លក្ខខណ្ឌប្រើប្រាស់កម្មវិធីFamilySearch
បានធ្វើបច្ចុប្បន្នភាពរួចនៅថ្ងៃទី 2023-09-01
មានភាពខុសៗគ្នាទៅតាមតំបន់យោងតាម តម្រូវការតាមផ្លូវច្បាប់
តាមរយៈការប្រើប្រាស់គេហទំព័រនេះ អ្នកយល់ព្រមជាមួយលក្ខខណ្ឌដែលបានចែងដូចខាងក្រោម ( « កិច្ចព្រមព្រៀង » នេះ ) ។ ប្រសិនបើអ្នកពុំយល់ស្របជាមួយលក្ខខណ្ឌណាមួយនៃកិច្ចព្រមព្រៀងនេះទេ សូមអ្នកកុំប្រើប្រាស់គេហទំព័រនេះ ។ យើងសូមរក្សាសិទ្ធិផ្លាស់ប្ដូរកិច្ចព្រមព្រៀងនេះនៅពេលណាមួយ ដូច្នេះសូមពិនិត្យមើលការផ្លាស់ប្ដូរក្នុងកិច្ចព្រមព្រៀងនេះគ្រប់ពេលដែលអ្នកប្រើប្រាស់គេហទំព័រនេះ ។ ការបន្តប្រើប្រាស់គេហទំព័រនេះរបស់អ្នក បន្ទាប់ពីមានការចុះផ្សាយស្ដីពីការផ្លាស់ប្ដូរក្នុងកិច្ចព្រមព្រៀងនេះមានន័យថា អ្នកទទួលយកការផ្លាស់ប្ដូរទាំងនោះហើយ ។
អាជ្ញាបណ្ណ និងការរិតត្បិត
គេហទំព័រនេះ ដែលឧទ្ទិសទៅដល់ ការស្រាវជ្រាវពង្សប្រវត្តិគ្រួសារ និង��ង្សាវលីដែលត្រូវបានដំណើរការដោយអង្គការ FamilySearch International ដែលជាអង្គការ មិនស្វែងរកប្រាក់ចំណេញនៅរដ្ឋយូថាហ៍ ដែលមានការិយាល័យកណ្ដាលនៅទីក្រុងសលត៍លេក រដ្ឋយូថាហ៍ សហរដ្ឋអាមេរិក ( ចាប់ពីពេលនេះទៅហៅថា « FamilySearch International » « យើង » « រ���ស់យើង » ឬ ពាក្យស្រដៀងគ្នា ) គឺជាអង្គការមិនស្វែងរកប្រាក់ចំណេញដែលធ្វើការជាមួយនឹងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( « សាសនាចក្រ » ) ។ រាល់សម្ភារះឧបករណ៍ ទាំងអស់ដែលមាននៅក្នុងគេហទំព័រនេះ ( ដែលរួមមាន រូបភាព អត្ថបទ រូបតំណាង ការដាក់បង្ហាញ ទិន្នន័យ ប្រព័ន្ធផ្សព្វផ្សាយ ផលិតផល សេវាកម្ម និងព័ត៌មាននានា ) គឺជាកម្មសិទ្ធិរបស់យើង ឬ យើងបានទទួលអាជ្ញាបណ្ណលើសម្ភារះឧបករណ៍ទាំងនោះ ។
បើមិនបានបញ្ជាក់អ្វីផ្សេងពីនេះទេ នោះអ្នកអាចមើល ទាញយក និងបោះពុម្ពឯកសារទាំងឡាយមកពីគេហទំព័រនេះសម្រាប់តែការប្រើប្រាស់ផ្ទាល់ខ្លួន ដែលមិនមែនពាណិជ្ជកម្មប៉ុណ្ណោះ ឬសម្រាប់ការប្រើប្រាស់របស់អ្នកក្នុងនាមជាអ្នកស្ម័គ្រចិត្តធ្វើលិបិក្រម ដែលពាក់ព័ន្ធនឹងលិបិក្រមនៃ FamilySearch ដោយអនុលោមតាមគោលការណ៍ និងលក្ខខណ្ឌប្រើប្រាស់នៃការធ្វើលិបិក្រមរបស់FamilySearch ឬកិច្ចព្រមព្រៀងអាជ្ញាបណ្ណសូហ្វវែរធ្វើលិបិក្រមនៃ FamilySearch ។
អ្នកពុំអាចចុះផ្សាយមាតិកាចេញពីគេហទំព័រនេះនៅលើគេហទំព័រ ឬ បណ្ដាញកុំព្យូទ័រផ្សេងទៀតដោយពុំមានការអនុញ្ញាតពីយើងនោះទេ ។ អ្នកពុំអាចបញ្ជូន ឬចែកចាយមាតិកាចេញពីគេហទំព័រនេះទៅគេហទំព័រផ្សេងទៀតបានឡើយ ។ អ្នកមិនត្រូវប្រើប្រាស់គេហទំព័រនេះ ឬព័ត៌មានដែលមាននៅលើគេហទំព័រនេះ ( រួមមានឈ្មោះ និងអាសយដ្ឋានរបស់អ្នកដែលបានដាក់បញ្ជូនព័ត៌មាន ) ដើម្បីលក់ ឬឃោសនាផលិតផល ឬសេវាកម្ម ដើម្បីយកប្រាក់ពីអតិថិជន ឬសម្រាប់គោលបំណងអាជីវកម្មផ្សេងៗនោះទេ ។
ពង្សវិទូអាជីពអាចប្រើប្រាស់គេហទំព័រនេះ កម្មវិធីឧបករណ៍ចល័តរបស់យើង ឬធនធាននៅក្នុងមជ្ឈមណ្ឌលរបស់ FamilySearch បាន ដើម្បីស្រាវជ្រាវរកព័ត៌មាន និងផ្ដល់ជាឯកសារដល់អតិថិជនណាម្នាក់ សម្រាប់ការប្រើប្រាស់ផ្ទាល់ខ្លួនរបស់អតិថិជននោះ ដែលមិនមែនជាការប្រើប្រាស់សម្រាប់អាជីវកម្មរបស់អតិថិជននោះឡើយ ។ ប៉ុន្ដែ អ្នកធ្វើពង្សវិទូអាជីពមិនអាចយកប្រាក់កម្រៃ ឬ រៀបចំឃោសនាអាជីវកម្មខ្លួនឯង ឬទទួលបានការបង់កម្រៃផ្សេងៗ នៅលើគេហទំព័រនេះ ឬនៅលើទ្រព្យសម្បត្តិរបស់យើងបានឡើយ ។
បន្ថែមលើនេះ ឯកសារនានាដែលទាញចេញពីគេហទំព័រនេះអាចត្រូវបានផលិតសារជាថ្មីបានដោយបុគ្គលិកផ្នែកប្រព័ន្ធផ្សព្វផ្សាយ សម្រាប់ការប្រើប្រាស់នៅក្នុងវេទិកាសារព័ត៌មានសាធារណៈរបៀបបុរាណ បើមិនបានបញ្ជាក់អ្វីក្រៅពីនេះទេនោះ ។ ការប្រើប្រាស់ព័ត៌មាន ឬឯកសារដែលមាននៅលើគេហទំព័រនេះផ្សេងទៀតណាមួយ រួមមានការប្រើប្រាស់ដោយអង្គការ ឬស្ថាប័នច្បាប់នានា មិនត្រូវបានអនុញ្ញាតឲ្យ ដោយគ្មានការអនុញ្ញាតពីយើងជាលាយលក្ខណ៍អក្សរជាមុនឡើយ ។ ( សូមមើល « ការអនុញ្ញាតឲ្យប្រើប្រាស់សិទ្ធិអ្នកនិពន្ធ និងម៉ាក » នៅខាងក្រោមនេះ ) ។
មិនដូចអ្វីដែលបានរៀបរាប់ខាងលើ យើងរក្សាសិទ្ធិ និងការសម្រេចដាច់ខាតនូវសិទ្ធិបដិសេធ ដកហូត ឬកំណត់ការប្រើប្រាស់គេហទំព័រនេះ រួមទាំងការចម្លងថ្មី និងការប្រើប្រាស់ឯកសារផ្សេងៗណាមួយដែលមានតាមរយៈគេហទំព័រនេះ ។ ទោះជាយ៉ាងណាក៏ដោយ វាមិនមែនជាការទទួលខុសត្រូវរបស់យើងទេ ដើម្បីកំណត់នូវអត្ថន័យនៃ « ការប្រើប្រាស់ត្រឹមត្រូវ » សម្រាប់បុគ្គលដែលចង់ប្រើប្រាស់ឯកសារលើគេហទំព័រនេះ ។ វាបន្ដជាការទទួលខុសត្រូវទាំងស្រុងរបស់អ្នកប្រើប្រាស់ម្នាក់ៗនៅលើគេហទំព័រនេះ ។ លើសពីនេះ យើងពុំតម្រូវឲ្យផ្ដល់នូវប្រភពសេចក្ដីស្រង់បន្ថែម ឬក៏ធានាថា ឯកសារនានានៅលើគេហទំព័រនេះត្រូវបានប្រាប់យ៉ាងច្បាស់ពីការប្រើប្រាស់ផ្សេងទៀតនោះទេ ។ ការទទួលខុសត្រូវបែបនោះក៏ស្ថិតលើអ្នកប្រើប្រាស់ម្នាក់ៗទាំងស្រុងផងដែរនៅលើគេហទំព័រនេះ ។ ទោះជាយ៉ាងណាក៏ដោយ ក៏យើងនៅតែរក្សាសិទ្ធិដើម្បីការពារការបំពានលើឯកសារទាំងឡាយរបស់យើង និងដើម្បីបកស្រាយអត្ថន័យនៃ « ការប្រើប្រាស់ត្រឹមត្រូវ » តាមអ្វីដែលយើងយល់ពីច្បាប់ដែរ ។
គេហទំព័រនេះមិនមានគោលបំណងឲ្យប្រើប្រាស់នៅក្នុងសហព័ន្ធរុស្សីទេ ហេតុដូច្នេះហើយមិនគួរចូលប្រើនៅក្នុងសហព័ន្ធរុស្សីឡើយ ។
ការអនុញ្ញាតឲ្យប្រើប្រាស់ការរក្សាសិទ្ធិអ្នកនិពន្ធ និងម៉ាក
ដើម្បីស្នើសុំការអនុញ្ញាតឲ្យប្រើប្រាស់ឯកសារដែលមានសិទ្ធិអ្នកនិពន្ធ ឬពាណិជ្ជសញ្ញារបស់យើង ឬរបស់បុត្រសម្ព័ន្ធរបស់យើង សូមចូលទៅកាន់ តំណភ្ជាប់ខាងក្រោមនេះ ៖
កំណត់ចំណាំ ៖ ថេរវេលាប្រហាក់ប្រហែលក្នុងការទទួលបានការឆ្លើយតបមួយគឺរយៈពេល ៤៥ ថ្ងៃ ។ ការស្នើសុំដែលទាក់ទងទៅនឹងចំនួនឯកសារច្រើនអាចចំណាយពេលយូរជាងនេះ ។
ការស្នើសុំផ្សេងទៀត
ប្រភេទនៃការស្នើសុំផ្សេងទៀតអាចត្រូវបានដាក់បញ្ជូនទៅកាន់គេហទំព័រមួយក្នុងចំណោមគេហទំព័រទាំងនេះ ។
- កម្មវិធីស្រាវជ្រាវក្រុមគ្រួសារ ៖ សំណួរ ឬការស្នើសុំដែលទាក់ទងទៅនឹងកម្មវិធីស្រាវជ្រាវក្រុមគ្រួសារ អាចគ្រប់គ្រងបានតាមរយៈ ជំនួយគាំទ្រកម្មវិធីស្រាវជ្រាវក្រុមគ្រួសារ ឬ ជំនួយគាំទ្រ និងការរៀនសូត្រពីកម្មវិធីស្រាវជ្រាវក្រុមគ្រួសារ ។
- បណ្ណាល័យប្រវត្តិសាសនាចក្រ ៖ សំណួរដែលទាក់ទងទៅនឹងឯកសារដែលមាននៅបណ្ណាល័យប្រវត្តិសាសនាចក្រគួរតែចូលទៅតាមរយៈ កាតាឡុកបណ្ណាល័យប្រវត្តិសាសនាចក្រ ។
- ការគ្រប់គ្រងគណនី ៖ សំណួរដែលទាក់ទងនឹងការគ្រប់គ្រងគណនីអាចត្រូវបានឆ្លើយនៅឯ ជំនួយគណនី ។
កាតព្វកិច្ចចុះឈ្មោះ
នៅក្នុងការពិចារណាពីការប្រើប្រាស់គេហទំព័រនេះ អ្នកបង្ហាញថា ( ក ) អ្នកបានអាន និងយល់ព្រមតាមលក្ខខណ្ឌនៃកិច្ចព្រមព្រៀងនេះ និង ( ខ ) អ្នកអាចចុះឈ្មោះតាមច្បាប់ ( ប្រសិនបើតម្រូវ ) ដើម្បីប្រើប្រាស់គេហទំព័រនេះ និងគេហទំព័រផ្សេងទៀតណាមួយដែលពាក់ព័ន្ធនឹងFamilySearch។ ប្រសិនបើអ្នកបញ្ជូនព័ត៌មានផ្ទាល់ខ្លួនទៅកាន់គេហទំព័រនេះ នោះអ្នកយល់ព្រមផ្ដល់ព័ត៌មានពិត ត្រឹមត្រូវ និងបច្ចុប្បន្នអំពីខ្លួនរបស់អ្នក ( រួមទាំងអំឡុងពេលដំណើរការចុះឈ្មោះផងដែរ ) និងយល់ព្រមបន្ដ និងរក្សាព័ត៌មាននេះឲ្យនៅថ្មី និងត្រឹមត្រូវស្ដីពីខ្លួនអ្នក ប្រសិនបើវាត្រូវផ្លាស់ប្ដូរ ។ ប្រសិនបើ អ្នកផ្ដល់ព័ត៌មាន ឬរូបភាពមិនពិត មិនត្រឹមត្រូវ មិនសមរម្យ ឬប្រមាថ នោះយើងអាចផ្អាក ឬលុបគណនី និងការប្រើប្រាស់របស់អ្នកក្នុងគេហទំព័រនេះបាន ។ អំឡុងពេលដំណើរការចុះឈ្មោះ អ្នកនឹងត្រូវស្នើឲ្យបង្កើតឈ្មោះចូល និងពាក្យសម្ងាត់ ដើម្បីមានសិទ្ធិចូលប្រើផ្នែកណាមួយនៃគេហទំព័រនេះ ឬគេហទំព័រដែលពាក់ព័ន្ធនឹងFamilySearch ។ អ្នកទទួលខុសត្រូវលើការរក្សាការសម្ងាត់នៃឈ្មោះចូល និងពាក្យសម្ងាត់របស់អ្នក ។ អ្នកទទួលខុសត្រូវលើរាល់សកម្មភាពទាំងអស់ ដែលកើតឡើងនៅក្នុងការប្រើប្រាស់ឈ្មោះចូល និងពាក្យសម្ងាត់នេះ ។ ប្រសិនបើនរណាម្នាក់ផ្សេងទៀតប្រើប្រាស់ឈ្មោះចូល និងពាក្យសម្ងាត់របស់អ្នកតាមរបៀបមួយដែលបំពានលើលក្ខខណ្ឌនៃការប្រើប្រាស់នេះ នោះអ្នកបន្ដទទួលខុសត្រូវលើទង្វើរបស់គាត់ ហើយការប្រើប្រាស់ឈ្មោះចូលរបស់អ្នកអាចត្រូវផ្អាក ឬលុបចោល។
អាជ្ញាបណ្ណ និងសិទ្ធិដែលបានផ្ដល់ដល់យើង
ជាថ្នូរទៅនឹងការប្រើប្រាស់របស់អ្នកលើគេហទំព័រនេះ និង/ឬការស្ដុកទិន្នន័យណាមួយដែលអ្នកបានបញ្ជូនមកកាន់យើង នោះចាប់ពីពេលនេះតទៅ អ្នកផ្ដល់ដល់យើងនូវអាជ្ញាបណ្ណដែលគ្មានការដាក់កំហិត បានបង់ប្រាក់ពេញលេញ ឥតគិតថ្លៃអាករ ទូទាំងពិភពលោក មិនអាចបដិសេធបាន ជាសាធារណៈ និងជាបន្ដបន្ទាប់ ដើម្បីប្រើប្រាស់ព័ត៌មាន មាតិកា និងសម្ភារផ្សេងទៀតណាមួយ និងទាំងអស់ ( ហៅរួមគ្នាថា « មាតិការួមចំណែក » ) ដែលអ្នកបញ្ជូនមក ឬផ្ដល់ទៅកាន់គេហទំព័រនេះ ( រួមមាន ប៉ុន្ដែមិនកំណត់ត្រឹមតែ ទិន្នន័យពង្សាវលី រូបភាព ការសរសេរ ឯកសារ សម្ភារ ការថតជាសំឡេង ការពិភាក្សា ព័ត៌មាន និងទិន្នន័យដែលទាក់ទងនឹងបុគ្គលដែលបានស្លាប់ ឬអ្វីៗផ្សេងទៀត ) សម្រាប់គោលបំណងណាមួយ និងទាំងអស់ តាមរបៀបណាមួយ និងទាំងអស់ ព្រមទាំងតាមទម្រង់ប្រព័ន្ធផ្សព្វផ្សាយណាមួយ និងទាំងអស់ ដែលយើងចាត់ទុកថាសមរម្យតាមរយៈឆន្ទានុសិទ្ធិ សម្រាប់ការបន្ដបេសកកម្មរបស់យើងដើម្បីផ្សព្វផ្សាយពីពង្សប្រវត្តិ និងការស្រាវជ្រាវពង្សាវលី ។ ជាផ្នែកនៃអាជ្ញាបណ្ណនេះ អ្នកផ្ដល់ការអនុញ្ញាតឲ្យយើងថតចម្លង បង្ហាញជាសាធារណៈ បញ្ជូន ចាក់ផ្សាយ សម្ដែងជាសាធារណៈ ចែកចាយ និងប្រើប្រាស់ ( ហើយអនុញ្ញាតឲ្យមនុស្សដទៃប្រើប្រាស់ ) មាតិការួមចំណែករបស់អ្នកនៅទូទាំងពិភពលោក តាមរបៀបណាមួយដែលយើងចាត់ទុកថាសមរម្យ ( ជាអេឡិចត្រូនិច ឬផ្សេងពីនេះ ដែលរួមទាំងនៅលើអ៊ីនធឺណិត ) ។ អ្នកក៏ដឹង និងយល់ព្រមផងដែរថា ជាផ្នែកនៃអាជ្ញាបណ្ណនេះ យើងមានសិទ្ធិដើម្បីបង្កើត ( និងអនុញ្ញាតឲ្យអ្នកដទៃទៀតបង្កើត ) និងប្រើប្រាស់កិច្ចការជាច្រើនមកពីមាតិការួមចំណែករបស់អ្នក តាមរយៈការរួមបញ្ចូលគ្នានូវមាតិកាទាំងអស់ ឬមួយផ្នែកជាមួយនឹងមាតិការួមចំណែករបស់អ្នកផ្សេងទៀត ឬតាមរយៈការកែប្រែលើមាតិការួមចំណែករបស់អ្នក ។
ការសហការជាមួយអ្នកដទៃទៀត
អ្នកទទួលស្គាល់ថា គោលបំណងចម្បងនៃគេហទំព័រនេះគឺដើម្បីធ្វើឲ្យមានការសហការគ្នារវាងអ្នកប្រើប្រាស់គេហទំព័រនេះ និងគេហទំព័រផ្សេងទៀតដែលចង់ពង្រីកមូលដ្ឋានទិន្នន័យពង្សាវលី និងចំណេះដឹងរបស់ពួកគេ ។ អ្នកទទួលស្គាល់ថា យើងអាចប្រើមាតិការួមចំណែក រួមមានព័ត៌មានផ្ទាល់ខ្លួនណាមួយអំពីបុគ្គលនៅរស់ ដែលអ្នកបញ្ជូនមកក្នុងគោលបំណងសហការគ្នា និងចែកចាយជាមួយបុគ្គល និងអង្គការដទៃទៀត ( រួមទាំងក្រុមហ៊ុនពង្សាវលីស្វែងរកប្រាក់ចំណេញ ) ឧទាហរណ៍ ដើម្បីបង្កើតតារាងពង្សាវលីសាកលទូទៅមួយ ក្នុងគោលបំណងដើម្បីបង្កើនការចូលរួមនៅក្នុងពង្សប្រវត្តិ និងការរក្សាកំណត់ត្រាទូទាំងពិភពលោក ។ អ្នកទទួលស្គាល់ថា ការសហការវាងបុគ្គល និងអង្គការជាច្រើនអនុញ្ញាតឲ្យយើងទទួលបានទិន្នន័យបន្ថែមទៀត ដែលយើងអាចផ្ដល់ដល់អ្នកប្រើប្រាស់នៃគេហទំព័រនេះ—ហេតុដូច្នេះអនុញ្ញាតឲ្យអ្នកប្រើប្រាស់ពង្រីកខ្សែស្រឡាយបុព្វការីជនរបស់ពួកគេផ្ទាល់ខ្លួន ។ សេចក្ដីជូនដំណឹងស្ដីពីឯកជនភាព របស់យើងផ្ដល់ព័ត៌មានលម្អិតបន្ថែមទៀតទាក់ទងទៅនឹងការប្រើប្រាស់របស់យើងលើមាតិការួមចំណែករបស់អ្នក ។
អ្នកយល់ព្រមដើម្បីបញ្ចូលទិន្នន័យដែលត្រឹមត្រូវដែលអ្នកដឹងបានច្បាស់បំផុត ។ ដើម្បីរក្សាសង្គតិភាពនៅក្នុងទម្រង់ពង្សាវលីតាមរបៀបបុរាណ ដែលមាននៅលើគេហទំព័រនេះ ( ដូចជា តារាងពង្សាវលី ទម្រង់ផ្ដេក តារាងទម្រង់ជាផ្លិត និងទម្រង់ផ្សេងទៀត និងតារាងផ្សេងៗ ) អ្នកយល់ព្រមកំណត់អត្តសញ្ញាណបុគ្គលទាំងឡាយ តាមរយៈការកំណត់ភេទពីកំណើតរបស់ពួកគេ ហើយដាក់តំណែងពួកគេទៅតាមប្រពៃណីរបស់ពួកគេ ពោលគឺប្រុស ឬស្រីនៅលើតារាង និងតាមទិដ្ឋភាពទាំងនេះ ( ឧទាហរណ៍ ឪពុក ឬម្ដាយ ) ។ នៅក្នុងអាពាហ៍ពិពាហ៍ភេទដូចគ្នា ទាំងស្វាមីទាំងភរិយានឹងមានភេទដូចគ្នា ។ អ្នកអាចវាយបញ្ចូលកំណត់ចំណាំណាមួយ ដែលទាក់ទងទៅនឹងអត្តសញ្ញាណភេទនៅក្នុងមតិយោបល់បាន ។ សូមយោងទៅផ្នែកក្រមសីលធម៌ សម្រាប់គំរូនៃលទ្ធផលដែលអាចកើតមានសម្រាប់ការវាយបញ្ចូលទិន្នន័យដែលមិនត្រឹមត្រូវ ។
គេហទំព័រនេះរួមបញ្ចូលនូវមុខងារពិភាក្សា ដែលបុគ្គលទាំងឡាយអាចបញ្ចេញមតិយោបល់ និងផ្ដល់មាតិការួមចំណែក ដែលទាក់ទងទៅនឹងបុគ្គលជាក់លាក់ដែលបានស្លាប់ម្នាក់ និងផ្ដល់ព័ត៌មានលម្អិតអំពីបុគ្គលនោះ ។ យើងរក្សាសិទ្ធិដើម្បីប្រើប្រាស់ព័ត៌មានពិភាក្សានេះ និងមាតិការួមចំណែកផ្សេងទៀតដែលបានផ្ដល់មកសាឡើងវិញ ហើយចេញផ្សាយវាទៅកាន់មនុស្សដទៃដើម្បីជួយដោះស្រាយបញ្ហាបើកចំហនានាដែលបានកើតមាន ឬដើម្បីជួយអប់រំមនុស្សដទៃ ។ យើងសូមឲ្យអ្នកធ្វើការជ្រើសរើសព័ត៌មានដែលអ្នកដាក់បញ្ចូលនៅក្នុងការពិភាក្សារបស់អ្នកនៅលើអ៊ីនធឺណិត និងក្នុងមាតិការួមចំណែកផ្សេងទៀត ហើយធ្វើការទាក់ទងគ្នាតាមរយៈអ៊ីម៉ែល ឬតាមវិធីផ្សេងទៀត នៅត្រង់កន្លែងដែលមានព័ត៌មានទំនាក់ទំនងផ្ទាល់ខ្លួន ឬព័ត៌មានផ្ទាល់ខ្លួនផ្សេងទៀត ឬព័ត៌មានសំខាន់ត្រូវបានផ្តល់អោយ ។ អ្នកទទួលស្គាល់ថា ចំណុចណាមួយដែលបញ្ជូនមកតាមរយៈមុខងារពិភាក្សានេះនឹងអាចមើលឃើញ ដោយអ្នកដែលអាចចូលក្នុងគេហទំព័រនេះបាន ។ មុខងារពិភាក្សានេះមានគោលបំណងជួយដល់ការខិតខំសហការគ្នា ដើម្បីសម្របសម្រួលការកែតម្រូវកំហុសឆ្គង និងសម្រួលដល់ការស្រាវជ្រាវបន្ថែមជាមួយនឹងអ្នកប្រើប្រាស់ដែលចាប់អារម្មណ៍ផ្សេងទៀត ។ មុខងារពិភាក្សាមិនអាច ( ក ) ត្រូវបានប្រើប្រាស់សម្រាប់ហេតុផលដែលមិនទាក់ទងនឹងប្រធានបទដែលកំពុងពិភាក្សានេះទេ ( ខ ) មាននូវព័ត៌មានដែលអាចបង្កគ្រោះថ្នាក់ ឬធ្វើឲ្យមានភាពអាម៉ាស់ដល់បុគ្គលនៅរស់ណាម្នាក់ ឬ ( គ ) មាននូវភាសា ឬមាតិកាដែលប្រមាថ មិនពិរោះ មិនសមរម្យ គម្រាមកំហែង ឬបំពាននោះទេ ។ ការបដិសេដដែលទាក់ទងទៅនឹងការពិតដែលមានចំពោះបុគ្គលដែលបានស្លាប់ម្នាក់ទំនងជាកើតឡើង ហើយការបដិសេដបែប��ោះគួរតែបង្ហាញជាពាក្យច្បាស់ៗដោយផ្អែកលើការពិត និងប្រភពដកស្រង់ដើមបើអាចមាន ដោយមិនប្រើភាសា ឬមតិគ្រោតគ្រាត ពាក្យជេរប្រមាថ ឬពាក្យសម្ដីមិនល្អឡើយ ។ មុខងារពិភាក្សាមិនអាចប្រើប្រាស់ដើម្បីផ្ដល់តំណភ្ជាប់ទៅកាន់គេហទំព័រខាងក្រៅដែលមានមាតិកាមិនសមរម្យនោះទេ ( ទោះបីជាតំណភ្ជាប់ទៅកាន់ព័ត៌មានដែលពាក់ព័ន្ធ និងល្បីល្បាញដែលទាក់ទងទៅនឹងបុគ្គលដែលបានស្លាប់ទៅនោះអាចសមរម្យក្ដី ) ឬដើម្បីឃោសនាដល់អាជីវកម្ម ឬផ្ដល់សេវាកម្មស្រាវជ្រាវនោះទេ ។ ទោះជាយើងមិនមានកាតព្វកិច្ចដើម្បីធ្វើដូច្នោះក្ដី ក៏យើងរក្សាសិទ្ធិស្របតាមការសម្រេចចិត្តរបស់យើងដោយឆន្ទានុសិទ្ធិ ដើម្បីលុប ឬកែសម្រួលមាតិការួមចំណែកដែលបានផ្ដល់មកក្នុងមុខងារពិភាក្សានោះ និងមុខងារស្រដៀងគ្នា ហើយបដិសេធអ្នកប្រើប្រាស់មិនឲ្យមានសិទ្ធិចូលប្រើមុខងារបែបនោះក្នុងមូលហេតុណាមួយ ឬដោយគ្មានមូលហេតុឡើយ ។ សូមយោងទៅផ្នែកក្រមសីលធម៌ សម្រាប់គំរូនៃលទ្ធផលដែលអាចមានសម្រាប់ការប្រើប្រាស់មុខងារពិភាក្សាមិនត្រឹមត្រូវ និងមុខងារស្រដៀងគ្នានេះ ។
សូហ្វវែរ
ប្រសិនបើអ្នកអាចទាញយកសូហ្វវែរពីគេហទំព័រនេះ នោះអ្នកអាចប្រើប្រាស់សូហ្វវែរនោះតាមការផ្ដល់ឲ្យដោយកិច្ចព្រមព្រៀងនៃអាជ្ញាបណ្ណ ដែលអមមកជាមួយនឹងសូហ្វវែរនោះតែប៉ុណ្ណោះ ។ អ្នកទទួលខុសត្រូវទាំងស្រុងក្នុងការគោរពតាមការគ្រប់គ្រងលើការទាញចេញណាមួយពីសហរដ្ឋអាមេរិក ដែលអាចអនុវត្តចំពោះសូហ្វវែរនានាដែលបានផ្ដល់នៅលើគេហទំព័រនេះ ។
សិទ្ធិដើម្បីដាក់បញ្ជូន
មាតិការួមចំណែកណាមួយដែលអ្នកបញ្ជូនមកកាន់គេហទំព័រនេះ គឺស្របតាមកិច្ចព្រមព្រៀងនេះ និងតាម កិច្ចព្រមព្រៀងដាក់បញ្ជូនមាតិកាសម្រាប់FamilySearch ។ អ្នកអះអាង និងធានាថា អ្នកនឹងមិនដាក់បញ្ជូនអ្វីមួយទៅក្នុងគេហទំព័រនេះដែលបំពានលើសិទ្ធិរបស់ភាគីទីបីណាមួយឡើយ ( រួមមាន ប៉ុន្ដែមិនកំណត់ត្រឹមតែ សិទ្ធិអ្នកនិពន្ធ សិទ្ធិស្ដីពីឯកជនភាព សិទ្ធិសាធារណៈ សិទ្ធិលើកិច្ចសន្យា ឬសិទ្ធិកម្មសិទ្ធិផ្សេងទៀត ) ។ នៅពេលណាដែលអ្នកបញ្ជូនមាតិការួមចំណែកមកកាន់គេហទំព័រនេះ អ្នកកំពុងបញ្ជាក់ថា អ្នកមានសិទ្ធិស្របច្បាប់ដើម្បីបញ្ជូនមាតិការួមចំណែកនោះមកកាន់យើង ហើយផ្ដល់ដល់យើង និងក្រុមអាជ្ញាបណ្ណរងរបស់យើងនូវសិទ្ធិ និងអាជ្ញាបណ្ណដែលដាក់ចេញនៅក្នុងកិច្ចព្រមព្រៀងនេះ និងនៅក្នុងកិច្ចព្រមព្រៀងដាក់បញ្ជូនមាតិកាសម្រាប់FamilySearch ។ អ្នកទទួលយកទំនួលខុសត្រូវតាមច្បាប់សម្រាប់ការប្រើប្រាស់របស់យើងលើមាតិការួមចំណែកណាមួយ ដែលអ្នកបញ្ជូនមក ។ អ្នកទទួលខុសត្រូវទាំងស្រុងលើមាតិការួមចំណែកទាំងអស់ដែលអ្នកបញ្ជូនមក ចុះផ្សាយ ឬរួមចំណែកក្នុងគេហទំព័រនេះ ឬក្នុងគេហទំព័រនានាដែលពាក់ព័ន្ធជាមួយFamilySearch ។
ការដាក់បញ្ជូនឈ្មោះសម្រាប់ពិធីបរិសុទ្ធខាងសាសនា
អ្នកគួរតែដាក់បញ្ជូនតែឈ្មោះបុគ្គលទាំងឡាយដែលមាននៅក្នុងខ្សែស្រឡាយគ្រួសាររបស់អ្នកផ្ទាល់ប៉ុណ្ណោះ សម្រាប់ពិធីបរិសុទ្ធជំនួសខាងសាសនា ហើយអ្នកមិនគួរបញ្ជូនឈ្មោះរបស់បុគ្គលដែលមិនជាប់សាច់ញាតិនឹងអ្នកដូចជា តារា ឬមនុស្សល្បីល្បាញ ឬឈ្មោះទាំងឡាយដែលបានប្រមូលមកពីគម្រោងដកស្រង់ដែលមិនមានការអនុម័តដូចជា ជនរងគ្រោះជីហ្វដែលស្លាប់រង្គាល ឡើយ ។
ក្រមសីលធម៌
អ្នកយល់ព្រមថា អ្នកនឹងមិនដាក់បញ្ជូន ឬចុះផ្សាយព័ត៌មានមកកាន់គេហទំព័រនេះជាបុគ្គល ឬជាផ្នែកនៃកិច្ចការសមូហភាពណាមួយ ( មិនថានៅការចុះឈ្មោះ ជាការដាក់បញ្ជូនពង្សាវលី តាមរយៈមុខងារពិភាក្សា ឬតាមរយៈមុខងារផ្សេងទៀតណាមួយដែលអាចផ្ដល់មាតិការួមចំណែកណាមួយ ) ដែលអាចចាត់ទុកថាបង្កគ្រោះថ្នាក់ ឬប្រមាថដល់អ្នកប្រើប្រាស់ដទៃទៀតឡើយ ។ អ្នកក៏យល់ព្រមថាមិនក្លែងជាអ្នកប្រើប្រាស់ផ្សេងទៀតក្នុងគោលបំណងណាមួយ រួមទាំងដើម្បីលាក់បាំងអត្តសញ្ញាណរបស់អ្នក ឬធ្វើតាមបុគ្គលផ្សេងទៀតក្នុងសកម្មភាពរបស់អ្នកផងដែរ ។ អ្នកយល់ព្រមថានឹងមិនជីកកកាយ ប្រមូល ឬប្រើប្រាស់ព័ត៌មានណាមួយចេញពីគេហទំព័រនេះតាមរបៀបមួយដែលអាចបង្កគ្រោះថ្នាក់ បង្ខូចកេរ្ដិ៍ឈ្មោះ បំពាន ឬមាក់ងាយដល់បុគ្គល ឬស្ថាប័នណាមួយឡើយ ។ អ្នកបានបន្ដយល់ព្រមទៀតថា លុះត្រាតែអ្នកបានទទួលការអនុញ្ញាតជាលាយលក្ខណ៍អក្សរពីយើងជាមុនសិន បើពុំដូច្នោះទេអ្នកនឹងមិនប្រើសូហ្វវែរ បច្ចេកវិទ្យា ឬឧបករណ៍ណាមួយដើម្បីធ្វើការទាញយកទាំងដុំ ដើម្បីលុបចោលខ្លឹមសារ ឬបើមិនដូច្នេះទេប្រមូលនូវព័ត៌មាន ឬសម្ភារណាមួយមកពីគេហទំព័រនេះឡើយ ។ អ្នកយល់ព្រមមិនរារាំងការត្រួតពិនិត្យនានា ឬច្បាប់ប្រើប្រាស់ដែលយើងបានអនុវត្តឡើយ ។ អ្នកយល់ព្រមមិនផលិតឡើងវិញ ធ្វើឯកសារស្ទួន ថតចម្លង ទាញយក បញ្ជូនសារ បង្ហាញ ចាត់ចែង ដាក់ឲ្យមានជាសាធារណៈ លក់ ឬប្រើផ្នែកណាមួយនៃគេហទំព័រនេះ ឬសម្ភារនានានៅលើគេហទំព័រនេះសម្រាប់ការប្រើប្រាស់មិនផ្ទាល់ខ្លួន ឬលក្ខណៈពាណិជ្ជកម្មនានា ។ អ្នកយល់ព្រមថាមិនពាក់ព័ន្ធក្នុងសកម្មភាពណាមួយដែលទាក់ទងទៅនឹងគេហទំព័រនេះ ខ្លឹមសារនៃគេហទំព័រនេះ ឬអ្នកប្រើប្រាស់ទាំងឡាយលើគេហទំព័រនេះ ដែលអាចរួមចំណែកដល់បទល្មើសព្រហ្មទណ្ឌ ឬដែលអាចបណ្ដាលឲ្យមានការទទួលខុសត្រូវផ្នែករដ្ឋប្បវេណីឡើយ ។ លើសពីនេះ អ្នកយល់ព្រមថាមិនបោះពុម្ពឡើងវិញ ចាក់ផ្សាយ ចុះផ្សាយ បញ្ជូនសារ ចែកចាយ រើចេញ រើរុះ ធ្វើត្រាប់តាម ឬផ្ទុយពីវិស្វកម្ម បង្កើតការងារស្ទួន ឬស្ថាបនាគេហទំព័រនេះឡើងវិញ ទាំងសេវាកម្មរបស់គេហទំព័រនេះ លេខកូដប្រភព ឬខ្លឹមសារដោយគ្មានការបញ្ជាក់ពីការអនុញ្ញាតជាលាយលក្ខណ៍អក្សរជាមុនរបស់យើងឡើយ ។ អ្នកយល់ព្រមបន្ថែមទៀតថានឹងមិនធ្វើអ្វី ដែលអាចនឹងបង្អាក់ដំណើរការទិន្នន័យទៅ ឬពីគេហទំព័រនេះ ឬធ្វើឲ្យប៉ះពាល់ដល់សេវាកម្ម ឬប្រតិបត្តិការរបស់គេហទំព័រនេះឡើយ ។ អ្នកដឹងថា លទ្ធផលនៃសកម្មភាពបង្កគ្រោះថ្នាក់ ឬប្រមាថនេះ ឬការបំពានផ្សេងៗណាមួយទៅលើកិច្ចព្រមព្រៀងនេះអាចរួមមាន ការដកហូតសិទ្ធិរបស់អ្នកក្នុងការប្រើប្រាស់គេហទំព័រនេះ ( រាប់បញ្ចូលទាំងសិទ្ធិរបស់អ្នកក្នុងការប្រើប្រាស់គេហទំព័រនេះ គេហទំព័រ ឬកម្មវិធីឧបករណ៍ចល័តដែលពាក់ព័ន្ធផ្សេងទៀតរបស់កម្មវិធីស្រាវជ្រាវក្រុមគ្រួសារ ព្រមទាំងសម្ភារនានាមកពីគេហទំព័រទាំងនោះផងដែរ ) និងវិធានការតាមផ្លូវច្បាប់ប្រឆាំងនឹងអ្នក ។
ការយកចិត្តទុកដាក់ក្នុងការដាក់បញ្ជូន
យើងនឹងខិតខំដោយសមហេតុផល ដើម្បីរក្សាសេចក្ដីទៀងត���រង់ចំពោះមាតិការួមចំណែករបស់អ្នក និងដើម្បីចៀសវាងពីកំហុស ឬការលុបចោលនៅក្នុងមាតិកានៃគេហទំព័រនេះ ។ ទោះជាយ៉ាងណាក្ដី អ្នកយល់ព្រមថា យើងនឹងមិនទទួលខុសត្រូវលើកំហុស ឬការលុបចោលមាតិកាណាមួយដែលអ្នកអាចរកឃើញនៅលើគេហទំព័រនេះទេ ហើយយើងក៏មិនទទួលខុសត្រូវលើការបាត់បង់ ការខូចខាត ឬការខូចនៃមាតិការួមចំណែក ដែលអ្នកបញ្ជូនមក ឬចុះផ្សាយដែរ ។
តំណភ្ជាប់
ដើម្បីជាប្រយោជន៍ដល់អ្នក គេហទំព័រនេះអាចនឹងមានតំណភ្ជាប់ទៅនឹងគេហទំព័រនានាដែលដាក់ឲ្យដំណើរការដោយអ្នកផ្សេងទៀត ។ គេហទំព័រភាគីទីបីបែបនេះពុំបានរក្សា ឬគ្រប់គ្រងដោយយើងឡើយ ហើយយើងមិនទទួលខុសត្រូវលើមាតិការបស់ពួកគេនោះទេ ។ ទោះបីជាយើងបានធ្វើការប្រឹងប្រែងដោយស្របច្បាប់ដើម្បីភ្ជាប់តំណទៅគេហទំព័រល្អៗ សមរម្យ ក៏គេហទំព័រខ្លះអាចមានមាតិកាដែលមិនល្អ ឬមិនសម្យរម្យផងដែរ ។ ប្រសិនបើអ្នករកឃើញមាតិកាបែបនោះ ខណៈពេលប្រើប្រាស់គេហទំព័រមួយ ដែលអ្នកបានចូលតាមរយៈតំណភ្ជាប់មួយនៅលើគេហទំព័រនេះ សូមជូនដំណឹងមកយើងភ្លាម ។
យើងជឿថា អ្នកដែលធ្វើឲ្យព័ត៌មាននេះមាននៅលើអ៊ីនធឺណិតរំពឹងថា ព័ត៌មាននោះនឹងផ្តល់ជូនជាសាធារណៈ ហើយទូលំទូលាយ ។ ហេតុដូច្នេះហើយ យើងជឿថា ការតភ្ជាប់តំណទៅគេហទំព័រដទៃទៀតគឺត្រូវបានអនុញ្ញាតដោយស្របច្បាប់ ហើយស្របជាមួយនឹងការរំពឹងទុករបស់អ្នកទាំងឡាយដែលប្រើប្រាស់អ៊ីនធឺណិត ។ ទោះបីជាយ៉ាងណាក៏ដោយ ប្រសិនបើការចូលទៅកាន់គេហទំព័រជាក់លាក់មួយត្រូវបានដាក់កំហិត នោះប្រតិបត្តិករនៃគេហទំព័រនេះគប្បីជូនដំណឹងដល់យើងឲ្យបានទាន់ពេលវេលា ។
ឯកជនភាព និងការការពារទិន្នន័យ
តាមរយៈការប្រើប្រាស់គេហទំព័រនេះ និងការបញ្ជូនទិន្នន័យផ្ទាល់ខ្លួនរបស់អ្នកមកកាន់យើង អ្នកយល់ព្រមឲ្យដំណើរការលើទិន្នន័យផ្ទាល់ខ្លួនណាមួយ ដែលអ្នកបញ្ជូនមកស្របតាមសេចក្ដីជូនដំណឹងស្ដីពីឯកជនភាពរបស់យើងនៅក្នុងសហរដ្ឋអាមេរិក ឬនៅក្នុងទីតាំងផ្សេងទៀត ។ អ្នកក៏យល់ព្រមផងដែរ ដើម្បីអនុវត្តតាមច្បាប់ជាធរមានទាំងអស់ ដែលទាក់ទងទៅនឹងការបញ្ជូនទិន្នន័យផ្ទាល់ខ្លួនទៅ ឬមកពីសហរដ្ឋអាមេរិក និងប្រទេសដែលអ្នករស់នៅ ។
យុត្តាធិការ និងច្បាប់ជាធរមាន
កិច្ចព្រមព្រៀងនេះត្រូវគ្រប់គ្រងដោយច្បាប់រដ្ឋយូថាហ៍ សហរដ្ឋអាមេរិក ដូចដែលបានអនុវត្តចំពោះកិច្ចព្រមព្រៀងដែលបានបញ្ចូល ហើយអនុវត្តទាំងស្រុងនៅក្នុងរដ្ឋនេះ ដោយមិនផ្ដល់ផលប៉ះពាល់ទៅដល់គោលការណ៍ណាមួយនៃជម្លោះខាងផ្លូវច្បាប់ឡើយ ។ សកម្មភាពណាមួយដែលពាក់ព័ន្ធនឹងការអនុវត្តកិច្ចព្រមព្រៀងនេះ ឬបញ្ហាណាមួយដែលជាប់ទាក់ទងទៅនឹងគេហទំព័រនេះនឹងត្រូវបាននាំទៅតុលាការរដ្ឋ ឬសហព័ន្ធដែលស្ថិតនៅទីក្រុងសលត៍ លេក រដ្ឋយូថាហ៍ ហើយដោយន័យនេះ អ្នកយល់ព្រម និងដាក់ស្នើយុត្តាធិការផ្ទាល់ខ្លួននៃតុលាការបែបនោះក្នុងគោលបំណងប្ដឹងនឹងសកម្មភាពណាមួយ ។ អ្នកយល់ព្រមតាមលក្ខខណ្ឌនេះ មិនថាអ្នកស្ថិតនៅទីតាំងណា ឬវាងាយស្រួលដល់អ្នកឬអត់ទេនោះទេ ។ ប្រសិនបើខដែលបានចែងណាមួយក្នុងកិច្ចព្រមព្រៀងនេះផ្ទុយពីច្បាប់ ត្រូវទុកជាមោឃៈ ឬមិនអាចអនុវត្តបានទាំងស្រុង ឬដោយផ្នែក នោះខទាំងប៉ុន្មានទៀតមិនគួរមានផលប៉ះពាល់ឡើយ លើកលែងតែយើងកំណត់ថា ខដែលបានចែងដែលគ្មានសុពលភាព ឬដែលមិនអាចអនុវត្តបាននោះគឺជាលក្ខខណ្ឌចាំបាច់ចំពោះកិច្ចព្រមព្រៀងនេះ ក្នុងករណីនោះយើងអាចកែប្រែកិច្ចព្រមព្រៀងនោះឡើងវិញតាមការសម្រេចចិត្តទាំងស្រុងរបស់យើង ។
ដែនកំណត់នៃការទទួលខុសត្រូវ
យើងពុំទទួលខុសត្រូវចំពោះការខូចខាតជាពិសេស ឬធ្ងន់ធ្ងរណាមួយដែលកើតចេញពីការប្រើប្រាស់របស់អ្នក ឬភាពអសមត្ថភាពរបស់អ្នកដើម្បីប្រើប្រាស់ឯកសារនានានៅក្នុងគេហទំព័រនេះ ឬគេហទំព័រដែលបានតភ្ជាប់ណាមួយឡើយ រួមបញ្ចូលមិនកំណត់ត្រឹមតែ ការបាត់បង់ប្រយោជន៍ ការរំខានផ្នែកអាជីវកម្ម និងការបាត់បង់កម្មវិធីនានា ឬទិន្នន័យផ្សេងៗនៅលើប្រព័ន្ធគ្រប់គ្រងព័ត៌មានរបស់អ្នក ។ រាល់ការខូចខាត ការបាត់បង់ និងបុព្វហេតុនៃទង្វើដែលធ្វើលើសពីតម្លៃដែលអ្នកបានបង់ សម្រាប់ដំណើរការលើគេហទំព័រនេះ ឬគេហទំព័រដែលបានតភ្ជាប់ណាមួយ ពុំមែនជាការទទួលខុសត្រូវទាំងស្រុងរបស់យើងចំពោះអ្នកឡើយ ។
ការអះអាង
គេហទំព័រនេះ និងឯកសារនានានៅក្នុងគេហទំព័រនេះ និងគេហទំព័រដែលបានតភ្ជាប់ណាមួយត្រូវបានផ្ដល់ឲ្យ « ដូចដែលមាន » ហើយគ្មានការធានាណាមួយឡើយ ទោះជាផ្ទាល់ ឬប្រយោលក្ដី ។ ត្រឹមកម្រិតធំបំផុតដែលស្របនឹងច្បាប់ដែលពាក់ព័ន្ធ យើងសូមបដិសេធនឹងការធានាដោយផ្ទាល់ ឬប្រយោល រួមបញ្ជូលមិនកម្រិតត្រឹមតែ ការធានាទូទៅ និងការធានាជាក់លាក់ណាមួយឡើយ ។ យើងមិនធានាថា ដំណើរការរបស់គេហទំព័រនេះនឹងពុំមានការកាត់ផ្ដាច់ ឬពុំមានបញ្ហា ដែលបញ្ហានោះនឹងត្រូវបានកែសម្រួល ឬថាគេហទំព័រនេះ ឬម៉ាស៊ីនមេដែលធ្វើឲ្យវាដំណើរការនេះរួចផុតពីមេរោគ ឬសមាសភាគអន្តរាយផ្សេងៗឡើយ ។
ម៉ាក
ខាងក្រោមនេះគឺជាបញ្ជីដែលរៀបរាប់មិនទាន់អស់នៅឡើយស្ដីពីពាណិជ្ជសញ្ញា និងសេវាសញ្ញារបស់យើង និងរបស់សហព័ន្ធយើង ៖
FamilySearch
FamilySearch GEDCOM
International Genealogical Index
RootsTech
The Church of Jesus Christ of Latter-day Saints
ម៉ាកទាំងនេះគឺជាអ្នកកំណត់នៃ FamilySearch ឬ Intellectual Reserve, Inc. ហើយបានចុះបញ្ជីនៅក្នុងសហរដ្ឋអាមេរិក និងប្រទេសផ្សេងៗទៀត ។ សម្រាប់ព័ត៌មានបន្ថែមទាក់ទងទៅនឹងពាណិជ្ជសញ្ញា និងសេវាសញ្ញារបស់យើង និងរបស់សហព័ន្ធយើង និងការប្រើប្រាស់ដោយសមរម្យនៃពាណិជ្ជសញ្ញា និងសេវាសញ្ញាទាំងនេះ សូមមើល សេចក្ដីណែនាំស្ដីពីការប្រើប្រាស់ម៉ាករបស់FamilySearch ។
សំណួរ
សម្រាប់ជំនួយ ឬព័ត៌មានបន្ថែមដែលទាក់ទងទៅនឹងម៉ាក និងឯកសារសិទ្ធិអ្នកនិពន្ធរបស់យើង និងរបស់សហព័ន្ធយើង អ្នកអាចទាក់ទងទៅកាន់ការិយាល័យកម្មសិទ្ធិបញ្ញារបស់យើងតាមរយៈ ៖
លេខទូរស័ព្ទ ៖ ១-៨០១-២៤០-៣៩៥៩ ឬ ១-៨០០-៤៥៣-៣៨៦០ លេខខ្នែង ២-៣៩៥៩
ទូរសារ ៖ ១–៨០១–២៤០–១១៨៧
អ៊ីម៉ែល ៖ cor-intellectualproperty@FamilySearch.org
បានធ្វើបច្ចុប្បន្នភាពរួចនៅថ្ងៃទី 2023-09-01