ʻOku mau poupouʻi e kakai ʻi he feituʻu kotoa pē ke nau fakafehokotaki mo honau fāmilí—ʻi he ngaahi toʻu tangatá kotoa.

ʻŌfisi FamilySearch, Lehi, Utah, USA

Taʻetotongi maʻá e Tokotaha Kotoa Pē

‘Oku ʻoatu taʻetotongi ‘e he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e FamilySearch ki he taha kotoa, ʻo tatau ai pē pe ko e hā e tukufakaholo, anga fakafonua, pe tui fakalotú. ʻOku tokoni ʻa e ngaahi maʻuʻanga tokoni ʻa e Familysearch ki ha laui miliona ʻi he funga ʻo e māmaní ke nau ʻiloʻi ʻa honau tukufakaholó pea ke nau fetuʻutaki mo e kau mēmipa honau fāmilí.

Fakamatala lahi ange fekauʻaki mo e fetuʻutaki ʻa e Siasí

Founga ʻoku mau maluʻi ʻaki hoʻo totonu fakatāutahá

Ko e Meʻa ʻOku Mau Faí

ʻOku mau tokoni ki he kakaí ke kumi honau hisitōlia fakafāmilí ʻi heʻemau uepisaití, ngaahi polokalama fakatelefoní, mo e tokoni fakahangatonú ʻi ha ngaahi senitā hisitōlia fakafāmili fakalotofonua ʻoku laka hake ʻi he 5,000.

Kumi ha senitā fakalotofonua

Maʻu ha tokoni mei he ʻinitanetí

1/10

Ko Homou Hisitōliá

Na‘a mau kamata ko ha kiʻi falukunga kakai ʻoku ngāue ke ʻiloʻi ʻenau ngaahi kuí. ‘I he fakalakalaka ko ia ʻa e tekinolosiá ne tupulaki ʻa e falukunga kakaí ni ki ha kautaha lahi ange. Ko e meʻa ʻeni ne hokó.

Ko hono Fokotuʻu ʻo e FamilySearch1894

Naʻe fokotuʻu e Sosaieti Tohi Hohoko ʻo ʻIutaá, ʻa ia ʻoku ui he taimí ni ko e FamilySearch, ke tokoni ki hono kumi ʻe he kau mēmipa ʻo e Siasí ʻenau ngaahi fuʻu ʻakau fāmilí.

Tokoni Fekumí ʻi ha Ngaahi Lea Fakafonua Kehekehe1924

Kuo tupulaki ʻa e meʻa ne kamataʻi fakalotofonua pē ʻo poupouʻi ʻe ha ngaahi lea fakafonua pē ʻe niʻihi ʻi he meimei taʻu ʻe 100 kuohilí ki ha uepisaiti ʻoku ngāue ʻaki ʻe he kakai mei ha ngaahi fonua ʻe 238.

Kamata ʻa e hiki maikolofilimí1938

Naʻe kamata hono hiki filimi ʻo e ngaahi fakamatala fakapepá ʻi he ngaahi ʻākaivi ʻa e siasí mo e puleʻangá. Naʻe fakaʻaongaʻi ʻa e maikolofilimí ʻo aʻu mai ki he 2002, ʻi he taimi naʻe 100% ai e faitā fakaʻilekitulōniká.

ʻUluaki Senitā Hisitōlia Fakafāmili Fakalotofonuá1964

Fakaava ʻa e fuofua senitā hisitōlia fakafāmili fakalotofonuá. ʻOku lolotonga ʻomi ʻe he ngaahi senitā FamilySearch ha tokoni ki he fekumi tonu ʻa e tokotahá ʻi ha ngaahi feituʻu ʻe 5,000 tupu ʻi he funga ʻo e māmaní.

Ko e Kamata ʻa e Uepisaití1999

Naʻe hopoki ʻa e uepisaiti FamilySearch pea vave ʻene hoko ko e uepisaiti hisitōlia fakafāmili manakoa taha ia ʻi he ʻinitanetí, ʻa ia ʻoku ngāue ʻaki tuʻo 7 miliona ʻi he ʻaho ʻe taha. ʻI he 2020, ʻoku fakafuofua ko ha kau ʻaʻahi ʻe toko 400,000 ʻi he ʻaho ʻe taha.

Ngaahi Lekooti ʻe Lava ke ʻUluaki Fekumi Mei Aí2002

Naʻe hoko e tohi kakai ʻo e 1880, ʻa ia naʻe lisi ai e kakai nofo fonua ʻi he ʻIunaiteti Siteití ʻi he 1880, ko e fuofua tānakiʻanga lekooti ke lava ʻo fekumi ai e kakaí ʻi he FamilySearch.org.

ʻUluaki Konifelenisi RootsTech2011

Fuofua fakaʻaongaʻi ʻa e RootsTech ʻi Sōleki Sití. ʻI he fakalau ʻa e ngaahi taʻú, kuo hoko ia ko e konifelenisi lahi taha ʻi he tohi hohokó mo e hisitōlia fakafāmilí ʻi māmaní.

Ngaahi Lekooti ʻe 1 Piliona Kuo Fakahokohoko Fakamotuʻalea2013

Naʻe laka hake ʻi he ngaahi lekooti ʻe 1 piliona ne fakahokohoko fakamotuʻalea ʻe he FamilySearch.org pea fakamālō ai ki ha kakai ʻe laukilu ne nau ngāue tokoni ʻi hono fakahokohoko fakamotuʻaleá. Hili ha taʻu ʻe nima mei ai, kuo tau aʻu ki he 2 pilioná.

Ngaahi Lekooti Fakahisitōlia ʻe 1 Piliona2014

Ko e pulusi ʻe he FamilySearch.org ʻene ʻīmisi hono 1 piliona ʻo ha lekooti fakahisitōliá. ʻOku fakaʻaongaʻi ʻe he niʻihi ʻoku nau ʻahia e saití e ngaahi lekōtí ke ako e ngaahi fakaikiiki ʻo honau talanoa fakafāmilí.

Fengāueʻaki Fakaemāmani Lahí

ʻOku tukupā ʻa e FamilySearch ki hono tauhi ʻo e ngaahi lekooti fakafāmili mahuʻingá pea mo hono tuku atu kinautolu ke maʻu taʻetotongi ʻi he ʻinitanetí ʻo fakatatau ki he ngaahi lao fakalotofonuá. ʻOku fakaemāmani lahi ʻemau ngāué pea kuo mau fengāueʻaki mo ha ngaahi kautaha ʻoku laka hake ʻi he 10,000 ʻi ha ngaahi fonua ʻe 100 tupu. ʻOku feinga ʻa e FamilySearch ke muimui maʻu pē ʻi he ngaahi lao fakalotofonuá.