Avi sou Konfidansyalite FamilySearch

FamilySearch International, yon Organisasyon san bi lukratif nan Utah ak biwo prensipal li yo nan Salt Lake City, Ozetazini ("FamilySearch"), konsakre tèt li a istwa fanmi ak rechèch jeneyalojik. Lè n ap pale de tèm “us," "we," oswa "our" nou vle di FamilySearch. Nan Avi sa a, nou ba ou  enfòmasyon konsènan fason nou trete done pèsonèl ou.

Kreye yon kont anliy sou sitwèb nou an ak aplikasyon ("Sitwèb") oswa otreman soumèt done nan FamilySearch pèmèt ou jwenn aksè ak sèvis  sitwèb ke nou ofri, ki enkli bati yon pye bwa familyal; konekte ak manm fanmi; epi aksè ak pataje foto fanmi, dosye dijital, istwa anrejistre, ak lòt souvni memorab soumèt pa oumenm oswa fanmi ou oswa ki te jwenn nan sous piblik ak istorik atravè mond lan.

FamilySearch respekte vi prive moun yo ki itilize sitwèb nou an. Nan avi sou enfòmasyon prive sa a, nou idantifye done pèsonèl nou kolekte, baz nou pou trete done pèsonèl, ak tèm  tretman done nou yo dapre dwa ou ak lwa ki aplikab yo. Nou ankouraje w pou w li avi sa a avèk anpil atansyon anvan ou soumèt done pèsonèl yo ba nou. Kòm livrezon an nan sit entènèt nou an depann de tretman  done pèsonèl ou  yo an akò ak Kondisyon Itilizasyon ak Akò Soumisyon Kontni FamilySearch yo, tanpri tou li dokiman sa yo avèk atansyon.

1. Kimoun ki kontwole done pèsonèl ou yo?

Lè ou pataje done pèsonèl ou sou sitwèb nou an oswa angaje nan entèraksyon oswa kominikasyon avèk nou, nou travay sou done pèsonèl ou kòm kontwolè done yo.

FamilySearch afilye avèk epi sipòte pa Legliz Jezikri pou Sen Dènye Jou yo ("Legliz la") kòm yon sèvis piblik. Kreye yon kont anliy avèk Sitwèb nou an pa vledi ou andose oubyen  otreman ou afilye ou avèk Legliz la.

2.  Ki done pèsonèl nou kolekte?

Nou kolekte done pèsonèl ke (a) ou soumèt; (b) lòt itilizatè soumèt; (c) nou anrejistre; epi (d) nou resevwa apati de yon tyès pèsòn.

a. Done Ou Soumèt. Ou soumèt done pèsonèl yo ba nou, epi nou ka kolekte done pèsonèl ke ou soumèt, lè ou kreye yon kont sou Sitwèb nou an, fè demand materyèl FamilySearch yo, mande aksè ak sèvis FamilySearch oswa Sitwèb la, soumèt oswa telechaje done pèsonèl ou yo nan zouti FamilySearch oswa Sitwèb la (pa egzanp, bati pyebwa familyal ou), oswa angaje nan lòt entèraksyon oswa kominikasyon avèk FamilySearch. Lè ou entèraji avèk FamilySearch epi w kreye yon kont, nou jeneralman trete non ou, dat nesans ou, nimewo mobil, adrès imèl, adrès, (pa egzanp peyi), ak sèks. Ou ka soumèt tou done sou kont ou ak enskripsyon pou n trete, tankou non itilizatè ou, non ki afiche, modpas, adrès imel, ak opsyon ak preferans yo.

Lè ou itilize sèvis nou yo, ou ka chwazi tou pou w soumèt enfòmasyon adisyonèl pou patisipe selon pwòp inisyativ pa w nan lòt aktivite jeneyalojik FamilySearch, ki enkli soumisyon done jeneyalojik pèsonèl (pa egzamp , chema lavi, evènman lavi a, non altènatif, relasyon familyal, fè lavi a, souvni, enfòmasyon byografik), foto, souvni, rejis  ak enfòmasyon istorik konsènan oumenm ak manm fanmi w. Ou chwazi ki done pèsonèl pou soumèt, epi, nan kèk ka, ou ka chwazi soumèt enfòmasyon ki ta ka konsidere sansib, tankou orijin etnik, ras, orijin nasyonal, orijin relijye, sitwayènte, enfòmasyon medikal, oswa estati imigrasyon. Sepandan, ou pa ta dwe soumèt oswa pataje okenn enfòmasyon delika konsènan moun ki se pa oumenm si moun sa yo toujou vivan.

b. Done Lòt itilizatè Soumèt. Jan nou eksplike ak plis detay anba a "Avèk kimoun nou pataje done pèsonèl?" platfòm FamilySearch la pèmèt lòt itilizatè nan Sitwèb la, tankou manm fanmi ou, soumèt done pèsonèl ki pa sansib ou yo kòm yon pati nan yon pyebwa familyal oswa nan lòt zouti ak karakteristik limite. Kapasite pou pataje enfòmasyon debaz konsènan manm fanmi esansyèl pou fè rechèch jeneyalojik ak konekte chèchè yo avèk pyebwa familyal yo. Lè yon itilizatè soumèt done pèsonèl sou yon moun ki toujou ap viv ("Done sou Vivan") nan yon pyebwa familyal, Done sou Vivan sa a inisyalman vizib sèlman pa itilizatè a. Nan kèk ka limite, itilizatè a gendwa tou kapab pataje kalite done sa yo nan yon espas limite nan sitwèb la avèk yon kantite limite itilizatè nan yon anbyans gwoup fèmen, ki aksesib pa envitasyon sèlman. Chak itilizatè responsab pou trete pwòp Done sou Vivan ke yo soumèt oswa pataje sou Sitwèb la, epi yo pral sèlman fè sa pou rezon pèsonèl pou dokimante ak fè rechèch istwa familyal yo, selon obligasyon yo dapre Akò Soumisyon Kontni an ak kondisyon pou Itilize.

c. Done Nou Anrejistre ak Temyon Koneksyon yo. Lè w vizite resous nou yo, sèvè nou yo (ki itilize jounal fichye yo oswa sistèm filtraj yo) gendwa kolekte enfòmasyon ke navigatè wèb ou a voye chak fwa ou vizite yon sitwèb. Enfòmasyon sa a ka enkli, men san l pa limite, adrès Internet Protocol ou a (IP address), tip navigatè, sistèm operasyon an, lang prefere, yon paj wèb referans ou te vizite anvan w antre sou sit nou an, dat ak lè chak solisitasyon kòm vizitè fèt, enfòmasyon w ap chèche nan resous nou yo, ak lòt enfòmasyon ki kolekte a travè temyon koneksyon yo oswa teknoloji ki menmjan. Tanpri ale nan zouti Preferans Cookie (“Cookie Preference ") ki afiche sou chak aplikasyon mobil nou yo ak not anba paj nan sitwèb nou yo pou w aprann plis. Preferans temyon koneksyon yo pèmèt ou chwazi tip temyon  nou itilize yo. Si ou pa aksepte yo, ou gendwa pa kapab itilize kèk seksyon oswa fonksyon nan sit oswa aplikasyon nou yo, jan sa souliyen nan Preferans Cookie yo. Tanpri pa bliye tou ke ou pa ka dezaktive kèk nan temyon koneksyon yo ki nesesè nan fonksyonalite debaz sit entènèt la. Lè w itilize Sitwèb nou an, ou bay konsantman pou itilize temyon yo jan sa dekri nan Preferans Cookie yo. Ou ka deside dezaktive kèk nan temyon yo itilize sou Sitwèb nou an si w klike sou lyen Preferans Cookie yo ki anba nan paj sa a.

d. Done Tyès Pati. Si ou se yon manm Legliz la, epi ou mande pou kont FamilySearch ou a lye avèk kont Legliz ou a anliy, nou ka resevwa done pèsonèl ou yo (pa egzanp, done manm Legliz la ak done kont Legliz la) de yon antite Legliz ki enpòtan.

Selon limit ki otorize pa lwa ki aplikab yo, nou ka jwenn done jeneyalojik ak istorik pèsonèl konsènan ou  apati achiv yo oswa lòt sous ki disponib piblikman.

3. Kijan nou trete done pèsonèl ou yo?

Nan pifò ka nou trete done pèsonèl ou avèk itilizasyon metòd otomatik (tretman otomatik), menmsi nan kèk ka nou gendwa trete done pèsonèl ou yo san itilize metòd otomatik (pwosesis  manyèl), oswa avèk yon konbinezon metòd  tretman otomatik ak manyèl (tretman miks).

Operasyon tretman ke nou fè sou done pèsonèl ou yo ka enkli bagay sa yo: kolekte, anrejistre, òganize, estriktire, estoke, adapte oswa altere, analize, rekipere, konsilte, itilize, transfere (transmisyon, aksè, divilgasyon), ki enkli transfè transfontyè jan sa eksplike nan Avi sa a, aliyen oswa konbine, jenere done derive yo, restriksyon, efase, oswa detwi done pèsonèl ou.

4.  Nan ki bi nou trete done pèsonèl ?

Nou trete done pèsonèl ou yo an koneksyon avèk Sitwèb la ak sèvis ke FamilySearch ofri  pou rezon sa yo:

• Rechèch Jeneyaloji / Istwa Familyal: Pou ofri fòmasyon, resous, ak zouti pou ede ou ak manm fanmi ou retrase zansèt ak liyaj nou, bati pyebwa familyal ou, kondui rechèch istwa familyal, epi konekte avèk manm fanmi w.
• Prezèvasyon Rejis Istorik yo: Pou dijitalize ak achive dokiman istorik, foto, atifak, ak rejis piblik pou jenerasyon kap vini yo.
• Rejis Istwa Familyal: Pou anrejistre istwa familyal, enfòmasyon istorik ak kiltirèl enpòtan yo ki otreman gendwa pèdi (pa egzanp, istwa oral yo).
• Kominikasyon ak Kolaborasyon: Pou pèmèt ou kominike ak kolabore avèk lòt itilizatè lè w ap fè rechèch istwa familyal, tankou nan espas diskisyon nou an.
• Administrasyon Sitwèb:
  • Pou otantifye aksè ou nan kont FamilySearch ou ak lòt aplikasyon ak sèvis FamilySearch yo.
  • Pou kominike avèk ou, reponn kesyon w yo, epi ofri ou enfòmasyon ki gen rapò ak teknik, sekirite, oswa lòt pwoblèm operasyonèl.
  • Pou bati ak amelyore Sitwèb nou an, zouti yo, ak sèvis yo, enkli suivi done analitik sou aktivite w yo nan Sitwèb FamilySearch la.
  • Pou notifye ou sou nouvo aplikasyon ak sèvis FamilySearch yo, envite w patisipe, epi alète w sou nouvo manm fanmi potansyèl nan pyebwa familyal ou a.
  • Pou anpeche erè, fwod, oswa aktivite kriminèl ak ranfòse Kondisyon Itilizasyon nou yo.

5. Ki baz legal nou genyen pou trete done pèsonèl ou yo?

Nou fè efò pou asire nou gen yon baz ki jis ak legal pou trete tout done pèsonèl ke nou kolekte. Baz legal nou pou tretman ka diferan selon espas nan sitwèb la; objektif ki fè nou trete done pèsonèl ou yo, enkli objektif ki dekri pi wo a nan "Pou ki rezon nou travay sou done pèsonèl;" la ak obligason legal lokal yo nan jiridiksyon w lan.

Prensipal baz legal nou pou trete done pèsonèl itilizatè yo se konsantman, ke nou jwenn nan men ou lè ou kreye yon kont sou sitwèb nou an, peryodikman lè ou mete enfòmasyon pèsonèl nan Sitwèb nou an, oswa lè ou ranpli lòt fòm yo kote ou soumèt enfòmasyon pèsonèl ou bay FamilySearch.

Nou ka trete done pèsonèl tou pou prezève enterè lejitim nou kòm yon òganizasyon rechèch san bi likratif, enkli, kote sa nesesè, ofri ou yon platfòm pou w kondui ak dokimante rechèch jeneyalojik ak pou odit, analiz done, depanaj sistèm, reklamasyon legal yo, ak obligasyon reglemantè yo. Nan chak ka, nou ap balanse enterè lejitim nou yo kont dwa ou ak libète ou epi nou ap sèlman trete done ki nesesè pou akonpli objektif ki dekri anwo a.

Nan kèk espas limite nan Sitwèb nou an, nou ofri yon platfòm fèmen kote itilizatè yo otorize pou pataje Done sou Vivan yo avèk yon ti gwoup lòt itilizatè envite, jan sa nesesè pou kondui rechèch jeneyalojik. Nan espas sa yo, FamilySearch trete kontni itilizatè yo jenere ki genyen Done sou Vivan  pou itilizatè yo, an akò avèk enstriksyon pou itilizatè yo. Nou pa trete oswa itilize Done sou Vivan  pou pwòp objektif pa nou ni detèmine baz legal la pou pwosesis la . Chak itilizatè responsab pou pwòp tretman  nenpòt Done sou Vivan ke yo soumèt oswa pataje sou Sitwèb la. W ap resevwa notifikasyon lè w ap soumèt done yo nan youn nan espas sa yo (pa egzanp, pyebwa itilizatè oswa gwoup yo posede) epi fè w sonje ke ou responsab pou tout Done sou Vivan ke ou soumèt. 

Tou depan de obligasyon lokal yo nan jiridiksyon ou, si ou trete Done sou Vivan yo an koneksyon avèk yon aktivite senpleman pèsonèl oswa nan kay ou ka pa oblije suiv obligasyon lwa konfidansyalitye yo. Nan nenpòt ka, toutfwa, ou dwe gen dwa oswa pèmisyon pou pataje nenpòt Done sou Vivan avèk lòt itilizatè yo an akò avèk Akò Soumisyon Kontni ak Tèm Itilizasyon yo nan FamilySearch.  

6. Avèk kimoun nou pataje enfòmasyon pèsonèl?

Ou ka anpeche nou pataje enfòmasyon pèsonèl ou oswa limite enfòmasyon nou pataje lè w modifye preferans pwofil ou yo oswa lè w itilize enfòmasyon ki disponib pi ba a pou kontakte nou. Nou pataje done pèsonèl ou avèk lòt pati yo nan sikonstans sa yo:

a. Founisè Sèvis Tyès Pati yo. Nou ka founi done pèsonèl, ki enkli kèk oswa tout kategori yo idantifye nan avi sa a, bay tyès pati yo pou akonpli fonksyon nan non nou tankou tretman oswa sou-tretman done (pa egzanp, pwosesis peman, antretyen, sekirite, analiz done, ebèjman, sèvis evalyasyon, mesaj medya sosyal konekte ak done yo, sondaj, ak lòt bagay). Nan ka sa yo, an akò avèk Avi sa a e selon obligasyon lwa ki aplikab yo, nou kontraktyèlman oblije founisè sèvis yo pou yo pwoteje done pèsonèl yo kont trètman adisyonèl (ki enkli rezon maketing), epi anpeche transfere yo. Pou yon lis tyès pati ki ka itilize temyon koneksyon  pou kolekte kèk nan enfòmasyon pèsonèl ou, tanpri gade Preferans Cookie yo. 

b. Afilye Legliz la. Nan kèk sikonstans limite, nou ka pataje done pèsonèl limite, tankou analiz ak done yo sou aktivite ou nan Sitwèb FamilySearch la, ak patwone antite Legliz yo pou devlope ak amelyore sèvis nou yo. Nan ka sa yo, done pèsonèl yo ap anonimize tout kote sa posib. FamilySearch ka itilize tou kèk resous Legliz la pataje (egzanp, lojisyèl) pou jere done pèsonèl, men done pèsonèl FamilySearch yo pral sèlman aksesib pa anplwaye li yo  ki gen yon bezwen lejitim pou konnen pou amelyore objektif FamilySearch yo an akò avèk Avi sa a. Si ou se yon manm Legliz la epi volontèman konekte enfòmasyon manm Legliz ou a ak kont FamilySearch ou a, ou dakò ke FamilySearch ka pataje enfòmasyon pèsonèl ke ou soumèt yo ak antite Legliz ki enpòtan yo nan objektif pou dokimante òdonans ak travay tanp. 

c. Itilizatè Sitwèb yo. Pou pi byen pwoteje vi prive ou, nou te kreye Sitwèb la yon fason pou se itilizatè yo sèlman ki otorize pou pataje Done sou Vivan yo avèk lòt itilizatè yo nan sitwèb la nan kèk espas limite  sitwèb la, ki aksesib pa envitasyon sèlman. Nan espas limite sa yo, ou ka chwazi fè kèk nan enfòmasyon jeneyalojik opsyonèl ke ou mete sou Sitwèb la aksesib pou lòt itilizatè FamilySearch yo (pa egzanp, enfòmasyon ou mete nan ab familyal ou). San demann ou oswa aksyon ou, FamilySearch pa pral mete Done sou Vivan ou founi yo aksesib pou kèlkeswa moun nan si se pa oumenm, ki soumèt li a . Ou dwe chwazi pou w rann li disponib (pa egzanp, lè ou rantre nan yon gwoup epi pataje done pèsonèl nan gwoup sa a). Ou pa ta dwe, sepandan, atache souvni ki gen Done sou Vivan ak yon moun ki mouri nan yon pyebwa piblik. FamilySearch fè efò pou limite sitiyasyon yo kote ou ka pataje Done sou Vivan yo yon fason pou konfòme nou avèk lwa ki aplikab yo epi pwoteje vi prive manm fanmi ou yo.

Jan l endike pi wo a, chak itilizatè responsab pou pwòp tretman pou nenpòt Done sou Vivan ke yo soumèt oswa pataje sou Sitwèb la. Lè ou chwazi pataje Done sou Vivan avèk lòt itilizatè, ou afime ke ou responsab pou done sa yo; ke ou gen dwa oswa pèmisyon pou pataje done sa yo avèk lòt itilizatè yo an akò avèk Akò Soumisyon Kontni ak Tèm Itilizasyon FamilySearch yo; ke ou pataje done sa yo sèlman pou rezon rechèch pèsonèl ak jeneyalojik; e ke pataj sa yo an konfòmite avèk lwa ki aplikab yo.  

Ou ka ajiste vizibilite sou done pèsonèl yo pou lòt itilizatè FamilySearch yo oswa pou piblik la nenpòt lè si w chanje paramèt vi prive yo ou oswa si w itilize enfòmasyon ki anba a pou kontakte nou. Tout souvni ki gen nan Done sou Vivan yo ta dwe tabli kòm "prive." 

FamilySearch ka, sepandan, mete disponib piblikman kèk done pèsonèl ke nou jwenn apati sous istorik ak piblik lè lwa lokal ki aplikab yo pèmèt sa.

d. Obligasyon Legal yo. Nou ka aksede epi divilge done pèsonèl ou, piblikasyon, kozri anliy, nòt pèsonèl, kontni, oswa lòt kontribisyon ou yo bay yon tyès pati si nou kwè ak bòn-fwa ke nou oblije fè sa pa obligasyon kòm temwen, selon yon lòd jidisyè oswa administratif oswa si lalwa fè nou obligasyon an. Adisyonèlman, nou ka devwale done pèsonèl ak lòt enfòmasyon ou jan lalwa mande sa oswa pou egzèse oswa defann dwa legal yo ; pou pran prekosyon kont dèt; pou pwoteje dwa, pwopriyete, oswa sekirite resous nenpòt endividi oswa gran piblik la; pou mentni ak pwoteje sekirite ak entegrite sèvis oswa enfrastrikti nou yo; pou pwoteje tèt nou ak sèvis nou yo kont itilizasyon malonèt, abizif oswa ilisit; pou envestige ak defann tèt nou kont revandikasyon oswa alegasyon tyès pati; oswa pou ede enstitisyon piblik ki chaje pou aplike lalwa yo.

7. Ki kote nou stoke done pèsonèl yo?

Nou ka eskote done pèsonèl ou andeyò peyi ou rezide a, ki enkli nan Etazini, sou sèvè yo, nan solisyon stokaj cloud, oswa sou sit FamilySearch ak antite afilye li patwone yo. Pou asire pwoteksyon adekwat done pèsonèl ki transfere nan lòt jiridiksyon yo, nou konkli akò pou transfere ak trete done ant FamilySearch ak founisè sèvis nou yo, antite afilye yo, ak achiv yo kote sa obligatwa legalman. Akò transfè sa yo enkli Dispozisyon Kontraktyèl Klasik ki apwouve pa Komisyon Ewopeyèn an nan konfòmite avèk lwa Inyon Ewopeyèn oswa lòt dispozisyon selon obligasyon lwa ki aplikab (ke ou ka gen dwa pou revize si ou itilize enfòmasyon ki nan fen Avi sa a pou kontakte nou).

8. Kijan nou sekirize done pèsonèl yo?

Nou sèvi avèk kèk mezi teknik ak òganizasyonèl pou pwoteje done pèsonèl nou resevwa kont pèt, move itilizasyon, ak alterasyon ki pa otorize epi pou pwoteje konfidansyalite yo. Nou regilyèman revize pwosedi sekirite nou yo epi nou pran an konsiderasyon dènye modèl teknoloji ak metòd sekirite yo. Nou sèvi avèk teknoloji kriptaj aktyèl yo tou pou kode transmisyon done yo sou paj koneksyon nou yo. Sepandan, poutèt nou pa ka garanti sekirite konplè  teknoloji kriptaj sa yo, tanpri, itilize prekosyon nan soumèt done pèsonèl yo anliy.

9. Konbyen tan nou konsève done pèsonèl yo?

Nou konsève done pèsonèl nou kolekte yo, enkli enfòmasyon nou kolekte atravè Sitwèb la oswa lòt sous, pandan yon peryòd tan rezonab pou ranpli objektif tretman yo ki te mansyone avansa. Apresa nou achive li pou peryòd tan ki obligatwa selon lalwa. Lè achive pa obligatwa ankò, nou efase done pèsonèl yo nan rejis nou yo nan entèval peryòd tan ki obligatwa selon lwa ki aplikab, avèk eksepsyon pou enfòmasyon limite sou pwofil istorik ak done pèsonèl nou kenbe kòm yon pati nan rejis jeneyalojik oswa istorik pèmanan yo.

10. Kijan ou ka gen aksè epi korije done pèsonèl ou yo?

N ap fe efò pou n mentni presizyon nan done pèsonèl yo epi nou konte sou ou pou asire ke done pèsonèl ou yo ak tout Done sou Vivan ke ou soumèt yo konplè ak egzak. Ou ka mande aksè nan done pèsonèl ou yo epi verifye, korije, oswa mete yo ajou, epi limit viziblite nan done pèsonèl ou atravè enskripsyon ki espesifik a sitwèb ou a, atravè pwofil ou, oswa atravè Kont FamilySearch ou, kote sa aplikab. Pou revize opsyon sa yo, tanpri vizite paramèt kont FamilySearch ou isit la a.

Tou depan de jiridiksyon kote w abite a, pwoteksyon konsomatè a oswa lwa sou vi prive yo ka ba ou dwa adisyonèl konsènan itilizasyon enfòmasyon pèsonèl ou. Ou ka kontakte nou pou egzèse dwa jidisyè adisyonèl si w itilize enfòmasyon yo founi anba la a. Dwa sa yo enkli:

• dwa pou jwenn enfòmasyon, ki enkli jwenn yon kopi done pèsonèl nou konsève konsènan ou;
• dwa pou jwenn aksè epi efase done pèsonèl;
• dwa pou korije done pèsonèl;
• dwa sou pòtabilite done yo; epi
• dwa pou pa patisipe nan plis tretman oswa mete restriksyon sou tretman.

Etandi egzak dwa sa yo ka varye selon jiridiksyon yo. Tanpri kontakte nou avèk nenpòt kesyon oswa pou egzèse dwa sa yo.

Ou ka gen dwa tou pou w depoze yon plent ak yon otorite sipèvizè, tou depann de ki kote ou viv.

Si yon lòt itilizatè ap trete oswa pataje enfòmasyon pèsonèl ou, tanpri kontakte itilizatè sa a pou mande yo efase oswa korije nenpòt done pèsonèl ke yo te soumèt oswa pataje konsènan ou. Chak itilizatè responsab pou pwòp tretman nenpòt Done sou Vivan ke yo soumèt oswa pataje sou Sitwèb la konsènan lòt moun. Ou ka kontakte nou tou dirèkteman lè w itilize enfòmasyon kontak yo founi anba a epi nou ka ede w pou korije oswa efase enfòmasyon pèsonèl ou sou demann.

Si w rankontre difikilte pou modifye, efase, oswa mete done pèsonèl ou yo ajou, ou ka kontakte nou nan itilize enfòmasyon ki disponib nan fen Avi sa a.

11. Dat antre anvigè ak amandman.

Avi sa a ap an vigè apati 14 Janvye 2025, epi li ka sibi amandman tanzantan.

12. Kontakte nou.

Ou ka voye demand ransèyman konsènan Avi sa a oswa sekirite done pèsonèl ke nou trete yo atravè sitwèb, faks, oswa kourye nou:

Sitwèb: FamilySearch.org/dataprivacy
Faks:    +1-801-240-1187
Lapòs:  FamilySearch Data Privacy Office
              50 E. North Temple Street
              Salt Lake City, UT 84150-0005
              USA

Si w ap viv nan Zòn Ekonomik Ewopeyen, ou ka kontakte reprezantan Family Search GDPR Art.  27 la atravè lapòs oswa imèl:

Lapòs:   IITR Cert GmbH
Eschenrieder Str. 62 c, D-82194
Gröbenzell, Germany
Imèl: privacy@FamilySearch.org