Ofroni më Shumë Përmbajtje Falas

Bëhuni një Filial i Lidhur me Programin FamilySearch

Filialet ofrojnë qasje te koleksionet gjenealogjike të digjitalizuara të programit FamilySearch që përndryshe do të mund të përdoreshin veç përmes një qendre të programit FamilySearch. Filialet mund të jenë bibliotekë publike ose e arsimit të lartë, arkiv, muze, qendër kulturore ose shoqatë gjenealogjike apo historike.

Me qindra filiale të lidhura me programin FamilySearch po ndihmojnë në ofrimin e shërbimeve të programit FamilySearch miliona njerëzve anembanë botës. Ndonëse organizata FamilySearch administron Bibliotekën e Historisë Familjare në Solt‑Lejk‑Siti të Jutës dhe mbi 5400 qendra të programit FamilySearch anembanë botës, ajo e pranon nevojën e paçmuar për filiale biblotekash për t’u ardhur në ndihmë më shumë frekuentuesve që të krijojnë lidhje vetjake me historinë familjare.

Përfitime të tjera të një biblioteke filiale janë që zakonisht janë të hapura për publikun për orare më të zgjatura sesa shumica e qendrave të programit FamilySearch, ofrojnë dokumente historike në koleksionin historik e gjenealogjik të bibliotekës, kanë qasje ndaj dokumenteve të tjera përmes sistemit të huazimit të ndërsjellë mes bibliotekave që e ka biblioteka, ofrojnë ndihmë me kërkimin dhe kanë burime të konvertimit të materialeve pamore‑zanore.

Të qenit filial është pa pagesë.

Bërja filial ju jep juve dhe frekuentuesve tuaj qasje te mbi 2 miliard dokumente të digjitalizuara, përfshirë tek afro 400 milionë figura që aktualisht nuk janë në dispozicion për publikun jashtë një filiali apo qendre të programit FamilySearch.

Disa kujdestarë dokumentesh vendosin kufizime për masën në të cilën programi FamilySearch mund t’i shpërndajë dokumentet e tyre.

Organizata FamilySearch punon me kujdestarët e dokumenteve për të siguruar qasje në masën më të madhe të mundshme te dokumentet historike për numrin më të madh të mundshëm të njerëzve. Nëse nuk mund të arrihet qasje e plotë publike për koleksione specifike dokumentesh, organizata FamilySearch punon për ta siguruar qasjen falas tek ato dokumente nëpërmjet vendndodhjeve të saja fizike dhe mund të kërkojë gjithashtu qasje në internet për grupe specifike.