Pandaigdigang Paunawa sa Privacy - FamilySearch

Ang FamilySearch International, isang nonprofit na korporasyon sa Utah na may mga pangunahing opisina sa Salt Lake City, U.S.A. (“FamilySearch”), ay nakatuon sa kasaysayan ng pamilya at pananaliksik na henealohikal. Kapag tinutukoy ang “amin,” “kami,” o “atin,” ang ibig naming sabihin ay ang FamilySearch. Sa Paunawa sa Privacy na ito, binibigyan ka namin ng impormasyon tungkol sa kung paano namin pinoproseso ang personal na datos mo.

Ang paggawa ng online account sa aming website at mga application (“Website”) o ang pagsusumite ng datos sa FamilySearch ay magbibigay daan sa iyo na ma-access ang mga serbisyo at Website na inaalok namin, kabilang ang pagbuo ng family tree; pakikipag-ugnayan sa mga miyembro ng pamilya; at pag-access at pagbabahagi ng mga litrato ng pamilya, digital na rekord, rekord ng pasalitang kasaysayan, at iba pang memorabilia na isinumite mo o ng mga kamag-anak mo, o nakuha mula sa mga pampubliko at makasaysayang mapagkukunan sa buong mundo.

Iginagalang ng FamilySearch ang privacy ng mga indibidwal na gumagamit ng aming Website. Sa Paunawa sa Privacy na ito, tinutukoy namin ang personal na datos na kinokolekta namin, ang aming batayan sa pagpoproseso ng personal na datos, at ang aming mga tuntunin sa pagpoproseso ng datos alinsunod sa iyong mga karapatan at sa naaangkop na batas. Hinihikayat ka naming basahin nang mabuti ang Paunawa sa Privacy na ito bago ka magsumite sa amin ng personal na datos. Dahil nakadepende ang paghahatid ng aming Website sa pagpoproseso ng personal na data mo alinsunod sa Mga Tuntunin sa Paggamit at Kasunduan sa Pagsusumite ng Content ng FamilySearch, pakibasa ring mabuti ang mga dokumentong ito. Para makagawa ng account, dapat kang sumang-ayon sa mga tuntuning ito at sa Paunawa sa Privacy na ito. Kung pipiliin mong hindi sumang-ayon, hindi ka makakagawa ng account o makaka-access sa lahat ng feature ng Website.

1. Sino ang kumokontrol sa personal na datos mo?

Kapag ibinabahagi mo ang personal na datos mo sa aming Website o nakikipag-ugnayan o nakikipagkomunikasyon ka sa amin, pinoproseso namin ang personal na datos mo bilang data controller.
Ang FamilySearch ay kaanib ng at sinusuportahan ng Simbahan ni Jesucristo ng mga Banal sa Huling Araw (ang “Simbahan”) bilang pampublikong serbisyo. Ang paggawa ng online account sa aming Website ay hindi nangangahulugan na ine-endorso mo o may kaugnayan ka sa Simbahan.

2. Anong personal na datos ang kinokolekta namin?

Nangongolekta kami ng personal na datos na (a) isinusumite mo; (b) isinusumite ng iba pang user; (c) nire-rekord namin; at (d) nakuha namin mula sa mga third party.

1. Datos na Isinusumite Mo. Nagsusumite ka sa amin ng personal na datos, at maaari kaming mangolekta ng personal na datos na ipinadala mo, kapag gumawa ka ng account sa aming Website, humiling ka ng mga materyal ng FamilySearch, humiling ka ng access sa mga serbisyo ng FamilySearch o sa Website, nagsusumite o ina-upload mo ang personal na datos mo sa mga tool ng FamilySearch o sa Website (hal., pagbuo ng iyong family tree), o nakikipag-ugnayan o nakikipagkomunikasyon ka sa FamilySearch sa iba pang paraan. Kapag nakikipag-ugnayan ka sa FamilySearch at gumagawa ka ng account, karaniwan naming pinoproseso ang iyong pangalan, petsa ng kapanganakan, numero ng mobile, email address, lokasyon (hal., bansa), at kasarian. Puwede ka ring magsumite ng datos ng account at pagpaparehistro para sa pagpoproseso, gaya ng iyong username, display name, password, email address, at mga setting at kagustuhan.

   Kapag ginamit mo ang aming mga serbisyo, maaari mo ring piliing magsumite ng karagdagang personal na impormasyon para makibahagi, sa sarili mong pagkukusa, sa iba pang aktibidad na henealohikal ng FamilySearch, kabilang ang pagsusumite ng mga personal na datos na henealohikal (hal., buod ng buhay, mga pangyayari sa buhay, mga alternatibong pangalan, mga ugnayan ng pamilya, mga katotohanan sa buhay, mga alaala, impormasyong biyograpikal), mga larawan, mga memorabilia, mga rekord, at impormasyong pangkasaysayan tungkol sa iyo at sa iyong mga kamag-anak. Ikaw ang pipili kung anong personal na datos ang isusumite, at, sa ilang sitwasyon, maaari mong piliing magsumite ng impormasyong maaaring ituring na sensitibo, gaya ng pinagmulang etnisidad, lahi, pinagmulang bansa, pinagmulang relihiyon, pagkamamamayan, medikal na impormasyon, o katayuan sa imigrasyon. Gayunpaman, hindi ka dapat magsumite o magbahagi ng anumang sensitibong datos tungkol sa mga indibidwal maliban sa iyong sarili kung buhay pa ang mga naturang indibidwal.
   

2. Datos na Isinusumite ng Iba Pang User. Gaya ng mas detalyado naming ipinapaliwanag sa ilalim ng “Kanino namin ibinabahagi ang personal na datos,” pinapahintulutan ng FamilySearch platform ang iba pang user ng Website, gaya ng mga kamag-anak mo, na isumite ang hindi sensitibong personal na datos mo bilang bahagi ng family tree o sa iba pang limitadong tool at feature. Mahalaga ang kakayahang magbahagi ng pangunahing impormasyon tungkol sa mga miyembro ng pamilya para makapagsagawa ng pananaliksik na henealohikal at para maiugnay ang mga mananaliksik sa kanilang mga family tree. Kapag nagsumite ang isang user ng personal na datos ng taong buhay pa (“Datos ng Buhay na Tao”) sa isang family tree, sa simula, tanging ang user na iyon lang ang makakakita sa Datos ng Buhay na Tao na iyon. Sa ilang limitadong sitwasyon, maaari ring maibahagi ng user ang naturang datos sa mga limitado o restricted na bahagi ng Website, na maa-access lamang ng mga takdang user bilang bahagi ng saradong grupo na maa-access sa pamamagitan ng imbitasyon lamang. Responsable ang bawat user sa sarili nilang pagpoproseso ng anumang Datos ng Buhay na Tao na isusumite o ibabahagi nila sa Website, at gagawin lamang ito para sa mga personal na layunin upang idokumento at saliksikin ang kasaysayan ng kanyang pamilya, gaya ng kinakailangan sa Kasunduan sa Pagsusumite ng Content at Mga Tuntunin sa Paggamit.
   
3. Datos na Inirerekord Namin at Mga Cookie. Kapag binisita mo ang aming mga mapagkukunan, maaaring mangolekta ang aming mga server (gamit ang mga log file o mga sistema ng pag-filter) ng impormasyong ipinapadala ng iyong web browser sa tuwing bibisita ka sa aming Website. Maaaring kasama sa impormasyong ito, pero hindi limitado sa, ang iyong Internet Protocol address (IP address), uri ng browser, operating system, piniling wika, nag-refer na web page na binisita mo bago pumasok sa aming site, petsa at oras ng bawat kahilingan ng bisita, impormasyong hinanap mo sa aming mga mapagkukunan, at iba pang impormasyong kinolekta ng mga cookie o mga katulad na teknolohiya. Sumangguni sa tool na Mga Kagustuhan sa Cookie (“Cookie Preferences”) na naka-post sa bawat isa sa aming mga mobile application at sa footer ng aming Website para matuto nang higit pa. Maaari mong piliin ang mga uri ng cookie na ginagamit namin. Kung hindi ka tatanggap ng cookies, maaaring hindi mo magamit ang ilang seksyon o function ng aming mga site o application, gaya ng nakasaad sCookie Preferences. Pakitandaan din na hindi mo maaaring i-disable ang ilang partikular na cookie na kinakailangan para sa pangunahing paggana ng Website. Sa paggamit ng aming Website, pinapahintulutan mo ang paggamit ng mga cookie ayon sa inilalarawan sa Cookie Preferences. Maaari kangtumanggi sa ilang partikular na cookie na ginagamit sa aming Website sa pamamagitan ng pag-click sa link ukol sa Cookie Preferences sa ibaba ng page na ito.
   
4. Datos ng Third Party. Kung miyembro ka ng Simbahan, at at hiniling mong i-link ang FamilySearch account mo sa iyong online account sa Simbahan, maaari naming matanggap ang personal na datos mo (hal., datos ng pagiging miyembro ng Simbahan at datos ng account sa Simbahan) mula sa kaugnay na entidad ng Simbahan.

Hanggang sa lawak na pinapahintulutan ng mga naaangkop na batas, maaari rin kaming kumuha ng henealohikal at historikal na personal na datos mula sa mga archive o iba pang available na pampublikong mapagkukunan.

3. Paano namin pinoproseso ang personal na datos mo?

Sa karamihan ng mga sitwasyon, pinoproseso namin ang personal na datos mo gamit ang mga awtomatikong paraan (awtomatikong pagpoproseso), bagama't sa ilang sitwasyon, maaari naming iproseso ang personal na datos mo nang hindi gumagamit ng mga awtomatikong paraan (manu-manong pagpoproseso), o gamit ang kombinasyon ng mga awtomatiko at manu-manong paraan ng pagpoproseso (pinaghalong pagpoproseso).

Maaaring kasama sa mga operasyon sa pagpoproseso na isinasagawa namin sa personal na datos mo, pero hindi limitado sa, ang mga sumusunod: pagkolekta, pagrerekord, pagsasaayos, pag-aayos ng estruktura, pag-iimbak, pag-aangkop o pagbabago, pagsusuri, pagbawi, pagkonsulta, paggamit, paglilipat (pagpapadala, pag-access, pagsisiwalat), kabilang ang mga paglilipat sa ibang bansa gaya ng ipinapaliwanag sa Paunawa sa Privacy na ito, pagtutugma o pagsasama-sama, pagbuo ng hango sa datos, paghihigpit, pagbubura, o pagsira sa personal na datos mo.
Hindi kami gumagawa ng mga desisyon tungkol sa iyo na batay lamang sa awtomatikong pagpoproseso, kabilang ang pag-profile, na magkakaroon ng makabuluhang epekto sa iyo. Kung magbago sa hinaharap ang paggamit namin ng mga awtomatikong teknolohiya, ia-update namin ang Paunawa sa Privacy na ito at magbibigay kami ng naaangkop na impormasyon.

4. Para sa anong mga layunin namin pinoproseso ang personal na datos?

Pinoproseso namin ang personal na datos mo kaugnay ng Website at mga serbisyong inaalok ng FamilySearch para sa mga sumusunod na layunin:

• Pagsasaliksik sa Henealohiya/Kasaysayan ng Pamilya: Para magbigay ng pagsasanay, mga mapagkukunan, at mga tool na makakatulong sa iyo at sa iyong mga kamag-anak na subaybayan ang inyong mga ninuno at angkan, buuin ang inyong family tree, magsagawa ng pagsasaliksik sa kasaysayan ng pamilya, at kumonekta sa mga miyembro ng pamilya.
• Pag-iingat sa mga Makasaysayang Rekord: Para i-digitize at i-archive ng mga makasaysayang dokumento, litrato, artifact, at pampublikong rekord para sa mga susunod na henerasyon.
• Rekord ng Kasaysayan ng Pamilya: Para irekord ang mahahalagang impormasyon tungkol sa kasaysayan ng pamilya, kasaysayan, at kultura na maaaring mawala (hal., mga pasalitang kasaysayan).
• Pakikipag-ugnayan at Pakikipagtulungan: Para mabigyang daan kang makipag-ugnayan at makipagtulungan sa iba pang user kapag nagsasagawa ng pananaliksik sa kasaysayan ng pamilya, gaya sa aming discussion feature.
• Pangangasiwa sa Website:
  
  • Para i-authenticate ang iyong pag-access sa iyong FamilySearch account at sa iba pang application at serbisyo ng FamilySearch.
  • Para makipag-ugnayan sa iyo, sagutin ang mga tanong mo, at bigyan ka ng impormasyon kaugnay ng mga isyung teknikal, panseguridad, o iba pang isyung pang-operasyon.
  • Para mabuo at pahusayin ang aming Website, mga gamit, at mga serbisyo, kabilang ang pagsubaybay ng analytics sa aktibidad mo sa Website ng FamilySearch.
  • Para abisuhan ka tungkol sa mga bagong application at serbisyo ng FamilySearch, imbitahan kang makibahagi, at abisuhan ka tungkol sa mga bagong potensyal na kamag-anak sa iyong family tree.
  • Upang maiwasan ang pagkakamali, pandaraya, o kriminal na aktibidad at maipatupad ang aming Mga Tuntunin sa Paggamit.

5. Ano ang aming legal na batayan para sa pagpoproseso ng personal na datos mo?

Sinisikap naming matiyak na mayroon kaming patas at naaayon sa batas na batayan sa pagpoproseso ng lahat ng personal na datos na kinokolekta namin. Maaaring mag-iba-iba ang aming legal na batayan para sa pagpoproseso depende sa bahagi ng Website; ang mga layuning dahilan ng pagpoproseso namin sa personal na datos mo, kabilang ang mga layuning inilarawan sa itaas sa “Para sa anong mga layunin namin pinoproseso ang personal na datos;” at sa mga lokal na legal na kinakailangan sa iyong hurisdiksyon.

Ang pangunahing legal na batayan namin para sa pagpoproseso ng personal na datos ng mga user ay ang consent o pahintulot, na kinukuha namin sa iyo kapag gumawa ka ng account sa aming Website, paminsan-minsan kapag nag-a-upload ka ng personal na datos sa aming Website, o kapag pinupunan mo ang iba pang form kung saan isinusimite mo ang personal na datos mo sa FamilySearch.

Maaari rin kaming magproseso ng personal na datos para maingatan ang aming mga lehitimong interes bilang isang nonprofit na organisasyon para sa henealohikal na pananaliksik, kabilang ang, kung kinakailangan, pagbibigay sa iyo ng platform para sa pagsasagawa at pagdokumentasyon ng henealohikal na pananaliksik at para sa pag-audit, pagsusuri ng datos, pag-troubleshoot ng system, mga legal na paghahabol, at mga obligasyong ayon sa regulasyon. Sa bawat sitwasyon, babalansehin namin ang aming mga lehitimong interes at ang iyong mga karapatan at kalayaan, at magpoproseso lamang ng datos na kinakailangan para maisakatuparan ang mga layuning inilarawan sa itaas.

Sa ilang limitado o restricted na bahagi ng aming Website, nagbibigay kami ng saradong platform kung saan pinapahintulutan ang mga user na magbahagi ng Datos ng Buhay na Tao sa maliit na grupo ng iba pang inimbitahang user, kung kinakailangan para magsagawa ng henealohikal na pananaliksik. Sa mga bahaging ito, pinoproseso ng FamilySearch sa ngalan ng mga user ang content na ginawa ng user na naglalaman ng Datos ng Buhay na Tao, alinsunod sa mga tagubilin ng user. Hindi namin pinoproseso o ginagamit ang Datos ng Buhay na Tao para sa sarili naming mga layunin o tinutukoy ang legal na batayan para sa pagpoproseso. Responsable ang bawat user sa sarili nilang pagpoproseso ng anumang Datos ng Buhay na Tao na isusumite o ibabahagi nila sa Website. Aabisuhan ka kapag nagsusumite ka ng datos sa isa sa mga bahaging ito (hal., pag-aari ng user o panggrupong tree) at papaalalahanan kang responsable ka sa anumang Datos ng Buhay na Tao na isusumite mo.

Depende sa mga lokal na kinakailangan sa iyong hurisdiksyon, kung nagpoproseso ka ng Datos ng Buhay na Tao may kaugnayan sa ganap na personal na aktibidad o aktibidad ng sambahayan, maaaring hindi ka sakop ng mga kinakailangan ayon sa batas sa privacy. Gayunpaman, sa anumang sitwasyon, dapat ay mayroon kang karapatan o pahintulot na ibahagi ang anumang Datos ng Buhay na Tao sa iba pang user alinsunod sa Kasunduan sa Pagsusumite ng Content at Mga Tuntunin sa Paggamitng FamilySearch.

6. Kanino namin ibinabahagi ang personal na datos?

Maaari mo kaming pigilan sa pagbabahagi ng personal na datos mo o limitahan ang impormasyong ibinabahagi namin sa pamamagitan ng pagbabago sa mga kagustuhan sa profile mo o sa pamamagitan ng pakikipag-ugnayan sa amin gamit ang impormasyong nakasaad sa ibaba. Ibinabahagi namin ang personal na datos mo sa iba pang partido sa mga sumusunod na sitwasyon:

1. Mga Third-party na Tagabigay ng Serbisyo. Maaari kaming magbigay ng personal na datos, kabilang ang ilan o lahat ng kategoryang tinukoy sa Paunawa sa Privacy na ito, sa mga third party para magsagawa ng mga tungkulin sa ngalan namin bilang mga tagaproseso ng datos o subprocessor (halimbawa, pagpoproseso ng pagbabayad, pagpapanatili, seguridad, pagsusuri ng datos, pagho-host, mga serbisyo sa pagsusukat, pagpapadala ng mensahe sa social media batay sa datos, mga survey, at iba pa). Sa mga ganitong sitwasyon, alinsunod sa Paunawa sa Privacy na ito at ayon sa iniaatas ng mga naaangkop na batas, iniaatas namin sa pamamagitan ng kontrata na protektahan ng mga tagabigay ng serbisyo ang personal na datos mula sa karagdagang pagproseso (kabilang ang para sa mga layunin ng marketing) at mula sa paglilipat. Para sa listahan ng mga third party na maaaring mangolekta ng ilan sa personal na datos mo gamit ang mga cookie, sumangguni sa Cookie Preferences.  
   
2. Mga Kaakibat ng Simbahan. Sa ilang limitadong sitwasyon, maaari kaming magbahagi ng limitadong personal na datos, gaya ng analytics at datos tungkol sa aktibidad mo sa Website ng FamilySearch, sa mga nag-i-sponsor na entidad ng Simbahan para mabuo at mapahusay ang aming mga serbisyo. Sa mga ganitong sitwasyon, gagawing anonymous ang personal na datos hangga't maaari. Maaari ring gumamit ang FamilySearch ng ilang ibinabahaging mapagkukunan ng Simbahan (hal., software) para pangasiwaan ang personal na datos, pero tanging ang mga kawani ng FamilySearch na may lehitimong pangangailangang malaman ang personal na datos ng FamilySearch para isulong ang mga layunin ng FamilySearch alinsunod sa Paunawa sa Privacy na ito ang makaka-access dito. Kung miyembro ka ng Simbahan at kusang-loob mong ini-link ang impormasyon mo tungkol sa pagiging miyembro ng Simbahan sa FamilySearch account mo, sumasang-ayon ka na maaaring ibahagi ng FamilySearch sa mga kaugnay na entidad ng Simbahan ang personal na datos na isusumite mo para sa layuning idokumento ang mga ordinansa at gawain sa templo.
   

3. Mga User ng Website. Para mas mahusay na maprotektahan ang iyong privacy, idinisenyo namin ang Website sa paraang pinapahintulutan lamang ang mga user na magbahagi ng Datos ng Buhay na Tao sa iba pang user ng Website sa ilang partikular na pinaghihigpitang bahagi ng Website na maa-access lamang sa pamamagitan ng imbitasyon. Sa mga pinaghihigpitang bahaging ito, maaari mong piliing gawing accessible sa iba pang user ng FamilySearch ang ilan sa opsyonal na henealohikal na impormasyong ibinibigay mo sa Website (halimbawa, ang impormasyong ina-upload mo sa iyong family tree). Kung wala kang hihilingin o gagawin, hindi gagawing accessible ng FamilySearch ang Datos ng Buhay na Tao na ibibigay mo sa sinuman maliban sa iyo, ang nagsumite. Dapat mong piliing gawin itong available (hal., kapag sumali ka sa isang grupo at nagbahagi ka ng personal na datos sa loob ng grupong iyon). Gayunpaman, hindi ka dapat maglakip sa isang public tree ng mga alaala na naglalaman ng Datos ng Buhay na Tao ng isang namatay nang tao. Nagsisikap ang FamilySearch na limitahan ang mga sitwasyon kung kailan mo puwedeng ibahagi ang Datos ng Buhay na Tao para sumunod sa mga naaangkop na batas at protektahan ang privacy ng mga kamag-anak mo.

   Gaya ng nakasaad sa itaas, ang bawat user ay may pananagutan sa sarili nilang pagpoproseso ng anumang Datos ng Buhay na Tao na isusumite o ibabahagi nila sa Website. Kapag pinili mong ibahagi ang Datos ng Buhay na Tao sa iba pang user, kinukumpirma mo na ikaw ang may pananagutan sa naturang datos; na mayroon kang karapatan o pahintulot na ibahagi ang naturang datos sa iba pang user alinsunod sa Kasunduan sa Pagsusumite ng Content at Mga Tuntunin sa Paggamit ng FamilySearch; na ibinabahagi mo ang naturang datos para lamang sa mga layuning personal at henealohikal na pananaliksik; at na sumusunod sa mga naaangkop na batas ang naturang pagbabahagi.   

   Maaari mong ibahin anumang oras ang pagpapakita ng personal na datos sa iba pang user ng FamilySearch o sa publiko sa pamamagitan ng pagbabago sa mga setting ng privacy mo o sa pamamagitan ng pakikipag-ugnayan sa amin gamit ang impormasyong ibinigay sa ibaba. Dapat itakda sa “pribado” ang lahat ng alaala na naglalaman ng Datos ng Buhay na Tao.  

   Gayunpaman, maaaring gawing available sa publiko ng FamilySearch ang ilang partikular na personal na datos na nakuha mula sa mga pampubliko at makasaysayang mapagkukunan kapag pinapahintulutan ng mga naaangkop na lokal na batas.
   

4. Mga Legal na Obligasyon. Maaari naming i-access at ibahagi sa third party ang personal na datos mo, mga post mo, mga online chat mo, mga personal na note mo, content mo, o iba pang isinusumite mo kung kami ay may tapat na paniniwala na ang paggawa nito ay kinakailangan ng isang subpoena, ayon sa utos ng hukuman o administratibong utos, o kung iniaatas ito ng batas sa iba pang paraan. Bukod pa rito, maaari naming ibahagi ang iyong personal na datos at iba pang impormasyon ayon sa kinakailangan ng batas o para gamitin o ipagtanggol ang mga legal na karapatan; para gumawa ng mga pag-iingat laban sa pananagutan; para protektahan ang mga karapatan, ari-arian, o kaligtasan ng mapagkukunan ng sinumang indibidwal o ng pangkalahatang publiko; para mapanatili at maprotektahan ang seguridad at integridad ng aming mga serbisyo o imprastraktura; para protektahan ang aming sarili at ang aming mga serbisyo laban sa mapanlinlang, mapang-abuso, o labag sa batas na paggamit; para mag-imbestiga at ipagtanggol ang aming sarili laban sa mga paghahabol o paratang ng third party; o para tumulong sa mga ahensya ng pamahalaan na nagpapatupad ng batas.

7. Saan namin ini-iimbak ang personal na datos?
Maaari naming iimbak ang iyong personal na datos sa labas ng bansa kung saan ka nakatira, kabilang sa United States, sa mga server, sa mga cloud storage solution, o sa mga lugar ng FamilySearch at ng mga kaakibat na entidad na nag-i-sponsor nito. Para matiyak ang sapat na proteksyon ng personal na datos na inililipat sa iba pang hurisdiksyon, gumagawa kami ng mga kasunduan sa paglilipat at pagpoproseso ng datos sa pagitan ng FamilySearch at ng aming mga tagabigay ng serbisyo, mga kaakibat na entidad, at mga archive kapag kinakailangan ayon sa batas. Kasama sa mga kasunduang ito sa paglilipat ang Standard Contractual Clauses na inaprubahan ng European Commission alinsunod sa batas ng EU o iba pang mga sugnay gaya ng kinakailangan ng naaangkop na batas (na maaari mong suriin kung makikipag-ugnayan ka sa amin gamit ang impormasyong nasa dulo ng Paunawa sa Privacy na ito).

8. Paano namin pinapanatiling ligtas ang personal na datos?

Gumagamit kami ng mga teknikal at pang-organisasyong hakbang upang protektahan ang personal na datos na natatanggap namin laban sa pagkawala, maling paggamit, at hindi awtorisadong pagbabago at para protektahan ang pagiging kompidensiyal nito. Regular naming sinusuri ang aming mga pamamaraan sa seguridad at isinasaalang-alang namin ang mga pinakabagong teknolohiya at pamamaraan sa seguridad. Gumagamit din kami ng kasalukuyang teknolohiya sa pag-encrypt para i-encrypt ang pagpapadala ng datos sa aming mga page sa pag-log in. Gayunpaman, dahil hindi namin magagarantiyahan ang kabuuang seguridad ng mga teknolohiya sa pag-encrypt na ito, mag-ingat sa pagpapadala mo ng personal na datos online.

9. Gaano katagal namin pinapanatili ang personal na datos?

Pinapanatili namin ang kinolektang personal na datos, kabilang ang impormasyong kinolekta sa pamamagitan ng Website at iba pang pagsusumite, hangga't kinakailangan para suportahan ang mga layuning pang-henealohiya, pangkasaysayan, at pang-istatistika na pananaliksik at pag-a-archive. Sa pangkalahatan, maliban na lang kung gagamitin mo ang karapatan sa pagbubura o pagtanggal kung kinakailangan ng naaangkop na batas, ang personal na datos ay itatabi sa loob ng mas mahabang panahon sa pagitan ng: (a) 110 taon mula sa petsa ng paggawa o pagkolekta; o (b) anumang mas matagal na panahon na kinakailangan o pinapahintulutan ng naaangkop na batas.

10. Paano mo magagamit ang iyong mga karapatan sa personal na datos?

Nagsisikap kaming panatilihing tumpak ang personal na datos at umaasa kami sa iyo para matiyak na kumpleto at tumpak ang iyong personal na datos at ang anumang Datos ng Buhay na Tao na isusumite mo. Maaari kang humiling ng access sa personal na datos mo at i-verify, iwasto, o i-update ito, at limitahan ang pagpapakita ng personal na datos mo sa pamamagitan ng pagpaparehistro na partikular sa Website, sa pamamagitan ng profile mo, o sa pamamagitan ng FamilySearch account mo, kung naaangkop. Para suriin ang mga opsyong ito, pakibisita ang mga setting ng iyong FamilySearch account dito.

Depende sa hurisdiksyon kung saan ka naninirahan, maaaring bigyan ka ng mga batas sa proteksyon ng consumer o privacy ng mga karagdagang karapatan kaugnay ng paggamit sa personal na datos mo. Maaari kang makipag-ugnayan sa amin para gamitin ang mga karagdagang karapatan ayon sa batas gamit ang impormasyong ibinigay sa ibaba. Maaaring kabilang sa mga naturang karapatan ang:

• Karapatan sa Pag-access o Karapatan na Malaman – Mayroon kang karapatang makakuha ng access sa personal na datos na hawak namin tungkol sa iyo at humiling ng ilang partikular na impormasyon tungkol sa aming pagpoproseso. Mayroon kang karapatang makatanggap ng paliwanag tungkol sa (i) dahilan kung bakit namin pinoproseso ang personal na datos mo, (ii) mga kategorya ng personal na datos na hawak namin tungkol sa iyo, (iii) kung kanino namin ibinabahagi ang personal na datos mo, (iv) kung gaano katagal namin iniimbak ang personal na datos mo, at (v) kung kanino namin natanggap ang personal na datos mo kung hindi ito direktang kinolekta mula sa iyo. Ipapaalam din namin sa iyo ang tungkol sa iyong mga karapatan sa privacy kapag kinakailangan ng naaangkop na batas.
• Karapatan sa Pagwawasto o Pag-aayos – Mayroon kang karapatang iwasto, i-update, o kumpletuhin ang anumang personal na datos na hawak namin tungkol sa iyo na hindi tumpak o hindi kumpleto. Pakitandaan na maaari naming itama o alisin ang hindi kumpleto o hindi tumpak na impormasyon anumang oras ayon sa kinakailangan o pinapahintulutan ng naaangkop na batas.
• Karapatan sa Pagbura o Pagtanggal – Maaari kang humiling na burahin o tanggalin ang personal na datos mo, kung naaangkop. Sa ganitong sitwasyon, kung walang legal na batayan o nangingibabaw na lehitimong interes para patuloy na iproseso ang personal na datos mo, buburahin namin ang personal na datos mo. Kapag naaangkop at pinapahintulutan ng batas, mayroon kang karapatang hilingin na alisin namin ang pagkakakilanlan o gawin naming anonymous ang ilang partikular na impormasyon para hindi ka na matukoy nito.
• Karapatan na Tumutol sa Pagpoproseso – Mayroon kang karapatang tumutol sa pagpoproseso namin ng personal na datos mo kapag umaasa kami sa lehitimong interes o kung pinoproseso namin ang personal na datos mo para sa mga layunin ng direktang marketing.
• Karapatan sa Paghihigpit sa Pagpoproseso – Sa ilang partikular na sitwasyon, mayroon kang karapatang pigilan kaming iproseso ang personal na datos mo maliban kung para sa mga layunin ng pag-iimbak.
• Karapatan sa Portability – Mayroon kang karapatang makatanggap, sa nakabalangkas, karaniwang ginagamit, at format na nababasa ng machine, ng personal na datos na hawak namin tungkol sa iyo, kung pinoproseso namin ito batay sa aming kontrata sa iyo o sa iyong pahintulot, o humiling na ilipat namin ang naturang personal na datos sa third party kapag posible ito ayon sa teknikal na aspeto.
• Karapatan sa Pagbawi ng Pahintulot – Maaari mong bawiin ang anumang pahintulot na ibinigay mo sa amin dati kaugnay ng pagpoproseso ng personal na datos mo anumang oras at nang walang bayad. Ia-apply namin ang mga kagustuhan mo mula roon. Hindi nito maaapektuhan ang pagiging legal ng pagpoproseso bago mo binawi ang iyong pahintulot.
• Karapatang Maghain ng Reklamo – Maaari kang maghain ng reklamo sa isang awtoridad na nangangasiwa sa proteksyon ng datos, kabilang sa bansa kung saan ka nakatira, sa lugar ng trabaho mo, o sa lugar kung saan sa palagay mo ay naganap ang isang insidente.
• Karapatan Laban sa Diskriminasyon – Hindi ka namin didiskriminahin dahil sa paggamit mo sa mga karapatan mo.
• Karapatan na Tumanggi sa Naka-target na Advertising o Pagbebenta – Kapag kinakailangan ng naaangkop na batas, maaari mong hilingin na itigil namin ang paggamit sa personal na datos mo para sa naka-target na advertising o pagbabahagi.

Maaaring mag-iba-iba ang eksaktong saklaw ng mga karapatang ito depende sa hurisdiksyon. Makipag-ugnayan sa amin kung mayroon kang anumang tanong o para gamitin ang mga karapatang ito.

Kung may ibang user na nagpoproseso o nagbabahagi ng personal na datos mo, makipag-ugnayan sa user na iyon para hilingin sa kanya na burahin o iwasto ang anumang personal na datos na isinumite o ibinahagi niya tungkol sa iyo. Responsable ang bawat user sa sarili nilang pagpoproseso ng anumang Datos ng Buhay na Tao tungkol sa ibang indibidwal na isusumite o ibabahagi nila sa Website. Maaari ka ring direktang makipag-ugnayan sa amin gamit ang impormasyon sa pakikipag-ugnayan na ibinigay sa ibaba at matutulungan ka namin sa pagwawasto o pagtanggal ng personal na datos mo kapag hiniling mo.

Kung makaranas ka ng mga problema sa pagbabago, pagtanggal, o pag-update sa personal na datos mo, puwede kang makipag-ugnayan sa amin gamit ang impormasyong ibinigay sa dulo ng Paunawa sa Privacy na ito.

11. Mga Pagbabago.

Maaaring baguhin ito paminsan-minsan. Makakatanggap ka ng abiso tungkol sa anumang pagbabago sa Website na ito.

12. Makipag-ugnayan sa amin.

Maaaring ipadala ang mga tanong tungkol sa Paunawa sa Privacy na ito o iba pang tanong mo tungkol sa aming pagpoproseso ng datos sa pamamagitan ng email, fax, o sulat sa:

E-mail: privacy@familysearch.org
Fax: 1-801-240-1187
Mail: FamilySearch Data Privacy Office
50 E. North Temple Street
Salt Lake City, UT 84150-0005
USA

Karagdagang Paunawa sa Privacy
(EEA, Turkey, Switzerland, at United Kingdom (EEA+))

Magkakabisa: Marso 24, 2026

Nalalapat lamang ang Karagdagang Paunawa sa Privacy na ito kung ikaw ay natural na tao na nakatira sa European Union, European Economic Area, Turkey, Switzerland, o United Kingdom. Isinama ito sa at bahagi ito ng Pandaigdigang Paunawa sa Privacy ng FamilySearch.

Nagbibigay ang Karagdagang Paunawa sa Privacy na ito ng karagdagang impormasyong natatangi sa rehiyon ng EEA+.

1. Mga Legal na Batayan para sa Pagpoproseso ng Personal na Datos

Kung nakatira ka sa EEA, Turkey, UK, o Switzerland, inilalarawan sa seksyong ito ang aming legal na batayan para sa pagpoproseso ng personal na datos mo:

• Pahintulot – Ito ang sitwasyon kung saan pinahintulutan mo ang paggamit sa personal na datos mo.
• Kontrata – Kailangan namin ang personal na datos mo para maibigay sa iyo ang aming mga serbisyo at maisagawa ang aming mga obligasyong nauugnay sa aming kontrata sa iyo, gaya ng paggawa at pagpapanatili ng seguridad ng account mo, o para tumugon sa mga tanong mo.
• Lehitimong Interes – Mayroon kaming lehitimong interes sa negosyo sa pagpoproseso ng personal na datos mo para maibigay sa iyo ang mga serbisyo. Umaasa lamang kami sa lehitimong interes bilang legal na batayan kung ang aming mga lehitimong interes ay hindi nakakahigit sa iyong mga pangunahing karapatan at kalayaan na nauugnay sa privacy at proteksyon ng datos. Tinitiyak naming sinusunod namin ang anumang kahilingan na gagawin mo para magamit ang mga nauugnay mong karapatan.
• Legal na Obligasyon – Maaaring may legal na obligasyon kaming iproseso ang personal na datos mo, halimbawa, para sumunod sa mga obligasyon sa buwis at accounting, at maaari naming iproseso ang personal na datos mo kapag kinakailangan para maghain, magsagawa, o magdepensa sa mga legal na paghahabol. Maaari rin naming iproseso ang personal na datos mo kapag kinakailangan para protektahan ang mga mahalagang interes mo o ng ibang indibidwal.

2. Pakikipag-ugnayan sa Controller

Makipag-ugnayan sa amin bilang controller ng personal na datos mo sa privacy@familysearch.org.

3. Opisyalsa Proteksyon ng Datos

Maaaring makipag-ugnayan sa aming Opisyal sa Proteksyon ng Datos sa:

E-mail: privacy@familysearch.org
Fax: +1-801-240-1187
Mail: FamilySearch Data Privacy Office
50 E. North Temple Street
Salt Lake City, UT 84150-0005
USA

4.Kinatawan para sa Proteksyon ng Datos

Maaaring makipag-ugnayan sa aming Kinatawan sa Proteksyon ng Datos sa:

E-mail: privacy@familysearch.org
Fax: +49 (0)69 5480 2310
Mail: Kirche Jesu Christi der Heiligen der Letzten Tage sa Deutschland
Körperschaft des öffentlichen Rechts, 
Berner Str 119,
60437 Frankfurt am Main 
Deutschland 

Mga Pandaigdigang Paglilipat ng Datos

Kung ibibigay mo sa amin ang personal na datos mo kapag ginagamit mo ang Website mula sa EEA, Turkey, UK, Switzerland, o iba pang rehiyon sa mundo na may mga batas na nangangasiwa sa pangongolekta at paggamit ng datos na maaaring naiiba sa batas ng US, kung gayon ay pakitandaan na inililipat mo ang personal na datos mo sa labas ng mga rehiyong iyon papunta sa United States para sa pag-iimbak at pagpoproseso.

Kung ililipat namin sa ibang bansa ang personal na datos mo, sisiguruhin naming may mga nauugnay na proteksyong ipinapatupad para makapagbigay ng sapat na proteksyon para sa personal na datos mo at susunod kami sa mga naaangkop na batas sa proteksyon ng datos, sa pamamagitan ng pag-asa sa desisyon sa pagiging angkop ng EU, Turkey, UK, o Switzerland, o sa mga kasalukuyang karaniwang proteksyong ayon sa kontrata para sa paglilipat ng personal na datos mo o sa derogasyon kung mayroon nito.
Ang tiyak na legal na basehan para sa internasyonal o cross-border na paglilipat ng iyong personal na datos ay inilalarawan sa iyong Mga Tuntunin sa Pagpoproseso at Paglilipat ng Datos na matatagpuan dito.

5. Mga Reklamo

Mayroon kang karapatang makipag-ugnayan sa naaangkop na nangangasiwang awtoridad anumang oras para maghain ng reklamo kaugnay ng pagpoproseso ng datos mo. Ang listahan ng mga nangangasiwang awtoridad ng EU ay matatagpuan dito. Maaaring mahanap ang lahat ng iba pang nangangasiwang awtoridad sa pamamagitan ng paghahanap sa homepage ng kanilang website.

Karagdagang Paunawa sa Privacy para sa Peru
Magkakabisa: Marso 24, 2026

Nalalapat lamang ang Karagdagang Paunawa sa Privacy na ito kung ikaw ay natural na tao na nakatira sa Peru. Isinama ito sa at bahagi ito ng Pandaigdigang Paunawa sa Privacy ng FamilySearch.
Nagbibigay ang Karagdagang Paunawa sa Privacy na ito ng mga pagsisiwalat na kinakailangan sa ilalim ng batas ng Peru.

1. Mga Legal na Batayan para sa Pagpoproseso ng Personal na Datos

Kung nakatira ka sa Peru, pinoproseso namin ang personal na datos mo ayon sa sumusunod na legal na batayan:

May Kaalamang Pahintulot: Kapag kinukuha ang personal na datos nang direkta mula sa iyo, kinukuha namin ang may kaalamang pahintulot mo kapag gumawa ka ng account sa aming Website, kapag nag-a-upload ka ng personal na datos sa aming Website, o kapag isinusumite mo sa iba pang paraan ang personal na datos mo sa FamilySearch.

2. Pagkakaroon at Pagtukoy sa Data Bank

Itatabi ang iyong personal na datos sa mga ligtas na database na naka-host sa Website, na ginagamit para patakbuhin, panatilihin, at suportahan ang serbisyong ito.

3. Pagpaparehistro

Sa Peru, ang personal na data bank kung saan nakaimbak ang personal na datos mo ay idineklara sa Pambansang Awtoridad para sa Proteksyon ng Personal na Datos (National Authority for the Protection of Personal Data) sa pamamagitan ng pagpaparehistro nito sa Pambansang Rehistro para sa Proteksyon ng Personal na Datos (National Registry of Personal Data Protection) sa ilalim ng pangalang: “MGA USER NG WEBSITE” at ng code na: EE-2025-4. Isinasagawa ang anumang pagpoproseso ng personal na datos alinsunod sa naaangkop na batas ng Peru, kabilang ang Batas Blg. 29733 (Batas ukol sa Proteksyon ng Personal na Datos) at ang mga regulasyon nito.

4. Ang Iyong Mga Karapatan at Kung Paano Gamitin ang mga Ito

Bukod pa sa mga karapatang nakasaad sa Seksyon 10 ng Pandaigdigang Paunawa sa Privacy ng FamilySearch, kung nakatira ka sa Peru, mayroon kang karapatang: (i) pigilan ang pagsisiwalat ng personal na datos mo, (ii) humingi ng lunas ayon sa nakasaad sa Batas sa Proteksyon ng Personal na Datos, (iii) hindi mapailalim sa awtomatikong pagpapasya, at (iv) makatanggap ng kabayaran, alinsunod sa Mga Artikulo 19–21 at 24–25 ng LPDP. Maaari mong gamitin ang mga karapatang ito kaugnay ng iyong personal na datos sa pamamagitan ng mga pamamaraang inilalarawan sa Seksyon 10 ng Pandaigdigang Paunawa sa Privacy ng FamilySearch.