Living Data sa sinugdanan makita lamang niana nga tiggamit. Sa pipila ka limitado nga mga kaso, ang tiggamit mahimo usab nga makapaambit sa maong datos sa mga restriktado nga lugar sa Website ngadto sa limitado nga gidaghanon sa mga tiggamit sa usa ka sirado nga grupo, nga ma-access pinaagi sa imbitasyon lamang. Ang matag tiggamit responsable sa ilang kaugalingong pagproseso sa bisan unsang Living Data nga ilang isumiter o ipaambit sa Website, ug buhaton lamang kini alang sa personal nga mga katuyoan aron idokumento ug idukiduki ang kasaysayan sa ilang pamilya, sumala sa gikinahanglan sa Content Submission Agreement ug Terms of Use.
Datos nga Among Girekord ug Cookies. Kon mobisita ka sa among mga resource, ang among mga server (gamit ang mga log file o mga filtering systems) mahimong mangolekta og impormasyon nga ipadala sa imong web browser bisan kanus-a ka mobisita sa among Website. Kini nga impormasyon mahimong maglakip, apan dili limitado sa, imong Internet Protocol address (IP address), matang sa browser, operating system, gusto nga pinulongan, usa ka nag-refer nga web page nga imong gibisitahan sa wala pa mosulod sa among site, ang petsa ug oras sa matag hangyo sa bisita, impormasyon nga imong gipangita sa among mga resource, ug uban pang impormasyon nga gikolekta sa cookies o susamang mga teknolohiya. Palihog tan-awa ang Cookie Preferences tool (“Cookie Preferences”) nga gi-post sa matag usa sa among mga mobile application ug sa footer sa among Website aron makakat-on og dugang. Ang Cookie Preferences nagtugot kanimo sa pagpili sa mga matang sa cookies nga among gigamit. Kon dili ka modawat og cookies, mahimong dili nimo magamit ang pipila ka seksyon o function sa among mga site o aplikasyon, sumala sa gilatid sa Cookie Preferences. Palihog hibaloi usab nga dili nimo ma-disable ang pipila ka cookies nga gikinahanglan alang sa kinauyokan nga paggana sa Website. Pinaagi sa paggamit sa among Website, miuyon ka sa paggamit sa cookies sama sa gihulagway sa Cookie Preferences. Mahimo kang mo-opt out sa pipila ka cookies nga gigamit sa among Website pinaagi sa pag-klik sa link sa Cookie Preferences sa ubos niini nga panid.
Datos sa Third Party. Kon ikaw usa ka miyembro sa Simbahan, ug mihangyo ka nga ikonektar ang imong account sa FamilySearch sa imong online account sa Simbahan, mahimo namong madawat ang imong personal nga datos (e.g., datos sa membership sa Simbahan ug datos sa account sa Simbahan) gikan sa usa ka may kalabotan nga entidad sa Simbahan.
Kutob sa gitugot sa mga magamit nga balaod, mahimo usab namo makuha ang genealogical ug historikal nga personal nga datos bahin kanimo gikan sa mga arkibo o uban pang pampublikong magamit nga mga nga mga tinubdan.

3. Unsaon namo pagproseso ang imong personal nga datos?

Sa kadaghanang mga kaso among iproseso ang imong personal nga datos gamit ang awtomatikong mga paagi (automated processing), bisan tuod sa pipila ka mga kaso mahimo namong iproseso ang imong personal nga datos nga walay paggamit sa awtomatikong mga paagi (manual processing), o uban ang kombinasyon sa awtomatiko ug manwal nga mga paagi sa pagproseso (mixed processing).

Ang mga operasyon sa pagproseso nga among gihimo sa imong personal nga datos mahimong maglakip, apan dili limitado sa, mosunod: pagkolekta, pagrekord, pag-organisar, pag-istruktura, pagtipig, pagpahaom o pag-usab, pag-analisar, pagkuha, pagkonsulta, paggamit, pagpadala (pagbalhin, pag-access, pagbutyag), lakip ang cross-border transfers sama sa gipasabot niini nga Pahibalo sa Pribasiya, pag-align o pagkombinar, paghimo og derivative data, pagrestrikto, pagpapas, o pagguba sa imong personal nga datos.

Dili kami mohimo og mga desisyon bahin kanimo nga gibase lamang sa automated processing, lakip ang profiling, nga adunay mahinungdanong mga epekto kanimo. Kon ang among paggamit sa awtomatikong mga teknolohiya mausab sa umaabot, among i-update kini nga Pahibalo sa Pribasiya ug mohatag og haom nga transparency.

4. Alang sa unsa nga mga katuyoan nga kami nagproseso sa personal nga datos?

Among iproseso ang imong personal nga datos kalabot sa Website ug mga serbisyo nga gitanyag sa FamilySearch alang sa mosunod nga mga katuyoan:

Genealogy/Panukiduki sa Kasaysayan sa Pamilya: Aron mohatag og pagbansay, mga resource, ug mga himan aron matabangan ka ug ang imong mga paryente sa pag-trace sa inyong mga katigulangan ug kaliwatan, paghimo sa inyong family tree, paghimo og panukiduki sa kasaysayan sa pamilya, ug pagkonektar sa mga miyembro sa pamilya.
Preserbasyon sa mga Rekord sa Kasaysayan: Aron i-digitize ug i-archive ang mga historikal nga dokumento, mga litrato, mga artifact, ug mga pampublikong rekord alang sa umaabot nga mga henerasyon.
Pagrekord sa Kasaysayan sa Pamilya: Aron irekord ang importanteng kasaysayan sa pamilya, historikal, ug kultural nga impormasyon nga kon dili mahimong mawala (e.g., oral histories).
Komunikasyon ug Kolaborasyon: Aron tugotan ka nga makigkomunikar ug makigtambayayong sa ubang mga tiggamit inigbuhat og panukiduki sa kasaysayan sa pamilya, sama sa among discussion feature.
Administrasyon sa Website:
- Aron pamatud-an ang imong pag-access sa imong account sa FamilySearch ug sa uban pang mga aplikasyon ug serbisyo sa FamilySearch.
- Aron makigkomunikar kanimo, matubag ang imong mga pangutana, ug hatagan ka og impormasyon kalabot sa teknikal, seguridad, o uban pang operasyonal nga mga isyu.
- Aron tukuron ug palambuon ang among Website, mga himan, ug mga serbisyo, lakip pinaagi sa pag-track sa analytics sa imong kalihokan sa Website sa FamilySearch.
- Aron pahibaloon ka sa mga bag-ong aplikasyon ug serbisyo sa FamilySearch, imbitaron ang imong pag-apil, ug alertohon ka sa mga bag-ong potensyal nga paryente sa imong family tree.
- Aron mapugngan ang sipyat, pagpanglimbong, o kriminal nga kalihokan ug ipatuman ang among Terms of Use.

5. Unsa ang among legal nga basehanan sa pagproseso sa imong personal nga datos?

Naningkamot kami nga masiguro nga aduna kami patas ug subay sa balaod nga basehanan alang sa pagproseso sa tanang personal nga datos nga among gikolekta. Ang among legal nga basehanan sa pagproseso mahimong magkalainlain depende sa lugar sa Website; sa mga katuyoan diin among giproseso ang imong personal nga datos, lakip ang mga katuyoan nga gihulagway sa ibabaw sa “Alang sa unsa nga mga katuyoan nga kami nagproseso sa personal nga datos;” ug mga lokal nga legal nga kinahanglanon sa imong hurisdiksyon.

Ang among nag-unang legal nga basehanan alang sa pagproseso sa personal nga datos sa mga tiggamit mao ang pag-uyon, nga among makuha gikan kanimo kon maghimo ka og account sa among Website, matag karon ug unya kon mag-upload ka og personal nga datos sa among Website, o kon magpuno ka sa uban pang mga porma diin imo isumiter ang imong personal nga datos sa FamilySearch.

Mahimo usab namo iproseso ang personal nga datos aron mapreserbar ang among legitimate interests isip usa ka nonprofit nga genealogical research nga organisasyon, lakip na kon diin kinahanglan aron mohatag og plataporma alang kanimo sa paghimo ug pagdokumento sa panukiduki sa genealogy ug alang sa pag-audit, data analysis, system troubleshooting, legal claims, ug regulatory obligations. Sa matag kaso, among balansehon ang among legitimate interests batok sa imong mga katungod ug kagawasan ug iproseso lamang ang datos nga gikinahanglan aron matuman ang mga katuyoan nga gihulagway sa ibabaw.

Sa pipila ka mga restriktado nga lugar sa among Website, naghatag kami og sirado nga plataporma diin ang mga tiggamit gitugotan sa pagpaambit sa Living Data ngadto sa gamay nga grupo sa uban pang giimbitar nga mga tiggamit, ingon nga gikinahanglan aron sa paghimo sa panukiduki sa genealogy. Niining mga lugara, ang FamilySearch nagproseso sa user-generated content nga adunay Living Data alang sa mga tiggamit, subay sa mga instruksyon sa tiggamit. Dili kami magproseso o mogamit sa Living Data alang sa among kaugalingong mga katuyoan o motino sa legal nga basehanan alang sa pagproseso. Ang matag tiggamit responsable sa ilang kaugalingong pagproseso sa bisan unsang Living Data nga ilang isumiter o ipaambit sa Website. Pahibaloon ka kon magsumiter ka og datos sa usa niini nga mga lugar (e.g., user-owned o group trees) ug pahinumdoman nga ikaw ang responsable sa bisan unsang Living Data nga imong isumiter.

Depende sa lokal nga mga kinahanglanon sa imong hurisdiksyon, kon imong iproseso ang Living Data kalabot sa usa ka lunsay nga personal o pangpanimalay nga kalihokan, mahimong dili ka masakop sa mga kinahanglanon sa balaod sa pribasiya. Apan, sa bisan unsa nga kaso, kinahanglan aduna kay katungod o pagtugot nga ipaambit ang bisan unsang Living Data sa ubang mga tiggamit subay sa FamilySearch Content Submission Agreement ug Terms of Use.

6. Kang kinsa namo ipaambit ang personal nga datos?

Mahimo nimo kaming pugngan sa pagpaambit sa imong personal nga datos o limitahan ang impormasyon nga among gipaambit pinaagi sa pag-usab sa mga gusto sa imong profile o pinaagi sa pagkontak kanamo gamit ang impormasyon nga gihatag sa ubos. Amo ipaambit ang imong personal nga datos sa ubang mga partido sa mosunod nga mga sirkumstansya:

Mga Third-party nga Service Provider. Mahimo kaming mohatag og personal nga datos, lakip ang pipila o tanan sa mga kategorya nga giila niini nga Pahibalo sa Pribasiya, ngadto sa mga third party aron sa paghimo og mga function alang kanamo isip data processors o sub-processors (pananglitan, payment processing, maintenance, security, data analysis, hosting, measurement services, data-driven social media messaging, surveys, ug uban pa). Sa maong mga higayon, subay niini nga Pahibalo sa Pribasiya ug ingon nga gikinahanglan sa magamit nga mga balaod, kami kontraktwal nga nagkinahanglan sa mga service provider nga protektahan ang personal nga datos gikan sa dugang nga pagproseso (lakip alang sa mga katuyoan sa marketing) ug gikan sa pagbalhin. Alang sa listahan sa mga third party nga mahimong mangolekta sa pipila sa imong personal nga datos gamit ang cookies, palihog tan-awa ang Cookie Preferences.
Mga Affiliate sa Simbahan. Sa pipila ka limitado nga mga sirkumstansya, mahimo namong ipaambit ang limitado nga personal nga datos, sama sa analytics ug datos sa imong kalihokan sa Website sa FamilySearch, ngadto sa mga nag-isponsor nga entidad sa Simbahan aron mapalambo ug mapauswag ang among mga serbisyo. Sa maong mga kaso, ang personal nga datos himoon nga anonymized kon mahimo. Ang FamilySearch mahimo usab nga mogamit sa pipila ka gipaambit nga mga resource sa Simbahan (e.g., software) sa pagdumala sa personal nga datos, apan ang personal nga datos sa FamilySearch ma-access lamang sa mga kawani sa FamilySearch nga adunay lehitimong panginahanglan nga mahibalo aron isulong ang mga katuyoan sa FamilySearch subay niini nga Pahibalo sa Pribasiya. Kon ikaw usa ka miyembro sa Simbahan ug boluntaryong mikonektar sa imong impormasyon sa pagkamiyembro sa Simbahan ngadto sa imong account sa FamilySearch, miuyon ka nga ang FamilySearch mahimong mopaambit sa personal nga datos nga imong gisumiter ngadto sa mga may kalabotan nga entidad sa Simbahan alang sa katuyoan sa pagdokumento sa mga ordinansa ug buluhaton sa templo.
Mga Tiggamit sa Website. Aron mas maprotektahan ang imong pribasiya, among gidesinyo ang Website aron ang mga tiggamit tugotan lang nga mopaambit og Living Data sa ubang mga tiggamit sa Website sa pipila ka restriktado nga mga lugar sa Website, nga ma-access pinaagi sa imbitasyon lamang. Niining mga restriktado nga lugar, mahimo kang mopili nga himoon ang pipila sa opsiyonal nga genealogical nga impormasyon nga imong gihatag sa Website nga ma-access sa ubang mga tiggamit sa FamilySearch (pananglitan, impormasyon nga imong gi-upload sa imong family tree). Kon walay hangyo o aksyon nimo, dili himoon sa FamilySearch ang Living Data nga imong gihatag nga ma-access sa bisan kinsa gawas kanimo, ang tighatag. Kinahanglan kang mopili nga himoon kining magamit (e.g., kon moapil ka sa usa ka grupo ug mopambit og personal nga datos sulod sa maong grupo). Apan, dili nimo angay itaod ang mga memories nga adunay Living Data ngadto sa namatay nga tawo sa usa ka pampublikong tree. Naningkamot ang FamilySearch nga limitahan ang mga sitwasyon diin mahimo nimong ipaambit ang Living Data aron matuman ang magamit nga mga balaod ug maprotektahan ang pribasiya sa imong mga paryente.
Ingon nga gipakita sa ibabaw, ang matag tiggamit responsable sa ilang kaugalingong pagproseso sa bisan unsang Living Data nga ilang isumiter o ipaambit sa Website. Kon mopili ka nga mopaambit og Living Data sa ubang mga tiggamit, imong gipamatud-an nga ikaw ang responsable alang niana nga datos; nga aduna kay katungod o pagtugot nga ipaambit ang maong datos sa ubang mga tiggamit subay sa FamilySearch Content Submission Agreement ug Terms of Use; nga imong ipaambit ang maong datos alang lamang sa personal ug genealogical nga mga katuyoan sa panukiduki; ug nga ang maong pagpaambit subay sa magamit nga mga balaod.
Mahimo nimong i-adjust ang pagkakita sa personal nga datos ngadto sa ubang tiggamit sa FamilySearch o ngadto sa publiko bisan unsang orasa pinaagi sa pag-ilis sa imong mga setting sa pribasiya o pinaagi sa pagkontak kanamo gamit ang impormasyon nga gihatag sa ubos. Ang tanang memories nga adunay Living Data kinahanglan i-set sa “private.”
Bisan pa niana, ang FamilySearch mahimong mohimo sa pipila ka personal nga datos nga nakuha gikan sa publiko ug historikal nga mga tinubdan nga available sa publiko kon gitugotan sa magamit nga lokal nga mga balaod.
Mga Legal nga Kinahanglanon. Mahimo namong i-access ug ibutyag ang imong personal nga datos, mga post, online chats, personal nga mga mubo nga sulat, content, o uban pang mga gisumiter ngadto sa usa ka third party kon kami adunay good-faith nga pagtuo nga ang pagbuhat niini gikinahanglan sa usa ka subpoena, sa usa ka hudisyal o administratibong mando, o kon dili gikinahanglan sa balaod. Dugang pa, mahimo namong ibutyag ang imong personal nga datos ug uban pang impormasyon sumala sa gikinahanglan sa balaod o aron sa paggamit o pagpanalipod sa legal nga mga katungod; aron sa paghimo og mga panagana batok sa liability; aron sa pagpanalipod sa mga katungod, kabtangan, o kaluwasan sa resource sa bisan kinsang indibidwal o sa kinatibuk-ang publiko; aron sa pagmintinar ug pagpanalipod sa seguridad ug integridad sa among mga serbisyo o imprastraktura; aron sa pagpanalipod sa among kaugalingon ug sa among mga serbisyo gikan sa mapanglimbongon, mapahimuslanon, o ginadili nga mga paggamit; aron sa pag-imbestigar ug pagpanalipod sa among kaugalingon batok sa mga pangangkon o alegasyon sa third-party; o aron sa pagtabang sa mga ahensya nga nagpatuman sa balaod sa gobyerno.

7. Asa namo tipigan ang personal nga datos?

Mahimo namong tipigan ang imong personal nga datos gawas sa nasod nga imong gipuy-an, lakip na sa Estados Unidos, sa mga server, sa cloud storage solutions, o sa mga pasilidad sa FamilySearch ug sa mga affiliated nga nag-isponsor nga entidad niini. Aron masiguro ang igong proteksyon sa personal nga datos nga gibalhin ngadto sa ubang mga hurisdiksyon, kami naghimog mga data transfer ug processing agreements tali sa FamilySearch ug sa among mga service provider, affiliated nga mga entidad, ug mga archive diin legal nga gikinahanglan. Kining mga kasabotan sa pagbalhin naglakip sa Standard Contractual Clauses nga giaprobahan sa European Commission agig pagtuman sa EU law o uban pang mga clause sumala sa gikinahanglan sa magamit nga balaod (nga mahimo nimong masusi kon makontak nimo kami gamit ang impormasyon nga anaa sa katapusan niini nga Pahibalo sa Pribasiya).

8. Unsaon namo pag-secure ang personal nga datos?

Gigamit namo ang teknikal ug organisasyonal nga mga pamaagi aron maprotektahan ang personal nga datos nga among madawat batok sa pagkawala, sayop nga paggamit, ug dili awtorisadong pag-usab ug aron maprotektahan ang pagkakompidensyal niini. Kanunay namong girepaso ang among mga pamaagi sa seguridad ug gikonsiderar ang state-of-the-art nga teknolohiya ug mga pamaagi sa seguridad. Gigamit usab namo ang kasamtangang teknolohiya sa encryption aron i-encrypt ang pagpadala sa datos sa among mga log-in page. Apan, tungod kay dili namo magarantiya ang hingpit nga seguridad niining mga teknolohiya sa encryption, palihog pagmatngon kon magsumiter ka og personal nga datos online.

9. Unsa ka dugay namo gihuptan ang personal nga datos?

Among gihuptan ang gikolekta nga personal nga datos, lakip ang impormasyon nga gikolekta pinaagi sa Website ug uban pang gisumiter, kon gikinahanglan aron pagsuporta sa genealogical, historikal, ug estadistikal nga panukiduki ug mga katuyoan sa pag-archive. Sa kinatibuk-an, gawas kon imong gamiton ang katungod sa pagpapas o kon ang pagtangtang gikinahanglan sa magamit nga balaod, ang personal nga datos gitipigan sa mas taas sa: (a) 110 ka tuig gikan sa petsa sa paghimo o pagkolekta; o (b) bisan unsang mas taas nga panahon nga gikinahanglan o gitugot sa magamit nga balaod.

10. Unsaon nimo paggamit ang imong mga katungod sa personal nga datos?

Naningkamot kami sa pagpadayon sa katukma sa personal nga datos ug nagsalig kanimo aron masiguro nga ang imong personal nga datos ug bisan unsang Living Data nga imong isumiter kompleto ug tukma. Mahimo kang mohangyo og access sa imong personal nga datos ug i-verify, itul-id, o i-update kini, ug limitahan ang pagkakita sa imong personal nga datos pinaagi sa imong rehistrasyon sa Website, pinaagi sa imong profile, o pinaagi sa imong account sa FamilySearch, sumala sa angay. Aron masusi kini nga mga kapilian, palihog bisitaha ang mga setting sa imong account sa FamilySearch dinhi.

Depende sa hurisdiksyon nga imong gipuy-an, ang consumer protection o mga balaod sa pribasiya mahimong mohatag kanimo og dugang nga mga katungod bahin sa paggamit sa imong personal nga datos. Mahimo nimo kaming kontakon aron magamit ang dugang nga mga statutory nga katungod gamit ang impormasyon nga gihatag sa ubos. Ang maong mga katungod mahimong maglakip sa:

Katungod nga Maka-access o Katungod nga Makahibalo – Aduna kay katungod sa pag-access sa personal nga datos nga among gihuptan bahin kanimo ug sa paghangyo sa pipila ka impormasyon bahin sa among pagproseso. Aduna kay katungod nga makadawat og katin-awan sa (i) ngano nga among giproseso ang imong personal nga datos, (ii) ang mga kategorya sa personal nga datos nga anaa kami bahin kanimo, (iii) kinsa ang among gipaambitan sa imong personal nga datos, (iv) unsa ka dugay namo tipigan ang imong personal nga datos, ug (v) kinsa ang among nadawatan sa imong personal nga datos kon wala kini direktang gikolekta gikan kanimo. Amo usab ipahibalo kanimo ang bahin sa imong mga katungod sa pribasiya kon gikinahanglan sa magamit nga balaod.
Katungod sa Pagtul-id o Pagkorihir– Aduna kay katungod nga itul-id, i-update o kompletohon ang bisan unsa nga personal nga datos nga among gihuptan bahin kanimo nga dili tukma o dili kompleto. Palihog hibaloi nga mahimo namong itul-id o tangtangon ang dili kompleto o dili tukma nga impormasyon, bisan unsang orasa nga gikinahanglan o gitugotan sa magamit nga balaod.
Katungodsa Pagpapas o Pagtangtang– Mahimo kang mohangyo nga papason o tangtangon ang imong personal nga datos, kon haom. Niini nga kaso, kon walay legal nga basehanan o mas labaw nga lehitimong interes sa pagpadayon sa pagproseso sa imong personal nga datos, among papason ang imong personal nga datos. Kon angay ug gitugotan sa balaod, aduna kay katungod nga mohangyo nga among i-de-identify o i-anonymize ang pipila ka impormasyon aron dili na kini magpaila kanimo.
Katungod sa Pagsupak sa Pagproseso – Aduna kay katungod sa pagsupak sa among pagproseso sa imong personal nga datos kon nagsalig kami sa usa ka lehitimong interes o kon giproseso nami ang imong personal nga datos alang sa mga katuyoan sa direktang marketing.
Katungod sa Paglimita sa Pagproseso – Aduna kay katungod sa pipila ka mga sirkumstansya nga pugngan kami sa pagproseso sa imong personal nga datos gawas sa mga katuyoan sa pagtipig.
Katungod sa Portability – Aduna kay katungod nga makadawat, sa usa ka structured, komon nga gigamit, ug machine-readable format, og personal nga datos nga among gihuptan bahin kanimo, kon amo kining giproseso base sa among kontrata kanimo, o uban sa imong pag-uyon, o mohangyo nga ibalhin namo ang maong personal nga datos ngadto sa usa ka third party kon diin teknikal nga mahimo.
Katungod sa Pagbawi sa Pagtugot – Mahimo nimong bawion ang bisan unsang pag-uyon nga kaniadto nimong gihatag kanamo bahin sa pagproseso sa imong personal nga datos sa bisan unsang oras ug walay bayad. Among i-apply ang imong mga gusto gikan karon padayon. Dili kini makaapekto sa pagkamatarong sa balaod sa pagproseso sa wala pa nimo gibawi ang imong pag-uyon.
Katungod nga Mopasaka og Reklamo – Mahimo kang mopasaka og reklamo ngadto sa usa ka data protection supervisory authority, lakip na sa nasod nga imong gipuy-an, lugar sa trabaho, o diin ka nagtuo nga nahitabo ang insidente.
Katungod Batok sa Diskriminasyon – Dili kami magdiskrimina kanimo tungod sa paggamit nimo sa imong mga katungod.
Katungod sa Pag-opt out sa Targeted Advertising o Pagbaligya – Kon diin gikinahanglan sa magamit nga balaod, mahimo kang mohangyo nga hunongon namo ang paggamit sa imong personal nga datos alang sa targeted advertising o pagpaambit.

Ang eksaktong kasangkaran niini nga mga katungod mahimong magkalainlain sumala sa hurisdiksyon. Palihog kontaka kami uban sa bisan unsang mga pangutana o aron magamit kini nga mga katungod.

Kon adunay laing tiggamit nga nagproseso o nagpaambit sa imong personal nga datos, palihog kontaka kana nga tiggamit aron hangyoon sila sa pagpapas o pagkorihir sa bisan unsang personal nga datos nga ilang gisumiter o gipaambit bahin kanimo. Ang matag tiggamit responsable sa ilang kaugalingong pagproseso sa bisan unsang Living Data nga ilang isumiter o ipaambit sa Website mahitungod sa ubang mga indibidwal. Mahimo ka usab nga modirekta og kontak kanamo gamit ang contact information nga gihatag sa ubos ug makatabang kami sa pagkorihir o pagpapas sa imong personal nga datos inigkahangyo.

Kon makasinate ka og mga problema sa pag-usab, pagpapas, o pag-update sa imong personal nga datos, mahimo nimo kaming kontakon gamit ang impormasyon nga gihatag sa katapusan niini nga Pahibalo sa Pribasiya.

11. Mga Pagbag-o.

Mahimo kini nga usbon matag karon ug unya. Makadawat ka og pahibalo sa bisan unsang mga kabag-ohan pinaagi niini nga Website.

12. Kontaka kami.

Ang mga pangutana bahin niini nga Pahibalo sa Pribasiya o bisan unsang ubang pangutana nga anaa kanimo bahin sa among pagproseso sa datos mahimong ipadala pinaagi sa e-mail, fax, o mail ngadto sa:

E-mail: privacy@familysearch.org
Fax: +1-801-240-1187
Mail: FamilySearch Data Privacy Office
50 E. North Temple Street
Salt Lake City, UT 84150-0005
USA

-------------------------------------------------------------------------

Dugang nga Pahibalo sa Pribasiya
(EEA, Turkey, Switzerland, ug United Kingdom (EEA+))
Epektibo: Marso 24, 2026

Kining Dugang nga Pahibalo sa Pribasiya magamit lamang kon ikaw usa ka natural nga tawo nga nahimutang sa European Union, European Economic Area, Turkey, Switzerland, o sa United Kingdom. Gilakip kini ug naglangkob isip bahin sa FamilySearch Pangkalibotang Pahibalo sa Pribasiya.

Kining Dugang nga Pahibalo sa Pribasiya naghatag og dugang impormasyon nga talagsaon sa EEA+ nga rehiyon.

1. Mga Legal nga Basehanan sa Pagproseso sa Personal nga Datos

Kon nahimutang ka sa EEA, Turkey, UK, o Switzerland, ang among legal nga basehanan sa pagproseso sa imong personal nga datos gihulagway niini nga seksyon:

Pag-uyon – Kini mao ang kaso diin ikaw niuyon sa paggamit sa imong personal nga datos.
Kontrata – Kinahanglan namo ang imong personal nga datos aron mahatagan ka sa among mga serbisyo aron matuman ang among mga obligasyon nga kalabot sa among kontrata uban kanimo, sama sa paghimo ug pag-secure sa imong account, o sa pagtubag sa imong mga pangutana.
Legitimate Interest – Aduna kami legitimate interest sa negosyo sa pagproseso sa imong personal nga datos aron mahatag ang mga serbisyo nganha kanimo. Nagdepende lamang kami sa legitimate interest isip legal nga basehanan kon ang among legitimate interest dili mopatigbabaw sa imong sukaranang mga katungod ug kagawasan nga kalabot sa pribasiya ug proteksyon sa datos kon balansehon. Among gisiguro nga kami mosunod sa bisan unsang mga hangyo nga imong himoon aron magamit ang imong mga katungod nga kalabot niini.
Legal nga Obligasyon – Mahimong aduna kami legal nga obligasyon sa pagproseso sa imong personal nga datos, pananglitan sa pagtuman sa mga obligasyon sa buhis ug accounting, ug mahimo namong iproseso ang imong personal nga datos kon gikinahanglan aron sa pag-establisar, paggamit, o pagpanalipod sa mga legal nga pangangkon. Mahimo usab namong iproseso ang imong personal nga datos kon gikinahanglan aron mapanalipdan ang imoha o ang vital interests sa laing indibidwal.

2. Pagkontak sa Controller

Palihog kontaka kami isip controller sa imong personal nga datos pinaagi sa privacy@familysearch.org.

3. Data Protection Officer

Ang among Data Protection Officer mahimong makontak sa:

E-mail: privacy@familysearch.org
Fax: +1-801-240-1187
Mail: FamilySearch Data Privacy Office
50 E. North Temple Street
Salt Lake City, UT 84150-0005
USA

4. Representante sa Data Protection

Ang among Representante sa Data Protection mahimong makontak sa:

E-mail: privacy@familysearch.org
Fax: +49 (0)69 5480 2310
Mail: Kirche Jesu Christi der Heiligen der Letzten Tage sa Deutschland
Körperschaft des öffentlichen Rechts,
Berner Str 119,
60437 Frankfurt am Main
Deutschland

MgaInternasyonal nga Pagbalhin sa Datos

Kon imong ihatag kanamo ang imong personal nga datos kon mogamit sa Website gikan sa EEA, Turkey, ang UK, Switzerland, o uban pang mga rehiyon sa kalibotan nga adunay mga balaod nga nagdumala sa pagkolekta ug paggamit sa datos nga mahimong lahi gikan sa U.S. law, nan palihog hibaloi nga imong gibalhin ang imong personal nga datos gawas niadtong mga rehiyona ngadto sa Estados Unidos aron tipigan ug iproseso.

Kon amo ibalhin ang imong personal nga datos internasyonal, among sigurohon nga ang may kalabotan nga mga panalipod anaa sa lugar aron makahatag og igong proteksyon sa imong personal nga datos ug among tumanon ang magamit nga mga balaod sa data protection, pinaagi sa pagdepende sa usa ka EU, Turkey, UK o Swiss adequacy decision, o sa kasamtangang standard contractual protections alang sa pagbalhin sa imong personal nga datos o usa ka derogasyon kon kini anaa.

Ang espesipikong legal nga basehanan alang sa internasyonal o cross-border transfer sa imong personal nga datos gihulagway diha sa imong Data Processing and Transfer Terms nga nahimutang dinhi.

5. Mga Reklamo

Aduna kay katungod nga kontakon ang haom nga supervisory authority sa bisan unsa nga oras aron mopasaka og reklamo bahin sa pagproseso sa imong datos. Ang listahan sa mga awtoridad sa pagdumala sa EU nahimutang dinhi. Ang uban pang mga supervisory authority mahimong makit-an pinaagi sa pag-search sa ilang website homepage.

-------------------------------------------------------------------------

Dugang nga Pahibalo sa Pribasiya para sa Peru
Epektibo: Marso 24, 2026

Kining Dugang nga Pahibalo sa Pribasiya magamit lamang kon ikaw usa ka natural nga tawo nga nahimutang sa Peru. Gilakip kini ug naglangkob isip bahin sa FamilySearch Pangkalibotang Pahibalo sa Pribasiya.

Kining Dugang nga Pahibalo sa Pribasiya naghatag og mga pagbutyag nga gikinahanglan ubos sa balaod sa Peru.

1. Mga Legal nga Basehanan sa Pagproseso sa Personal nga Datos

Kon nahimutang ka sa Peru, among iproseso ang imong personal nga datos base niining mosunod nga legal nga basehanan:

May Kahibalo nga Pag-uyon: Kon ang personal nga datos nakuha direkta gikan kanimo, among makuha ang imong gipahibalo nga pag-uyon kon maghimo ka og account sa among Website, kon mag-upload ka og personal nga datos sa among Website, o kon kon dili man isumiter nimo ang imong personal nga datos sa FamilySearch.

2. Pagkaanaa ug Pag-ila sa Data Bank

Ang imong personal nga datos tipigan diha sa mga secure nga database nga gi-host sa Website, nga gigamit sa pag-operate, pagmintinar, ug pagsuporta niining serbisyo.

3. Pagparehistro

Sa Peru, ang personal data bank diin ang imong personal nga datos gitipigan gideklarar na ngadto sa National Authority for the Protection of Personal Data, pinaagi sa pagrehistro niini sa National Registry of Personal Data Protection ubos sa ngalan:“WEBSITE USERS” ug ang code:EE-2025-4. Ang bisan unsa nga pagproseso sa personal nga datos ginahimo agig pagtuman sa magamit nga balaod sa Peru, lakip na ang Balaod Num. 29733 (Law on the Protection of Personal Data) ug mga regulasyon niini.

4. AngInyong mga Katungod ug Kon Unsaon Kini Paggamit

Dugang pa sa mga katungod nga nalista sa Seksyon 10 sa FamilySearch Pangkalibotang Pahibalo sa Pribasiya, kon nahimutang ka sa Peru aduna kay katungod sa:(i) pagpugong sa pagbutyag sa imong personal nga datos, (ii) pagpangita og solusyon sama sa gitagana sa Balaod sa Proteksyon sa Personal nga Datos, (iii) dili mapailalom sa automated nga paghimog desisyon, ug (iv) pagdawat og bayad-danyos, subay sa Artikulo 19-21 ug 24-25 sa LPDP. Mahimo nimong gamiton kini nga mga katungod bahin sa imong personal nga datos ginamit ang mga pamaagi nga gihulagway sa Seksyon 10 sa FamilySearch Pangkalibotang Pahibalo sa Pribasiya.